လူတို့၏ စားဝတ်နေရေးအတွက် နေ့စဉ် ဆောင်ရွက်ရမှုများ တွင်လည်းကောင်း၊ စီးပွားရေးလုပ်ငန်းများကို ကိုယ်တိုင်လုပ်ကိုင်ရာ တွင်လည်းကောင်း၊ ဝယ်ယူစားသုံးခြင်း၊ သုံးစွဲခြင်းပြုလုပ်ရာတွင် လည်းကောင်း၊ ကုန်ပစ္စည်း သို့မဟုတ် ဝန်ဆောင်မှုတို့ကို မဖြစ်မနေ ဆောင်ရွက်နေကြရသည်သာဖြစ်သည်။ ထိုသို့ နေ့စဉ်ဆောင်ရွက်နေ သောကိစ္စများတွင် ဝန်ဆောင်မှုရောင်းဝယ်ခြင်းဆိုင်ရာလုပ်ငန်း များသည်လည်းပါဝင်မှုမနည်းလှသည်ကိုတွေ့နိုင်သည်။ ဝန်ဆောင်မှု လုပ်ငန်းများသည် နေ့စဉ် မဖြစ်မနေ ထိတွေ့အသုံးပြုနေရသဖြင့် မိမိတို့ဝယ်ယူအသုံးပြုနေရသည့် ဝန်ဆောင်မှုကဏ္ဍအကြောင်းကို ရှင်းရှင်းလင်းလင်း သိရှိနားလည်ရန် လိုအပ်လာသည်။
ထုတ်ကုန်နှင့် ဝန်ဆောင်မှု ကွာခြားချက်မှာ ထုတ်ကုန်ကို ထိတွေ့၍ရသည်။ ဝန်ဆောင်မှုကို ထိတွေ့၍မရဟု နားလည်ထား သည်။ထုတ်ကုန်ကို ဝယ်ယူချိန်တွင် ပိုင်ဆိုင်မှုကိုလွှဲပြောင်းနိုင်သည်။ ဝန်ဆောင်မှုတွင် ပိုင်ဆိုင်မှုကို ယေဘုယျအားဖြင့် လွှဲပြောင်းခြင်းမရှိ။ ထုတ်ကုန်ကိုတစ်ဆင့် ပြန်လည်ရောင်းချ၍ရသော်လည်း ဝန်ဆောင် မှုကို ပြန်လည်ရောင်းချရန်မှာမဖြစ်နိုင်ပါ။ ဝယ်ယူခြင်းမပြုမီ ထုတ် ကုန်ကို ပြသနိုင်သည်။ ဝယ်ယူခြင်း သို့မဟုတ် တန်ဖိုးပေးဆောင် ခြင်းမပြုမီ ဝန်ဆောင်မှုမှာ မြင်ရနိုင်ခြင်းမရှိသေးပါ၊ မတည်ရှိနိုင် သေးပါ။ ဆင်တူ နမူနာကိုသာပြနိုင်သည့်အခြေအနေရှိသည်။ ကုန် ပစ္စည်းကို ဂိုဒေါင်တွင် သိုလှောင်နိုင်သည်။ သို့သော် ဝန်ဆောင်မှုကို သိုလှောင်မထားနိုင်ပါ။
ထုတ်ကုန်ကို မသုံးစွဲမီ၊ မရောင်းချမီ ကြိုတင်ထုတ်လုပ်ထားရ သည်။ ဝန်ဆောင်မှုတွင် ထုတ်လုပ်ခြင်းနှင့်သုံးစွဲခြင်းမှာ တစ်ပြိုင်နက် ဖြစ်ပေါ်ခြင်းသာဖြစ်သည်။ ထုတ်ကုန်ကို သယ်ယူတင်ပို့နိုင်ပါသည်။ ဝန်ဆောင်မှုကို ထိုသို့မပြုလုပ်နိုင်ပါ။ (သို့သော် ထုတ်လုပ်သူများကိုမူ ပို့ဆောင်နိုင်ပါသည်။) ကုန်ပစ္စည်းကို ထုတ်လုပ်မှုသည်ရောင်းချရန် အတွက်ဖြစ်သကဲ့သို့ ဝန်ဆောင်မှုကို ထုတ်လုပ်သည့်ဖြစ်စဉ်တွင် ဝယ်ယူမှုသည် တိုက်ရိုက်ပါဝင်ပတ်သက်သည်။ ကုန်ပစ္စည်းတွင် ရောင်း သူနှင့် ဝယ်သူကြားတွင် တိုက်ရိုက်မဟုတ်သော ဆက်သွယ်မှု ဖြစ်တည်နိုင်သည်။ တစ်နည်းဆိုရလျှင် ထုတ်လုပ်သူသည်ရောင်းချ သူဖြစ်နိုင်သော်လည်း ဝယ်ယူသူသည် ကိုယ်တိုင်သုံးစွဲရန် ဖြစ်နိုင် သကဲ့သို့ တစ်ဆင့်ရောင်းချမည့်သူ ကုန်သည်၊ ပွဲစားလည်း ဖြစ်နိုင် သည်။
ထို့အပြင် ရောင်းချသူသည် ထုတ်လုပ်သူဖြစ်ချင်မှဖြစ်ပါမည်။ သို့ရာတွင် ဝန်ဆောင်မှု တော်တော်များများတွင် ရောင်းချသူနှင့် အသုံးပြုသူတို့ တိုက်ရိုက်ဆက်သွယ်မှုလိုအပ်သည်။ ဝန်ဆောင်မှုကို စီးပွားရေးလုပ်ငန်းတစ်ခုအဖြစ် ဆောင်ရွက်လာသည့်အခါတွင် ဝန်ဆောင်မှုကို ရောင်းချသူနှင့် ဝယ်ယူသုံးစွဲသူဟု ဖြစ်ပေါ်လာပါ သည်။ ထိုကဲ့သို့ ဝန်ဆောင်မှု စီးပွားရေးလုပ်ငန်းတွင် ဝယ်ယူသူ သို့မဟုတ် အခကြေးငွေပေး၍ ဝန်ဆောင်မှုကို ရယူသူသည် စားသုံး သူ(ဃသညျကာနမ)ဖြစ်လာသည်။
ဝန်ဆောင်မှုကိုရောင်းချခြင်းဆိုရာတွင် စားသုံးသူကိုယ်တိုင်ကို ဖြစ်စေ (ဥပမာ-ဆံပင်ညှပ်ခြင်း၊ စားသုံးသူပိုင်ဆိုင်သော ပစ္စည်းကို ဖြစ်စေ (ဥပမာ-အဝတ်လျှော်မီးပူတိုက်ပေးခြင်း၊ မော်တော်ကား ပြင် ခြင်း၊ မျက်နှာခွဲစိတ်ပြုပြင်ခြင်း) စားသုံးသူ ပိုင်ဆိုင်သော ပစ္စည်းဥစ္စာ ကိုဖြစ်စေ တစ်နည်းတစ်ဖုံအားဖြင့် ပံ့ပိုးဆောင်ရွက်ပေးခြင်း (ဥပမာ- စတော့ရှယ်ယာများ စီမံခန့်ခွဲခြင်း၊ ဘဏ်ပိုင်းဆိုင်ရာ ဆောင်ရွက်ပေး ခြင်း)ဖြစ်သည်။
သို့ဖြစ်၍ ဝန်ဆောင်မှုကို ရောင်းချသူ၏ လုပ်ဆောင်မှုသည် ကြော်ငြာသည့်အတိုင်း သို့မဟုတ် ဝန်ဆောင်မှုကို ဝယ်ယူသုံးစွဲသူ၏ ကျေနပ်လက်ခံမှုရှိရန် လိုအပ်သည်။ အကယ်၍ ကြော်ငြာသည့် အတိုင်းမဖြစ်လျှင် သို့မဟုတ် သုံးစွဲသူက ကျေနပ်လက်ခံခြင်းမရှိလျှင် ရောင်းသူနှင့် ဝယ်သူကြားတွင် အငြင်းပွားမှုများ ဖြစ်ပေါ်လာမည်ဖြစ် သည်။
ဝန်ဆောင်မှုအရည်အသွေး
