ကုန်သွယ်ရေးသတင်း

မြန်မာ-တရုတ်နယ်စပ်ရှိ မူဆယ်(၁၀၅)မိုင်ကုန်သွယ်ရေးဇုန်မှတစ်ဆင့် ဇူလိုင် ၂ ရက်မှ ၇ ရက်အတွင်း အမေရိကန်ဒေါ်လာ သုညဒသမ ၄၃၄ သန်း တန်ဖိုးရှိ ပရဆေးကုန်ကြမ်း ၄၁၉ တန်ကျော်ကို တင်ပို့ခဲ့ပါတယ်။ တင်ပို့ခဲ့ တဲ့ ပရဆေးကုန်ကြမ်းတွေကတော့  ဒရင်ကောက်မြစ်၊ တောဂျူးမြစ်၊ တော ချင်း၊ မာလာဥခေါင်း၊ ကြောင်ပန်းစေ့၊ နေလဲစေ့၊ မိကျောင်းကွမ်းဖတ်စေ့၊ ရွေးစေ့၊ ရွေးရွက်၊ ချဉ်ပေါင်ဖာလာ၊စမုံနက်၊ ကွမ်းစာ၊ ဂမုန်း၊ ဝဥခြောက်၊ ဖန်ခါး သီးခြောက်၊ ဆီးဆန်နဲ့ မုတ်ခါးတို့ဖြစ်ပါတယ်။ ယခင်သီတင်းပတ်က ပရဆေးအမယ် ၉မျိုး စုစုပေါင်း၄၂၅တန် တင်ပို့ခဲ့လို့  ယခုတစ်ပတ် ပရဆေးတင်ပို့မှုမှာကုန်ကြမ်းအမယ်များသော်လည်း တင်ပို့တန်ချိန် ၅တန် ခန့် လျော့ နည်း သွားခ

ဇူလိုင်လပထမပတ်အတွင်း ကုန် သွယ်ရေးစခန်းများမှ အမေရိကန် ဒေါ်လာ ၆ဒသမ၉၉၉သန်းတန်ဖိုးရှိတဲ့ ဆိုင်ကယ်မျိုးစုံ ၁၄၈၉၅စီး တင်သွင်းခဲ့ ပါတယ်။ ယခင်တစ်ပတ်ကထက် အစီး ၈၀၀ကျော် ပိုမိုတင်သွင်းခဲ့ပါ  တယ်။

မြန်မာ-တရုတ်နယ်စပ်ရှိ မူဆယ် (၁၀၅) မိုင်ကုန်သွယ်ရေးဇုန်မှ ဇူလိုင် ပထမပတ်တွင် အမေရိကန်ဒေါ်လာ ၁၄၀၈၀၀ တန်ဖိုးရှိ ငွေချည်-၆-ဝါဂွမ်း ၆၄ တန်တင်ပို့နိုင်ခဲ့ပါတယ်။ ယခင်သီတင်းပတ်က ၃၂ တန်တင်ပို့ခဲ့ တာကြောင့် ယခု တစ်ပတ်မှာ ၃၂ တန်ပိုမိုတင်ပို့နိုင်တာ တွေ့ရပါတယ်။ရမည်းသင်းမြို့နယ်ရှိ ဝါပွဲရုံများ၊ အဝယ်ဒိုင်များအနေဖြင့် အနယ်နယ် အရပ်ရပ်မှ ထွက်ရှိလာတဲ့ဝါတွေကို ဝယ်ယူစုဆောင်းပြီး ဝါဂွမ်းနဲ့ ဝါစေ့အဖြစ် ကြိတ် ခွဲရာမှရရှိတဲ့ ဝါဂွမ်းကိုဖိစက်နဲ့ဖိပြီး စနစ်တကျထုပ်ပိုးကာ မန္တလေးရှိစက်ရုံများနဲ့ ပြည်ပဝယ်လက်များသို့ တင်ပို့ရောင်းချကြ တယ်လို့ ဝါကြိတ်စက်လုပ်ငန်းရှင်တစ်ဦးက ပြောကြားခဲ့ပါတယ်။                                

ဖျာပုံမြို့နယ် ငါးရှဉ့်အရောင်းအဝယ်ဒိုင်များမှာ ယခု ဇူလိုင်လဆန်း ပိုင်းအတွင်း ရန်ကုန်မြို့မှ ငါးရှဉ့်ဝယ်လက်များ အဝယ်လိုက်သဖြင့် အရောင်းအဝယ်သွက်လျက်ရှိကြောင်း ငါးရှဉ့်ဈေးကွက်မှ သိရပါတယ်။''အခု တလော ငါးရှဉ့် အဝယ်လိုက်တယ်ဆိုတာ ငါးရှဉ့်တွေမှာနာတဲ့ ရောဂါဖြစ်နေလို့ပါ။ အထားမခံဘူး။ သေကုန်တာများတယ်။ သေကုန်တဲ့ ငါးရှဉ့်က ဈေးကွက်ကို ပို့လု့ိမရဘူး။  ဒါကြောင့် ရန်ကုန်ဈေးကွက်မှာအဝယ်နည်းလာပြီး နယ်ဖက်တွေ မှာ အဝယ်လိုက်လာတဲ့ သဘောပါ။ ရန်ကုန်ဈေးကွက်က တရုတ်ပြည်ကို တိုက်ရိုက်တင်ပို့ကြပါတယ်။ ကျွန်တော်ကတော့ လှိုင်သာယာအဝယ်ဒိုင်ကိုပဲ ပို့ပါတယ်။ ဈေးနှုန်းအနေနဲ့ကတော့ မနှစ်က တစ်ပိဿာကို အရွယ်အစားအလိုက် ၃၈၀၀ကျပ်ကနေ ၄၀၀၀ကျပ်

မြန်မာ- ထိုင်း နယ်စပ်ဖြစ်တဲ့ မြဝတီနဲ့ ကော့သောင်း ကုန်သွယ်ရေး စခန်းမှ ဇွန် ၂၅ မှ ဇူလိုင် ၁ ရက်အတွင်း  အမေရိကန်ဒေါ်လာ  သုညဒသမ ၅၅၉ သန်းတန်ဖိုးရှိ ရေထွက်ကုန် တန် ၅၀၀ ကျော်ကို တင်ပို့ခဲ့ပါတယ်။ ယခင် တစ်ပတ်ကထက်  မြဝတီရော  ကော့သောင်း  ကုန်သွယ်ရေး စခန်းကပါ ရေထွက်ကုန်  တန် ၁၀၀ ကျော် ပိုမို  တင်ပို့ခဲ့ပါတယ်။   ယခုတစ်ပတ်မှာ မြဝတီကုန်သွယ်ရေးဇုန်မှ ငါးမျိုးစုံ တန် ၆၀ကျော်နဲ့  ကဏန်း တန် ၂၀ ကျော်၊  ကော့သောင်းကုန်သွယ်ရေးစခန်းမှ   ငါးမျိုးစုံ တန်၄၀၀ ကျော်၊ ကင်းမွန် ၁၅ တန်ကျော်၊  ပုစွန်နှစ်တန်ကျော်  ကဏန်း  တစ်တန်ကျော်နဲ့ အခြားရေထွက်ကုန် ၁၈ တန်ကျော်  အသီးသီး တင်ပို့ခဲ့တယ်လို့ ကုန်သွယ် ရေးစခန်းများမှ သိရပါတယ် ။