Background
ထိုင်းဘတ်ငွေခိုင်မာနေခြင်းက ထိုင်းဆန်ဈေးကို မြင့်တက်စေတာကြောင့်အာရှဆန်ဈေးနှုန်းလည်း ပြောင်းလဲလာနိုင် ထိုင်းဘတ်ငွေ တန်ဖိုးခိုင်မာနေခြင်းနဲ့ ထိုင်းဆန်အရောင်းက အကန့်အသတ်သာရှိခြင်းတို့အပြင် ပြည်ပအဝယ်ကပုံမှန် ရှိနေခြင်းတို့ကြောင့် ယခုတစ်ပတ်အတွင်း အာရှဆန်ဈေးနှုန်း အနည်းငယ်ပြောင်းလဲခဲ့တယ်လို့ သိရပါတယ်။ ထိုင်း၁ဝဝ မှတ် ဆန်ဖြူအဆင့် ြ ဆန်ဈေးဟာ တစ်တန်ကို ကန်ဒေါ်လာ ၄၉ဝ နဲ့ ငြိမ်နေရာမှ ဘတ်ငွေတန်ဖိုး ခိုင်မာနေတဲ့အတွက်လာမယ့် သီတင်းပတ်အနည်းငယ်မှာ ဆန်ဈေးနှုန်း မြင့်တက်လိမ့်အုံးမယ်လို့ ဆန်တင်ပို့သူများက ဆိုပါတယ်။ ထိုင်းဘတ်ငွေတန်ဖိုးဟာ စက်တင်ဘာလ ၂၂ ရက်နေ့မှာ ယခုနှစ်အတွင်း ၉ ရာခိုင်နှုန်းနီးပါးမြင့်တက်ခဲ့လို့ ၁၃နှစ် အတွင်း အမြင့်ဆုံးပမာဏကို ရောက်ရှိလာတယ်လို့ဆိုပါတယ်။ ဘတ်ငွေခိုင်မာနေခြင်း ကဆန်တင်ပို့သူများ အတွက်ငွေကြေးလဲလှယ်ရာမှ ဆုံးရှုံးမှု သက်သာစေဖို့ ဆန်တင်ပို့ဈေး ဒေါ်လာကိုတိုးမြင့်ဖို့ တွန်းအားပေးနေတယ်လို့ ဆိုပါတယ်။ ထိုင်းဆန်ကို ပုံမှန်ဝယ်ယူနေကြတဲ့ ဟောင်ကောင်၊ စင်ကာပူနဲ့ တရုတ်နိုင်ငံတို့က ဈေးကွက်အတွင်းမှာ ဆန်အဝယ်ရှိနေဆဲ ဖြစ်ခြင်းကလည်း ဆန်ဈေးနှုန်း ခိုင်မာစေဖို့ အထောက်အပံ့ ဖြစ်စေတယ်လို့ ကုန်သည်များက ဆိုပါတယ်။ ဒါ့အပြင် အင်ဒိုနီးရှားနဲ့ နိုက်ဂျီးရီးယားနဲ့ ဆန်ဝယ်ယူလိုတဲ့ အခြေအနေတွေကလည်း ဈေးနှုန်းကိုပိုမို အားကောင်းစေပါတယ်။ အင်ဒိုနီးရှားအစိုးရရဲ့ ဆန်ဝယ်ယူရေးအဖွဲ့ Bulog ဟာ ထိုင်းဆန်တန်ချိန် ၃ သိန်းအထိ ဝယ်ယူဖို့ဆွေးနွေးလျက်ရှိပြီး နိုက်ဂျီးရီးယားကလည်း ဆန်တန်ချိန် တစ်သန်းဝယ်ယူဖို့ စိုင်းပြင်းလျက်ရှိနေပါတယ်။ ကမ္ဘာ့ထိပ်တန်းဆန်တင်ပို့တဲ့ ထိုင်းနိုင်ငံဟာ ယခုနှစ် ဒီအချိန်ထိ ဆန်တန်ချိန် ၅ ဒသမ ၈ သန်းသာရောင်းချထားလို့ ယခင်နှစ် ကာလတူ ရောင်းချတဲ့ ဆန်တန်ချိန် ၆ ဒသမ ၃ သန်းထက် ၈ ရာခိုင်နှုန်းကျဆင်းနေပါတယ်။ ဒုတိယအများဆုံးဆန်တင်ပို့တဲ့ ဗီယက်နမ်နိုင်ငံ ဆန်ဈေးကတော့ ပြည်ပအဝယ်ပါးနေတာကြောင့် အနည်းငယ်ကျဆင်း နေပေမဲ့ ဆန်အရောင်းကလည်း အကန့်အသတ်သာရှိနေလို့ ဈေးတိုးလာနိုင်တယ်လို့ ဆိုပါတယ်။ ဒါပေမဲ့ မဲခေါင်ဒေသမှာ ဒုတိယ သီးထပ်စပါးရိတ်သိမ်းပြီးတဲ့နောက် ဗီယက်နမ်မှာ ဆန်လက်ကျန် လျော့နည်းလာခြင်းနဲ့ ဖိလစ်ပိုင်နဲ့ အင်ဒိုနီးရှားတို့က ဆန်စဝယ်တော့မယ့် သတင်းများက လက်ရှိအချိန်ထိ ဆန်ဈေးနှုန်းကို မြှင့်တင်ပေးခြင်း မရှိသေးဘူးလို့ ကုန်သည်တစ်ဦးကဆိုပါတယ်။ ဖိလစ်ပိုင်နိုင်ငံဟာ ၂ဝ၁၁ ခုနှစ်အတွက် ဆန်တင်သွင်းမှုကို နိုဝင်ဘာလမှစပြီး အနည်းငယ်တင်သွင်းဖို့ စီစဉ်နေပြီးအင်ဒိုနီးရှားနိုင်ငံကလည်း ယခုနှစ် ဒါမှမဟုတ် နောက်နှစ်မှာ ဆန်အမြောက်အမြားသိုလှောင်ဖို့ တင်သွင်းမယ်လို့ ဆိုပါတယ်။ဗီယက်နမ် ၅ မှတ်ဆန်ဈေးဟာ ယခင်သီတင်းပတ်က တစ်တန်ကို ကန်ဒေါ်လာ ၄၆ဝ ရှိရာမှ ယခုအခါ ကန်ဒေါ်လာ၄၅ဝ-၄၇၅ ရှိပြီး ၂၅ မှတ်ဆန်ဈေးဟာ တစ်တန်ကို ကန်ဒေါ်လာ ၄၂ဝ-၄၃၅ မှ ၄၃၅ ဈေးနဲ့ ကမ်းလှမ်းခဲ့တယ်လို့ သိရပါတယ်။လမင်း၊ှSources: Reuters
ယူအေအီးက ဆန်တင်သွင်းမှုပြောင်းလဲလာမယ်ဆိုရင် ပါကစ္စတန်အကျိုးရှိနိုင် ယူအေအီးနိုင်ငံက အိန္ဒိယဆန်တင်သွင်းမှုကို လျှော့ချလာမယ်ဆိုရင် ပါကစ္စတန်က ယူအေအီးကို ဆန်တင်ပို့ရမယ့်အခွင့်အလမ်းရရှိလာနိုင်တယ်လို့ ဆန်တင်ပို့သူတစ်ဦးကဆိုပါတယ်။ ဒါပေမဲ့ ထိုင်းနိုင်ငံနဲ့ ယှဉ်ပြိုင်ရမှုကတော့ စိန်ခေါ်နေအုံးမှာပါလို့ ၎င်းကဆိုပါတယ်။ အိန္ဒိယနိုင်ငံဟာ ၂ဝဝ၈ ခုနှစ်မှာ ဘာစမာတီမဟုတ်တဲ့ဆန်တင်ပို့မှုကို ပိတ်ပင်ခဲ့ခြင်းဟာ ယူအေအီးအတွက် အိန္ဒိယအပြင် အခြားနိုင်ငံတွေက ဆန်တင်သွင်းဖို့ဖြစ်လာခဲ့တယ်လို့ ကရာချိဆန်တင်ပို့သူ ှ့Shams U1 Islamကပြောကြားပါတယ်။ ယူအေအီးပြည်ပကုန်သွယ်ရေးဝန်ကြီးဌာနမှ အစိုးရကို အကြံပြုတာကတော့ အိန္ဒိယနိုင်ငံက ဆန်ဈေးကွက်ဝေစုအမြောက်အမြားကို ရယူထားပေမဲ့ ဆန်ရောင်းချမှု ကျဆင်းလာပြီဖြစ်လို့ အိန္ဒိယနိုင်ငံက ဆန်တင်သွင်းမှုကို ရှောင်ရှားသင့်တယ်လို့ဆိုပါတယ်။ယခင်နှစ်က ယူအေအီးဟာ အိန္ဒိယဆန်ကို ၇၂ ရာခိုင်နှုန်း၊ ပါကစ္စတန်ဆန်ကို ၂၁ ရာခိုင်နှုန်းနဲ့ ထိုင်းနိုင်ငံက၆ ရာခိုင်နှုန်း တင်သွင်းခဲ့ကြောင်း၊ အိန္ဒိယအပေါ် မှီခိုအားထားမှုကို ရှောင်ရှားဖို့နဲ့ ထိုင်းနိုင်ငံက တိုးတက်ဝယ်ယူဖို့ ပြောကြားခဲ့တယ်လို့ဆိုပါတယ်။ လက်ရှိယူအေအီးမှာ ထိုင်းစံပယ်ဆန်မွှေးက ထင်ရှား၊ လူသိများလာလို့ ပါကစ္စတန် တင်ပို့သူများအနေနဲ့ထိုးဖောက်ဖို့ ခက်နေသေးတယ်လို့ဆိုပါတယ်။ ပါကစ္စတန်နိုင်ငံဟာ ယခင်နှစ်က ဆန်တန်ချိန် ၄ ဒသမ ၆ သန်းတင်ပို့ခြင်းမှ ကန်ဒေါ်လာ ၂ ဒသမ ၄ ဘီလီယံ ရရှိခဲ့ပြီး၊ ယခုနှစ်မှာလည်း တန်ချိန် ၃ သန်းအထိ တင်ပို့နိုင်လိမ့်မယ်လို့ မျှော်မှန်းထားကြောင်းသိရပါတယ်။လဝန်း၊ှSource: riceonline
ယခုအပတ် ဒီဇယ်ဆီတင်သွင်းမှုပို စက်တင်ဘာလ ၁၅ ရက်မှ ၂၁ ရက်ထိကာလအတွင်း နယ်စပ်စခန်းများမှဓာတ်ဆီ ၈၈ဝ၄၅ ဂါလန်၊ တန်ဖိုးအားဖြင့် ကန်ဒေါ်လာ ဝ ဒသမ ၁၅၉ သန်း၊ဒီဇယ်ဆီ ၁၂၁၅၂၄ ဂါလန်၊ တန်ဖိုးအားဖြင့် ကန်ဒေါ်လာ ဝ ဒသမ ၂၈၇ သန်းဖိုးနဲ့ သဘာဝဓာတ်ငွေ့ရည် ၁၂ဝ၆ဝ ကီလိုဂရမ်၊ တန်ဖိုးအားဖြင့် ၅၆၅၃ ဒေါ်လာဖိုးတင်သွင်းနိုင်ခဲ့ပါတယ်။ ဓာတ်ဆီကို ကော့သောင်းမှ ၂၂၅ဝဝ ဂါလန်၊ တာချီလိတ်မှ၆၅၅၄၅ ဂါလန် တင်သွင်းခဲ့ပြီး၊ သဘာဝဓာတ်ငွေ့ရည် ၁၂ဝ၆ဝ ကီလိုဂရမ်လည်းတင်သွင်းခဲ့ပါတယ်။ ကန်ပိုက်တီးကလည်း ဓာတ်ဆီ ၁၄၄၃ ဂါလန်နဲ့ တာချီလိတ်က ဓာတ်ဆီ၁၂ဝဝ၈ဝ ဂါလန် တင်သွင်းခဲ့ပါတယ်။ ယခင်အပတ်ကထက် ဓာတ်ဆီဂါလန်၃ဝ၁ဝဝဝ နီးပါး လျော့နည်းတင်သွင်းခဲ့သော်လည်း ဒီဇယ်ဆီကိုမူ ၉၄၂၇ ဂါလန်ပိုမိုတင်သွင်းနိုင်ခဲ့ပါတယ်။ တာချီလိတ်နယ်စပ်မှ သဘာဝဓာတ်ငွေ့ရည်ကို ယခင်အပတ်က တင်သွင်းနိုင်ခဲ့ခြင်းမရှိခဲ့သော်လည်း ယခုအပတ်မှာ ၁၂ဝ၆ဝ ကီလိုဂရမ် တင်သွင်းနိုင်ခဲ့ပါတယ်။တာချီလိတ်နယ်စပ်ရှိ တစ်ဖက်နိုင်ငံပေါက်ဈေးများကို ဖော်ပြပေးလိုက်ပါတယ်-ဒီဇယ်ဆီ ၃ .၇၆ ဒေါ်လာဓာတ်ဆီ ၁ .၈၅ ဒေါ်လာသဘာဝဓာတ်ငွေ့ရည် ဝ .၄၇ ဒေါ်လာMIRT (DOBT)