ဝန်ဆောင်မှုကို ရောင်းချသူသည် အရည်အသွေးမီရန် လိုအပ် သည်။ ဝန်ဆောင်မှုတစ်ခုကို မည်သို့အရည်အသွေးမီ မမီ တိုင်းတာ ပါမည်နည်း။ ထိတွေ့ကိုင်တွယ်၍ရသော ဝန်ဆောင်မှု ရောင်းချခြင်း တွင် စားဖွယ်သောက်ဖွယ်များ ပြုလုပ်ပေးခြင်း (ဥပမာ- အသုပ်စုံ ရောင်းခြင်း၊ ထမင်းဟင်း ရောင်းချခြင်း) အဝတ်လျှော်ဖွပ်သန့်စင်ခြင်း စသည်တို့ပါဝင်ပြီး ထိတွေ့ကိုင်တွယ်၍ မရသော ဝန်ဆောင်မှုလုပ်ငန်း တွင် စာသင်ကြားပေးခြင်း၊ဆေးကုပေးခြင်းကဲ့သို့လုပ်ငန်းများ ပါဝင် ပါသည်။
အဆိုပါ ဝန်ဆောင်မှုများကို ရောင်းချရာတွင် သတ်မှတ်ထား သော တန်ဖိုးပေး၍ သုံးစွဲသူက ကျေနပ်လက်ခံသည့်အခြေအနေ မျိုးဖြစ်မှသာ အရည်အသွေးရှိသော ဝန်ဆောင်မှုဟု ဆိုနိုင်သည်။ သို့မဟုတ်ပါကလည်း ကြော်ငြာထားသည့်အတိုင်း နမူနာပြသထား သည့်အတိုင်းဖြစ်ရန် လိုအပ်ပါသည်။ သို့မှသာ အရည်အသွေးမီသော ဝန်ဆောင်မှုဟုဆိုနိုင်ပါမည်။ ထမင်းဟင်းရောင်းချရာတွင် စားသုံးသူ သည် အရသာရှိမှု၊ မျှတသောတန်ဖိုးရှိမှု၊ နှစ်သက်ဖွယ်သော ဆက်ဆံ ရေးရှိမှု၊ ဆိုင်၏အခင်းအကျင်း ကောင်းမွန်မှု၊ အသုံးအဆောင်များမှာ ပေးရသော တန်ဖိုးဖြင့် မျှတမှု စသည်များဖြင့် ထိုဆိုင်၏ဝန်ဆောင်မှု အရည်အသွေးကို တိုင်းတာမည်ဖြစ်သည်။ အဓိက လိုအပ်ချက်ဖြစ် သော အရသာ ကောင်းမွန်မှု မရှိပါက စားသုံးသူ နည်းပါးလာမည်သာ ဖြစ်သည်။
ထို့အတူပင် သင်ကြားရေးပိုင်းတွင်လည်း တပည့်များ အရည် အသွေးတိုးတက်မှု၊ သတ်မှတ်ထားသော ပညာရေးစံများ ရရှိမှုမြင့်မား မှုများရှိရမည်ဖြစ်သည်။ အောင်ချက်ကောင်းသော ကျောင်းဖြစ်ရပါ မည်။ ဂုဏ်ထူးပါဝင်မှုကောင်းသော ကျောင်းဖြစ်ရမည်။ ထိုကဲ့သို့ အချက်များသည် ရောင်းချသော ဝန်ဆောင်မှုအား တိုင်းတာသော အရည်အသွေးများပင် ဖြစ်ကြသည်။ အရည်အသွေးထိန်းသိမ်းနိုင်ရန် အတွက် မှန်ကန်သော ရည်မှန်းချက်များ ချမှတ်ခြင်းနှင့် လုပ်ငန်းစဉ် သတ်မှတ်ခြင်း၊ လုပ်ငန်းလုပ်ကိုင်မှုကို စောင့်ကြည့်ခြင်းအားဖြင့် ဝန်ဆောင်မှု၏ လုပ်ဆောင်မှုကို မှန်ကန်မှု ရှိ၊ မရှိ လမ်းညွှန်ပေးနိုင်ပါ သည်။ အကယ်၍ မူလလမ်းကြောင်း သို့မဟုတ် စံသတ်မှတ်ချက်မှ သွေဖည်မှုများ ပေါ်ပေါက်ပါက အလျင်အမြန် ဝင်ရောက်ထိန်းသိမ်း ခြင်း ဆောင်ရွက်ပေးနိုင်သည်။
