ပြည်ပကို ပင်လယ်ရေကြောင်းက ပဲစင်းငုံတင်ပို့မှုမှာ ယခုတစ်ပတ် (နိုဝင် ဘာလ ၂၁-၂၅ ရက်) အတွင်းမှာလည်း တန်ချိန် ၇၀၀၀ ကျော်နဲ့ ဆက်လက်အား ကောင်းနေပါတယ်။ ဒါပေမဲ့ ယခင်သီတင်းပတ်တင်ပို့ခဲ့တဲ့ တန်ချိန် ၉၅၀၀ ထက် တော့ လျော့နည်းပါတယ်။ ၂၀၁၁-၂၀၁၂ဘဏ္ဍာနှစ်အတွင်း နိုဝင်ဘာလ ၂၅ ရက် အထိ ပဲစင်းငုံ စုစုပေါင်း တင်ပို့ပြီးစီးမှုဟာ တန်ချိန် ၁၆၂၀၀၀ ခန့်ရှိပြီး ဝင်ငွေမှာ ကန်ဒေါ်လာ သန်း ၁၀၀ ကျော်ရရှိပြီးဖြစ်ပါတယ်။ ယခင်ဘဏ္ဍာနှစ် ကာလတူမှာ တန်ချိန် ၆၈၅၀၀ ကျော်သာ ရှိပြီး ဝင်ငွေအားဖြင့် ကန်ဒေါ်လာ ၆၅ သန်း ကျော်ရရှိတယ်လို့ သိရပါတယ်။ လာမယ့်သီတင်းပတ်မှာလည်း ပုံမှန်တင်ပို့မှု ရှိနိုင်တယ်လို့ ခန့်မှန်းကြပါတယ်။MIRT(MAPT)

                      ယခုတစ်ပတ် နိုဝင်ဘာလ ၂၁ ရက်မှ ၂၅ ရက်အတွင်းမှာ မတ်ပဲတန်ချိန် ၅၀၀၀ ခန့် ပြည်ပတင်ပို့ခဲ့ပါတယ်။ ယခင်သီတင်းပတ်အတွင်း တန်ချိန် ၆၅၀၀ ကျော်အထိ တင်ပို့ခဲ့လို့ ဒီတစ်ပတ်မှာ လျော့တင်လာပါတယ်။ ၂၀၁၁-၂၀၁၂ ဘဏ္ဍာ နှစ် အတွင်း နိုဝင်ဘာလ ၂၅ ရက်အထိ မတ်ပဲစုစုပေါင်း တင်ပို့ပြီးစီးမှုမှာ တန် ချိန် ၄၆၃၀၀၀ ကျော်ရှိပြီး ဝင်ငွေအားဖြင့် ကန်ဒေါ်လာ ၃၈၇ သန်းကျော်ရရှိ ထားကြောင်း သိရပါတယ်။ ယခင်ဘဏ္ဍာနှစ် ကာလတူအတွင်း မတ်ပဲ တန်ချိန် ၃၂၃၀၀၀ ကျော် တင်ပို့နိုင်ခဲ့ပြီး ဝင်ငွေအားဖြင့် ကန်ဒေါ်လာ ၃၃၂ သန်းကျော် ရရှိကြောင်း သိရပါတယ်။ လက်ရှိအရောင်းအဝယ်ဖြစ်တဲ့ အခြေအနေအရ လာမယ့် သီတင်းပတ်မှာလည်း တင်ပို့မှု လျော့ကျဖွယ်ရှိပါတယ်။ MIRT(MAPT)

