Background
မတ်ပဲပြည်ပအဝယ် တစ်ဆခန့် ပိုလာ ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ပြည်ပ ဝယ်လက်များ ယခုတစ်ပတ် မတ်ပဲ အဝယ်အားကောင်းလာတယ်လို့ သိရပါတယ်။ ယခင်သီတင်းပတ်က ပြည်ပအရောင်းအဝယ်စာချုပ် ချုပ်ဆိုမှုတန်ချိန်၁၄၁ဝဝ ရှိခဲ့ရာ မှ ယခုတစ်ပတ် (သြဂုတ်လ ၂၆ ရက်မှ စက်တင်ဘာ ၁ ရက်) အတွင်းမှာတော့ တန်ချိန် ၂၆ဝဝဝ ခန့်ထိ ချုပ်ဆိုခဲ့တာတွေ့ရလို့ ယခင်တစ်ပတ်ထက် တစ်ဆနီးပါး ပိုမိုခဲ့တယ်လို့ သိရပါတယ်။ သြဂုတ်လတစ်လလုံးမှာ မတ်ပဲ SQ တန်ချိန် ၃၈ဝဝဝ ခန့်၊ FAQ တန်ချိန် ၄ သောင်းကျော်နဲ့ အခွံချွတ်အပါအဝင် မတ်ပဲစုစုပေါင်း တန်ချိန် ၈ သောင်းကျော် FOB အရောင်းအဝယ်ဖြစ်ခဲ့တယ်လို့ သိရပါတယ်။ ယခုတစ်ပတ်ဈေးကွက်မှာ အဝယ်အားကောင်းလာသလို၊ ပြည်ပပို့ကုန်ဝင်ငွေ လဲလှယ်နှုန်းလည်း ကုန်သည်တွေ အတွက်အသင့်အတင့်ကောင်းမွန်ခဲ့တာကြောင့် အရောင်းအဝယ်ဖြစ်မှုများလာတယ် လို့ သိရပါတယ်။ လာမယ့်လ တွေမှာလည်း အိန္ဒိယဘက်က အဝယ်တင်ဒါခေါ်ဖို့ရှိ နေတဲ့အတွက် ဝယ်လိုအားဆက်လက် ကောင်းနိုင်ဖွယ် ရှိတယ်လို့ ကုန်သည်ကြီး တစ်ဦးက ဆိုပါတယ်။ ယခင်သီတင်းပတ်နဲ့ ယခုသီတင်းပတ် FOB ဈေးအပြောင်း အလဲများ နှိုင်းယှဉ်ဖော်ပြလိုက်ပါတယ် ဒေါ်လာ/တန် မတ်ပဲ(FAQ) မတ်ပဲ(SQ)၂-၉-၁၁ ၇၅ဝ-၇၇ဝ ၈၄၅-၈၆၅၂၆-၈-၁၁ ၇၄ဝ-၇၆ဝ ၈၃ဝ-၈၅ဝMIRT(MAPT)
သြဂုတ်လ နောက်ဆုံးပတ် မတ်ပဲတန် ၁၄ဝဝဝ ခန့် တင်ပို့မှုရှိ ပင်လယ်ရေကြောင်းက မတ်ပဲတင်ပို့မှုကတော့ သြဂုတ်လနောက်ဆုံးပတ်မှာ လည်း ပုံမှန်တင်ပို့နေတာ တွေ့ရပါတယ်။ သြဂုတ်လ ၂၁ ရက်မှ ၂၇ ရက်အတွင်း တန်ချိန် ၁၄ဝဝဝ ခန့် တင်ပို့မှုရှိခဲ့လို့ ယခင်သီတင်းပတ် တင်ပို့ခဲ့တဲ့ ပမာဏအတိုင်း တင်ပို့ခဲ့တာ တွေ့ရပါတယ်။ လက်ရှိဘဏ္ဍာနှစ် သြဂုတ်လ ၂၆ ရက်နေ့အထိ မတ်ပဲတင်ပို့မှုကို ကြည့် မယ်ဆိုရင်တန်ချိန် ၃၁ဝဝဝဝ ကျော်ပြီး ဝင်ငွေအားဖြင့် ကန်ဒေါ်လာ ၂၇ဝ သန်း ခန့် ရရှိတာတွေ့ရပါတယ်။ ယခင်ဘဏ္ဍာနှစ် ကာလတူ တင်ပို့မှုမှာ တန်ချိန် နှစ်သိန်း ကျော်ရှိပြီး ဝင်ငွေမှာကန်ဒေါ်လာ ၂၂ဝ သန်း ခန့်ရှိတာကို တွေ့ရပါတယ်။ ယခင် နဲ့ ယခု ဘဏ္ဍာနှစ်ကာလတူချင်း တင်ပို့မှုကို နှိုင်းယှဉ်မယ်ဆိုရင် ယခုနှစ်မှာ တန်ချိန် တစ်သိန်းကျော် ပိုမိုတင်ပို့နိုင်တာတွေ့ရပြီး ရရှိတဲ့ ဝင်ငွေကို နှိုင်းယှဉ်ရင်တော့ ယခင်နှစ်ထက် ယခုနှစ်မှာ ပဲဈေးလျော့ပြီးရောင်းရတာကြောင့် ကန်ဒေါ်လာ ၅ဝ ခန့်သာ ပိုမိုတာတွေ့ရပါတယ်။ လာမယ့်သီတင်းပတ်တွေမှာလည်း မတ်ပဲတင်ပို့မှု အားကောင်းဖွယ်ရှိတယ်လို့ ခန့်မှန်းကြပါတယ်။ MIRT - MAPT
ပြောင်းတင်သွင်းမှုလေ့လာဖို့ တရုတ်အရာရှိများ တောင်အာဖရိကကို သွားရောက် ပြောင်းအများဆုံး ထုတ်လုပ်တဲ့နိုင်ငံက ပြောင်းဝယ်ယူရေးစုံစမ်းဖို့ တရုတ် အရာရှိများဟာ တောင်အာဖရိကကို သွားရောက်ခဲ့တယ်လို့သိရပါတယ်။ တင်သွင်းဖို့ မစဉ်းစားမီ ပိုးကျရောက်မှုအန္တရာယ်ကိုလေ့လာဖို့ လွန်ခဲ့တဲ့လက ရောက်ရှိခဲ့ တယ်လို့ တောင်အာဖရိကအခြေစိုက် ကောက်ပဲသီးနံှအဖွဲ့မှ စီးပွားရေးပညာရှင် Barrett Schoemar က ပြောကြားပါတယ်။ ကမ္ဘာမှာ ဒုတိယပြောင်းအများဆုံးထုတ်လုပ်တဲ့ တရုတ်နိုင်ငံဟာ မြင့်တက်နေ တဲ့ပြည်တွင်းဝယ်လိုအား ကို ပြည့်မီ ဖို့ ၂ဝ၁၁-၁၂ ဈေးကွက်ရာသီအတွင်း ပြောင်းအဝါ တန် ၂ သန်းခန့် တင်သွင်းဖို့ လိုအပ်နိုင်တယ်လို့ Schoeman ကဆိုပါတယ်။ ဈေးကွက်သစ်များ ပိုမိုရရှိဖို့ တောင်သူတွေကို တွန်းအာပေးလျက်ရှိပါတယ်။ ယခင် နှစ်က တရုတ်၊ အီဂျစ်နဲ့ တူနီးရှားတို့ကို တင်ပို့ဖို့ကြိုးစားခဲ့တယ်လို့ တောင်အာဖရိက စိုက်ပိုျးရေးဝန်ကြီး Tina Joemat-Petterson ကဆိုပါတယ်။ ယခုရာသီမှာ တောင်အာဖရိက ပြောင်းအဖြူနဲ့အဝါ တန် ၂ သန်းခန့် တင်ပို့ နိုင်မယ်လို့ ဆိုပါတယ်။ ဧပြီလ ၂၉ ရက်နေ့အထိ လွန်ခဲ့တဲ့ရာသီအတွင်း တန်ချိန် ၂ ဒသမ ဝ၇ သန်းကျော် ရောင်းချခဲ့ပြီး၊ ဝယ်လက်များ ကတော့ ဂျပန်၊ စပိန်၊ အီတလီ၊တရုတ်(တိုင်ပေ)နဲ့ဆိုမာလီယာတို့ဖြစ်ပါတယ်။အဓိကထုတ်လုပ်တဲ့ ပြောင်းဖြူကို လူအများစားသုံးပြီး၊ ပြောင်းဝါတန်ချိန် ၁ ဒသမ ဝ၂ သန်းကို တင်ပို့ခဲ့တယ် လို့သိရပါတယ်။ တရုတ်နိုင်ငံအနေနဲ့ ထုတ်လုပ်မှုထက် ဝယ်လိုအားက မြန်ဆန်စွာတိုးတက်နေ တာကြောင့် ၅ နှစ်အတွင်း တရုတ်နိုင်ငံရဲ့ ပြောင်းတင်သွင်းမှုဟာ နှစ်စဉ်တန်ချိန် ၁ဝ သန်းကျော်ထိ ကြီးထွားနိုင်တယ်လို့ တောင်တရုတ်ကောက်ပဲ သီးနံှကုန် သွယ်ရေး စင်တာမှ သုတေသနပညာရှင် Zheng Wenhui က ပြောကြားပါတယ်။ သြဂုတ် ၁၉ ရက် ဂျိုဟန်နက်စ်ဘတ် ရဲ့ တောင်အာဖရိက ကြိုပွိုင့်ဈေးကွက်မှာ ဒီဇင်ဘာလ ပို့ရမယ့် ပြောင်းဖြူဈေးဟာ တစ်တန်ကို ကန်ဒေါ်လာ ၃ဝ၅ ဒသမ ၇၇ ရှိခဲ့လို့ ယခင်နှစ်ဈေးထက် နှစ်ဆကျော်မြင့်တက်ခဲ့တယ်လို့ သိရပါတယ်။ စက်တင်ဘာလ ပို့ရမယ့် ပြောင်းဝါဈေးကလည်း လွန်ခဲ့တဲ့ ၁၂ လထက် ၆၂ ရာခိုင်နှုန်းမြင့်တက်ပြီး တစ်တန်ကို ကန်ဒေါ်လာ ၃ဝ၁ ဈေးနဲ့ရောင်းချခဲ့တယ်လို့ သိရပါတယ်။ ယမင်းခင်၊Source: Bloomberg News
ယခုအပတ်မှာ နယ်စပ်မှ ပြောင်းအပို့လျော့ သြဂုတ်လ ၁၇ ရက်မှ ၂၃ ရက်ထိကာလအတွင်း မြန်မာ-တရုတ်နယ်စပ်ရှိ မူဆယ်နယ်စပ်မှ မန္တလေးတိုင်းဒေသကြီးထွက် ကန်ဒေါ်လာ ၂ဒသမ ၃၆၈ သန်း တန်ဖိုးရှိ ပြောင်းဖူးစေ့ ၈၄၅၉ တန်ခန့်နဲ့ ကန်ဒေါ်လာ သုည ဒသမ ၂၆၂ သန်း တန်ဖိုးရှိ စစ်ကိုင်းနဲ့ မန္တလေးတိုင်းဒေသကြီးထွက် နံှစားပြောင်း ၈၆၂ တန်ကျော် တင်ပို့ခဲ့တာဖြစ်ပါတယ်။ ယခင်အပတ်ကထက် နံှစားပြောင်း တင်ပို့မှု တန် ၂ဝ ပိုမိုခဲ့သော်လည်း ပြောင်းဖူးစေ့ တင်ပို့မှုကတော့ တန် ၂၄၂ဝ ကျော်လျော့နည်းခဲ့ပါတယ်။ မြေပြင်ပေါက်ဈေးတွေကို ကြည့်မယ်ဆိုလျင် နံှစားပြောင်းဈေး မပြောင်းလဲ ပေမဲ့ ပြောင်းဖူးစေ့ဈေး ကတော့ မိမိဘက်မှာရော တစ်ဖက်နိုင်ငံမှာပါ ဈေးများ ကျလျက် ရှိနေပါတယ်- မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပြောင်းဖူးစေ့ ၁၉၅၈၉၅ ၂ဝ၈၇၆၉ ၁၂၈၇၄ ၆ ၂၆၇ ၂၈၈ ၂၁ ၇နံှစားပြောင်း ၂၁၁၇၇ဝ ၂၁၁၇၇ဝ - - ၃၁၄ ၃၁၄ - -MIRT (DOBT)