စားသုံးသူကာကွယ်ရေးဥပဒေအရဝန်ဆောင်မှုကဏ္ဍကိုအဓိပ္ပာယ် ဖွင့်ဆိုချက်တွင် ဝန်ဆောင်မှုဆိုသည်မှာ လုပ်ငန်း သို့မဟုတ် လုပ် ဆောင်မှုအသွင်ဖြင့် စားသုံးသူ၏လိုအပ်ချက်ကို တန်ဖိုးဖြင့်ဖြစ်စေ၊ တန်ဖိုးမပါဘဲဖြစ်စေ၊ ဖြည့်ဆည်းပေးသည့်ဆောင်ရွက်မှုကိုဆိုသည်။ စီးပွားရေးလုပ်ငန်းရှင်က စားသုံးသူအပေါ် ဝန်ဆောင်မှုပေးသည့်ကိစ္စ အတွက် အာမခံချက်နှင့်စပ်လျဉ်း၍ အခန်း(၁၃)တွင် “(က) မိမိ ဝန်ဆောင်မှုနှင့် စပ်လျဉ်း၍သတင်းအချက်အလက်များကို စားသုံးသူ သိရှိစေရန် ကြိုတင်အသိပေးခြင်း။ (ခ)မှန်ကန်သော သတင်းအချက် အလက်နှင့် ပြည့်စုံသောဝန်ဆောင်မှု အဆင့်အတန်းနှင့်အညီ ပြည့်ဝ စွာ ပေးရမည်။ (ဂ) စားသုံးသူ လိုအပ်ချက်နှင့် ကိုက်ညီမှုရှိရမည်။ (ဃ)အာမခံထားသော အချိန်ကာလအတွင်း ပြီးမြောက်အောင် ဆောင်ရွက်ပေးခြင်း၊ (င)စားသုံးသူ သဘောတူညီထားသည့်ဝန်ဆောင် မှုတန်ဖိုးအတိုင်း ပေးအပ်ရမည် ဖြစ်သည်”ဟု ဖော်ပြထားသည်။
လုပ်ငန်းရှင်သည် မိမိဝန်ဆောင်မှုပေးသည့်လုပ်ငန်းအပေါ် တွင် စားသုံးသူသိရှိနားလည်နိုင်စေရန် ပါဝင်သည့် သတင်းအချက် အလက်အပြည့်အစုံကို ကြိုတင်သိရှိနိုင်စေရန် ဖော်ပြမှုဖြင့် ရောင်းချ နိုင်သည်။ စားသုံးသူအား လွဲမှားသော သတင်းအချက်အလက်ပေး ပြီးမှ ကြော်ငြာထားသည့်အတိုင်း ဝန်ဆောင်မှုများ ပျက်ကွက်ခဲ့လျှင် စားသုံးသူအခွင့်အရေး နစ်နာဆုံးရှုံးနိုင်ခြင်းကြောင့်၊ စားသုံးသူနှင့် လုပ်ငန်းရှင်အကြား အငြင်းပွားဖွယ်ကိစ္စရပ်ဖြစ်ပေါ်လာနိုင်သဖြင့် မိမိတို့ဝန်ဆောင်မှု အဆင့်အတန်းကို မြှင့်၍သာလုပ်ငန်းကိုဆွဲဆောင် ရန် လိုအပ်သည်။ စားသုံးသူသည် ၎င်းတို့နှစ်သက်သော ဝန်ဆောင်မှု ကိုသာ စားသုံးသူစိတ်ကြိုက် ရွေးချယ်ခွင့်ရှိ၍ မိမိလိုအပ်ချက်နှင့် ကိုက်ညီသော ဝန်ဆောင်မှုကို ရွေးချယ် အသုံးပြုနိုင်သည်။ လုပ်ငန်း ရှင်တို့သည် မည်သို့သော ဝန်ဆောင်မှုကိုမဆို ပေးထားသော အာမခံ ချက်နှင့်အညီ အချိန်နှင့်တစ်ပြေးညီ ဆောင်ရွက်ပေးနိုင်သော ဝန်ဆောင်မှုမျိုးသည်သာ စားသုံးသူကို ပေးဆောင်သင့်သည်။
