Background
ယခုနှစ် မေလအတွင်း မတ်ပဲတင်ပို့မှုက စံချိန်သစ်တင် တိုးတက်ခဲ့ပါတယ်။ ဧပြီလတစ်လလုံးမှာ မတ်ပဲတန်ချိန် ၄၂၀၀၀ ကျော်တင်ပို့ခဲ့ပြီး မေလတစ်လလုံးမှာ တန်ချိန် ၉၀၀၀၀ ကျော်အထိ တင်ပို့မှုမြင့်တက်ခဲ့ ကြောင်းသိရပါတယ်။ ယခင်နှစ် မေလအတွင်းမှာလည်း မတ်ပဲတင်ပို့မှု တန်ချိန် ၈၅၀၀၀ နီးပါးထိမြင့်တက်ခဲ့ပေမဲ့ ယခုနှစ်မှာတော့ စံချိန်သစ်တင် တိုးတက်တင်ပို့နိုင်ခဲ့တာဖြစ်ပါတယ်။
အခြားလယ်ယာထွက်ကုန် ပစ္စည်း တစ်မျိုးဖြစ်သော မန်ကျည်းသီးအား ပြည်ပသို့ တင်ပို့လျက်ရှိရာ ၂၀၁၁-၂၀၁၂ ဘဏ္ဍာနှစ်တွင် ပင်လယ်ရေ ကြောင်းမှ အမေရိကန်ဒေါ်လာ ၉ သန်းကျော်ဖိုး တင်ပို့နိုင်ခဲ့သဖြင့် ၁၀ နှစ်တာကာလအတွင်း အမြင့်ဆုံး တင်ပို့ နိုင်ခဲ့ခြင်းဖြစ်ကြောင်း စာရင်းဇယားများ အရ သိရှိရပါသည်။
တရုတ်နိုင်ငံရဲ့အဓိကသင်္ဘောတင်ကုန်ပစ္စည်းတွေထားရှိတဲ့ ကွမ်ကျိုးဆိပ်ကမ်းမှာ ရော်ဘာဝယ်လိုအားတွေ ကျဆင်း တယ်လို့ ကွမ်းကျိုး နိုင်ငံတကာရော်ဘာကုန်စည်ဒိုင်ကထုတ်ပြန်ထားပါတယ်။ တာယာထုတ်လုပ်ရေးတွေရဲ့ ဝယ်လိုအားက လက်ရှိအချိန်မှာ အားနည်းနေတာကြောင့် ပြန်လည်သိုလှောင်မှုကိုလည်းအနည်းငယ်ပဲ ဆောင်ရွက်နေကြောင်း ကုန်စည်ဒိုင်ရဲ့ ဥက္ကဌကပြောကြား ခဲ့ပါတယ်။
မြန်မာ-တရုတ်နယ်စပ်ရှိ မူဆယ်၊ လွယ်ဂျယ်နဲ့ချင်းရွှေဟော်နယ်စပ်၊ မြန်မာ-ထိုင်းနယ်စပ်ရှိ မြိတ်နယ်စပ်တို့မှ မေလ ၂၃ ရက်မှ ၂၉ ရက်ထိကာလအတွင်းမှာ ကန်ဒေါ်လာ ၃ ဒသမ ၈၃၉ သန်းတန်ဖိုးရှိ ရော်ဘာအဆင့်စုံ ၁၁၁၆ တန်ကို တင်ပို့ခဲ့ပါတယ်။
မေ ၂၀ရက်မှ ၂၆ ရက်ထိကာလအတွင်း ပင်လယ်ရေကြောင်းမှ ရော်ဘာ ၃၄၇ တန်၊ တန်ဖိုး ဒေါ်လာ ၁ ဒသမ ၁၂၅ သန်းဖိုး တင်ပို့ခဲ့ပါတယ်။ ယခင်ရက်သတ္တပတ်ထက် တန် ၇၀၀ နီးပါး တင်ပို့မှုလျော့နည်းခဲ့ပါတယ်။ တင်ပို့မှုတွေကတော့ တရုတ်ကို ၂၂၇ တန်နဲ့ မလေးရှားကို တန် ၂၂၀ တင်ပို့ခဲ့တာ ဖြစ်ပါတယ်။
