ပြည်ဈေးကွက်သို့ ပဲတီစိမ်းအသစ်များ အဝင်များလာတာကိုတွေ့ရပါတယ်။ ပန်းတောင်း၊ ဥသျှစ်ပင်မြို့နယ် များမှ အဝင်ရှိလာသလို အောင်လံ၊ မင်းတုန်း၊ ကံမဘက်မှလည်း ရေလမ်းရောကုန်းလမ်းမှပါ ဝင်ရောက်မှုများ ရှိခဲ့ပါတယ်။ တစ်ရက် အိတ် ၅၀၀ ကျော်အထိ အဝင်ရှိခဲ့ပြီး ရန်ကုန်ဝယ်လက်များ အဝယ်ရှိတာကြောင့် အဝင်ရှိသလောက် အရောင်းအဝယ် ဖြစ်ခဲ့ကြပါတယ်။ ဈေးနှုန်းကတော့ တစ်တင်း ၁၆၆၀၀ ကျပ်ဖြင့် ယခင်တစ်ပတ်ထက် ဈေးအနည်းငယ် ပြန်မြင့်လာကြောင်း သိရပါတယ်။ ခင်ဆွေဝင်း

              အောက်တိုဘာလ ၂၆ ရက်မှ နိုဝင်ဘာလ ၁ ရက်သတ္တပါတ်အတွင်း မူဆယ် ၁၀၅ မိုင် ကုန်သွယ်ရေးဇုန်မှ ကန်ဒေါ်လာ ၀ ဒသမ ၀၄၂ သန်း တန်ဖိုးရှိ ပဲတီစိမ်း ၁၇၆ ဒသမ ၅၀ တန်အပို့ရှိခဲ့ပြီး ယခင်အပတ်ကထက် ၃၇ တန်ကျော် တင်ပို့မှု လျော့နည်းခဲ့ပါတယ်။ ရာသီဥတုပူပြင်းတဲ့အခါ ကိုယ်တွင်အေးစေရန်အတွက် ပဲတီစိမ်းပြုတ်ရည်ကို သောက်သုံးကြခြင်း၊ မုန့်များ ပြုလုပ်ရန်တို့အတွက် ပဲတီစိမ်းကို ဝယ်ယူကြခြင်းဖြစ်သော် လည်းယခုအခါ တရုတ်ဖက်တွင် ရာသီဥတုအေးနေခြင်း၊ မုန့်ပဲသားရေစာထုတ်လုပ်ရေးလုပ်ငန်းများတွင် ဓာတုဆေးဝါးသုံးစွဲမှုများ မရှိစေရန် ကြပ်မတ်စစ်ဆေးမှုဆက်လက်ပြုလုပ် နေသဖြင့် အပို့လျော့နေရတယ်လို့ သိရပါတယ်။ မိမိဘက်မြေပြင်ဈေး အနည်းငယ် မြင့်တက်ပေမဲ့ တစ်ဘက်နိုင်ငံဈေးမှာတော့ လျော့ကျလျက် ရှိပါတယ်။ မိမိဘက်နဲ့ တစ်ဘက်နိုင်ငံ မြေပြင်ဈေးများကို နှိုင်းယှဉ်ဖော်ပြပေးလိုက်ရပါတယ်-                                         မိမိဘက်(ကျပ်/တန်)                 တစ်ဘက်နိုင်ငံ(ဒေါ်လာ/တန်)                     ယခု           ယခင်     ပြောင်းလဲမှု   %       ယခု     ယခင်  ပြောင်းလဲမှု      %ပဲတီစိမ်း     ၅၆၉၆၅၄     ၅၆၆၄၅၆     ၃၁၉၈      ၀ .၆      ၈၅၃     ၈၆၄         ၁၁          ၁ .၃MIRT-MAPT