အရည်အသွေးမြင့်မားသော ဝန်ဆောင်မှု စီးပွားရေးလုပ်ငန်း တွင် ကြော်ငြာစရိတ်နှင့် ဈေးကွက်ဖော်ဆောင်ရေးစရိတ်များကို လျှော့ချနိုင်သည်။ အရည်အသွေးမြင့်မားစွာ ဆောင်ရွက်ပေးခြင်း ဖြင့် ဖောက်သည်များ၏ အကြိမ်ကြိမ် ဝယ်ယူခြင်းကို ရရှိနိုင်ပါသည်။ သစ္စာရှိဖောက်သည်များကို တိုးပွားစေပါသည်။ ဖောက်သည်များ သည် သူ၏မိတ်ဆွေများနှင့်ဆက်စပ်ရာကိစ္စများတွင် ဝန်ဆောင်မှု အရည်အသွေးကောင်းကြောင်းကို သတင်းအချက်အလက် ဖြန့်ဝေ မည်ဖြစ်သဖြင့် အခမဲ့ရရှိသော ဈေးကွက်ဖော်ထုတ်ခြင်းဖြစ်လာသည်။ ထို့အပြင် ဖောက်သည်များက အကြိမ်ကြိမ် ပြန်လည်ဝယ်ယူသုံးစွဲ ခြင်း၊ အားပေးခြင်းသည် အခြားသူများအား အရည်အသွေးရှိကြောင်း ကြော်ငြာပေးသကဲ့သို့ဖြစ်စေပါသည်။ ထို့ကြောင့် အရည်အသွေး မြင့်မားသော ဝန်ဆောင်မှုလုပ်ငန်းများတွင် စားသုံးသူများထံမှ ကျေနပ်လက်ခံမှုအပြည့်အဝရရှိသဖြင့် အငြင်းပွားမှုများကို လျှော့ချ နိုင်မည်ဖြစ်သည်။
စားသုံးသူအခွင့်အရေး
“စားသုံးသူဟူသည့် လူသားတို့သည် ကုန်စည် သို့မဟုတ် ဝန်ဆောင်မှုကို ကုန်သွယ်ရောင်းဝယ်မှုပြုရန် သို့မဟုတ် အသက် မွေးဝမ်းကျောင်းပြုရန်မဟုတ်ဘဲ ကိုယ်တိုင်သုံးစွဲမှုအတွက်သော် လည်းကောင်း၊ အခြားသူအတွက်သော်လည်းကောင်း ရည်ရွယ်၍ ဝယ်ယူခြင်း၊ အသုံးပြုခြင်း၊ ရယူခြင်း၊ ကုန်စည် ချေးငှားခြင်း ပြုလုပ် သူများ သို့မဟုတ် ပေးကမ်းထောက်ပံ့ခြင်းခံရသူများကို ဆိုလိုသည်” ဟု စားသုံးသူကာကွယ်ရေးဥပဒေ(၂၀၁၉)တွင် အဓိပ္ပာယ်ဖွင့်ဆိုထား သည်။ မည်သို့ပင်ဆိုစေကာမူ ဝန်ဆောင်မှုလုပ်ငန်းများတွင် အရည် အသွေးကို တိုင်းတာနိုင်မှုစံချိန်စံညွှန်းများကို ချမှတ်ရန် ခက်ခဲတတ် သဖြင့် စားသုံးသူများ၏ကျေနပ်မှုနှင့် နစ်နာမှုများကို ခွဲခြားဖော်ထုတ် ပြသရန်လည်း