နိုင်ငံတော်၏ စီးပွားရေး စဉ်ဆက်မပြတ်ဖွံ့ဖြိုးတိုးတက်မှုကို ရရှိစေရန်အတွက် အဓိကအားဖြင့် နိုင်ငံတော်၏ ထုတ်လုပ်မှုစွမ်း အား တိုးတက်မြင့်မားမှုရှိရန် လိုအပ်သည်။ နိုင်ငံတော်၏ ထုတ်လုပ် မှုစွမ်းအား မြင့်မားလာစေရေးအတွက် နိုင်ငံတော်တွင် လူသား အရင်းအမြစ်များအား ခေတ်မီနည်းပညာများကို အသုံးပြုနိုင်အောင် လေ့ကျင့်မွေးထုတ်ပေးပြီး ခေတ်မီနည်းပညာများကို အသုံးပြုရန် လိုအပ်သည်။
နည်းပညာများ ဖွံ့ဖြိုးတိုးတက်လာမှုနှင့်အတူ ထုတ်လုပ်မှု စွမ်းအားကို မြင့်မားစေရန်ဆောင်ရွက်နေသည်ကို ဖွံ့ဖြိုးဆဲနှင့် ဖွံ့ဖြိုး ပြီးနိုင်ငံအနှံ့အပြားတွင် တွေ့မြင်ရမည်ဖြစ်သည်။ နိုင်ငံတော်သည် စိုက်ပျိုးရေးကို အခြေခံသော နိုင်ငံဖြစ်သဖြင့် အဓိက စီးပွားရေးကဏ္ဍ မှာ လယ်ယာကဏ္ဍဖြစ်ပြီး စားနပ်ရိက္ခာ ဖူလြွုံကယ်ဝရေးအတွက် သားငါးကဏ္ဍ သည်လည်း အရေးပါသလို လက်မှုလယ်ယာမှ စက်မှု လယ်ယာ ွှှု နည်းပညာစနစ်သို့ အသွင်ကူးပြောင်း လုပ်ဆောင်နေ ကြပြီဖြစ်သည်။
နိုင်ငံတော်၏ ကုန်သွယ်မှုစွမ်းအားကို တိုးတက်မြင့်မားစေရန် တန်ဖိုးမြှင့်ထုတ်ကုန်များ ((Value Added Product))ကို အရည်အသွေး ကောင်းများ၊ ဈေးနှုန်းချိုသာစွာဖြင့် ထုတ်လုပ်အသုံးပြုပါက ထုတ် ကုန်များကို ပြည်ပသို့ ရောင်းချနိုင်မည့်အပြင် နိုင်ငံတော်အတွက် ပို့ကုန်အမယ်များရရှိလာပြီး စီးပွားရေး ဖွံ့ဖြိုးတိုးတက်မှုကို အထောက်အကူ ပြုစေမည်ဖြစ်သည်။ ထို့ကြောင့် လူသားတို့အတွက် အသုံးပြုစရာ ပစ္စည်းအမျိုးမျိုးရရှိနိုင်သော အုန်းပင်အကြောင်း လေ့လာသိရှိခဲ့ရသည်။ အသုံးပြုစရာ ပစ္စည်းအမျိုးမျိုး ရနိုင်သော အုန်းပင်ကို ပဒေသာပင်ဟု တင်စားခေါ်ကြ သည်။ စီးပွားကုန်သွယ် ရေးသမားများက ကမ္ဘာပေါ်တွင် အုန်းပင်ထက် အသုံးဝင်သော အပင်မရှိဟု တင်စားပြောဆိုကြသည်။
လူသားတို့ စားသုံးနိုင်သော အသုံးပြုနိုင်သော အုန်းပင်ကို နေရာဒေသမရွေး စိုက်ပျိုးကြောင်းသိရသည်။ အုန်းပင်သည် ထန်း ပင်၊ ပေပင်တို့နှင့် ဆင်တူသည်။ ၁၂ ရာသီ အမြဲစိမ်းလန်းနေပြီး ဖြောင့်မတ်၍ မြင့်မားသော ပင်စည်ရှိသည်။ အုန်းပင်တစ်ပင်တွင် အုန်းလက် ၂၀ မှ ၂၅လက်အထိရှိနိုင်သည်။ အုန်းလက် တစ်လက် သည် ၁၀ ပေမှ ပေ ၂၀ အထိ ရှည်လျားကြောင်းသိရသည်။ သာမန် အုန်းပင်များမှာ ခြောက်နှစ်၊ ခုနစ်နှစ်ခန့်မှ အသီးသီးသည်။ အသီး လှိုင်လှိုင်သီးသည့် အရွယ်မှာ ၁၅ နှစ်သားခန့်တွင် လှိုင်လှိုင်သီး ကြောင်း သိရသည်။ နှစ် ၇၀ မှ ၈၀ အထိ သက်တမ်းရှည်ကြောင်း သိရသည်။ နှစ်စဉ် တစ်ပင်လျှင် ပျမ်းမျှအသီး ၅၀ မှ ၆၀ အထိ သီး လေ့ရှိသည်။ တစ်နှစ်လျှင် အသီး ၂၀ဝ ထွက်သော အုန်းမျိုးနှင့် သုံး နှစ်လျှင် အသီးသီးသော အုန်းမျိုးလည်းရှိသည်။ အုန်းပင်စိုက်ထား လျှင် တစ်သက်လုံး အမြတ်ရသွားနိုင်သော အပင်မျိုးဖြစ်သည်။