အစိုးရရဲ့ ထောက်ပံ့ဈေးနှုန်းမြင့်တက်ခြင်းက အိန္ဒိယလယ်သမားများအတွက် ပဲမျိုးစုံစိုက်ဧကကို တိုးခဲျ့စေနိုင်ခဲ့ အိန္ဒိယအစိုးရရဲ့ ပဲမျိုးစုံဝယ်ယူတဲ့ဈေးနှုန်းမြှင့်တင်ဖို့ ကြေညာခဲ့ခြင်းက ယခုမိုးရာသီ ပဲမျိုးစုံစိုက်ပျိုးမှုတိုးခဲျ့ဖို့ လယ်သမားများကို တွန်းအားဖြစ်စေခဲ့ပါတယ်။ ဒါပေမဲ့ ကျွမ်းကျင်ပညာရှင်များကတော့ ပြည်တွင်းရောင်းချနိုင်မှု တိုးတက်လာခြင်းနဲ့လိုအပ်ချက်အကြားကွာဟမှုကို ဖြည့်ဆည်းနိုင်ဖို့ကိုတော့ သံသယဖြစ်နေတယ်လို့သိရပါတယ်။ နှစ်စဉ်ရူပီးသန်းပေါင်းများစွာသုံးစွဲ နေရတဲ့ ပဲတင်သွင်းမှုဟာ ကာလတိုအတွင်းမှာတော့ လျော့ကျလိမ့်မယ်လို့ ဆိုပါတယ်။ ယခုနှစ် ပဲစိုက်ပျိုးမှုဟာ ယခင်နှစ်ကာလတူထက် ဟက်တာ ၁၇ ဒသမ ၃၃ သိန်းပိုမိုခဲ့ပါတယ်။ စားနပ် ရိက္ခာဈေးနှုန်း ဖောင်းပွမှု ကြာရှည်နေတဲ့အိန္ဒိယဟာ လယ်သမားတွေပဲပိုမိုစိုက်ပျိုးဖို့ ထောက်ပံ့ဈေးနှုန်းကို တစ်တန်ရူပီး ၃၈ဝဝ နဲ့၇ဝဝဝ (ကန်ဒေါ်လာ ၈၄ - ၁၅၅) အတွင်း ၃၃ ရာခိုင်နှုန်း မြင့်တင်ခဲ့တယ်လို့သိရပါတယ်။ ၂ဝ၁ဝ-၁၁ အတွင်း ပဲစင်းငုံအတွက်အနိမ့်ဆုံးထောက်ပံ့ဈေးနှုန်း (MSP) ကို တစ်တန်ရူပီး ၂၈ဝဝဝ မှ ၃ဝဝဝဝ (ကန်ဒေါ်လာ ၆၁၈-၆၆၄) ကို စိုက်ပျိုးရေးဆိုင်ရာကုန်ကျစရိတ်နဲ့ ဈေးနှုန်းကော်မရှင်က သတ်မှတ်ခဲ့ပါတယ်။ တောင်သူတွေကို မက်လုံးပေးမှု သိသိသာသာမြင့်တက်လာတာကြောင့်လည်း စက်တင်ဘာလ ၉ ရက်နေ့ စုစုပေါင်း ပဲစိုက်ဧရိယာ ၁၁ဝ ဒသမ ဝ၈ သိန်းထိရှိခဲ့ရာ ယခင်နှစ်ကာလတူစိုက်ဟက်တာ ၉ဝ ဒသမ ၅၇ သိန်းထက် ပိုမိုခဲ့တာ ဖြစ်ပါတယ်။ ဒါပေမဲ့ ဒီလိုစိုက်ဧရိယာတိုးတက်ခြင်းဟာ စိုက်ပျိုးမြေအသစ်ကို တိုးခဲျ့လာတာမဟုတ်ဘဲ အခြားသီးနံှ အမျိုးအစားကနေပဲကိုပြောင်းလဲ စိုက်ပိုျးလာခြင်းဖြစ်တယ်လို့ဆိုပါတယ်။ ဒုတိယအရေးပါတဲ့ ပဲ ၉မိုျးရဲ့စိုက်ပျိုးမှုဟာ ၂ဝဝ၈-၂ဝဝ၉ မှာ ဟက်တာ၃၆၁၈၅ ရှိရာမှ အနိမ့်ဆုံးထောက်ပံ့ဈေးနှုန်း တစ်တန်ကို ရူပီး ၂၇၆ဝဝ (ကန်ဒေါ်လာ ၆ဝ၉ )ကိုရူပီး ၂၄ဝဝ (ကန်ဒေါ်လာ၅၃)တိုးမြင့်ပေးခဲ့တဲ့အတွက် ၂ဝဝ၉-၂ဝ၁ဝမှာ ဟက်တာ ၃၈၇၅ဝ တိုးတက်ခဲ့ တယ်လို့ သိရပါတယ်။ရေရှည်ဖြေရှင်းရမယ့်အနေနဲ့ စိုက်ပျိုးရေးထုတ်ကုန် တိုးမြင့်ခြင်းအားဖြင့် စားနပ် ရိက္ခာ ဖူလုံမှုပြဿနာနဲ့ ငွေကြေးဖောင်းပွမှုမရှိဘဲ လယ်သမားများရဲ့ဝင်ငွေပိုမိုမြင့်မားလာစေဖို့ ဖြစ်တယ် လို့ဆိုပါတယ်။ယမင်းရွှေစင်၊ှSource: Economictimes