ခက်ခဲတတ်သည်။ အခြေခံ လိုအပ် ချက်မှာစားသုံးသူ၏ ကျေနပ်ခြင်း ှအေငျ်ခေအငသည သာဖြစ်သည်ကို တွေ့နိုင်သည်။ တစ်ဖက် ကကြည့်လျှင်လည်း စားသုံးသူများတွင် ဆက်ဆံရခက်ခဲသည့် စားသုံး သူများ၊ ဒေါသကြီးသော စားသုံးသူများ၊ အရာရာကို မကျေနပ်တတ် သည့် စားသုံးသူများစသည့် ပုဂ္ဂိုလ်မျိုးလည်း ပါဝင်လာတတ်ပါသည်။ ထိုကဲ့သို့အခြေအနေမျိုးကို ကြားဝင်စေ့စပ်ဖျန်ဖြေပေးရမည့်သူများ သည် အဂတိတရားကင်းစွာ ကြည့်ရှုစိစစ်နိုင်ရန် လိုအပ်လာသည်။ အငြင်းပွားမှုကို ဖြေရှင်းပေးမည့်သူများသည် အဂတိ တရားကင်းစွာ ဆောင်ရွက်နိုင်ရန် လိုအပ်သည်။
မြန်မာနိုင်ငံတွင် စားသုံးသူ အကာအကွယ်ပေးရေးလုပ်ငန်းကို ဝန်ကြီးဌာနတွင် ညွှန်ကြားရေးမှူးချုပ်တစ်ဦး ဦးဆောင်ပြီး ဖွဲ့စည်း ၍ ဆောင်ရွက်နေသည်။ ထို့ကြောင့် ကုန်ပစ္စည်းများ၏ အရည် အသွေး တိုးတက်ရေးတွင် အခြားသက်ဆိုင်ရာ ဌာနများနှင့်အတူ စားသုံးသူရေးရာဦးစီးဌာနမှ ဆောင်ရွက်နေသကဲ့သို့ ဝန်ဆောင်မှု လုပ်ငန်းများ အရည်အသွေး တိုးတက်ရေးတွင်လည်း အခြားသော သက်ဆိုင်ရာဌာနများနှင့်အတူ ဆောင်ရွက်နေသည်။
သို့သော်လည်း ဝန်ဆောင်မှုလုပ်ငန်းများ တိုးတက်ရေးအတွက် ကိုင်တွယ်ဆောင်ရွက်ရမှု၊ ဝန်ဆောင်မှုလုပ်ငန်းကို ရယူကြသည့် စားသုံးသူများအတွက် စိတ်ကျေနပ်မှုရရှိရေးသည် ပိုမို၍ နူးညံ့ပြီး စိတ်ရှည်စွာဆောင်ရွက်ပေးရန်နှင့် အမှားအယွင်းကင်းရန် များစွာ လိုအပ်ပါသည်။ စားသုံးသူများကို အကာအကွယ်ပေးရမည်ဟူသော ်သခကျ ဖြင့် ဆောင်ရွက်ရမည်ဖြစ်သည့်အတွက် စားသုံးသူရေးရာဦးစီး ဌာနမှ ဝန်ထမ်းများသည် အရည်အသွေးမြင့် ဝန်ထမ်းများဖြစ်ရန်၊ လုပ်ငန်းပိုင်းဆိုင်ရာ ကျွမ်းကျင်မှုပြည့်ဝရန်နှင့်စားသုံးသူများကျေနပ် လက်ခံရန်လည်း များစွာလိုအပ်သည်။ အစဉ်လေ့ကျင့်နေရန်လည်း လိုအပ်သည်။