အုန်းပင်တစ်ပင်လုံး အမျိုးမျိုးအသုံးချနိုင်ကြောင်း သိရသည်။ ယခုကဲ့သို့စက်မှု၊ လက်မှုထွန်းကားသောအချိန်တွင် အုန်းပင်နှင့်ပတ် သက်သော အရာများကို ပိုမိုကျယ်ပြန့်စွာ အသုံးပြုလာကြသည်။အုန်းအပေါ်ခွံကို အုန်းဆံပြုလုပ်၍ အုန်းဆံကြိုး၊ ခြေသုတ်ဖုံ၊ အုန်းခွံ နှင့်ပြုလုပ်သော တံမြက်စည်း၊ ကော်ဇော၊ မွေ့ရာ၊ ထိုင်ခုံ အမျိုးမျိုး ပြုလုပ်ရနိုင်ကြောင်းသိရသည်။ အုန်းမှုတ်ခွံ (အစေ့ခွံ)ကို ကြယ်သီး၊ ပုတီးကုန်း၊ စိပ်ပုတီးများလည်း ပြုလုပ်ကြကြောင်း သိရသည်။ အုန်းသီး၏ အတွင်းသား အုန်းသီးဆံကို မုန့်များပြုလုပ်ရာတွင် ထည့် သွင်း၍ အသုံးပြုကြသလို ဆီကြိတ်၍ ခေါင်းလိမ်းရန်၊ ဟင်းချက်ရန်၊ ဆပ်ပြာချက်ရန် အသုံးပြုကြသည်။
အုန်းလက်မှ နေအိမ်အဆောက်အအုံများ၊ တံမြက်စည်း၊ တောင်း၊ ပလုံးစသော အိမ်သုံးပစ္စည်းအမျိုးမျိုးကို အုန်းပင်ထွက် ပစ္စည်းများမှ ပြုလုပ်ကြသည်။ အုန်းထွက်ပစ္စည်းများထဲမှ အုန်းသီး ဆံခြောက်သည် ကမ္ဘာ့ဈေးကွက်အထိ ထိုးဖောက်နိုင်ကြောင်း သိရ သည်။ အုန်းသားခြောက်တွင် အုန်းဆီပါဝင်မှုရာခိုင်နှုန်း ၅၀ မှ ၆၀ အထိရှိနိုင်သည်။ အုန်းသားခြောက်မှ အုန်းဆီဖြင့် ဆပ်ပြာချက် လုပ်ခြင်း၊ ထောပတ် ချက်လုပ်ခြင်း၊ ဖယောင်း တိုင်နှင့် လိမ်းဆေးများ ပြုလုပ်ရာတွင် ထည့်သွင်းအသုံးပြုကြသည်။ ဆီထုတ်ယူပြီးသော အုန်းသားခြောက် အဖတ်များကို နွားစာအဖြစ် အသုံးပြုကြကြောင်း လည်း သိရသည်။
မြန်မာနိုင်ငံတွင် အုန်းပင်ကိုသာမက အုန်းသီးတစ်လုံးကိုပင် အမျိုးမျိုး အသုံးပြုကြသည်။ မြန်မာလူမျိုးတို့၏ ထုံးတမ်းစဉ်လာ ပွဲသဘင်များ၊ အမွန်မြတ်ထားသည့် ကန်တော့ပွဲများတွင် အုန်းပွဲ များ ထိုးကြသည်။ ထုံးတမ်းစဉ်လာအရ အုန်းသီး၊ အုန်းပန်း၊ အုန်းရွက် တို့သည် မပါလျှင်မပြီးသော ပစ္စည်းများဖြစ်သည်။ မြန်မာမုန့်များ တွင်လည်း အုန်း အတွင်းသား(အုန်းသီးဆံ)အုန်းနို့၊ အုန်းရည်တို့ကို ထည့်၍ နှစ်ခြိုက်စွာ စားသုံးကြသည်။
မြန်မာနိုင်ငံတွင် စီးပွားဖြစ်အုန်းခြံများအဖြစ် အသုံးပြုမှု နည်း နေသေးသော်လည်း တစ်ပိုင်တစ်နိုင် စိုက်ကွင်းများတွင် စိုက်ပျိုး လျက်ရှိသည်သာမက နေအိမ်ခြံဝင်းအတွင်း တစ်ပင်စ၊ နှစ်ပင်စ အိမ်တိုင်းလိုလိုတွင် စိုက်ပျိုးကြသည်။ ကမ္ဘာပေါ်တွင် အုန်းအများဆုံး စိုက်ပျိုးသည့် နိုင်ငံများထဲတွင် မြန်မာနိုင်ငံသည်လည်း ပါဝင်ကြောင်း သိရသည်။