ပြောင်းတန် ၁ဝဝဝ ကျော်သာတင်ပို့နိုင် သြဂုတ်လ ၁၄ ရက်မှ ၂ဝ ရက်ထိ ကာလအတွင်း ပင်လယ်ရေကြောင်းမှ ပြောင်းတန်ချိန် ၁၂၉၁ တန်၊ တန်ဖိုးကန်ဒေါ်လာ သုည ဒသမ ၃၇၄ သန်းဖိုး တင်ပို့ခဲ့ပါတယ်။ ယခင်အပတ်က တန်ချိန် ၃ဝဝဝ ကျော်တင်ပို့ခဲ့တာကြောင့် တန် ၂ဝဝဝ ကျော်ခန့်တင်ပို့မှု လျော့နည်းခဲ့ပါတယ်။ ယခုတစ်ပတ်တင်ပို့တဲ့ နိုင်ငံတွေက တော့ စင်ကာပူနဲ့ မလေးရှားတို့ ဖြစ်ပါတယ်။ ပြည်တွင်းသိုလှောင်မှု လျော့နည်း တာကြောင့် တင်ပို့မှုလျော့နည်းတာလို့ သိရပါတယ်။ ပင်လယ်ရေကြောင်းက အပို့ လျော့သလို နယ်စပ်ကလည်း ယခင်အပတ်ကထက် တန် ၂၄ဝဝ ကျော် လျော့နည်း တင်ပို့ခဲ့တယ်လို့ သိရပါတယ်။ ယခုအပတ် နယ်စပ်က ပြောင်းတင်ပို့မှုဟာ တန်ချိန် ၉၃ဝဝ ကျော်ရှိပါတယ်။ FOB(ရန်ကုန်) ဈေးနှုန်းတွေကတော့ တစ်တန်ကို ၂၈ဝ- ၃ဝဝ ဒေါ်လာကြား ဈေးရလျက်ရှိပါတယ်။ KZW
ဧရာဝတီမှာ ရော်ဘာ တိုးစိုက် ဧရာဝတီတိုင်းဒေသကြီးအတွင်း ပြည်ပပို့ကုန် ရော်ဘာကို နှစ်စဉ် တိုးခဲျ့စိုက်ပျိုးလျက်ရှိကြောင်း သိရပါတယ်။ စက်မှု ကုန်ကြမ်းပစ္စည်းဖြစ်တဲ့ ရော်ဘာဈေးကွက်မှာ ကြီးမားကျယ် ပြန့်ပြီး ဈေးကွက်မှာလည်း ထိုက်တန်စွာရရှိနေခြင်း၊ ကမ္ဘာပေါ်တွင် နှစ်စဉ်ရော်ဘာလိုအပ်ချက် မြင့်တက်နေသည့် အတွက်လည်း ပြည်ပဈေးကွက်ခိုင် မာနေသော ရော်ဘာ ကို ရေရှည်ရင်းနှီး မြှုပ်နံှမှုတစ်ခုအဖြစ်ကုမ္ပဏီများ၊ လုပ်ငန်းရှင်များမှ တိုးခဲျ့စိုက်ပျိုးလျက်ရှိကြောင်း၊ ဧရာဝတီတိုင်းဒေသကြီး နှစ်ရှည် သီးနံှ စိုက်ပျိုးရေးဌာနမှ သိရပါတယ်။ ရော်ဘာကို အဓိကစိုက်ပျိုးထုတ်လုပ်တဲ့ မွန်ပြည်နယ်နဲ့ ရေမြေသဘာဝ၊ ရာသီဥတု တူညီတာကြောင့် ဧရာဝတီတိုင်း ဒေသကြီးရဲ့ ရော်ဘာစိုက်ပျိုးမှုမှာ အောင်မြင်ဖြစ်ထွန်းလျက်ရှိပါတယ်။ တိုင်းဒေသကြီးအတွင်း ယခင် နှစ် ရော်ဘာ အစေးလှီးချိန်တွင် ရော်ဘာအထွက်ပေါင် ၁ဝ၂၁၂၆ ပေါင် ထွက်ရှိပြီး ၂ဝဝ၉-၂ဝ၁ဝ ခုနှစ်တွင် ရော်ဘာ စိုက်ဧက ၁၉ဝ၅ဝ ဧကသာ စိုက်ပျိုးနိုင်ခဲ့သော်လည်း ၂ဝ၁ဝ-၂ဝ၁၁ ခုနှစ်နဲ့ ၂ဝ၁၁-၂ဝ၁၂ ခုနှစ်တွင် ရော်ဘာ စိုက်ဧက ၂ဝဝဝ ကျော်တိုးမြှင့်ပြီး ယခု ၂ဝ၁၁ သြဂုတ်လအထိ ရော်ဘာစိုက်ဧကမှာ ၂၁၁၅၈ တိုးမြှင့်စိုက်ပျိုးနိုင်ခဲ့ကြောင်း သိရပါတယ်။ မင်းမင်းဦး
ထိုင်းရော်ဘာ အရောင်းကျခြင်းနှင့် စီးပွားရေးကျဆင်းခြင်းက ရော်ဘာဈေးကွက်အားဖိအားပေးနိုင် ဥရောပြွေကးမြီပြဿနာနဲ့ ရေနံစိမ်း ဈေးနှုန်းကျဆင်းခြင်းကြောင့် ကမ္ဘာ့အကြီးဆုံးရော်ဘာတင်ပို့သူ ဖြစ်တဲ့ ထိုင်းနိုင်ငံရဲ့ ရောင်းအားကျဆင်းမှာကိုစိုးရိမ်နေကြောင်းသိရပါတယ်။ ဇန်နဝါရီလအတွက် စာချုပ်ဈေးနှုန်းက သုည ဒသမ ၄ ရာခိုင်နှုန်း ကျဆင်းပြီး တစ်တန်ကို ၄၇ဝ၇ ဒေါ်လာ သာရှိကြောင်းသိရပါတယ်။ ရော်ဘာရဲ့ အခြေအနေ က ရေနံဈေးကျ တဲ့အတိုင်း ပြောင်းလဲနိုင်ကြောင်း ဖိလစ်ပိုင်ဒီအက်စ်ဖျူးချားကုမ္ပဏီရဲ့ သုတေသီက ပြောကြားခဲ့ ပါတယ်။ ဥရောပြွေကးမြီ အကျပ်အတည်းနဲ့ ကမ္ဘာ့စီးပွားရေးကျဆင်းခြင်းက ဆက်လက် စိုးရိမ်ဖွယ်ဖြစ်ပြီးရော်ဘာ ဈေးကွက်ကို ဖိအားပေးနိုင်ကြောင်း ဘန်ကောက်အခြေစိုက် ဒီအက်စ်ဖျူးချားကုမ္ပဏီရဲ့ သုတေသီက ပြောကြားခဲ့ပါတယ်။ ဇူလိုင်လမှာ ဂျပန်ရဲ့ ပို့ကုန်ကထင်ထား တာထက် ကျဆင်းခဲ့ပြီး ငွေကြေး အားကောင်းလာခြင်းက ပြည်ပရောင်းလိုအားအပေါ်ဖိအားရှိကြောင်း သိရပါတယ်။ ယခင်နှစ်ထက် ဇူလိုင်လမှာ ပို့ကုန် ၃ဒသမ ၃ ရာခိုင်နှုန်း ကျဆင်းခဲ့ကြောင်းသိရပါတယ်။ စီးပွားရေးပညာရှင်များရဲ့ ကွင်းဆင်းလေ့လာချက် အရ ဇွန်လ မှာ ပို့ကုန် ၁ ဒသမ ၆ ရာခိုင်နှုန်းကျဆင်းခဲ့ပြီးနောက် ၂ ဒသမ ၆ ရာခိုင်နှုန်းအထိဆက်လက် ကျဆင်းခဲ့ကြောင်း သိရပါတယ်။ ထိုင်းနိုင်ငံတောင်ပိုင်းမှာ မိုး ၆ဝ ရာခိုင်နှုန်းရွာသွန်းပြီး ရော်ဘာအစေးထွက် ထိခိုက်တာကြောင့် အရောင်း ကျနေ ကြောင်း ရော်ဘာသုတေသနဌာနရဲ့ ဝက်ဘ်ဆိုဒ်မှာဖော်ပြထားပါတယ်။ ထိုင်းတောင်ပိုင်း ကနေ ရော်ဘာ ရောင်းလိုအားရဲ့ ၈ဝ ရာခိုင်နှုန်း ကို ထုတ်လုပ်ကြောင်းသိရပါတယ်။ ရှန်ဟိုင်းကုန်စည်ဒိုင်မှာတော့ ဇန်နဝါရီလ အတွက် ဈေးနှုန်းက ၁ ရာခိုင်နှုန်းကျဆင်းပြီး တစ်တန်ကို ၅၂၈၃ ဒေါ်လာရှိကြောင်း သတင်းရရှိပါတယ်။ KZW,Source: bloombery.com
ကမ္ဘာ့ရော်ဘာစိမ်းဈေးနှုန်းများ သြဂုတ်လတွင်လည်း တစ်တန်လျင် ၅ဝဝဝ အောက် နှုန်းထားဖြင့်သာ ဆက်လက်အရောင်းအဝယ်ဖြစ်နေ ဇွန်လမှစပြီး တစ်တန်ကို ပျမ်းမျှကန်ဒေါ်လာ ၅ဝဝဝ အောက် ရောက်ရှိသွားတဲ့ ကမ္ဘာ့ရော်ဘာစိမ်း ဈေးနှုန်းတွေက သြဂုတ်လမှာလည်း တစ်တန်ကို ၅ဝဝဝ အောက် နှုန်းထားနဲ့ သာ ဆက်လက် အရောင်းအဝယ် ဖြစ်နေတယ်။ ကမ္ဘာ့ရေနံစိမ်းဈေးနှုန်းတွေ အားနည်းလာခြင်း ၊ ကမ္ဘာ့စီးပွားရေး အားနည်း လာခြင်းကြောင့် တာယာနဲ့ လက်အိတ်တွေ ထုတ်လုပ်ဖို့ လိုအပ်တဲ့ ရော်ဘာဝယ် လိုအား လျော့ကျမယ် ခန့်မှန်းခြင်း၊ ရော်ဘာဝယ်လိုအားအများဆုံး တရုတ်နိုင်ငံရဲ့ ၂ဝ၁၂ ခုနှစ်အတွက်ဖွံ့ဖြိုးတိုးတက်မှုနှုန်းကို ၉ ရာခိုင်နှုန်းမှ ၈ ဒသမ ၇ ရာခိုင်နှုန်းထိလျော့ချ ခန့်မှန်းကြခြင်း ၊ ယခုနှစ်မှာလည်း တရုတ် နိုင်ငံရဲ့ စီးပွားရေးကျယ်ပြန့်မှုမှာ ၈ ဒသမ ၉ ရာခိုင်နှုန်း သာရှိရာ ယခင်ခန့်မှန်းထားတဲ့နှုန်း ၉ ဒသမ ၁ ရာခိုင်နှုန်းထက် လျော့ကျသွားခြင်းတို့ကြောင့် ရော်ဘာဈေးနှုန်းတွေ အားနည်းနေခြင်းဖြစ်တယ်။ ဒါကြောင့် ယခင်အပတ် သြဂုတ်လ ၁၅ ရက်နေ့က တစ်တန်ကို ၄၆၆၅ ဒသမ ၅ဝ ဒေါ်လာရှိနေတဲ့ ထိုင်း RSS-5 က သြဂုတ်လ ၂၂ ရက်နေ့မှာ တစ်တန်ကို ၄၆ဝ၃ ဒသမ ၅ဝ ဒေါ်လာအထိ ၆၂ ဒေါ်လာ ဈေးကျလာတယ်။ သြဂုတ် လဆန်းပိုင်း ဈေးနှုန်းဖြစ်တဲ့ တစ်တန်ကို ၄၈၇၇ ဒသမ ၅ဝ ဒေါ်လာနဲ့ ယှဉ်ရင် ၂၇၄ ဒေါ်လာ ဈေးကျသွားတယ်။ လက်ရှိ ရော်ဘာဈေး ကျဆင်းနေသော်လည်း ထိုင်းနိုင်ငံတောင်ပိုင်း မိုးရွာသွန်းနေရာ ရော်ဘာစေးထုတ်လုပ်မှုကို လျော့ကျစေမှာဖြစ်ပြီး ဈေးနှုန်းကျဆင်းမှု အနည်းငယ်သာဖြစ်နိုင်ကြောင်း ခန့်မှန်းကြတယ်။ ပပ၊Source:bloomberg.com , rubberboard.org.in
