ပြည်ပဲဈေးကွက်မှာ ပဲလွန်းဖြူ လက်ကျန် နည်းနေပြီး၊ ပဲဈေးမှာ ယခင် တစ်ပတ်က တစ်တင်း ၁၆၅၀ဝ ကျပ်မှ ယခု တစ်ပတ် ၁၆၀ဝ၀ ကျပ်ထိ ဈေး လျှော့လာခဲ့တာကို တွေ့ရပါတယ်။ ပဲလွန်းဖြူ လက်လီသမားသာ နေ့တိုင်း အဝယ်ရှိပြီး၊ တစ်နေ့ ၁၄-၁၅ အိတ်ခန့် သာ အရောင်းအဝယ်ဖြစ်တယ်လို့ သိရပါတယ်။မိမိအေး

        ပြည်ဈေးကွက်ရှိ ပဲစင်းငုံဈေးမှာ ပိဿာ ၂၀ တစ်တင်းကို ၁၄၄၀ဝ ကျပ်ဈေး ရှိပါတယ်။ ယခုဇွန်လလယ်မှာ တော့ မကွေးတိုင်းဒေသကြီး အောင်လံမြို့နယ်မှ ပဲစင်းငုံအဝင်ရှိနေကြောင်း သိရပါတယ်။ တခြားတိုင်းမှ အဝင်ရှိနေသော်လည်း ရန်ကုန်ဝယ်လက်များ နေ့တိုင်းအဝယ်မရှိကြောင်းကိုလည်း သိရပါတယ်။ အဝယ် လိုက်တဲ့ရက်များမှာတော့ တစ်ရက်ကို အိတ် ၄၀ဝ မှ ၅၀ဝ ထိ အဝယ်ရှိနေပါတယ်။ ပဲခူးတိုင်းဒေသကြီး ပြည်မြို့နယ်မှာ မိုးသီးနှံဖြစ်တဲ့ ပဲစင်းငုံစိုက်ပျိုးဖို့အတွက် တချို့ မှာ မြေပြင်နေသလို တချို့မှာလည်း စတင်စိုက်ပျိုးနေပြီဖြစ်ကြောင်း သိရပါတယ်။ ဆုမွန်ဆွေ

        ပင်လယ်ရေကြောင်းက ပဲမျိုးစုံတင်ပို့မှုမှာ ယခုလအတွင်း ပဲစင်းငုံတင်ပို့မှုပိုမို နေရာယူလာတာ တွေ့ရပါတယ်။ ယခုတစ်ပတ် (ဇွန်လ ၄-၈) အတွင်း ပဲစင်းငုံ တန်ချိန် ၁၂၀၀၀ ခန့်တင်ပို့နိုင်ခဲ့ပြီး ယခင်သီတင်းပတ်များမှာ တန် တစ်သောင်း အောက်သာ တင်ပို့နိုင်ခဲ့တာ တွေ့ရပါတယ်။ အိန္ဒိယဝယ်လက်တွေ အဝယ်ပြန်စိပ် လာခဲ့တဲ့အတွက် တင်ပို့မှု ပိုမိုလာသလို လက်ရှိအလားအလာအရ လာမယ့်သီတင်း ပတ်တွေမှာလည်း ပိုမိုတင်ပို့နိုင်မယ်လို့ ခန့်မှန်းရပါတယ်။

    ပင်လယ်ရေကြောင်းက မတ်ပဲတင်ပို့မှုမှာ ယခင်တစ်ပတ်ထက်လျော့ကျလာပါ တယ်။ ယခင်တစ်ပတ်က တန်ချိန် ၁၈၀၀၀ နီးပါးတင်ပို့ခဲ့ရာမှ ဇွန် ၄ ရက်မှ ၈ ရက် အတွင်းမှာတော့ တန်ချိန် ၁၂၀၀၀ ကျော်တင်ပို့နိုင်ခဲ့တာ တွေ့ရပါတယ်။ ကွန်တိန်နာသယ်ယူ ခနှုန်းထားများ ပြန်လည်ကျဆင်းခဲ့ပေမဲ့ မတ်ပဲဝယ်လိုအားပြန် လျော့လာတဲ့အတွက် တင်ပို့မှုလျော့ကျလာခြင်းဖြစ်တယ်လို့ သိပါတယ်။