ပဲအထွက်တိုးမှာဖြစ်လို့ ၂ဝ၁ဝ-၁၁ ပဲတင်သွင်းမှုကို အိန္ဒိယလျှော့ချနိုင် ကနေဒါ၊ အမေရိကန်နဲ့ အခြားနိုင်ငံတွေက ပဲတင်ပို့သူများဟာ အာရှပဲမျိုးစုံဈေးကွက်၊ အထူးသဖြင့် အိန္ဒိယရဲ့ပဲထုတ်လုပ်မှုပမာဏကို မျက်ခြေမပြတ်စောင့်ကြည့်နေကြရပါတယ်။ ယခု ၂ဝ၁ဝ-၂ဝ၁၁ ခုနှစ် ကနေဒါ စကက်တက်ချဝမ်ဒေသကတော့ မိုးများခဲ့တာကြောင့် ပဲအထွက်လျော့ကျဖွယ်ရှိပေမဲ့ အမေရိကန်ကတော့ ယခင်ရာသီ လက်ကျန်သိုလှောင်မှုများ ရှိနေသေးသလို ပဲအမြောက်အမြား ရိတ်သိမ်းမှုလည်းပြီးပြီဖြစ်လို့ ဈေးကွက်ရရှိရေး ရှာဖွေနေချိန်မှာ အိန္ဒိယပဲမျိုးစုံကလည်း အထွက်မြင့်တက်ဖွယ်ရှိနေပါတယ်။ ကမ္ဘာမှာ ပဲအမြောက်အမြားတင်သွင်းရတဲ့ အိန္ဒိယက အထွက်များမှာဖြစ်လို့ ကမ္ဘာမှာ ပဲပြတ်လပ်မယ့် အခြေအနေ မရှိဘူးလို့ ဆိုပါတယ်။ ဒါကြောင့် အခြားအကြောင်းရာတွေ ဖြစ်မလာဘူးဆိုရင် ပဲဈေးနှုန်း မြင့်တက်နိုင်မှာမဟုတ်ဘူးလို့ခန့်မှန်းထားပါတယ်။ လက်ရှိမိုးရာသီ ပဲမျိုးစုံစိုက်ပျိုးမှုဟာ မနှစ်ကနဲ့နှိုင်းယှဉ်ရင် ဟက်တာ ၂ဝ သိန်း ပိုမိုမြင့်တက်လာလို့ဒီ ၂ဝ၁ဝ မိုးပဲအထွက်က စံချိန်တင်နိုင်လောက်တယ်လို့ ဆိုပါတယ်။ အဓိကမိုးပဲတွေဖြစ်တဲ့ ပဲစင်းငုံ၊ မတ်ပဲနဲ့ ပဲတီစိမ်းများရဲ့ စိုက်ဧရိယာတွေ သိသိသာသာ ပိုလာခဲ့ပြီး အထူးသဖြင့်ပဲစင်းငုံ တစ်မျိုးထဲမှာပဲ စုစုပေါင်းပဲစိုက်ပျိုးမှုရဲ့ ထက်ဝက်ကျော် စိုက်ပိုျးထားရှိတယ်လို့ ဆိုပါတယ်။ စိုက်ပျိုးရေးဝန်ကြီးဌာနရဲ့စာရင်းများအရ ယခုနှစ်မိုးစိုက်ဧရိယာ ဟက်တာ ၁၁ဝ သိန်းရှိလို့ ယခင်နှစ် စိုက်ပိုျးမှု ဟက်တာ ၉ဝ သိန်းထက် ပိုမိုခဲ့ပါတယ်။အိန္ဒိယရဲ့ အချို့ဒေသတွေမှာ မိုးရက်ရှည်ရွာသွန်းမှုကြောင့် သီးနံှများပျက်စီးခဲ့ရတယ်ဆိုပေမဲ့ ပျက်စီးတဲ့ ပမာဏများများ စားစားမဟုတ်လို့ ပဲအထွက်တိုးမယ့် ခန့်မှန်းချက်ကို ထိခိုက်မှာမဟုတ်ဘူးလို့ ဆိုပါတယ်။ ပဲအထွက်နှုန်းမှာတစ်ဟက်တာ ကို ပျမ်းမျှကီလို ၅ဝဝ သာရှိပေမဲ့ စိုက်ဧရိယာ သိသိသာသာတိုးတက်တာကြောင့် မိုးပဲအထွက်ဟာ တန်ချိန်တစ်သန်း နီးပါးပို မယ်လို့ ခန့်မှန်းကြပါတယ်။ လက်ရှိအချိန်ထိ မိုးရွာနေလို့လာမယ့် ဆောင်းရာသီမှာ အစိုဓါတ် ကောင်းကောင်းရမှာ ဖြစ်တာကြောင့် ဆောင်းပဲအတွက် အခွင့်အရေးကောင်းနေပါတယ်။ အိန္ဒိယရဲ့ ဆောင်းသီးနံှရာသီဟာ အောက်တိုဘာ၊ နိုဝင်ဘာလများမှာ စတင်လေ့ရှိပြီး ဖေဖော်ဝါရီနဲ့ မတ်လများမှာ ရိတ်သိမ်းလေ့ရှိကာ ဆောင်းပဲထွက်ရှိမှုဟာ စုစုပေါင်း ပဲထုတ် လုပ်မှု ရဲ့ ၆ဝ ရာခိုင်နှုန်း ရှိပါတယ်။ပဲဈေးနှုန်းဦီးတည်ရာ အိန္ဒိယပြည်တွင်းဈေးကွက်များမှာ လက်ရှိဖြစ်နေတဲ့ ပဲအထွက်တိုးမယ့် ခန့်မှန်းချက်တွေကြောင့် ဈေးနှုန်းများကျဆင်းလျက်ရှိပါတယ်။ မနှစ်ကလို ပြည်ပပဲတင်သွင်းမှုအပေါ် မှီခိုနေခြင်းမှ လျော့ပါးလာပြီး ပြည်တွင်းပဲကို တိုးတက်စားသုံးလာနိုင်မယ့် အခြေအနေဖြစ်လာပေမဲ့ ပြည်တွင်း စားသုံးဖူလုံမှုအတွက်တော့ ပြည်ပပဲကို ဝယ်ယူတင်သွင်း နေရအုံးမှာဖြစ်ပါတယ်။ လယ်ယာထွက်ကုန်များ အထွက်တိုးမယ့် အခြေအနေကြောင့် ကျေးလက်နေပြည်သူများကို ဝင်ငွေတိုး လာစေပြီးစားသုံးမှုမြင့်တက်လာကာ ဈေးနှုန်းသက်သက်သာသာနဲ့ ဝယ်ယူနိုင်မှုလည်း မြင့်မားလာမှာဖြစ်ပါ တယ်။ ၂ဝဝ၉-၂ဝ၁ဝက ပြည်ပပဲမျိုးစုံတန်ချိန် ၃ ဒသမ ၅ သန်းခန့် တင်သွင်းခဲ့ရတဲ့ အိန္ဒိယဟာ ယခုနှစ်မှာတော့ အဲဒီပမာဏလောက် တင်သွင်းဖို့ မလိုအပ်တော့တာကိုတော့ ပြည်ပပဲတင်သွင်းသူများ သတိထားရတော့မှာ ဖြစ်ပါတယ်။ ဈေးနှုန်းအနေနဲ့လည်း အဓိကကျလာပြီဖြစ်လို့ အိန္ဒိယကို ပဲတင်ပို့လိုသူတွေအနေနဲ့ ရောင်းဈေးကမ်းလှမ်း ရာမှာစားသုံးသူစားသုံးနိုင်တဲ့ သင့်တင့်မျှတတဲ့ ဈေးနှုန်းသတ်မှတ်ရမှာဖြစ်ပါတယ်။ ဒါ့အပြင် ကနေဒါနိုင်ငံမှာရာသီဥတုဆိုးရွားနေလို့ပဲထုတ်လုပ်မှုက ပုံမှန်ထက်လျော့ကျဖွယ်ရှိတဲ့အချက်ကိုလည်း လေ့လာဖို့ လိုအပ်မှာ ဖြစ်ပါတယ်။ အမေရိကန်စားတော်ပဲကအရည်အသွေးမြင့်မားလာခြင်းမရှိပေမဲ့ ယင်းအရည်အသွေးနိမ့်ပဲများ အိန္ဒိယဈေးကွက်ကို ဝင်ရောက်လာဖွယ်ရှိပါတယ်။ကနေဒါနဲ့ အမေရိကန်ရောင်းလက်များက အိန္ဒိယ ပဲဈေးကွက်ကို ယှဉ်ပြိုင်ဝင်ရောက်မှုတွေရှိလို့ ကနေဒါပဲအထွက်နှုန်းကျဆင်း တဲ့တိုင် ကမ္ဘာ့ပဲဈေးကွက်ဟာ ဈေးနှုန်းအကျဘက်ကို ဦးတည်နေတယ်လို့ ကောက်ချက်ချနိုင်မှာဖြစ်ပါတယ်။ယမင်းရွှေစင်၊ှSources: hindubusinessline