အုန်းပင်မှ ထုတ်လုပ်ရရှိနိုင်သော ပစ္စည်းများ-
(က) လတ်ဆတ်သော အုန်းသီး
ပြည်တွင်းဈေးကွက်တွင် အရောင်းရဆုံး အသီးဖြစ်သည်။ အုန်းစိမ်းရည်သောက်သုံးမှုမှသည် ဘုရားပွဲ၊ နတ်ပွဲ၊ အထိမ်း အမှတ်ပွဲများအထိ အသုံးပြုပြီး အုန်းသကြား၊ အုန်းဂျယ်လီ၊ အုန်းသီးကိုခြစ်၍ မုန့်ပဲသရေစာများ ပြုလုပ်ရာတွင် အသုံး ပြုကြသည်။
(ခ) အုန်းဆီ
မြန်မာနိုင်ငံတွင် ခေါင်းလိမ်းဆီအနေဖြင့် အများဆုံး အသုံးပြု ကြပြီး စားသုံးဆီအနေနှင့် အသုံးပြုမှု နည်းနေဆဲဖြစ်သည်။
(ဂ) အုန်းနို့
အုန်းနို့ကိုမူ အုန်းနို့ခေါက်ဆွဲ၊ အုန်းထမင်းနှင့် အုန်းနို့ကျောက် ကျောများပြုလုပ်ရာတွင် အသုံးပြုကြသည်။
(ဃ) အုန်းဆံသားခြောက်
အုန်းသီးဆံများမှ ပရုတ်ဆီ၊ ဆပ်ပြာ၊ ခေါင်းလျှော်ရည်၊ အလှ ကုန်အမျိုးမျိုး၊ လူသုံးကုန်အမျိုးမျိုး ထုတ်လုပ်နိုင်ကြောင်း သိရသည်။
(င) အုန်းသီးခွံ
အုန်းခွံများကို ]အုန်းမှုတ်ခွက်နင်း၊ ရောဂါကင်း}ဟူသော ဆောင်ပုဒ်နှင့်အညီ အုန်းမှုတ်ခွက်များကိုလှပ သေသပ်စွာ ကျန်းမာရေးနှင့်လျော်ညီအောင် ပြုပြင်ပြီး ဈေးကွက်တွင် ရောင်းချသည်။
(စ) အုန်းတံမြက်စည်း
အုန်းတံမြက်စည်းကို မိသားစု တစ်နိုင်တစ်ပိုင်လုပ်ငန်းများဖြင့် ဈေးကွက်သို့ ရောင်းချကြသည်။ အမှိုက်လှည်းရန် အသုံးဝင်သောကြောင့် စီးပွားဖြစ် လုပ်ကိုင်ကြသည်။ အုန်း တံမြက်စည်း တစ်ချောင်းလျှင် ကျပ် ၄၅၀ဝ - ၅၀ဝ၀ ဖြင့် ဈေး ကွက်တွင် ဝယ်ယူရရှိနိုင်သည်။
မြန်မာနိုင်ငံ ဒေသအလိုက် အုန်းသီးစိုက်ပျိုးထုတ်လုပ်မှု အခြေ အနေအရ ပဲခူးတိုင်းဒေသကြီး အတွင်းတွင် စိုက်ဧက ၆၆၉၂ ဧက စိုက်ပျိုးပြီး တစ်ဧကတွင် အလုံးအရေအတွက် ၄ ဒသမ ၇၅၉ ထွက်ရှိ ကြောင်း သိရသည်။ ဈေးကွက်အတွင်း ရောင်းချနေသော အုန်းသီး ဈေးနှုန်းများမှာ ကျပ် ၅၀ဝ၀ - ၅၅၀ဝဖြစ်ကြောင်းသိရသည်။
ထို့ကြောင့် (MSMES) စီးပွားရေး လုပ်ငန်းများဖြစ်သော အသေးစား၊ အလတ်စား၊ စီးပွားရေးလုပ်ငန်းများ တန်ဖိုးမြှင့် ထုတ် ကုန်များကို ထုတ်လုပ်ဖြန့်ဖြူးပြီး ပြည်ပသို့ တင်ပို့နိုင်အောင် ကြိုးစား ပြီး ပြည်ပဝင်ငွေကိုလည်း ရရှိအောင်ဆောင်ရွက်နိုင်မည်ဖြစ်သည်။ စီးပွားရေးလုပ်ငန်းရှင်များအနေဖြင့် အုန်းပင်များ စိုက်ပျိုးပြီး တန်ဖိုး မြှင့်ထုတ်ကုန်များ ပိုမိုထုတ်လုပ်နိုင်ရေးကို လုပ်ဆောင်သွားကြရန် တိုက်တွန်းအကြံပြုလိုက်ရပါသည်။
သင်းသင်းအောင် (ပြည်)