ဘုရင့်နောင်မှာမတ်ပဲ (RC) ဈေးသိသာစွာမြင့်လာပြီး အရောင်းအဝယ် ဖြစ်မှုများ                ရန်ကုန်ဈေးကွက်မှာ ပို့ကုန်ဝင်ငွေ ဒေါ်လာတစ်ယူနစ် တန်ဖိုး ဈေးအထိုက်အလျောက် မြင့်လာတာရယ် အိန္ဒိယမွန်ဘိုင်းဈေးကွက် မှာ မြန်မာ့မတ်ပဲဈေးမြင့်လာမှုအပေါ်မူတည်ပြီး ပြည်ပတင်ပို့ရန် ဝယ်ယူနေတဲ့ကုန်သည်များက မတ်ပဲ (RC) ကို လက်ရှိပေါက်ဈေးထက် ဈေးပိုပေးပြီး ဈေးပေးအဝယ်ရှိတာကြောင့် ယခင်အပတ်နဲ့စာရင် ေဈးသိသိသာစွာာမြင့် လာပြီး တစ်တန်ကို အနိမ့်ဆုံး ၇၆၂ဝဝဝ ကျပ် မှ အမြင့်ဆုံး ၇၈၉ဝဝဝ ကျပ်အတွင်း ၃၂၂ဝ တန်ခန့် အရောင်းအဝယ်ဖြစ်ခဲ့သလို မတ်ပဲ (SQRC) ကလို ည်း ပြည်ပတင်ပို့ရန်ဝယ်ယူနေတဲ့ ကုန်သည်များက တစ်တန်ကို အနိမ့်ဆုံး ၉၁၇ဝဝဝ ကျပ်မှ အမြင့်ဆုံး ၉၆ဝဝဝဝ ကျပ်အတွင်း တန် ၅၂၉ ခန့် အရောင်းအဝယ်ဖြစ်ခဲ့တယ်လို့ သိရပါတယ်။ ဒါ့အပြင် ပဲစင်းငုံနီ (RC)  ကို ပြည်ပတင်ပို့ရန် ဝယ်ယူ နေတဲ့ကုန်သည်များက တစ်တန်ကို ၅၃၇ဝဝဝကျပ်နဲ့ ၆၉တန် အဝယ် ရှိခဲ့သလို ငွေပေါ်လိုတဲ့ သိုလှောင်ထားသူ ကုန်သည်များကလည်း အရောင်းရှိခဲ့တယ်လို့ ပဲကုန်သည်တစ်ဦးက ဆိုပါတယ်။

ကုန်စည်တွေရဲ့ လက်ကားဈေးနှုန်းကို  အခြေခံတဲ့ အိန္ဒိယ စားနပ်ရိက္ခာဈေးနှုန်းဖောင်းပွမှုဟာ လောင်စာဆီဈေး ငြိမ်နေတဲ့တိုင် ပဲမိုျးစုံ၊ သစ်သီးနဲ့ နို့ဈေးများ မြင့်တက်နေဆဲမို့  ဒုတိယပတ်အနေနဲ့ ဆက်လက်ဖောင်းပွနေဆဲပဲလို့ သိရပါတယ်။ ယခင်နှစ် ကာလတူနဲ့ နှိုင်းယှဉ်ရင် ပဲမိုျးစုံဈေးနှုန်းဟာ ၁၃ ဒသမ ၄၄ ရာခိုင်နှုန်း၊ နွားနို့ဈေး နှုန်းဟာ ၁၇ ဒသမ ၆ဝ မြင့်တက်နေတယ်လို့ သိရပါတယ်။ မတ်ပဲဈေး ဆက်လက်မြင့်တက်လာ       အိန္ဒိယပြည်တွင်းလက်ငင်းဈေးကွက်တွေမှာ ယခင်တစ်ပတ်က မတ်ပဲဈေး ပြန်လည်မြင့်တက်ခဲ့ရာမှ ယခုတစ်ပတ်မှာလည်း ဆက် လက် တိုးတက်လာခဲ့ပါတယ်။ ပဲပြုပြင်ကြိတ်ခွဲသူများ ဝယ်လိုအား ကောင်းနေတဲ့အပြင် ပဲစိုက်တဲ့ အခိုျ့ဒေသတွေမှာ မိုးရွာသွန်းနေ ခြင်းက ပဲအသစ်ဝင်ရောက်မှုကို နှေးကွေးစေခဲ့တာကြောင့် ဈေးတက် လာတာဖြစ်ပါတယ်။ ဈေးကွက်ကိုဝင်ရောက်လာတဲ့ ပဲအသစ်များ မှာလည်း မိုးကြောင့် အရည်အေသွးထိခိုက်မှုရှိတယ်လို့ ဆိုပါတယ်။ အိန္ဒိယမိုးလေဝသဌာနရဲ့ ခန့်မှန်းချက်အရ အနောက်တောင် မုတ်သုံ မိုးဟာ တစ်လနောက်ကျပြီး ဆုတ်ခွာဖွယ်ရှိတာကြောင့် အခိုျ့ဒေသ မှာ ရိတ်သိမ်းမှုကို ထိခိုက်နိုင်တယ်လို့ ဆိုပါတယ်။ ဒါပေမဲ့ လာမယ့် ရက်တွေမှာ ပဲအသစ်ဝင်ရောက်မှုတိုးတက်လာတော့မှာဖြစ်လို့ ပြည်ပ က တင်သွင်းမှုလျော့ကျဖွယ်ရှိတယ်လို့ ခန့်မှန်းကြပါတယ်။  ဈေး ကွက်အသီးသီးမှာ တစ်ပတ်အတွင်းဖြစ်ပေါ်ခဲ့တဲ့ မြန်မာမတ်ပဲ ၤဗျှ ဈေးနှုန်းတွေကို ဇယား(၁)နဲ့ ဖော်ပြထားပါတယ်-