Background
နနွင်းဈေးကောင်းရခဲ့ ပင်လယ်ရေကြောင်းကုန်သွယ်မှုလမ်းကနေ ဖေဖော်ဝါရီ ၂၁ ရက်မှ ၂၈ ရက် တာကာလအတွင်း နနွင်းတန်ချိန် ၄၇ တန်ကို တင်ပို့နိုင်ခဲ့ပါတယ်။ တင်ပို့ခဲ့တဲ့ကုန် သွယ်ဖက်နိုင်ငံတွေကတော့ မလေးရှားနိုင်ငံကို ၁၅ တန်နဲ့ စင်ကာပူကို ၃၂ တန် တို့ပဲဖြစ်ပါတယ်။ ဖေဖော်ဝါရီလရဲ့ နနွင်းတင်ပို့ခဲ့တဲ့ တန်ချိန် စုစုပေါင်းမှာ ၆၈ တန်ရှိခဲ့ပြီး ယခင်ဇန်နဝါရီလအတွင်း တင်ပို့မှုက ၁ဝ၇ တန်ရှိခဲ့တာကြောင့် ဖေဖော် ဝါရီလမှာ နနွင်းတင်ပို့မှုကလျော့နည်းခဲ့ပါတယ်။ တစ်တန်ကို အက်ဖ်အိုဘီဈေး ကန်ဒေါ်လာ ၁၈၅ဝ ဝန်းကျင်နဲ့ တင်ပို့နိုင်ခဲ့တာကြောင့် စုစုပေါင်းပို့ကုန်ဝင်ငွေ ကန်ဒေါ်လာ ၈၈၉၂၅ ရရှိခဲ့ပါတယ်။ MIRT (DOT)
ပြည်မန်ကျည်းသီးဈေးကွက် ပဲခူးတိုင်းဒေသကြီးအနောက်ပိုင်းရှိ ပြည်၊ ပေါက်ခေါင်း၊ သဲကုန်း၊ ပန်းတောင်း၊ ရွှေတောင်မြို့နယ်များဟာ မန်ကျည်းသီးအများဆုံးစိုက်ပျိုးထွက်ရှိရာ မြို့နယ်များဖြစ်ပါတယ်။ ပဲခူးတိုင်းဒေသကြီးအနောက်ပိုင်းမှ နှစ်စဉ် မန်ကျည်းသီး ပိဿာချိန် ၂ သိန်းမှ ၂ သိန်းခွဲခန့်ထွက်ရှိပြီး ရခိုင်ပြည်နယ်နဲ့ ရန်ကုန်တိုင်း ဒေသကြီးများသို့ အဓိကတင်ပို့ ရောင်းချပါတယ်။ မန်ကျည်းသီးဈေးနှုန်းများမှာ ယခင်နှစ်က အစေ့လွတ် တစ်ပိဿာ ၁၆ဝဝ ကျပ်-၁၈ဝဝ ကျပ်ဖြစ်ပြီး ယခုနှစ်တွင် အစေ့လွတ် တစ်ပိဿာ ၁၈ဝဝ ကျပ်-၂ဝဝဝ ကျပ်နှုန်းဖြင့် ရောင်းချကြောင်း သိရပါ တယ်။ စောစောရီ
မန်ကျည်းတန်ချိန် ၄ဝဝ ကျော်တင်ပို့နိုင်ခဲ့ ပင်လယ်ရေကြောင်း ကုန်သွယ်မှုလမ်းကနေ ဖေဖော်ဝါရီလ ၂၁ ရက်မှ ၂၈ ရက်တာကာလအတွင်း မန်ကျည်းတန်ချိန် ၄၁၂ တန်ကို တင်ပို့နိုင်ခဲ့ပါတယ်။ တင်ပို့ ခဲ့တဲ့ကုန်သွယ်ဖက်နိုင်ငံတွေက အင်ဒိုနီးရှားကို တန် ၅ဝ၊ မလေးရှားနိုင်ငံကို ၂၉၁ တန်နဲ့ စင်ကာပူနိုင်ငံကို ၇၁ တန်ဖြစ်ပါတယ်။ ပြီးခဲ့တဲ့သီတင်းပတ် မန်ကျည်းတန် ချိန် ၂၉၄ တန်တင်ပို့နိုင်ခဲ့တာကြောင့် ဒီတစ်ပတ်တင်ပို့ခဲ့တဲ့ တန်ချိန်နဲ့ ယှဉ်ရင် တန်ချိန် တစ်ရာကျော်ပိုမိုတင်ပို့နိုင်ခဲ့တာ တွေ့ရပါတယ်။ ဖေဖော်ဝါရီလအတွင်း မန်ကျည်းစုစုပေါင်း တင်ပို့နိုင်ခဲ့တဲ့တန်ချိန်က ၈ဝ၄ တန်ဖြစ်ပါတယ်။ တစ်တန်ကို အက်ဖ်အိုဘီဈေးကန်ဒေါ်လာ ၃၅ဝ ဝန်းကျင်နဲ့ စုစုပေါင်းပို့ကုန် ဝင်ငွေ ကန်ဒေါ်လာ ၁၄၇၈၅၅ ရရှိခဲ့ပါတယ်။ MIRT (DOT)
ချင်းစို ဝင်ရောက်မှုနည်းလာတဲ့ ရှမ်းချင်းဈေးကွက် ဒီတစ်ပတ် အောင်ပန်းဈေးကွက်၊ ဟိုပုံးဈေးကွက်တွေမှာ ချင်း (စို) ဈေးငြိမ်နေပါတယ်။ ဈေးကွက်ထဲကိုလည်း ချင်းစို ဝင်ရာက်မှု နည်းသွားပါပြီ။ တောင်သူတွေကလည်း ကြိုက်ဈေးရ၊ ဒီထက်ဈေးပိုတက်လာမှသာဖော်ပြီး ရောင်း ကြတော့မယ်လို့သိရပါတယ်။ ဒီနောက်ပိုင်း အစိုတွေအဝင်နည်းပြီး အခြောက် တွေသာ ပိုဝင်လာနိုင်တယ်လို့ ခန့်မှန်းကြပါတယ်။ အောင်ပန်းဈေးကွက်မှာ ချင်း (စို) တစ်ပိဿာ ၄ဝဝ ကျပ်မှ ၆၅ဝ ကျပ်ဈေးရှိပြီး၊ ချင်းခြောက်က တစ်ပိဿာ ၁၈ဝဝ ကျပ်၊ ၂ဝဝဝ ကျပ်ဈေးရှိပါတယ်။ နမ့်ဆန်ဈေးကွက်မှာလည်း ချင်း (စို) အဝင်နည်း သွားပြီလို့ သိရပါတယ်။ ပေါ်ကာစမှာ အစိုတွေအတိုင်းရောင်းခဲ့ကြပြီး အခြောက်အဖြစ်သိပ်မလုပ်ခဲ့ ကြဘူးလို့ သိရပါတယ်။ ဟိုပုံးနယ်ဖက်ကထွက်တဲ့ ချင်းတွေသာ အရည်အသွေး ညံ့လို့ အစိုတိုင်းရောင်းတာနည်းပြီး အခြောက်လုပ်တာ များပါတယ်။ နမ့်စန်မှာ ချင်း (စို) တစ်ပိဿာပေါက်ဈေးက ၃ဝဝ ကျပ်သာ ရှိပါတယ်။ အခြောက်တွေက တော့ ဈေးကွက်ကို သိပ်မဝင်လာသေးပေမဲ့ ဈေးကတော့ ၂ဝဝဝ ကျပ်အောက်မှာ သာ ဖွင့်နိုင်တယ်လို့သိရပါတယ်။ ဟိုပုံးဈေးကွက်မှာတော့ အစိုဈေးက ၃ဝဝ ကျပ်၊ ၄ဝဝ ကျပ်ရှိပြီး ချင်းခြောက်ဈေးက ၁၇ဝဝ ကျပ်၊ ၁၈ဝဝ ကျပ်ရှိပါတယ်။ တောင်ကြီးဈေးကွက်မှာ တော့ ချင်းခြောက်တစ်ပိဿာ ၂ဝဝဝ ကျပ်ဈေးရှိတယ်လို့ တောင်ကြီးကုန်စည် ဒိုင်က သိရှိရပါတယ်။ ဧဧခိုင်
