Background
ယခုတစ်ပတ်အတွင်း ရန်ကုန် FOB ဈေးကွက်မှာ ပဲလွန်းဖြူ တန် ၂၂၇ အထိ အရောင်းအဝယ် ပိုဖြစ်လာခဲ့ သလို ပြည်ပတင်ပို့မှုမှာလည်း ယခင် တစ်ပတ်က တန် ၁၂၂ တန်တင်ပို့မှု ထက် အနည်းငယ်ပိုပြီး ဒီဇင်ဘာလ ၂၆ ရက်မှ ၃၀ ရက်အတွင်း တန် ၁၅၀ ခန့် အထိတင်ပို့ခဲ့တယ်လို့သိရပါတယ်။ ယခု တစ်ပတ်တင်ပို့တဲ့ နိုင်ငံကတော့ အိန္ဒိယ နဲ့ စင်ကာပူကို ဖြစ်ပါတယ်။
နှစ်သစ်မုံရွာကုန်စည်ဒိုင် ပဲစင်းငုံနီဈေးကွက်မှာ ပဲဟောင်းအရောင်းအဝယ် သွက်သလို ပဲသစ်လည်း ဝင်သလောက်အရောင်းသွက်ခဲ့တယ်လို့ ပွဲရုံရပ်ကွက်က ဆိုပါတယ်။ နယ်ခံကုန်သည်တွေအနေနဲ့ ပဲစင်းငုံနီ အဟောင်း ရောင်းထွက်ခဲ့သလို ပဲသစ်လည်း ယခုအပတ်မှာ ဈေးမြောက်လာလို့ ပစ္စည်းအဝင်သွက်လာသလောက် အရောင်း အဝယ်ဖြစ်ခဲ့တယ်လို့ဆိုပါတယ်။
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ပဲစင်းငုံ အရောင်းအဝယ် သွက်နေပါတယ်။ ဒီဇင်ဘာလ ၃၀ ရက်မှ ဇန်နဝါရီလ ၆ ရက် အထိ နေ့စဉ်အရောင်းအဝယ်ဖြစ်ကာ စုစုပေါင်း တန်ချိန် ၁၇၀၀၀ ခန့် အရောင်း အဝယ်စာချုပ်ခဲ့ကြောင်း သိရပါတယ်။
ယခုတစ်ပတ်အတွင်း အခြားပဲတင်ပို့မှု လျော့ကျမှုရှိပေမဲ့ ပဲစင်းငုံကတော့ ဆက်လက်တင်ပို့မှုအားကောင်းနေဆဲဖြစ်ပါတယ်။ဒီဇင်ဘာလ ၂၆ ရက်မှ ၃၀ ရက် အတွင်းပဲစင်းငုံတန်ချိန် ၇၈၀၀ ကျော်တင်ပို့နိုင်ခဲ့လို့ ယခင် တစ်ပတ်တင်ပို့မှု တန် ချိန် ၆၉၀၀ ထက် ပိုမိုတင်ပို့နိုင်တာတွေ့ရပါတယ်။
ပြည်ပဲဈေးကွက်မှာ မတ်ပဲဈေးဆက်လက်အေးပြီး ပဲတစ်တင်း ၁၃၅၀၀ ကျပ် သာရှိပါတယ်။ ယခုနှစ်အတွင်း ပဲဈေးမကောင်းတာကြောင့် ပဲပွဲရုံတွေမှာရှိတဲ့ လက် ကျန်ပဲတွေကို ထုတ်မရောင်းကြတဲ့အတွက်အရောင်းအဝယ် သိပ်မဖြစ်တာကို တွေ့ရ ပါတယ်။
ဧရာဝတီတိုင်းဒေသကြီး ဟင်္သာတခရိုင်တွင် မတ်ပဲကိုဆောင်းသီးနှံအဖြစ် ၂၀၁၁-၁၂ ခုနှစ်မှာ ဧက ၄ ဒသမ ၀၆ သိန်းကျော် စိုက်ပျိုးပြီးဖြစ်ပါတယ်။ ခရိုင် အတွင်း အများဆုံးစိုက်ပျိုးတဲ့ မြို့နယ်များက ဟင်္သာတ၊ ဇလွန်၊ မြန်အောင်မြို့နယ် များ ဖြစ်ပြီး၊ ခရိုင်အတွင်းစိုက်ပျိုးတဲ့ ဆောင်းမတ်ပဲများက ဇန်နဝါရီလနောက်ဆုံး ပတ်မှာ စထွက် တော့မှာဖြစ်ပြီး၊
ယခင်တစ်ပတ်က မတ်ပဲအရောင်းအဝယ်ဖြစ်မှုများခဲ့ပေမဲ့ တင်ပို့မှုမှာတော့ ယခင်သီတင်းပတ်ထက် ထက်ဝက်ခန့်လျော့ကျခဲ့ပါတယ်။ ယခင်သီတင်းပတ်က တန်ချိန် ၆၂၀၀ ခန့်တင်ပို့ခဲ့ရာမှ ဒီဇင်ဘာလ ၂၆ ရက်မှ ၃၀ ရက်အတွင်း တန်ချိန် ၃၃၀၀ ခန့်သာ တင်ပို့နိုင်ခဲ့ပါတယ်။
ယခုတစ်ပတ်အတွင်းရန်ကုန်တိုင်းဒေသကြီး ဘုရင့်နောင်ကုန်စည်ဒိုင်မှာ မတ်ပဲ အရောင်းအဝယ် သွက်နေပါတယ်။ ဒီဇင်ဘာလ ၃၀ ရက်မှ ဇန်နဝါရီလ ၆ ရက် အထိ တစ်ပတ်အတွင်း မတ်ပဲSQ ၊ FAQ စုစုပေါင်း တန်ချိန် ၁၁၀၀၀ ခန့်အရောင်း အဝယ် စာချုပ်နိုင်ခဲ့ကြောင်း သိရပါတယ်။
ဒီဇင်ဘာလ ၂၁ ရက်မှ ၂၇ ရက်အထိ ကာလအတွင်း မူဆယ် ၁၀၅ မိုင် ကုန်သွယ်ရေးဇုန်၊ ချင်းရွှေဟော်စခန်းနဲ့ ကန်ပိုက်တီးစခန်းများကနေ ပြောင်းဖူးစေ့ ၂၃၈၃၅ တန်၊တန်ဖိုးကန်ဒေါ်လာ ၆ ဒသမ ၅၄၈ သန်းဖိုး တင်ပို့ခဲ့ပါတယ်။ ယခင် အပတ်ကထက် တန် ၂၀၀၀ ကျော် လျော့နည်းတင်ပို့ခဲ့ပါတယ်။ ယခုအပတ်မှာ မြဝတီကုန်သွယ်ရေးဇုန်ကနေ တင်ပို့မှုမရှိတာကြောင့် ယခုတစ်ပတ် တင်ပို့မှုလျော့ နည်းခဲ့တာဖြစ်ပါတယ်။ နယ်စပ်အလိုက်တင်ပို့မှုတွေကတော့ မူဆယ်မှ ၂၁၂၂၂ တန်၊ ချင်းရွှေဟော်မှ ၂၁၁၂ တန်နဲ့ ကန်ပိုက်တီးမှ တန် ၅၀၀ တို့ တင်ပို့ခဲ့တာဖြစ်ပါ တယ်။ မိမိဘက် ပြောင်းဖူးစေ့ဈေးနှုန်းရော နှံစားပြောင်းဈေးနှုန်းပါ မြင့်တက်ခဲ့တာ တွေ့ရပါတယ်။ သယ်ယူခနှုန်းထားများကတော့ မြင့်တက်ခြင်းမရှိကြောင်း တွေ့ရ ပါတယ်- မိမိဘ က်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပြောင်းဖူးစေ့ ၂၃၁၁၀၅ ၂၂၅၄၃၅ ၅၆၇၀ ၂ .၄ ၃၀၅ ၃၀၈ ၃ ၀ .၀၀၁နံှစားပြောင်း ၂၄၈၅၉၉ ၂၃၇၀၄၅ ၁၁၅၅၄ ၄ .၆ ၃၃၂ ၃၃၂ - -MIRT (DOBT)
ဒီဇင်ဘာလ ၁၈ ရက်မှ ၂၄ ရက်အထိကာလအတွင်း ပင်လယ်ရေကြောင်းမှ ပြောင်း ၇၈၆ တန်၊ တန်ဖိုး ကန်ဒေါ်လာ သုည ဒသမ ၂၁၉ သန်းဖိုးကို ပင်လယ် ရေကြောင်းမှ တင်ပို့ခဲ့ပါတယ်။ တင်ပို့မှုတွေကတော့ အင်ဒိုနီးရှားကို ၃၀၅ တန်ကျော်၊ မလေးရှားကို ၁ တန်နီးပါးနဲ့ ဗီယက်နမ်ကို တန် ၄၈၀ ခန့် တင်ပို့ခဲ့တာ ဖြစ်ပါတယ်။ ယခင်အပတ်ထက် ပင်လယ်ရေကြောင်းမှ တန် ၂၀၀ ခန့်် တင်ပို့မှု ကျဆင်းခဲ့ပါတယ်။ တရုတ်နယ်စပ်ကတော့ တန်ချိန် ၂၄၀၀၀ နီးပါး ပုံမှန်တင်ပို့ နေတာ တွေ့ရပါတယ်။ FOB (ရန်ကုန်) ဈေးကတော့ ပြောင်းလဲမှုမရှိဘဲ တစ်တန် ကို (၂၇၅-၂၉၅) ဒေါ်လာဈေးပေါက်ကြောင်း သိရပါတယ်။K.Z.W