                    မြန်မာတရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်နဲ့ ချင်းရွှေဟော် နယ်စပ် ကုန်သွယ်ရေး စခန်းများက ကန်ဒေါ်လာ ၅ ဒသမ ၇၉၁ သန်းတန်ဖိုးရှိ ပြောင်းဖူးစေ့ ၂၀၆၈၃ တန်ကျော်ကို နိုဝင်ဘာလ ၁၆ ရက်မှ ၂၂ ရက်ထိကာလ အတွင်း အပို့ရှိခဲ့ရာ ယခင်အပတ်တင်ပို့မှုထက် တန်ချိန် ၂၁၀၀ ကျော်ပိုမိုခဲ့တယ်လို့ သိရပါတယ်။ မူဆယ်မှ ကန်ဒေါ်လာ ၅ ဒသမ ၅၉၄ သန်းတန်ဖိုးရှိ ပြောင်းဖူးစေ့ ၁၉၉၇၉ တန်ခန့်နဲ့ ချင်းရွှေဟော်မှ ၇၀၅ တန်ခန့် တင်ပို့ခဲ့တာဖြစ်ပါတယ်။ ယခင် အပတ်က မူဆယ်မှ ၁၇၁၅၆ တန်၊ ချင်းရွှေဟော်မှ ၁၁၀၇ တန်နဲ့ ကန်ပိုက်တီးမှ တန် ၃၀၀ ၊ စုစုပေါင်း ၁၈၅၆၃ တန်ကျော်တင်ပို့ခဲ့ရာ ယခုအပတ် ကန်ပိုက်တီးမှအပို့မရှိတဲ့အပြင် ချင်းရွှေဟော်မှ အပို့လျော့ခဲ့သော်လည်း မူဆယ်မှ တန်ချိန် ၂၈၀၀ ကျော်အပို့ပိုမိုခဲ့တာ ဖြစ်ပါတယ်။ မိမိဘက်နဲ့ တစ်ဘက်နိုင်ငံပြောင်းဈေး များကိုဖော်ပြ ပေးလိုက်ရပါတယ်                                    မိမိဘက်(ကျပ်/တန်)                  တစ်ဘက်နိုင်ငံ(ဒေါ်လာ/တန်)                             ယခု          ယခင်     ပြောင်းလဲမှု  %    ယခု   ယခင်   ပြောင်းလဲမှု   %ပြောင်းဖူးစေ့     ၂၁၇၁၇၄     ၂၂၁၆၁၉      ၄၄၄၅     ၂     ၂၉၄    ၂၉၄           -           -နံှစားပြောင်း       ၂၁၀၆၀၉     ၂၀၉၃၈၄     ၁၂၂၅    ၀ .၆   ၃၄၇   ၃၆၄         ၂၀          ၅MIRT(DOBT)

                     ယခုအချိန်ကာလဟာ ဆောင်းကြက်သွန်နီစိုက်ပျိုးပြီးချိန်ဖြစ်လို့ မိုးကြက်သွန်နီ(အဟောင်း)များ အစို့ ပေါက်တဲ့ ကာလဖြစ် နေပါတယ်။ အလျှော့တွက်များတဲ့အတွက် ပြည်ဈေးကွက်ပွဲရုံများရဲ့ စီးဝင် မှုကို ရောင်းအား ရှိသလောက်သာ ချင့်ချိန်လက်ခံ လျက်ရှိကြောင်း သိရပါတယ်။ ပစ္စည်းအရည်အသွေးကြောင့် ကြက်သွန်နီဈေးနှုန်း များလည်း ယခင်အပတ်ကထက် ပွဲရုံဈေးမှာ ကျဆင်းလျက်ရှိနေပါတယ်။ ယခုတစ်ပတ် ပခုက္ကူ၊ ရေနံချောင်းနဲ့ ကျောက်ပန်းတောင်း ဘက်တို့မှ ၃၅ ပိဿာဝင် အိတ် ၁၅၀၀ ခန့် အဝင်ရှိလို့ လက်လီ၊ လက်ကားရောင်းဝယ်သူများ ဧရာဝတီတိုင်းဒေသကြီးနဲ့ ရခိုင်ပြည် နယ်တို့ကို စီးဆင်းမှုအဖြစ် ဈေးကွက်အတွင်းကို အိတ် ၁၃၅၀ ခန့် အရောင်းအဝယ်ဖြစ်ခဲ့ကြောင်း သိရပါတယ်။ ပြည်ပွဲရုံများရှိ ကြက်သွန်နီဈေးမှာ တစ်ပိဿာ (ရှယ်) ၇၀၀ ကျပ်၊ (ကြီး) ၆၅၀ ကျပ်၊ (လတ်) ၅၅၀ ကျပ်၊ (သေး) ၅၀၀ ကျပ်တို့နဲ့ အသီးသီး ရောင်းဝယ် လျက် ရှိနေပါတယ်။ ဝင်းလဲ့ဝါ