ပြည်ချင်းဈေးကွက် ပုံမှန်ရောင်းဝယ်ဖြစ် ပြည်ဈေးကွက်သို့ အောင်ပန်းချင်းများ ယခုတစ်ပတ်တွင်လည်း ပိဿာ ၃ဝ ဝင်အိတ် ၁၅ဝ ခန့်နဲ့ အဝင်ပုံမှန်ရှိနေပါတယ်။ အရောင်းအဝယ်အားဖြင့် တစ်နေ့ကို ပိဿာချိန် ၃ဝဝ ခန့် ပုံမှန်အရောင်းအဝယ်ဖြစ်နေပြီး ဈေးနှုန်းမှာလည်း ယခင်အပတ်ဈေးအတိုင်း တစ်ပိဿာကို ချင်း(ရှယ်) ၁၂ဝဝ ကျပ်၊ (ဂျွန်) ၁ဝဝဝ ကျပ်တို့ရှိကြောင်း သိရပါတယ်။ ပြည်ဈေးကွက်မှတစ်ဆင့် ဧရာဝတီတိုင်းဒေသကြီးနဲ့ ရခိုင်ပြည်နယ်ဘက်သို့ စားသုံးမှုအဖြစ် တစ်နေ့ကို ပိဿာချိန် ၂ဝဝ ခန့် တင်ပို့မှု ရှိတယ်လို့လည်း သိရပါတယ်။ ဝင်းလဲ့ဝါ
ဖေဖော်ဝါရီလအတွင်း ချင်း ၆ဝ တန်သာတင်ပို့နိုင် ဒီတစ်ပတ်မှာတော့ ချင်းတင်ပို့နိုင်ခြင်းမရှိပါ။ ဖေဖော်ဝါရီလ ချင်းစုစုပေါင်း တင်ပို့နိုင်ခဲ့တဲ့ တန်ချိန်က ၆ဝ ဒသမ ၄ တန်ပဲဖြစ်ပါတယ်။ ၂ဝ၁၁ ခုနှစ် ဇန်နဝါရီ လ ချင်းတင်ပို့နိုင်မှုက တန်ချိန် ၁ဝ၈ တန်ရှိခဲ့တာကြောင့် ဖေဖော်ဝါရီလမှာ ချင်း တင်ပို့မှုက တန်ချိန် ၅ဝ လောက်လျော့နည်းခဲ့တာတွေ့ရပါတယ်။ MIRT (DOT)
သကာပွက်ရည်ဈေးလိုက်လို့ တောင်သူတွေတွက်ခြေကိုက် ယခုနှစ်ကြံရာသီတွင် သကြားဈေးကောင်းမွန်လျက်ရှိသဖြင့် သကြားချက်ရန် အရေးကြီးကုန်ကြမ်းဖြစ်တဲ့ သကာပွက်ရည်ဈေးလည်း မြင့်တက်လာခဲ့တယ်လို့ သိရပါတယ်။ သကာပွက်ရည် တစ်ပိဿာဈေးရဲ့ နှစ်အလိုက် ဈေးကွက်ကိုလေ့လာတဲ့ အခါ ၂ဝဝ၉ ခုနှစ်က တစ်ပိဿာ ၅ဝဝ ကျပ်၊ ၅၅ဝ ကျပ်၊ ၂ဝ၁ဝ ခုနှစ်က ၆ဝဝ ကျပ်၊ ၆၅ဝ ကျပ်ကနေ ယခုနှစ်မှာ တစ်ပိဿာ ၇ဝဝ ကျပ်၊ ၇၅ဝ ကျပ်ထိ ဈေးရလာ ခဲ့တာတွေ့ရပါတယ်။ ဒါကြောင့်လည်း အရာတော်မြို့နယ်၊ ဇရစ်ကျေးရွာက ကြံတောင်သူတွေဟာ ဇန်နဝါရီလကုန်ပတ်ကနေ ယနေ့ထိ ကြံခုတ်၊ ကြံရည်ကျိုချက် ပြီးရလာတဲ့ သကာပွက်ရည်ကို မုံရွာမှာရှိတဲ့ ဖောက်သည်တွေထံ တစ်ပိဿာ ၇ဝဝ ကျပ်၊ ၇၅ဝ ကျပ်ဈေးများနဲ့ တင်ပို့ရောင်းချလျက်ရှိတယ်လို့သိရပါတယ်။ ကြံတစ် ဧကကို သကာပွက်ရည် ၈၅ ပိဿာဝင် အပိုင်း ၂ဝ မှ ၂၅ အတွင်းရရှိလို့ တစ်ဧက ခန့်မှန်းဝင်ငွေကျပ် ၁၅ သိန်းခန့် ရရှိတဲ့အတွက် ကြံတောင်သူတွေ အကျိုးအမြတ် ရရှိခဲ့ကြောင်းသိရပါတယ်။ မုံရွာမှာ သကာပွက်ရည်ဒိုင်ဖွင့်လှစ်ဝယ်ယူသူ တစ်ဦးစ၊ နှစ်ဦးစသာရှိပြီး ကိုယ်တိုင်သကြားဖြူချက်လုပ်ဖို့ အခက်အခဲရှိတဲ့အတွက် မန္တလေးသကြားစက်ကြီးများသို့ ထပ်ဆင့်တင်ပို့ခဲ့ကြောင်း သိရပါတယ်။ ထွန်းလှိုင်
ပြောင်းဖူးစေ့တန်ချိန် ၈၇ဝဝ ကျော် နယ်စပ်မှပို့ ဖေဖော်ဝါရီလ ၂၃ ရက်မှ မတ်လ ၁ ရက်ထိ ကာလအတွင်း မူဆယ် ၁ဝ၅ မိုင်ကုန်သွယ်ရေးဇုန်မှ ပြောင်းဖူးစေ့ တန်ချိန် ၈၆၁ဝ နဲ့ နံှစားပြောင်း ၄၇၂ တန်ခန့်၊ လွယ်ဂျယ်နယ်စပ်မှ ပြောင်းဖူးစေ့ ၁၄၃ တန်ကျော် စုစုပေါင်း ကန်ဒေါ်လာ ၂ ဒသမ ၃၃ သန်းဖိုး တင်ပို့နိုင်ခဲ့ပါတယ်။ ယခုအပတ်ပြောင်းဖူးစေ့ စုစုပေါင်းတန်ချိန် ၈၇၅၃ တန် တင်ပို့နိုင်ခဲ့တဲ့အတွက် ယခင်အပတ်ကထက် ၁၁၁၃ တန်ကျော် ပိုမို တင်ပို့ခဲ့ပါတယ်။ သယ်ယူပို့ဆောင်စရိတ်များ မြင့်မားနေတဲ့အတွက် လားရှိုးပတ်ဝန်းကျင်ဒေသအထွက် ပြောင်းဖူးစေ့များကိုသာ မူဆယ်မှ တင်ပို့နိုင်ပါတယ်။ ယခင် အပတ်ကထက် တန် ၉၇ဝ ကျော်တင်ပို့မှုပိုမိုခဲ့ပါတယ်။ပြောင်းဖူးစေ့ဈေးဟာ ယခင် အပတ်နဲ့ နှိုင်းယှဉ်လျှင် သိသိသာသာ ပြောင်းလဲမှုမရှိပေမဲ့ နံှစားပြောင်းမှာတော့ တစ်ဖက်နိုင်ငံဈေး အနည်းငယ်မြင့်ခဲ့တယ်လို့ သိရပါတယ်။ဖေဖော်ဝါရီလ တစ်လ လုံး ပြောင်းတင်ပို့မှုမှာ တန်ချိန် ၂၈၇ဝဝ ကျော်ပါတယ်။ မိမိဘက်နဲ့ တစ်ဘက်နိုင်ငံ ပြောင်းဈေးများ နှိုင်းယှဉ်ဖော်ပြပေးလိုက်ပါတယ် - မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %နံှစားပြောင်း ၂၆၆၁၄၂ ၂၆၆၁၄၂ - - ၃ဝ၄ ၂၈၈ ၁၆ ၅ပြောင်းဖူးစေ့ ၂၈ဝ၆၉၃ ၂၈၅၉၄၅ ၅၂၅ ၂ ၂၈၈ ၂၈၇ ၁ ဝ .၃MIRT (DOBT)
ပြောင်း အပို့လျော့ ဖေဖော်ဝါရီ ၂၁ မှ ၂၈ ရက်ထိကာလအတွင်း ပင်လယ်ရေကြောင်းမှ ပြောင်း ၂၅၈ဝ တန်၊ တန်ဖိုး ဝ ဒသမ ၆၅ သန်းဖိုးတင်ပို့ခဲ့တယ်လို့ သိရပါတယ်။ ယခင် ရက်သတ္တပတ်က ၃၃၆၂ တန်တင်ပို့ခဲ့တာကြောင့်ယခု အပတ်မှာ ၇၈၂ တန်လျော့နည်းတင်ပို့ခဲ့ပါတယ်။ တင်ပို့တဲ့နိုင်ငံတွေကတော့ မလေးရှားကို ၇၃ဝ တန်၊ ဖိလစ်ပိုင် ကို ၁၇၃ဝ တန်နဲ့ စင်ကာပူကို တန် ၁၂ဝ အသီးသီးတင်ပို့ခဲ့တာဖြစ်ပါတယ်။ FOB ရန်ကုန်ဈေးကတော့ တစ်တန်ကို ဒေါ်လာ ၂၅ဝ မှ ၂၇ဝ ကြားဈေးပေါက် လျက်ရှိကြောင်း သတင်းရရှိပါတယ်။ KZW
အိန္ဒိယရော်ဘာအသင်းမှ အရည်အသွေးအတည်ပြုချက်လက်မှတ် ထုတ်ပေးမည် သဘာဝရော်ဘာအရည်အသွေးအတည်ပြုချက်လက်မှတ်ကို အဓိကအမျိုးအစားတွေအတွက် ပထမဆုံးအကြိမ် စတင်ထုတ်ပေးတော့မှာဖြစ်ကြောင်းအိန္ဒိယရော်ဘာအသင်းကပြောကြားခဲ့ပါတယ်။ ကမ္ဘာ့ဈေးကွက်မှာ အိန္ဒိယ ရော်ဘာကို ပိုမိုတိုးမြှင့်လက်ခံလာဖို့အတွက် ရည်ရွယ်ကြောင်းသိရပါတယ်။ အိန္ဒိယဟာ ကမ္ဘာ့စတုတ္ထအကြီးဆုံး ရော်ဘာ ထုတ်လုပ်သူ ဖြစ်ပါတယ်။ ရော်ဘာအသင်းရဲ့ အရည်အသွေးအတည် ပြုချက်လက်မှတ်ကို အသုံးပြုပြီး အိန္ဒိယရော်ဘာကို ကမ္ဘာ့ဈေးကွက်က တိုးမြှင့်လက်ခံနိုင်မယ်လို့ ရော်ဘာအသင်း ဥက္ကဌ ကပြောကြားခဲ့ပါတယ်။ အစိုးရ အေဂျင်စီများကလည်း ရော်ဘာတိုးမြှင့်ရေးနဲ့ စိုက်ပျိုးရေးကို ဆောင်ရွက်နေ ကြကြောင်း သိရပါတယ်။ လက်ရှိဈေးကွက်မှာ ကမ္ဘာ့ဈေးနှုန်းက ပြည်တွင်းဈေးနှုန်းထက် အများကြီးမြင့်နေပြီး ဒီအချက်က အိန္ဒိယတောင်သူတွေ ပို့ကုန်ပိုမိုတင်ပို့စေပြီး သဘာဝရော်ဘာအမျိုးအစားအတည်ပြုချက် လက်မှတ်ကို အမှတ်တံဆိပ်နဲ့ ပို့ကုန်တင်ပို့သူတွေကို ဖြန့်ဖြူးပေးတော့မှာဖြစ်ကြောင်း ရော်ဘာအသင်းဥက္ကဌကဆက် လက်ပြောကြားခဲ့ပါတယ်။ ဒီအတည်ပြုချက်လက်မှတ်က တင်ပို့သူတွေကို ရော်ဘာအသင်းအနေနဲ့ အမှတ်တံဆိပ် တပ်ခွင့်ပြုမှာ ဖြစ်ကြောင်း သိရပါတယ်။ ဒီလိုကုန်အမျိုးအစားခွဲခြားခြင်းကြောင့်အိန္ဒိယရော်ဘာကို အရည်အသွေးပြည့်မီပြီး အာမခံချက်ရှိတဲ့ ဈေးနှုန်းကို ရရှိစေကာ အကျိုးအမြတ်ကို ပို့ကုန်တင်ပို့သူတွေသာမက ထုတ်လုပ်သူတွေပါရရှိ ခံစားရမှာဖြစ်ကြောင်း သိရပါတယ်။တင်ပို့မယ့်ပို့ကုန်တွေရဲ့ အမှတ်တံဆိပ်တွေကိုတော့ အိန္ဒိယစံချိန်စံညွှန်းဗျူရိုရဲ့အစိမ်းရောင်စာအုပ်မှာ အသေးစိတ် အချက်အလက်တွေကို ထည့်သွင်းသတ်မှတ်မယ်လို့ သိရပါတယ်။သင်္ဘောတင်အမျိုးအစားတွေကတော့ မှိုင်းခံရော်ဘာပြား (RSS)၊ အိန္ဒိယအဆင့်မှီရော်ဘာ (ISNR) နဲ့ ရော်ဘာအစေးတို့ဖြစ်ကြောင်း သိရပါတယ်။ဒီအတည်ပြုချက်လက်မှတ်ကို ပါလာ သမဝါယမအဖွဲ့၊ ရီဗီယာရော်ဘာစက်ရုံနဲ့ Achoke ကုန်သွယ်ရေးအဖွဲ့တို့က ပူးပေါင်းပြီး ထုတ်ပေးမှာ ဖြစ်ပါတယ်။ဒီစံချိန်စံညွှန်း သတ်မှတ်ချက်ရဲ့ ကောင်းမွန်တဲ့တုံ့ပြန်မှုကို ရော်ဘာတင်ပို့သူများထံမှ ရရှိပြီး မက်ထရစ်တန် ၅ဝဝ ထက်မနည်းတဲ့ အရည် အသွေးမီ ရော်ဘာများကို လာမယ့်ရက်သတ္တပတ်မှာ သင်္ဘောတင်နိုင်မယ်လို့ မျှော်လင့်ရကြောင်း သတင်းရရှိပါတယ်။ KZW,Source:Commodity online