ဇွန်လ ၆ ရက်မှ ၁၂ ရက်ထိကာလအတွင်းမှာ ကန်ဒေါ်လာ သုည ဒသမ ၂၇၁ သန်းတန်ဖိုးရှိ နနွင်းတက်များကို မူဆယ်နယ်စပ်မှ ၁၆၇ တန်နဲ့ မြဝတီနယ်စပ်မှ ၇ တန်ကျော် အပို့ရှိခဲ့ပါတယ်။ ယခင်အပတ်နနွင်းတက် တင်ပို့မှုထက် တန် ၆၀ ပိုမိုတင်ပို့နိုင်ခဲ့ပါတယ်။ မူဆယ်နယ်စပ်မှ ကန်ဒေါ်လာ သုည ဒသမ ဝ၁၉၈ သန်းတန်ဖိုးရှိ နနွင်းခေါင်း ၁၅ တန်ကျော် အပို့ရှိခဲ့ပါသေးတယ်။ MIRT(DOBT)

        ဇွန်လ ၆ ရက်မှ ၁၂ ရက်ထိ ကာလအတွင်းမှာ ကန်ဒေါ်လာသုညဒသမ ၁၁၀၄ သန်းတန်ဖိုးရှိ မန်ကျည်းမှည့် (အစေ့ပါ) ၁၃၈ တန်ကို မူဆယ်နယ်စပ်မှ အပို့ရှိခဲ့ပါတယ်။ ယခင်အပတ်က မူဆယ်၊ မြဝတီနဲ့ စစ်တွေနယ်စပ်များမှ တင်ပို့မှု ရှိခဲ့ပေမယ့် ယခုအပတ်မှာ မူဆယ်နယ်စပ်ကသာအပို့ရှိခဲ့တာ ဖြစ်ပါတယ်။ ယခင် အပတ်ကထက် တန် ၂၀ ကျော် မူဆယ်မှ အပို့ပိုခဲ့တာဖြစ်ပြီး နယ်စပ်တစ်ခုလုံး တင်ပို့မှုထက်တော့ ၁၀ တန် အပို့ပိုခဲ့ပါတယ်။MIRT(DOBT)

        ပြည်ချင်းဈေးကွက်မှာ ယခုတစ်ပတ်အတွင်း အောင်ပန်းမှ နွေချင်းအသစ်များ ပိဿာ ၃၀ ဝင်အိတ် ၁၅၀ ခန့်အဝင်ရှိပြီး၊ ဈေးနှုန်းမှာလည်း တစ်ပိဿာ ချင်း(ရှယ်) ၆၀ဝ ကျပ်၊ (ဂျွန်) ၄၅၀ ကျပ်ဖြစ်လို့ ယခင်အပတ်ထက် ဈေး ၁၀ဝ ကျပ်နှုန်းကျလာ တာ တွေ့ရပါတယ်။ အရောင်းအဝယ်အားဖြင့် ဒေသတွင်းပွဲရုံများမှ လက်လီ၊ လက်ကားအဝယ်အပြင်ဧရာဝတီတိုင်းေ ဒသကြီးကို တင်ပို့မှုရှိလို့ ပိဿာချိန် ၃၀ဝ - ၄၀ဝ ကြား အရောင်းအဝယ်ဖြစ်ပြီး၊ အရောင်းအဝယ် ပုံမှန်ဖြစ်လျက်ရှိကြောင်း သိရပါ တယ်။ဝင်းဝင်းခိုင်

    ယခုတစ်ပတ် ပြည်ပဲဈေးကွက်အတွင်း ပဲတီစိမ်းအဟောင်းလက်ကျန်များ ဆက် လက် အရောင်းအဝယ်ဖြစ်နေခဲ့ ပါတယ်။ ဈေးနှုန်းကတော့ ယခင်အပတ်အတိုင်း တစ်တင်း ၁၅၅၀ဝ ကျပ်နဲ့သာ ဈေးငြိမ်လျက်ရှိ ပါတယ်။ ရန်ကုန်ဝယ်လက် အဝယ် ရှိပြီး၊ တစ်ခါတစ်ရံမှာ အိတ် ၄၀ဝ ကျော်ထိ အဝယ်လိုက်ကာ ဒေသတွင်း ဝယ်လက် သမားများ အဝယ်အေးနေခဲ့ပါတယ်။ ယခင်နှစ်က ဇွန်လကုန်တွင် ပဲသစ်များ စတင်ဝင်ရောက်ခဲ့ပြီး၊ အဖွင့်ဈေးမှာ တစ်တင်း ၁၅၀ဝ၀ ကျပ်နဲ့ ဈေးဖွင့်ဝယ်ယူခဲ့ ကြတာကို တွေ့ရပါတယ်။ခင်ဆွေဝင်း