Better Bee Natural Honey ပျားရည်နှင့် ပျားထွက်ပစ္စည်းလုပ်ငန်း Factory Manager ဒေါ်ခင်စောသိန်းနှင့် တွေ့ဆုံမေးမြန်းခြင်း
ပြည်တွင်းရှိ စီးပွားရေးလုပ်ငန်းများ၏ ၉၀ ရာခိုင်နှုန်းသည် အသေးစား၊ အလတ်စား စီးပွားရေးလုပ်ငန်းများဖြစ်ပြီး ပုဂ္ဂလိက စီးပွားရေးကဏ္ဍတွင်လည်း အသေးစား၊ အလတ်စား လုပ်ငန်းများ အများဆုံးပါဝင်လျက်ရှိသည်။ သို့ဖြစ်ရာ အသေးစား၊ အလတ်စား လုပ်ငန်းများ၏ ဈေးကွက်ထိုးဖောက်မှု အခြေအနေများနှင့် စပ်လျဉ်း၍ ပြည်တွင်းဈေးကွက်ထဲတွင် သန့်စင်ပြီး သဘာဝပျားရည်စစ်စစ်များကို ထုတ်လုပ်ဖြန့်ဖြူးလျက်ရှိသည့် Better Bee Natural Honey ပျားရည်နှင့် ပျားထွက်ပစ္စည်းလုပ်ငန်းမှ Factory Manager ဒေါ်ခင်စောသိန်းနှင့် တွေ့ဆုံမေးမြန်း ထားသည်များကို ဖော်ပြလိုက်ရပါသည်။
Better Bee Natural Honey ပျားရည်နှင့် ပျားထွက်ပစ္စည်း လုပ်ငန်းအကြောင်း ပြောပြပေးပါဦး။
ကျွန်မတို့အနေနဲ့ ဒီပျားရည်ထုတ်ကုန်တွေကို နထစသမအ စလုပ်ဖြစ်တာကတော့ ၂၀၁၄ ခုနှစ်ကတည်းကပါ။ အဓိကတော့ ပြည်ပဈေးကွက်တွေဖြစ်တဲ့ အမေရိကန်၊ ဂျပန်၊ တရုတ်၊ထိုင်း စတဲ့နိုင်ငံတွေကို နထစသမအ တင်ပို့နေတာဖြစ်ပါတယ်။ ဈေးကွက် ထဲဝင်ရောက်လာတာဆိုရင်လည်း တော်တော်လေးတော့ အောင် မြင်မှုရခဲ့ပါတယ်။ ဈေးကွက်ထိုးဖောက်တဲ့နေရာမှာလည်း အခက် အခဲတွေကတော့ အများကြီးရှိတာပေါ့။ အဓိကတော့ ထုတ်ကုန် တွေနဲ့ပတ်သက်ပြီး ထုပ်ပိုးမှုပုံစံ အခက်အခဲတွေတော့ ရှိပါတယ်။ ဒါပေမယ့် အတတ်နိုင်ဆုံးတော့ အများကြီး ကြိုးစားပြီး လုပ်ကိုင် လျက်ရှိပါတယ်။ အခုဆိုရင် ထုတ်ကုန်တွေထဲမှာ ပျားသံပရာဆိုရင် ထုပ်ပိုးမှုပုံစံ အခက်အခဲရှိတဲ့အတွက် လုပ်ကိုင်ရတာ ခက်ခဲပါ တယ်။ ဒါပေမယ့်လည်း သုံးစွဲသူအများပြည်သူတွေအဆင်ပြေ စေဖို့အတွက် အဆင်ပြေအောင် လုပ်နေရတာပေါ့။
ကုန်ကြမ်းရရှိမှု အခြေအနေလေး သိပါရစေ။
ကုန်ကြမ်းအပိုင်းကိုတော့ ရှမ်းပြည်နယ်(တောင်ပိုင်း)၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ပျော်ဘွယ်၊ မုံရွာ ဘက် စတဲ့ ဒေသတွေဘက်ကနေ အဓိကရရှိပါတယ်။ ကျွန်မတို့က ပျားရည်မှာဆိုရင် မိုးတွင်းဘက်မှာ သကြားပါဝင်မှု အရမ်းများ ပါတယ်။ နောက်ပြီး ပိုးသတ်ဆေး၊ ပေါင်းသတ်ဆေး သုံးထားတဲ့ အပင်က ဝတ်ရည်စုပ်ထားခြင်း ရှိ၊ မရှိ အဓိက စစ်ဆေးပါတယ်။ ပျားရည်နဲ့ပတ်သက်ပြီး ကျွန်မတို့အနေနဲ့က ပြည်ပနိုင်ငံတွေကို လည်း တင်ပို့တဲ့အတွက် ထုတ်ကုန်အရည်အသွေးနဲ့ ပတ်သက်ပြီး ဂျာမနီနိုင်ငံရဲ့ ဓာတ်ခွဲခန်းမှာ စစ်ဆေးထားပါတယ်။ ရေငွေ့စက် ကြီးတွေနဲ့ ရေငွေ့ထုတ်သန့်စင်ထားတာပါ။ ဓာတ်ခွဲခန်းမှာ စစ် ဆေးပြီးလို့ အောင်တဲ့ပျားရည်ကိုမှ ထုတ်လုပ်တာဖြစ်ပါတယ်။
ပြည်တွင်းဈေးကွက် ထိုးဖောက်မှုအခြေအနေလေး ပြောပြပေး ပါဦး။
ကျွန်မတို့က ပြည်တွင်းဈေးကွက်မှာ ထိုးဖောက်လာတာ ဆိုရင် သိပ်တော့မကြာသေးပါဘူး။ ကိုဗစ်ဖြစ်ပြီး နောက်ပိုင်းက စတင်လုပ်လာတာ အခုထိ ကြိုးစားနေဆဲပါ။ ထုတ်ကုန်တွေကို တော့ ဈေးဝယ်စင်တာကြီးတွေမှာဆိုရင် မက်ခရိုတို့အပြင် တော် တော်များများ ဈေးဝယ်စင်တာတွေမှာ ရရှိနေပါပြီ။ ပျားရည်ကကျ တော့ ပျားရည်သန့်စင်ခြင်း သီးသန့်အပိုင်းကို ထုတ်လုပ်တာ ၂၀၂၂ ခုနှစ်လောက်ပေါ့။ အခု ၂၀၂၃ ခုနှစ်ကစပြီးတော့ ဠေူကန-ဗိနိ အနေနဲ့ ပျားသံပရာကို စပြီးထုတ်နေတာပေါ့။ အဓိကတော့ သဘာဝမဟုတ်တဲ့ဟာတွေ စားသုံးမိတဲ့အခါကျရင် လူတွေက ကျန်းမာရေး ထိခိုက်နေတဲ့အခါကျတော့ ကျွန်မတို့က အတတ်နိုင် ဆုံး ကြာရှည်ခံ ဆိုးဆေးတွေ လုံးဝမပါဘဲနဲ့ သဘာဝပြည်တွင်း ထုတ်ကုန်တွေကို အသုံးပြုပါတယ်။ ပျားရည်ဆိုတာလည်း ကိုယ့် နိုင်ငံကထွက်တဲ့ ပြည်တွင်းထုတ်ကုန်ဖြစ်တယ်။ သံပရာသီးဆို တာကလည်း ကိုယ်နိုင်ငံက ထွက်တယ်။ ဒါပေမယ့် လူတွေက မသုံးဖြစ်ကြဘူး။ အဲခါကျတော့ ရုံးသမားတွေ၊ ဝန်ထမ်းတွေ၊ အိမ်ရှင်မတွေ အလွယ်တကူအသုံးပြုလို့ရအောင်လို့ တစ်ခါတည်း အသင့်ဖျော်လို့ ရအောင်လို့တော့ ကြိုးစားနေတာပေါ့။ နောက်ပြီး အသင့် စားသုံးလို့ရတဲ့ ဖျော်ရည်အဖြစ်လည်း ထုတ်လုပ်သွားဖို့ရှိပါ တယ်။
ထုတ်ကုန်အမျိုးအစားတွေနဲ့ပတ်သက်ပြီး သိပါရစေ။
အခုလက်ရှိကတော့ ပျားရည်နဲ့ ပျားသံပရာဆိုပြီး ထုတ်ကုန် နှစ်မျိုး ထုတ်လုပ်လျက်ရှိပါတယ်။ နောက်ပိုင်းတော့ ျွနေိပ ဲကငခန အဆင့် ဖျော်ရည်တွေကိုပါ ထုတ်လုပ်သွားဖို့ရှိပါတယ်။ ပျားသံပရာ ကတော့ ရောင်းအားလည်း ကောင်းပါတယ်။ ရေအေးနဲ့ပဲသောက် သောက်၊ ရေနွေးနဲ့ပဲ သောက်သောက် ရပါတယ်။ အဓိကတော့ ရေနွေးနဲ့ သောက်တာကိုတော့ လူတွေက ပိုပြီး ကြိုက်ကြပါတယ်။ အခု လက်ရှိကတော့ စစ်တမ်းကောက်ယူလိုက်တယ်ဆိုရင် အသက်(၃၀)အရွယ် အထက်တွေက ဒီထုတ်ကုန်တွေကို ပိုပြီး ကြိုက်နှစ်သက်တာကို တွေ့ရပါတယ်။ ကလေးတွေအနေနဲ့က တော့ သိပ်ပြီး မကြိုက်ကြပေမယ့် လူကြီးတွေအနေနဲ့ကတော့ ဒီ ထုတ်ကုန်တွေက ကျန်းမာရေးအတွက် အထူးကောင်းမွန်ပါတယ်။ ပေးရတဲ့ ဈေးနဲ့တန်အောင်တော့ ကြိုးစားပြီးတော့ ထုတ်လုပ်လျက် ရှိပါတယ်။ ရန်ကုန်မြို့အပြင် အခြားမြို့ နယ်တွေမှာဆိုရင်လည်း မန္တလေး၊ မော်လမြိုင်၊ ပြည် စတဲ့မြို့နယ်တွေမှာလည်း ဖြန့်ချိလျက် ရှိပါတယ်။
ထုတ်ကုန်တွေနဲ့ပတ်သက်ပြီး ထုပ်ပိုးမှုကဏ္ဍမှာ အခက်အခဲ ရှိနေ တဲ့အပေါ် ဘယ်လိုမြင်ပါသလဲ။
ထုတ်ကုန်တွေနဲ့ပတ်သက်ပြီး ထုပ်ပိုးမှုကဏ္ဍမှာ အခက်အခဲ ရှိတဲ့အတွက် နည်းနည်းလေး စောင့်ရောင်းရတဲ့ အခက်အခဲတော့ ရှိပါတယ်။ ထုပ်ပိုးမှု(Packing) အပိုင်းကတော့ စိတ်တိုင်းမကျလို့ ဒီဇိုင်းအသစ်တွေတော့ မထုတ်ခဲ့ဘူးပေါ့နော်။ ဒါပေမယ့်လည်း အရည်အသွေးက ကောင်းနေသလို စားသုံးသူတွေကလည်း လက်ခံလာနေတဲ့အတွက် ကျွန်မတို့က ဒီထုပ်ပိုးမှု (Packing)နဲ့ပဲ ဆက်ပြီးထုတ်နေပါတယ်။ ပြည်တွင်းမှာ အချိန်မရွေးရတဲ့အတွက် ထုပ်ပိုးမှု (Packing)နဲ့ပဲ ဆက်လုပ်နေပါတယ်။ ဒီနေရာမှာ အခက် အခဲက ဘာဖြစ်လဲဆိုတော့ ဈေးဝယ်စင်တာကြီးတွေမှာ တင်တဲ့ အချိန်ကျရင် ဂရမ်တွေ မတူတော့တဲ့အတွက် ဘားကုတ် ခဏခဏ ချိန်းရတယ်။ အဲလိုအခက်အခဲလေးတွေတော့ရှိတာပေါ့။ အပြင် မှာရောင်းရင် ပြဿနာမရှိပေမယ့် စင်တာကြီးတွေမှာ တင်တဲ့အခါ ကျ ဘားကုတ်ချိန်းရတဲ့အခါကျတော့ အဆင်တော့မပြေဘူးပေါ့။
ဖြည့်စွက်ပြောချင်တာများရှိပါသလား။
ကျွန်မတို့က ထုတ်ကုန်တွေကို အတတ်နိုင်ဆုံး တိုက်ရိုက် ရောင်းချတာထက် စားသုံးသူမိဘပြည်သူတွေကို လမ်းညွှန်ပေး တာပေါ့။ ဖြန့်ချိထားတဲ့ ဈေးဝယ်စင်တာတွေမှာ ရရှိနိုင်တယ် ဆိုတာကိုလည်း လမ်းညွှန်ပေးလျက်ရှိပါတယ်။ ပျားရည် ထုတ် ကုန်တွေကို အဓိကတော့ လတ်ဆတ်အောင် (်မနျ့) လုပ်ထားတာ ဖြစ်တဲ့အတွက် ကြိုတင်ပြီးတော့ ပြုလုပ်ထားခြင်း မရှိပါဘူး။ပြီးတော့ ကြာရှည်ခံ ဆိုးဆေးတွေ မပါဝင်ပါဘူး။ ထုတ်ကုန်ရဲ့ သက်တမ်းကတော့ တစ်နှစ်ဖြစ်ပါတယ်။ ထုတ်ကုန်တွေနဲ့ပတ် သက်ပြီး အော်ဒါ တွေကိုလည်း ခေတ်မီစက်တွေနဲ့ များများလေး ထုတ်နိုင်အောင်လို့ ကြိုးစားလျက်ရှိပါတယ်။ ဆက်လက်ပြီးတော့ လည်း စားသုံးသူတွေအတွက် ထုတ်ကုန်အသစ်တွေ ထုတ်လုပ်နိုင် အောင်လည်း ကြိုးစားသွားမှာဖြစ်ကြောင်း ပြောကြားလိုပါတယ်။
တိဗ္ဗ