နယ်စပ်အပို့လည်း လျော့ သြဂုတ် ၁၇ ရက်မှ ၂၃ ရက်ထိကာလအတွင်းမှာ မူဆယ်နဲ့ ချင်းရွှေဟော်နယ်စပ်များမှ တစ်ဖက် တရုတ်နိုင်ငံသို့ ရော်ဘာအဆင့်စုံ ၃၈၂ တန် တန်ဖိုးအားဖြင့် ကန်ဒေါ်လာ ၁ ဒသမ ၆၉၄သန်းဖိုး အပို့ရှိခဲ့ပါတယ်။ ယခင်အပတ်က ၅၈၄ တန်ကျော် အပို့ရှိခဲ့တာမို့ ယခုအပတ်မှာတော့ တန်၂ဝဝ ကျော်တင်ပို့မှု လျော့နည်းခဲ့ပါတယ်။ ယခုအပတ် နယ်စပ် အလိုက် ရော်ဘာတင်ပို့နိုင်မှုတွေကတော့ မူဆယ်နယ်စပ်မှ RSS-3 ၁၆၅ တန်၊RSS-5 ၁ဝ၅ တန်ကျော်၊MSR-50 ၁၂ တန်နဲ့ ချင်းရွှေဟော်နယ်စပ်မှ RSS-3 တန် ၁ဝဝ ဖြစ်ပါတယ်။ ရော်ဘာမြေပြင်ဈေးများကတော့ မိမိဘက်မှာရော တစ်ဖက်နိုင်ငံမှာပါပြောင်းလဲမှုမရှိဘူးလို့ သိရပါတယ်၊၊ မိမိဘက် RSS-3 မြေပြင်ပေါက်ဈေးက ကျပ် ၃ ဒသမ ၄၁၄ သန်း ဖြစ်ပြီး တစ်ဖက် နိုင်ငံဈေးကတော့ ဒေါ်လာ ၄၃၁၂ ဖြစ်ပါတယ်။RSS-5 ရဲ့မိမိဘက် မြေပြင်ပေါက်ဈေးက ကျပ် ၃ ဒသမ ၃ဝ သန်းဖြစ်ပြီး တစ်ဘက်နိုင်ငံမြေပြင်ဈေးကတော့ ဒေါ်လာ ၄၁၅၅ ဖြစ်ပါတယ်။ MIRT(DOBT)
အထွက်ကျတဲ့ရာသီဖြစ်လို့ အပို့လျော့ သြဂုတ် ၁၄ ရက်မှ ၂ဝရက်ထိကာလအတွင်း ပင်လယ်ရေကြောင်းမှ ရော်ဘာ ၂ဝ၁ တန် တန်ဖိုး ကန်ဒေါ်လာ သုည ဒသမ ၈၈၇သန်းဖိုးတင်ပို့ခဲ့ပါတယ်။ ယခင် ရက်သတ္တပတ်ကထက် တန်ချိန် ၂၁ဝ နီးပါး တင်ပို့မှု လျော့နည်းခဲ့ပါတယ်။ တင်ပို့တဲ့ နိုင်ငံကတော့ စင်ကာပူတစ်နိုင်ငံထဲကို တင်ပို့ခဲ့တာဖြစ်ပါတယ်။ နယ်စပ်မှ ယခုအပတ်ရော်ဘာတင်ပို့မှုတန် ၃၈ဝ ကျော်ရှိပြီး ယခင်အပတ်ကထက် တန် ၂ဝဝ ကျော် လျော့နည်းတင်ပို့ခဲ့ပါတယ်။ FOB (ရန်ကုန်) ဈေးနှုန်းကတော့RSS-3 နဲ့MSR-20 တစ်တန်ကို ၄၄ဝဝ ဒေါ်လာနဲ့RSS-5 တစ်တန်ကို ၄၃ဝဝ ဒေါ်လာဈေးရလျက်ရှိပါတယ်။ ရော်ဘာအထွက် ကျတဲ့ရာသီဖြစ်တာကြောင့် တင်ပို့မှုလျော့နည်းရခြင်းဖြစ်တယ်လို့ သိရပါတယ်။ KZW