အတွဲ(၁၅)အမှတ်(၈)
နိုင်ငံတကာဆီထွက်သီးနှံသတင်း
စားအုန်းဆီလက်ကျန်မြင့်မားမှု၊ အင်ဒိုနီးရှားနဲ့ မလေးရှားမှာ ဇီဝဒီဇယ်ခွင့်ပြုမှု အခြေအနေနဲ့ အယ်လ်နီညို ရာသီဥတု လွှမ်းမိုးလာမဲ့အခြေအနေစတဲ့မရေရာမှုတွေကြောင့်ယခုလအတွင်းမှာစားအုန်းဆီကြမ်းဈေးကတစ်တန်ရင်းဂစ်၂၇၀၀ အောက် သာ ရှိမယ်လို့ ခန့်မှန်းထားကြောင်း ရိုက်တာသတင်းမှာ ဖော်ပြပါတယ်
မလေးရှားစားအုန်းဆီ ကြိုရောင်း ကြိုဝယ်ဈေးက မေ ၇ ရက်က ခြောက်ရက်အတွင်းပထမဆုံးအကြိမ်မြင့်တက်ခဲ့ပါတယ်။ လက်ရှိအချိန်မှာစားအုန်းဆီဈေးကျဆင်းနေတာကအောက်ဈေးလိုက်ဝယ်သူတွေကို ဆွဲဆောင်နိုင်မှု ရှိခဲ့တဲ့အပြင် ရင်းနှီးမြှုပ်နှံသူတွေ ကိုလည်းအကျမှာဝယ်ရောင်းထားတဲ့စားအုန်းဆီပြန်လည်ပေးဆပ်ဖို့ဝယ်လာအောင်ဆွဲဆောင်နိုင်ခဲ့တဲ့အတွက်ယခုလို ဝယ်လိုအား များပြီး ဈေးတက်လာတာ ဖြစ်ပါတယ်။
မြန်မာ-တရုတ်နယ်စပ်ရှိမူဆယ် (၁၀၅) မိုင်ကုန်သွယ်ရေးဇုန်မှ ၂၀၁၃ ခုနှစ် အောက်တိုဘာလ ၂ ရက်မှ ၈ ရက်တာကာလအတွင်း နှမ်းရောင်စုံ ၅၉၆၂တန်ကျော်နဲ့ချင်းရွှေဟော်မှ ၁၆၇ တန်ကျော် တင်ပို့ခဲ့ပါတယ်။ ယခင် အပတ်က မူဆယ်မှ ၆၉၄၃ တန်ကျော် နဲ့ ချင်းရွှေဟော်မှ ၅၄၆ တန်ခွဲတင်ပို့ခဲ့ တာကြောင့် ယခုအပတ် နှမ်းတင်ပို့မှု ၁၃၆၀ တန်ကျော်လျော့နည်းခဲ့ပေမဲ့ နှမ်း ဈေးတွေကတော့ မူဆယ်ကုန်စည်ဒိုင် မှာယခင်အပတ်ထက် မြင့်တက်လာတာ တွေ့ရပါတယ်။ ယခုအပတ် နှမ်းဖြူ တစ်တန် ၁၉၀၅၂၂၆ ကျပ်နဲ့ နှမ်းနက် တစ်တန် ၁၈၂၆၀၄၉ ကျပ်ထိဈေးမြင့် လာ ပါတယ်။
