World Gold Price                July 2011 (USD/OZ)Date    NY     London    Zurich4       1489    1489       14895       1495    1495       14966       1511    1511        15117       1527    1527       15288       1529    1529       1530Domestic Gold Price                  Kyats(Thousand)Date       Yangon     Mandalay4-7-2011    652.20   651.805-7-2011    647.00   647.006-7-2011    651.50   651.707-7-2011    657.00   657.008-7-2011    656.80   657.10

 မန်းရွှေဈေးနှုန်း ကျဆင်းသော်လည်း ရွှေပြန်သွင်းသူများပြီး ဝယ်သူနည်း             ကမ္ဘာ့ရွှေဈေးနှုန်း ကျဆင်းခြင်း၊ ဒေါ်လာဈေးအကျဈေးတွင် ငြိမ်နေခြင်းကြောင့် မြန်မာ့ရွှေဈေး ကျဆင်းလာ ကြောင်း ဈေးကွက်အတွင်းမှ သိရပါတယ်။ မြန်မာ့ရွှေဈေးနှုန်းကျဆင်းလာသော်လည်း ယခင်နှစ်များနဲ့ ကာလတူ နှိုင်းယှဉ်ပါက ဈေးကွက်အေးလျက်ရှိပြီး ရွှေပြန်သွင်းသူများ၍ ရွှေဝယ်သူနည်း ကြောင်းသိရပါတယ်။                             အောင်သမာဓိရွှေဆိုင်မှ မဇင်က ''ဒီကာလက မိုးတွင်းကာလမှာ ရွှေလုပ်ကွက်လျော့လို့ ပစ္စည်းရှား သွားပြီး ဈေးတက်ရမယ့်အချိန်ဖြစ်ပေမယ့် ပြန် ရောင်းတဲ့သူများလို့ ဈေးကွက်မှာ ရွှေ များများရှိနေတာ။ ကျောင်းဖွင့်ချိန်၊ ဆိုင် လုပ်ငန်းအတွက် ငွေအဖြစ်မြန်တဲ့ရွှေကိုပြန်ရောင်းတာများတယ်။ ရွှေလှော်တဲ့ သူတွေက မိုးတွင်းမှာ အရောင်းနည်းလို့ အထွက်နည်းချိန်၊ ဒီကာလမှာ မြေဈေးကွက်ကလည်း အေးနေလို့ ရွှေပဲပြန် ရောင်းလာကြတာ။ အရင်က ကမ္ဘာ့ရွှေ ဈေးကြည့်ပြီး မြန်မာ့ရွှေဈေးဖြစ်ခဲ့တာ။ ခုကာလမှာ ကမ္ဘာ့ရွှေဈေးတင်မက ဒေါ်လာဈေး ပါကြည့်ပြီး မြန်မာ့ရွှေဈေး ဖြစ်လာတယ်''လို့ ပြောပါတယ်။ ယခုလတွင် အမ်ပိုရီယမ် ကျောက် မျက်ပွဲပြုလုပ်လျက်ရှိရာ ငွေရင်းနှီး ထားတဲ့ ကျောက်မျက်ကုန်သည်များ ပွဲတော်ဘက်လှည့်၍ ရင်းနှီးမြှုပ်နံှလျက် ရှိခြင်း၊ ဒေါ်လာဈေးမှာ အကျတွင်အေးနေခြင်း၊ ကမ္ဘာ့ရွှေဈေး ကျဆင်းနေခြင်း ကြောင့် မြန်မာ့ရွှေဈေးမှာ ဆက်၍ကျ ဆင်းပြီး ဈေးကွက်အေးနိုင်ကြောင်း၊ မန္တလေးမြို့ရှိ ရွှေဆိုင်များ၊ ရွှေကုန် သည်များမှ ခန့်မှန်းသုံးသပ်ပါတယ်။ ဇွန် ၃ဝ ရက်မှာ နိုင်ငံ့ဝန်ထမ်းဟောင်းများ ရဲ့ ပင်စင်လစာများ တိုးမြှင့်ကြောင်း ကြေညာချက်ထုတ်ပြန်ပြီးနောက် ရွှေ ဝယ်သူများရဲ့ ဈေးကွက်ကစားခြင်းကြောင့် မြန်မာ့ရွှေဈေးမှာ ဇွန်လ ၂၉ ရက်က အောင်သမာဓိအခေါက် တစ် ကျပ်သားလျင် ကျပ် ၆၅၄ဝဝဝရှိခဲ့ရာမှာ ၃ဝ ရက်တွင် ကျပ် ၆၅၇ဝဝဝ ဈေးဖြင့် ဈေးပိတ်ခဲ့ပါတယ်။ ဇူလိုင် ၁ ရက်မှာ ဈေးကစားမှု မထိရောက်ခြင်းကြောင့် ရွှေဈေးပြန်လည်ကျဆင်းခဲ့ရာ အဖွင့် ဈေး ကျပ် ၆၅၅၅ဝဝ ဖြင့်ဖွင့်၍ ညနေ ပိုင်းတွင်း ကျပ် ၆၅၃ဝဝဝ ဈေးဖြင့် ဈေး ပိတ်ခဲ့ပါတယ်။ ဇူလိုင် ၂ ရက်မှာ ဈေး နှုန်းဆက်၍ကျဆင်းခဲ့ရာ ကျပ်၆၅၁၅ဝဝ ဈေးထိ ကျဆင်းလာခဲ့ပါတယ်။ ကမ္ဘာ့ ရွှေဈေးနှုန်းမှာ ဇွန်လနောက်ဆုံးပတ်က တစ်အောင်စကို ၁၄၉၈ ဒေါ်လာရှိခဲ့ရာ မှ ဇူလိုင် ၂ ရက်တွင် ၁၄၈၇ ဒေါ်လာ အထိ ကျဆင်းလာကြောင်း သိရပါတယ်။ ဇူးဇူး

ပုံမှန်အသွင်းရှိတဲ့ ဓာတ်ဆီ                 ဇွန်လ ၂၉ ရက်မှ ဇူလိုင်လ ၅ ရက်ထိကာလအတွင်း ကော့သောင်းနယ်စပ်မှ ကန်ဒေါ်လာ ၁ ဒသမ ဝ၁၉ သန်း တန်ဖိုးရှိ ဓာတ်ဆီ ၅၂၃၆ ဂါလန်နဲ့ တင်သွင်းမှု ရှိခဲ့ပြီး ယခင်အပတ်ကတင်သွင်းတဲ့ ပမာဏအတိုင်း ပြောင်းလဲမှုမရှိတာ တွေ့ရ ပါတယ်။ ဒီဇယ်ဆီကိုတော့ ကန်ပိုက်တီးမှ ၂၄၇ဝ၂၃ ဂါလန်နဲ့ တာချီလိတ်မှ ၆၄ဝ၉၆ ဂါလန် တန်ဖိုးအားဖြင့် ကန်ဒေါ်လာ ဝ ဒသမ ၃၇၄ သန်းဖိုး တင်သွင်းခဲ့ပါတယ်။ ယခုအပတ်မှာ ဒီဇယ်တင်သွင်းမှုဟာ ယခင်အပတ်ကထက် ဂါလန် ၁၂ သိန်းကျော် လျော့နည်းတင်သွင်းခဲ့ပါတယ်။ ပြည်တွင်း လက်လီအရောင်းအဝယ်ဈေး               ပြည်တွင်းစက်သုံးဆီ လက်လီအဝယ် တစ်ဂါလန်ဈေးကတော့ အောက်ပါအတိုင်း ဖြစ်ပါတယ်- ဇူလိုင်လ ၂ဝ၁၁          ဝယ်ဈေးဓာတ်ဆီ(ကျပ်)        ဝယ်ဈေးဒီဇယ်(ကျပ်)ရက်       ရန်ကုန်     မန္တလေး            ရန်ကုန်    မန္တလေး၄          ၃၆ဝဝ        ၄၂ဝဝ              ၃၂ဝဝ      ၃၅ဝဝ၅          ၃၆ဝဝ        ၄၂ဝဝ              ၃၂ဝဝ      ၃၅ဝဝ၆          ၃၈ဝဝ       ၄ဝဝဝ               ၃၂ဝဝ      ၃၅ဝဝ၇          ၃၈ဝဝ       ၄ဝဝဝ               ၃၂ဝဝ      ၃၅ဝဝ၈          ၃၈ဝဝ        ၄ဝဝဝ              ၃၂ဝဝ      ၃၅ဝဝ           ရန်ကုန် ပုဂ္ဂလိက စက်သုံးဆီဆိုင်များ၏ စက်သုံးဆီ အရောင်းဈေးနှုန်းများ မှာ အောက်ပါအတိုင်းဖြစ်ပါသည်-                                                                ဇူလိုင်လ ၂ဝ၁၁ရက်       အောက်တိန်း     ဓာတ်ဆီ     ဒီဇယ်         အဆင့်မြင့်ဒီဇယ်၄             ၃၈ဝဝ           ၂၅ဝဝ        ၃၆ဝဝ             ၃၉ဝဝ၅            ၃၈ဝဝ            ၂၅ဝဝ       ၃၆ဝဝ              ၃၉ဝဝ၆            ၃၈ဝဝ            ၂၅ဝဝ       ၃၆ဝဝ              ၃၉ဝဝ၇            ၃၈ဝဝ            ၂၅ဝဝ       ၃၆ဝဝ             ၃၉ဝဝ၈            ၃၇ဝဝ            ၂၅ဝဝ       ၃၆ဝဝ             ၃၉ဝဝMIRT-DOT

 အိန္ဒိယ ပဲမျိုးစုံစိုက်ဧရိယာ ကျဆင်းဖွယ်ရှိ             ယခင်နှစ်က တမီနာဒူးပြည်နယ် Villupuram ခရိုင်ရှိ Ulundurpethai စိုက်ပျိုးရေးထုတ် ကုန်ဈေးကွက် ကော်မတီဝင်းမှာ မတ်ပဲဈေးက တစ်တန် ရူပီး ၅ဝဝဝဝ(ကန်ဒေါ်လာ ၁၁၁၅) နီးပါး ရှိခဲ့ပေမဲ့ ယခုအခါမှာတော့ ရူပီး ၄၂၅ဝဝ (ကန် ဒေါ်လာ ၉၄၈)သာရှိတယ်လို့ ဆိုပါတယ်။ ပဲစင်းငုံ၊  ပဲတီစိမ်းလို အခြားပဲဈေးတွေလည်း အဲဒီလိုအခြေ အနေရှိနေပါတယ်။ လွန်ခဲ့တဲ့တစ်လအတွင်း မတ်ပဲ ဈေးက တစ်တန်ကို ရူပီး ၁ဝဝဝဝ (ကန်ဒေါ်လာ ၂၂၃) ကျဆင်းခဲ့တယ်လို့ တမီနာဒူး ပဲမျိုးစုံတင် သွင်းသူများအသင်း အတွင်းရေးမှူး Mr.B Krishnamurthy က ဆိုပါတယ်။             မတ်ပဲလို ပဲမျိုးစုံဈေးနှုန်း ဆက်လက်ကျ ဆင်းနေဦးမယ်ဆိုရင် တောင်သူတွေဟာ အခြား ငွေပိုရတဲ့ ဝါဂွမ်း သို့မဟုတ် ဆီထွက်သီးနံှတွေကို ပြောင်းလဲစိုက်ပျိုးလာကြမယ်လို့လည်း ဆိုပါတယ်။ ဗဟိုအစိုးရက မိုးပဲမျိုးစုံအတွက် အနိမ့်ဆုံးထောက် ပံ့ဈေးနှုန်း (MSP) ကိုတိုးမြှင့်မယ်လို့ ကြေညာထားပါတယ်။ ဒါပေမဲ့လွန်ခဲ့တဲ့ နှစ်အနည်းငယ်ကတည်း က ဈေးကွက်ပေါက်ဈေးဟာ MSP  ထက် အမြဲ တမ်းပိုမိုမြင့်မားနေပါတယ်။                 အဲဒီလို အကြောင်းအရာတွေက ပဲမျိုးစုံစိုက် ဧရိယာ ကျဆင်းဖို့ ဖြစ်စေပါတယ်။ ယခင်နှစ်က ဈေးကွက်ပေါက်ဈေးမြင့်တက်ခဲ့တာကြောင့် ပဲမျိုးစုံ စိုက်ဧရိယာတိုးတက်ခဲ့ပါတယ်။ အဲဒါကြောင့်လည်း ကမ္ဘာ့ပဲဈေးတွေ ကျဆင်းဖို့ ဖြစ်လာခဲ့ပါတယ်။ အနောက်တောင်မုတ်သုံမိုးနဲ့အတူ မိုးပဲမျိုးစုံ စိုက်ပျိုးနေပြီဖြစ်ပြီး စိုက်ပျိုးရေးဝန်ကြီးဌာနရဲ့ စာရင်း အရ ပဲမျိုးစုံစိုက်ပြီး ဧရိယာဟာ ယခင်နှစ်ကာလ တူက ဟက်တာ ၄ဒသမ ဝ၉သိန်းရှိခဲ့ရာမှ ၈ ရာခိုင် နှုန်းကျဆင်းပြီး ဟက်တာ ၃ ဒသမ ၇၇ သိန်းသာ ရှိတယ်လို့ ဆိုပါတယ်။               အင်ဒရာပရာဒေ့ရှ်မှာ ပဲစင်းငုံစိုက် ဧရိယာ ဟာ ၃ဝ ရာခိုင်နှုန်းကျဆင်းပြီး ဟက်တာ ၄၉၁၈၊ ပဲတီစိမ်းစိုက် ဧရိယာ ၃၁ ရာခိုင်နှုန်းကျဆင်းပြီး ဟက်တာ ၈၂၅၉ ရှိပြီး မတ်ပဲကတော့ ၂၄ ရာခိုင် နှုန်း မြင့်တက်ပြီး ဟက်တာ ၉၇၄ စိုက်ပြီး သွားပြီလို့ သိရပါတယ်။ ကာနာတာကာမှာ ပဲမျိုးစုံစိုက်ပျိုးပြီး စီးမှုဟာ ဟက်တာ ၂ ဒသမ ၂၂ သိန်းရှိတဲ့အနက် ပဲစင်းငုံ စိုက်ပျိုးလျာထား ဟက်တာ ၈ ဒသမ ၆ သိန်းမှာ ဟက်တာ ဝ ဒသမ ၄၃ သိန်း၊ မတ်ပဲလျာ ထားဟက်တာ ၁ ဒသမ ၂၅ သိန်းမှာ ဟက်တာ ဝ ဒသမ ၂၂ သိန်း ၊ ပဲတီစိမ်းလျာထားဟက်တာ ၃ ဒသမ ၈ သိန်းမှာ ဟက်တာ ၁ဒသမ ၁၄ သိန်း စိုက်ပျိုးပြီးပြီလို့ သိရပါတယ်။               ကာနာတာကာ စိုက်ပျိုးရေးဌာနမှ ဝါရင့် အရာရှိများ ပြောကြားချက်အရ ယခင်နှစ်ထက်ပိုမို ပြီး အချို့သီးနံှများကို ပိုမိုပြောင်းလဲစိုက်ပျိုးလာ ကြတယ်လို့ ဆိုပါတယ်။ ရေသွင်းစနစ်များက ပဲစင်းငုံအထွက်နှုန်း တိုးအောင်အားပေးနေတယ်လို့ ဆိုပါတယ်။ အမှန်တော့ ကာနာတာကာမှာ ဝါဂွမ်းမျိုးစေ့ရောင်းချမှု ပြတ်လပ်တာကြောင့် တောင်သူ များဟာ ပဲမျိုးစုံကို ပြောင်းလဲစိုက်ပျိုးလာကြတယ် လို့ ဆိုပါတယ်။                 မိုးနည်းပါးမယ်ဆိုရင် စိုက်ပျိုးစရိတ်တွေ မြင့်တက်နိုင်ပါတယ်။ ပဲမျိုးစုံထွက်ရှိမှု ခန့်မှန်းချက် က လက်ရှိအချိန်မှာ ကောင်းနေပေမဲ့ ရလဒ်က တော့ မုတ်သုံမိုးတိုးတက်မှုအပေါ် မူတည်နေတယ် လို့ Karvy Comtrade မှ အကြံပေးMs.Smita Sinha  ကဆိုပါတယ်။ ပြည်တွင်းပဲဈေးက နိုင်ငံ တကာ ဈေးထက်နိမ့်ကျနေတာဟာ မဖြစ်သင့်ပါ ဘူးလို့ ပဲမျိုးစုံတင်သွင်းသူများအသင်း ဒုတိယ ဥက္ကဋ္ဌ   Mr Suresh Agarwal က ဆိုပါတယ်။ မတ်ပဲ၊ ပဲစင်းငုံနဲ့ ပဲတီစိမ်းတို့ဟာ လတ်တလော နိုင်ငံအတွင်း အရန်သိုလှောင်မှုနဲ့ လုံလောက်နေတဲ့ အတွက် တင်သွင်းမှု မရှိဘူးလို့လည်း၎င်းကဆိုပါ တယ်။ ယမင်းခင်၊Source: hindubusiness