                   ပုံမှန်အားဖြင့် ပဲတီစိမ်းကို ပင်လယ်ရေကြောင်းက တင်ပို့မှု တန်ချိန် ၂၀၀၀ အထက်မှာရှိနေခဲ့ရာမှ ယခုတစ်ပတ် အောက် တိုဘာနောက်ဆုံးပတ်အတွင်းမှာတော့ တန်ချိန် ၁၅၀၀ အောက်ကို လျှော့ကျတင်ပို့ ခဲ့ပါတယ်။ အိန္ဒိယပြည်တွင်းမှာ ပဲတီစိမ်းအသစ်တွေ ဝင်ရောက်နေတဲ့အပြင် အရည်အသွေးနိမ့်ပဲများလည်း လျှော့ရောင်းနေတဲ့အတွက် ပြည်ပက အဝယ် နှေးတဲ့အတွက် ယခုလအတွင်းတင်ပို့မှု လျှော့ကျနေပါတယ်။                     လက်ရှိဘဏ္ဍာနှစ် အောက်တိုဘာလ ၂၈ ရက်နေ့အထိ ပဲတီစိမ်းစုစုပေါင်း တင်ပို့ပြီးစီးမှုဟာ တန်ချိန် ၂၀၃၀၀၀ ခန့် ရှိပြီးဝင်ငွေအားဖြင့် ကန်ဒေါ်လာ ၁၉၇ သန်းခန့် ရရှိထားပါတယ်။ ယခင်ဘဏ္ဍာနှစ် ကာလတူ အတွင်းမှာ တန်ချိန် ၁၄၈၀၀၀ ခန့်နဲ့ ကန်ဒေါ်လာ ၁၇၆ သန်းကျော်ရရှိခဲ့လို့ ယခုနှစ်မှာ တင်ပို့မှုပမာဏ ပိုမိုနေတာတွေ့ရပါတယ်။ လာမယ့် သီတင်းပတ်များ မှာလည်း ပဲတီစိမ်းတင်ပို့မှု အနည်းငယ်လျော့ကျဖွယ်ရှိတယ်လို့ ခန့်မှန်းကြပါတယ်။ MIRT-MAPT

                     ပင်လယ်ရေကြောင်းက ပဲလွန်းဖြူ တင်ပို့မှုမှာ ယခင်သီတင်းပတ်က တန်ချိန် ၄၀၀ ကျော်ရှိခဲ့ရာမှ ယခုတစ်ပတ် မှာ တန်ချိန် ၁၈၅ တန်သာရှိပါတယ်။ ယခုတစ်ပတ်တင်ပို့တဲ့နိုင်ငံတွေကတော့ စင်ကာပူ၊ ဖိလစ်ပိုင်နဲ့ အိန္ဒိယတို့ဖြစ်ပြီး ပမာဏများတာကတော့ ဖိလစ်ပိုင်ကို ဖြစ်ပါတယ်။ ယခုဘဏ္ဍာနှစ်အတွင်း အောက်တိုဘာ ၂၈ ရက်အထိ တင်ပို့ပြီးစီးမှုမှာ တန်ချိန် ၁၆၀၀၀ ကျော်ရှိပြီး ဝင်ငွေအားဖြင့် ကန်ဒေါ်လာ ၁၅ သန်း ခန့် ရရှိပြီလို့ သိရပါတယ်။                          ရန်ကုန် FOB အရောင်းအဝယ် ဖြစ်မှုအနေနဲ့ တန်ချိန် ၁၉၀ ခန့် ရှိလို့ ယခင်တစ်ပတ် အရောင်းအဝယ်ဖြစ်တဲ့ တန် ၁၂၀ ထက်အနည်းငယ်ပိုလာပါတယ်။ လက်ကျန်နည်းလာပြီး အဝယ် ပုံမှန်ရှိပေမဲ့ ပို့ကုန်ဝင်ငွေ တစ်ယူနစ် တန် ဖိုး လျော့ကျတဲ့အတွက် ရန်ကုန် FOB  ဈေးလည်း လျော့လာပါတယ်။ အောက်တိုဘာလ ၂၈ ရက်မှာ FAQ တစ်တန် ကန်ဒေါ်လာ ၈၄၀-၈၆၀၊ SQ တစ်တန် ကန်ဒေါ်လာ ၉၅၀-၉၇၀ ရှိရာမှ နိုဝင်ဘာလ ၄ ရက်မှာ FAQ တစ်တန် ၇၉၀-၈၁၀၊ SQ တစ်တန် ကန်ဒေါ်လာ ၉၀၀-၉၂၀ ကိုကျဆင်းခဲ့ ပါတယ်။ MIRT-MAPT