ထို့အပြင် ပြည်သူ့ဝန်ထမ်းဖြစ်သည်နှင့်အညီ ပြည်သူများဖြစ် သည့် စားသုံးသူများအား အကာအကွယ်ပေးရန် လိုအပ်သကဲ့သို့ နိုင်ငံ့စီးပွားရေးတိုးတက်ဖွံ့ဖြိုးရေးအတွက် လိုအပ်သော ဝန်ဆောင်မှု လုပ်ငန်းများ ဖွံ့ဖြိုးတိုးတက်ရန်အတွက်လည်း စောင့်ရှောက်ရန် လိုအပ်သည်။ ဆိုလိုချင်သည်မှာ နိုင်ငံ့စီးပွားရေး တိုးတက်ရန်အတွက် အရည်အသွေးမြင့် ဝန်ဆောင်မှုလုပ်ငန်းများ ဖွံ့ဖြိုးတိုးတက်ရေးသည် စားသုံးသူရေးရာဦးစီးဌာန ဝန်ထမ်းများ၏အရည်အသွေးနှင့် ဆုံး ဖြတ်ချက်များပေါ်တွင် များစွာတည်မှီနေသဖြင့် ဝန်ထမ်းများသည် မိမိတို့အရည်အသွေးနှင့် ဆုံးဖြတ်ချက်များ မှန်ကန်ရေးအတွက် အစဉ်လေ့ကျင့်နေရန် လိုအပ်သည်။ သို့မှသာ အသွားထက်သော ဓားများသဖွယ် အရည်အချင်းရှိသော ဝန်ဆောင်မှုလုပ်ငန်းများြွကယ်ဝ သည့် တိုင်းပြည်တစ်ခုဖြစ်ပေါ်လာမည်ဖြစ်သည်။ ယူတတ်လျှင် ရသကဲ့သို့ပင် စားသုံးသူရေးရာဦးစီးဌာနဝန်ထမ်းများသည် ကိုယ် တိုင်၏အရည်အသွေးကို တောက်ပြောင်အောင် ဆောင်ရွက်ရင်းဖြင့် ဝန်ဆောင်မှုလုပ်ငန်းများ၏ အရည်အသွေး တိုးတက်အောင် ဖန်တီး နိုင်ရန် ဆောင်ရွက်သွားရမည်ဖြစ်သည်။ ပြည်ထောင်စုဝန်ကြီး၏ လမ်းညွှန်ချက်ဖြစ်သော မညာရန်၊ မညှာရန်၊ မညစ်ရန်နှင့် မညှစ်ရန် ဟူသော “ည”လေးလုံးကို လက်ကိုင်ထား ပြီး စားသုံးသူကို ညာခြင်း မပြုရန်၊ လုပ်ငန်းရှင်ထံမှ လာဘ်ယူ၍လုပ်ငန်းရှင်ကို ညှာတာခြင်း မပြုရန်၊ လုပ်ငန်းရှင်ထံမှ လာဘ်ရရေးအတွက်ဖြစ်စေ၊ စားသုံးသူအား ဖြေရှင်းမပေးချင်သဖြင့်ဖြစ်စေ ညစ်ပတ်ခြင်းမပြုရန်နှင့် လာဘ်ရရေး အတွက် ညှစ်ထုတ်ခြင်းမပြုရန်ဟူသော အချက်များကို လိုက်နာသွား ခြင်းဖြင့်အရည်အသွေးနှင့်စိတ်ဓာတ်ကောင်းမွန်သော ဝန်ထမ်းများဖြစ် အောင်ဆောင်ရွက်သွားကြရမည်ဖြစ်ပါသည်။ နိုင်ငံတော်နှင့် ပြည်သူ ကိုအလုပ်အကျွေးပြုနိုင်သည့် စားသုံးသူရေးရာဝန်ထမ်းများဖြစ်စေရန် ဆောင်ရွက်သွားကြမည်ဟု သန္နိဋ္ဌာန်ပြုရင်း တင်ပြလိုက်ရပါသည်။
[ကိုးကား ITpedia website ၏ ဝန်ဆောင်မှုအကြောင်းသတင်း ဆောင်းပါး၊ စာရေးဆရာ သရဝဏ်(ပြည်) ဘာသာပြန် ဆောင်းပါး ပေါင်းချုပ်နှင့်စားသုံးသူကာကွယ်ရေးဥပဒေ(၂၀၁၉) ]
သဇင် (မအူပင်)