တရုတ်နိုင်ငံရဲ့ စုံစမ်းစစ်ဆေးမှုတွေကြောင့် ဗီယက်နမ်ရော်ဘာတင်ပို့မှု ရပ်ဆိုင်း                    တရုတ်ရဲ့ နယ်စပ်ကုန်သွယ်ရေးကတစ်ဆင့် ရော်ဘာတင်သွင်းရာမှာ တင်းကျပ်တဲ့ မူဝါဒတွေကြောင့် ဗီယက်နမ်ရဲ့ ရော်ဘာတင်ပို့မှု ရပ်ဆိုင်းလျက်ရှိကြောင်း သတင်းရရှိပါတယ်။ တရုတ်ဖက်မှ ကုန်သည်တွေက ရံဖန်ရံခါသာ ရော်ဘာကို ဝယ်ယူကြပြီး ဇူလိုင်လနောက်ပိုင်းကတည်းက ဗီယက်နမ် ရဲ့ရော်ဘာတင်ပို့မှုရပ်ဆိုင်းခဲ့ကြောင်း Sai Gon Marketing သတင်းစာ အရ သိရှိရပါတယ်။ နယ်စပ်စခန်းရှိ တရုတ်အကောက်ခွန်စစ်ဆေးရေး အရာရှိ တွေနဲ့ ရဲတွေက ဗီယက်နမ် ရော်ဘာတင်ပို့သူတွေဆီမှ တရုတ် ကုန်သည်တွေ ရော်ဘာဝယ်ယူခြင်းမှ ကာကွယ်ဖို့အတွက် အကောက်ခွန်ရှင်းလင်းခွင့် လိုင်စင်တွေကို ခွင့်ပြုမပေးကြောင်း ဗီယက်နမ် Binh Long Rubber Company  ရဲ့ ခေါင်း ဆောင် Le Van Xuong ကပြောကြားခဲ့ပါတယ်။                  တရုတ်က ရော်ဘာတင်သွင်းမှုကို ထိန်းချုပ်ထားနိုင်ဖို့အတွက် နယ်စပ်ဖြတ်ကျော်ကုန်သွယ်ရေးမှာ ၎င်းင်းမူဝါဒတွေ ရံဖန်ရံခါ ကျင့်သုံးလျက်ရှိရာ ဗီယက်နမ်ကုန်သည်တွေအနေနဲ့ ရိုးနေပြီဖြစ်ကြောင်း ဗီယက်နမ်ရော်ဘာအသင်း အထွေထွေအတွင်းရေးမှူး Tran Thi Thuy Hoa ကလဲ ပြောကြားပါတယ်။                     ၎င်းင်းမူဝါဒတွေက ရော်ဘာတင်ပို့မှုဈေးနှုန်းတွေလျှော့ချဖို့လည်း ရည်ရွယ်ကြောင်းနဲ့ ရော်ဘာဈေးနှုန်းတွေက ယခုနှစ် အစောပိုင်းကတည်းက အရှိန်အဟုန်နဲ့ မြင့်တက်ခဲ့ခြင်းကြောင့်ဖြစ်နိုင်ကြောင်း ၎င်းင်းက ဆိုပါတယ်။ ဒါကြောင့် သြဂုတ်လလယ်မှာ တရုတ်ရဲ့ ရော်ဘာတင်ပို့တဲ့ဈေးနှုန်းတွေက တစ်တန်ကို ကန်ဒေါ်လာ ၄၉၂၁ ကို လျော့ကျသွားခဲ့ကြောင်း သိရှိရပါတယ်။ မကြာသေးခင်နှစ်တွေက ဗီယက်နမ်ရော်ဘာတင်ပို့သူတွေက တရုတ်ကို တရားဝင်တင်ပို့မှုလမ်းကြောင်းမှ တင်ပို့ဖို့ ကြိုးစား ခဲ့ကြရာ ၎င်းင်းလမ်းကြောင်းက အခွန်နှုန်းထားကြီးမြင့်မှုကြောင့် ပမာဏများစွာ မတင်ပို့နိုင်ကြောင်း Tran Thi Thuy Hoa ရဲ့ ပြောကြားချက်အရ သိရှိရပါတယ်။                    တရုတ်မှ ရော်ဘာတင်သွင်းသူတွေက တရားဝင်လမ်းကြောင်းမှ တင်သွင်းရင် အခွန် ၂၅ ရာခိုင်နှုန်း ပေးဆောင်ရ သော် လည်း နယ်စပ်မှဖြတ်ကျော်တင်သွင်းရာမှာ အခွန်ပေးဆောင်စရာမလိုကြောင်းနဲ့ တရုတ်က ဗီယက်နမ်ရော်ဘာ တင်ပို့မှုရဲ့ ၆၀ ရာခိုင်နှုန်းနဲ့ ၆၅ ရာခိုင်နှုန်းကို နေရာရရှိထားပါတယ်။ယခုနှစ် သြဂုတ်လအထိ ဗီယက်နမ်က တရုတ်ကို ရော်ဘာတန်ချိန် ၄၄၉၀၀၀ ကိုတင်ပို့နိုင်ခဲ့ပြီး ကန် ဒေါ်လာ ၁ ဒသမ ၉ ဘီလီယံရရှိခဲ့ကြောင်း ဗီယက်နမ်ရော်ဘာအသင်းရဲ့ စာရင်းအရ သိရှိရပါတယ်။ အေးမွန်မွန်လှိုင်၊Source:rubbermarketnews.net 

၂၀၁၁-၁၂ အတွက် ကမ္ဘာ့သကြားပိုလျှံမှု တန်ချိန် ၉ ဒသမ ၁၆ သန်းကို လျော့ကျဖွယ်ရှိ                      ထုတ်လုပ်မှု ကျဆင်းဖွယ်ရှိတာကြောင့် အစောပိုင်းက ကမ္ဘာ့သကြားပိုလျှံမှုကို တန်ချိန် ၁၀ ဒသမ ၅၈ သန်းရှိမယ်လို့ ခန့်မှန်းထားရာမှ ၂၀၁၁-၁၂ အတွင်း တန်ချိန် ၉ ဒသမ ၁၆ သန်းကို ကျဆင်းဖွယ်ရှိတယ်လို့ ဆွစ်ဇာလန်အခြေစိုက် သုတေသနပညာရှင်Kingsman SA  က ပြောကြားပါတယ်။ အောက်တိုဘာလ ၁ ရက်မှာစတင်မယ့် ၂၀၁၁-၁၂ ရာသီအတွက် ကမ္ဘာ့ထုတ်လုပ်မှုရော စားသုံးမှုပါ လျော့ကျမယ်လို့လည်း ဆိုပါတယ်။ ဘရာဇီးနိုင်ငံရဲ့ သီးနှံထွက်ရှိမှု ပမာဏပေါ် မူတည်ပြီး ကမ္ဘာ့သကြားပိုလျှံမှုလည်းလျော့ကျနိုင်တယ်လို့ ဆိုပါတယ်။                        အဓိက ကြံစိုက်ပျိုးရာ နိုင်ငံများထဲမှ အထူးသဖြင့် ဘရာဇီးတောင်ပိုင်းမှာ အထွက်နှုန်း ကျဆင်းဖွယ် ရှိခြင်းကြောင့် ကမ္ဘာ့ထုတ်လုပ်မှုကျဆင်းမယ်လို့ ခန့်မှန်း ခြင်းဖြစ်တယ်လို့ ဆိုပါတယ်။ ဒါ့အပြင် ထိုင်း၊ တရုတ်နဲ့ အရှေ့အာဖရိက တစ်ခုလုံးမှ ထုတ်လုပ်မှုကျော်လွန်ဖွယ်ရှိတဲ့ အခြေအနေ မသေချာခြင်းအပေါ်လည်းထည့်သွင်း စဉ်းစားရမှာဖြစ်တယ်လို့ ဆိုပါတယ်။                     ၂၀၁၁-၁၂ အတွက်တတိယအကြိမ် ခန့်မှန်းချက်အရ ကမ္ဘာ့သကြား ထုတ်လုပ်မှုကို အစောပိုင်းက တန်ချိန် ၁၇၆ ဒသမ ၃၃ သန်းခန့်မှန်းရာမှတန်ချိန် ၁၇၃ သန်းကို လျော့ကျခန့်မှန်းထားပါတယ်။ အလားတူ ၂၀၁၁-၁၂ အတွက် ကမ္ဘာ့ သကြားစားသုံးမှုမှာလည်း အစောပိုင်းက တန်ချိန် ၁၆၅ ဒသမ ၇၆ သန်း ခန့်မှန်း ထားရာမှ ကမ္ဘာ့သကြားဈေး ကြီးမြင့်ခြင်းနဲ့ ကမ္ဘာ့စီးပွားရေးနှေးကွေးခြင်းတို့ကြောင့် တန်ချိန် ၁၆၄ သန်းကိုလျော့ကျခန့်မှန်းထားပါတယ်။ ဒါပေမဲ့ ၂၀၁၀-၁၁ စားသုံးမှုတန်ချိန် ၁၆၂ ဒသမ ၄၂ သန်းထက်ပိုမိုမယ်လို့တော့ ဆိုပါတယ်။ ယမင်းခင်၊Source: P T I 

အိန္ဒိယတွင် ကြက်သွန်နီဈေးနှုန်း ၃၃ ရာခိုင်နှုန်းကျော် ကျဆင်း      အိန္ဒိယမှာ ကြက်သွန်နီတင်ပို့မှု ပိတ်ပင်လိုက်ခြင်း ကြောင့် ပြည်တွင်းဈေးကွက်တွေအတွင်း ကြက်သွန်နီလက်လီနဲ့လက်ကားဈေးနှုန်း၃၃ ရာခိုင်နှုန်းကျော်ကျဆင်းသွား ကြောင်းသိရတယ်။ တင်ပို့မှု မပိတ်ပင်မီက လက်ကား ဈေးနှုန်းက တစ်ကီလိုကို ၁၅ ရူပီး ရှိခဲ့ရာမှာ ယခုအခါ ၁၀ ရူပီး အထိကျဆင်းသွားကြောင်း ၊ လက်လီဈေးနှုန်းမှာလည်း တစ်ကီလိုကို ၁၈ ရူပီးမှ ၁၃ ရူပီးအထိ ကျဆင်းသွားကြောင်း သိရတယ်။                          ကြက်သွန်နီ ထုတ်လုပ်ကုန်ကျစရိတ်မှာ တစ်ကီလိုကို ၆ ရူပီး- ၇ ရူပီး ကျသင့်ကြောင်း၊ ကြက်သွန်နီတွေကို သြဂုတ်စက်တင်ဘာကာလတွေမှ ရောင်းချဖို့ရည်ရွယ်ကာ သိုလှောင် ထားပြီး သိုလှောင်ခပါရင် တစ်ကီလိုအတွက် စုစုပေါင်း ကုန်ကျစရိတ်မှာ ၉ ရူပီး - ၁၀ ရူပီးဖြစ်ကြောင်း၊ ဒါပေမဲ့ လက်ရှိလက်ကား ပေါက်ဈေးနှုန်းနဲ့ ရောင်းချရပါက စိုက်ပျိုး သူတွေ အကျိုးအမြတ်မရရှိတော့ကြောင်း သိရပါတယ်။ ပပ၊Source:www.hindustantimes.com

မလေးရှားသို့ နနွင်း ၁၅ တန် တင်ပို့              စက်တင်ဘာ ၄ ရက်မှာ ၁၀ ရက်တာကာလအတွင်း နနွင်း ၁၅ တန်ကို ပင် လယ်ရေကြောင်းလမ်းမှ တင်ပို့ခဲ့ပါတယ်။ တင်ပို့ခဲ့တဲ့ နိုင်ငံမှာ မလေးရှားနိုင်ငံ ဖြစ်ပါတယ်။ ယခင်သီတင်းပတ် ၂၂ တန်တင်ပို့ခဲ့ပေမဲ့ ဒီတစ်ပတ်မှာတော့ ၁၅ တန်သာ တင်ပို့နိုင်ခဲ့လို့ ၇ တန်လောက် အပို့လျော့ခဲ့ပါတယ်။ ယခင်သီတင်းပတ် အက်ဖ်အိုဘီဈေး တစ်တန်ကို ပျမ်းမျှကန်ဒေါ်လာ ၁၈၈၀ ဝန်းကျင်ရရှိခဲ့ပေမဲ့ ဒီသီတင်းပတ်မှာတော့ အက်ဖ်အိုဘီဈေး တစ်တန်ကို ကန်ဒေါ်လာ ၁၅၀၀ ဝန်းကျင် ရရှိခဲ့လို့ စုစုပေါင်း ပို့ကုန်ဝင်ငွေ ကန်ဒေါ်လာ ၂၂၅၀၀ ရရှိခဲ့ပါတယ်။ MIRT (DOT)