ဟင်္သာတဈေးကွက်မှာ အစေ့ထုတ်ပြောင်းဈေးနှုန်းမှာ ယခင်အပတ်က ပိဿာ ၂၀ တစ်တင်းကို ၆၃၀၀ ကျပ်နဲ့ အရောင်းအဝယ်ဖြစ်ခဲ့ပြီး၊ ယခုတစ်ပတ်မှာ တစ်တင်း ၆၅၀၀ ကျပ်နဲ့ ဈေးဆက်မြင့်နေကြောင်း သိရပါတယ်။ ပြောင်းစိုက်တောင်သူ များ အတွက် တစ်တင်း ကုန်ကျစရိတ်မှာ ၃၆၀၀ ကျပ်ဖြစ်ပြီး၊ တစ်တင်းရောင်းဈေးမှာ ၆၅၀၀ ကျပ်ဖြစ်လို့ တောင်သူများအတွက် အကျိုးအမြတ်ရရှိပြီး၊ ရောင်းအားလည်း ပိုကောင်းလာပါတယ်။ ရန်ကုန်ဈေးကွက်ကို တစ်ရက် ပျမ်းမျှ အိတ် ၃၀၀၀ ခန့် တင်ပို့တယ်လို့ သိရပါတယ်။ အေးအေးခိုင်
မေ ၂၃ ရက်မှ ၂၉ ရက်ထိ ကာလအတွင်းမှာ မြန်မာ-တရုတ်နယ်စပ်ရှိ နယ်စပ်ကုန်သွယ်ရေး စခန်းများမှ ကန်ဒေါ်လာ ၁ ဒသမ ၈၆၁ သန်းတန်ဖိုးရှိ ပြောင်းဖူးစေ့ ၆၆၄၉ တန်ခန့်ကို အပို့ရှိခဲ့ပါတယ်။ နယ်စပ်အလိုက်တ င်ပို့နိုင်မှု တွေကတော့ မူဆယ်မှ ၄၈၃၄ တန်ကျော်၊ လွယ်ဂျယ်မှ ၁၂၅ တန်နဲ့ ချင်းရွှေဟော်မှ ၁၆၈၉ တန်ကျော်အသီးသီးဖြစ်ပါတယ်။
မေလ ၂၀ မှ ၂၆ ရက်ထိကာလအတွင်း ပြောင်း ၁၂၂၄ တန်၊ တန်ဖိုး ဒေါ်လာသုညဒသမ ၃၇၂ သန်းဖိုးကို ပင်လယ်ရေကြောင်းမှ တင်ပို့ခဲ့ကြောင်း သိရ ပါတယ်။ ယခင်ရက်သတ္တပတ်ထက် တန် ၄၀၀ ကျော် လျော့နည်းခဲ့ပါတယ်။ တင်ပို့မှု တွေကတော့ စင်ကာပူကို ၇၃၄ တန်နဲ့ ဗီယက်နမ်ကို တန် ၄၉၀ အသီးသီး တင်ပို့ ခဲ့ပါတယ်။
ပင်လယ်ရေကြောင်းမှ နို့ဆီအဝင်နည်းပြီး၊နို့စိမ်းအဝင်ပျောက်သီတင်းတစ်ပတ်ဖြစ်တဲ့ မေ ၂၀ ရက် မှ ၂၆ ရက်တာကာလအတွင်း နို့ဆီ အဝင် တန်ချိန် ၁၇၇ ဒသမ ၁၆ တန်၊ တန်ဖိုးအားဖြင့် ကန်ဒေါ်လာ တစ်သိန်း ခြောက်သောင်းကျော် ရှိခဲ့ပါတယ်။ ယခင်သီတင်းပတ် နို့ဆီအဝင်က တန် ချိန် ၄၇၀ရှိခဲ့တာကြောင့် ဒီတစ်ပတ်မှာ နို့ဆီ အဝင်အားနည်းခဲ့ပါတယ်။ နို့စိမ်း က ယခင်တစ်ပတ်တန်ချိန် ၃၀၀ နီးပါး တင်သွင်းခဲ့ပြီး ဒီတစ်ပတ်မှာ နို့စိမ်းအဝင် ပျောက်ခဲ့ပါတယ်။
ဒီတစ်ပတ် နနွင်းဈေးကွက်ကလည်း ခပ်အေးအေးသာရှိပါတယ်။ ဟိုပုံးနနွင်းတွေက ဒေသတွင်းမှာ လှောင်လက်တွေသာ ဝယ်ယူမှုရှိပါတယ်။ နနွင်းအဝင်ကတော့ အဝယ်ရှိရင် အဝင်ရှိသလို၊ အဝယ်မရှိရင်တော့ အဝင်ကလည်းမရှိပါဘူး။ လှောင်လက် အချို့ကတော့ ဈေးကျနေတဲ့အချိန်မှာဝယ်ပြီးထပ်ထားကြပါတယ်။