ဝယ်လိုအားရှိပေမဲ့ လက်ကျန်နည်းလာတဲ့ ပြည်ထောပတ်ပဲ ပြည်ဈေးကွက်တွင် အခြားပဲများမှာ လက်ကျန်အသင့် အတင့် ရှိခဲ့ကြသော်လည်း ထောပတ်ပဲကတော့ လက်ကျန် မရှိသလောက် ဖြစ်နေပါပြီ။ လက်ကျန်နည်းခဲ့ပေမဲ့ ဈေးနှုန်းမှာ အတက်အကျမရှိဘဲ စက်တင်ဘာ လဆန်းမှစပြီး တစ်တင်းကို ၂၆၅ဝဝ ကျပ်ဖြင့်ဈေးငြိမ်အရောင်းအဝယ်ဖြစ်ခဲ့ကြပါတယ်။ ထောပတ်ပဲမှာဝယ်လိုအားရှိပေမယ့် လက်ကျန်နည်းခဲ့လို့ လက်လီ သမားများနဲ့သာ အရောင်းအဝယ် ဖြစ်ခဲ့ကြတဲ့အတွက် တစ်ရက်ကို အိတ် ၁၅ ၊ ၂ဝ ခန့်သာ ရောင်းဝယ်ခဲ့ကြကြောင်း သိရပါတယ်။ ခင်ဆွေဝင်း
လက်ကျန်နည်းပေမဲ့ မြေထောက်ပဲတင်ပို့နေဆဲ ပြည်တွင်းဈေးကွက်များမှာ မြေထောက်ပဲ လက်ကျန်နည်းလာပြီဖြစ်ပေမဲ့ယခုတစ်ပတ်မှာ တန်ချိန် ၂ဝဝ ကျော် တင်ပို့မှု ရှိနေသေးတာတွေ့ရပါတယ်။ ဒီတစ်ပတ် (စက်တင်ဘာ ၁၆ ရက်မှ ၂၂ ရက်ထိ) တင်ပို့တဲ့ နိုင်ငံတွေကတော့ထိုင်း၊ အိန္ဒိယနဲ့ ရှရှားတို့ဖြစ်ပါတယ်။ လက်ရှိ ၂ဝ၁ဝ-၂ဝ၁၁ ဘဏ္ဍာနှစ်ရဲ့ စက်တင်ဘာလ ၁၇ ရက်အထိ စုစုပေါင်းတင်ပို့မှုအနေနဲ့ တန်ချိန် ၅ဝဝဝ ကျော်ရှိပြီး ယခင်၂ဝဝ၉-၂ဝ၁ဝ ဘဏ္ဍာနှစ်ရဲ့ ကာလတူ တင်ပို့မှုမှာ တန်ချိန် ၇ဝဝဝ ကျော်ရှိလို့ယခုနှစ်မှာ တန်ချိန် ၂ဝဝဝ ခန့် လျော့ကျတင်ပို့တာတွေ့ရှိရပါတယ်။ပြည်ပအဝယ်ရှိပေမဲ့ ယခင်နှစ်က ရာသီဥတုအခြေအနေအရ အထွက်လျော့ကျတာကြောင့် တင်ပို့မှုလျော့နည်းရခြင်းဖြစ်တယ်လို့ ကုန်သည်များက သုံးသပ်ကြပါတယ်။ ရန်ကုန် FOB ဈေးအနေနဲ့ ယခင်တစ်ပတ်က မြေထောက်ပဲ FAQတစ်တန်ကို ကန်ဒေါ်လာ ၆၇ဝ-၆၈ဝ ရှိရာမှ ယခုတစ်ပတ် စက်တင်ဘာလ ၂၃ရက်နေ့မှာတော့ ကန်ဒေါ်လာ ၆၉၅-၇၁၅ ကို တိုးလာတာတွေ့ရပါတယ်။ အိန္ဒိယမွန်ဘိုင်းဈေးအနေနဲ့ ယခင်တစ်ပတ်ဈေးအတိုင်း ပြောင်းလဲခြင်းမရှိဘဲ polished တစ်တန်ကို ကန်ဒေါ်လာ ၇၇၉၊ unpolished တစ်တန်ကို ကန်ဒေါ်လာ ၇၅၇ ဖြစ်ကြောင်း သိရပါတယ်။ MIRT - MAPT
နယ်စပ်က ပဲယင်းကို နည်းနည်းနဲ့ မှန်မှန် တင်ပို့နေ မြန်မာအန္ဒိယနယ်စပ်ရှိ တမူးနယ်စပ်ကုန်သွယ်ရေးမှတစ်ဆင့် ပဲယင်း၈ ဒသမ ၆ တန်၊ တန်ဖိုးအားဖြင့် ကန်ဒေါ်လာ ၅၉ဝဝ ဖိုးတင်ပို့နိုင်ခဲ့ပါတယ်။ဧပြီလမှ သြဂုတ်လထိ နယ်စပ်မှ ပဲယင်းတင်ပို့နိုင်မှုဟာ ၂၃၂၄ တန်ရှိပြီ ဖြစ်ပါတယ်။စက်တင်ဘာလ ပထမပတ်မှာလည်း ပဲယင်း ၁၉ တန်ခွဲ တင်ပို့ထားပြီး ဖြစ်ပါတယ်။စက်တင်ဘာလ ဒုတိယပတ်မှာ တင်ပို့ခဲ့ခြင်းမရှိဘဲ ယခု အပတ်မှာ တင်ပို့မှုရှိတာတွေ့ရပါတယ်။ မိမိဘက်မှာ မြေပြင်ပေါက်ဈေး ၆၉၂၃ဝ၇ ကျပ်ရှိပြီး တစ်ဘက်နိုင်ငံပေါက်ဈေးကတော့ ဒေါ်လာ ၇ဝဝ ဝန်းကျင်ခန့်ရှိပါတယ်။ MIRT (DOBT)
ယခင်နှစ်ကာလတူနီးပါး ပဲယင်းအတင်ရှိ ပင်လယ်ရေကြောင်းကနေ ပဲယင်းတင်ပို့မှုအနေနဲ့ စက်တင်ဘာလ ၁၆ရက်မှ ၂၂ ရက်အတွင်း တန်ချိန် ၅ဝ ခန့်သာ ဖိလစ်ပိုင်ကို တင်ပို့မှု ရှိပေမဲ့ ယခင်နဲ့ယခု ဘဏ္ဍာနှစ်ကာလတူ တင်ပို့မှုကတော့ ပမာဏတူညီလုနီးပါး ရှိတာတွေ့ရပါတယ်။ ၂ဝဝ၉-၂ဝ၁ဝ ဘဏ္ဍာနှစ်ရဲ့ စက်တင်ဘာလ ၁၇ ရက်အထိ တင်ပို့မှုမှာတန်ချိန် ၃၄ဝဝ ကျော်တာတွေ့ရှိရပါတယ်။ ရန်ကုန် FOBဈေးအနေနဲ့ FAQတစ်တန်ကို ကန်ဒေါ်လာ ၆၆ဝ-၆၈ဝ ရှိတယ်လို့ သိရပါတယ်။MIRT - MAPT
ပဲလွန်းဖြူလည်း ဆက်လက်တင်ပို့နေဆဲပါ အခြားပဲ အမိုျးအစားတွေထဲမှာ ပင်လယ်ရေကြောင်းက တင်ပို့မှုအားကောင်းတဲ့ ပဲလွန်းဖြူဟာ ယခုတစ်ပတ် (စက်တင်ဘာလ ၁၆ ရက်မှ ၂၂ ရက်)အတွင်း မှာလည်း တန်ချိန် ၃ဝဝ ခန့်နဲ့ ဆက်လက် တင်ပို့နေတာ တွေ့ရပါတယ်။တင်ပို့တဲ့ နိုင်ငံများကတော့ အင်ဒိုနီးရှား၊ ကိုရီးယား၊ စင်ကာပူ၊ ထိုင်းနဲ့ ယူအေအီးနိုင်ငံများ ဖြစ်ပါတယ်။ လက်ရှိဘဏ္ဍာနှစ် ၂ဝ၁ဝ-၂ဝ၁၁ အတွင်း စက်တင်ဘာလ၁၇ ရက်အထိ တင်ပို့မှုကို လေ့လာမယ် ဆိုရင် တန်ချိန် ၁၅ဝဝဝ ကျော်ရှိတာကိုတွေ့ရပါတယ်။ ဒါပေမဲ့ ၂ဝဝ၉-၂ဝ၁ဝ ဘဏ္ဍာနှစ်ရဲ့ ကာလတူတင်ပို့မှု တန်ချိန်၂၁ဝဝဝ ကျော်နဲ့ နှိုင်းယှဉ်ရင်တော့ တင်ပို့မှု လျော့ကျတာတွေ့ရပါတယ်။ ရန်ကုန် FOB ဈေးအနေနဲ့ ပြောင်းလဲခြင်းမရှိဘဲ FAQ တစ်တန်ကိုကန်ဒေါ်လာ ၇၈ဝ-၇၉ဝ၊ SQ တစ်တန်ကို ကန်ဒေါ်လာ ၈၉ဝ-၉ဝဝ ဖြစ်ပြီး၊အိန္ဒိယမွန်ဘိုင်းဈေးကွက်မှာ ပဲလွန်းဖြူ (ပဲခူး) တစ်တန်ကို ကန်ဒေါ်လာ ၁ဝ၆၅ရှိတာ တွေ့ရပါတယ်။ MIRT - MAPT