နယ်စပ်စခန်းများမှ ရော်ဘာတန် ၉၈ဝ နီးပါးယခုအပတ်အပို့ရှိ            သြဂုတ်လ ၂၄ ရက်မှ ၃ဝ ရက်ထိကာလအတွင်း မူဆယ်၊ ချင်းရွှေဟော်နဲ့ မြိတ်နယ်စပ်ကုန်သွယ်ရေးစခန်းများမှ ကန်ဒေါ်လာ ၄ ဒသမ ၃၉၉ သန်း တန်ဖိုးရှိ ရော်ဘာအဆင့်စုံ ၉၇၇ တန်ကျော် အပို့ရှိခဲ့ပါတယ်။ နယ်စပ်အလိုက် ရော်ဘာ တင်ပို့နိုင်မှုတွေကတော့ မူဆယ်မှ ၄၉၇ တန်၊ ချင်းရွှေဟော်မှ တန် ၃၈ဝနဲ့ မြိတ်မှတန် ၁ဝဝ ဖြစ်ပါတယ်။ ရော်ဘာ အဆင့််လိုက် တင်ပို့မှုတွေကတော့ မူဆယ်မှ RSS-3 ၃၃၅ တန်ခန့်၊RSS-5 ၃၅ တန်၊ MSR-20  ၁၂၇ တန် ၊ ချင်းရွှေဟော်မှRSS-3 တန် ၂၈ဝ နဲ့ MSR-20  တန် ၁ဝဝ၊ မြိတ်မှ RSS-3 တန် ၁ဝဝ အသီးသီးဖြစ်ပါတယ်။ ယခင်အပတ်က မူဆယ်နဲ့ချင်းရွှေဟော်မှသာ အပို့ရှိခဲ့ပေမယ့် ယခုအပတ်မှာ မူဆယ်၊ ချင်းရွှေဟော်အပြင် မြိတ်နယ်စပ်ကပါ တင်ပို့နိုင်ခဲ့ပါတယ်။ယခင်အပတ်ကထက် မူဆယ်မှ ၂၁၅ တန်ကျော်နဲ့ ချင်းရွှေဟော်မှ တန် ၂၈ဝ ကျော် ပိုမိုတင်ပို့နိုင်ခဲ့ပါတယ်။ နှစ်နိုင်ငံမြေပြင်ရော်ဘာဈေးများပြောင်းလဲမှုမရှိတာ တွေ့ရပါတယ်။ နယ်စပ်မှ သြဂုတ်လအတွင်း ရော်ဘာတင်ပို့မှုဟာ တန် ၂၃ဝဝ ကျော်ရှိပြီ ဖြစ်ပါတယ်။                                      မိမိဘက်(ကျပ်/တန်)                 တစ်ဘက်နိုင်ငံ(ဒေါ်လာ/တန်)                   ယခု             ယခင်     ပြောင်းလဲမှု    %      ယခု      ယခင်   ပြောင်းလဲမှု    %ွှRSS - 3    ၃၄၁၃၈ဝဝ    ၃၄၁၃၈ဝဝ      -              -     ၄၃ဝ၁     ၄၃၁၂          ၁၁        ဝ .၃RSS - 5    ၃၃ဝဝ၃၁၉     ၃၃ဝဝ၃၁၉     -              -     ၄၁၄၅     ၄၁၅၅         ၁ဝ         ဝ .၂MIRT (DOBT)

ရှမ်းနနွင်း အရောင်းအဝယ်အေး               နနွင်းကတော့ အခုထိ အရောင်းအဝယ်က ခပ်အေးအေးပါပဲ။ လက်ကျန်နနွင်းတွေမှာ ပင်လောင်းနနွင်းကတော့ အများကြီး ရှိနေပါသေးတယ်။ နနွင်းတက်ကြီးတွေနဲ့ နနွင်းခေါင်းတွေက အရောင်းအဝယ်ဖြစ်ခဲ့ကြလို့ လက်ကျန်တွေမှာတော့ နဝလီ တွေများနေပါတယ်။ နနွင်းခေါင်းတွေ အရောင်းနည်းနည်းလိုက်လာတော့ နနွင်းတက ်တွေကိုပါရောပြီး ရောင်းလိုက်ကြတာကြောင့် နနွင်းတက်ကောင်းတွေလည်း တစ်ပိဿာ ၂ဝဝဝ ကျပ် ဈေးနဲ့ အရောင်းအဝယ် ဖြစ်လိုက် ပါသေးတယ်။ ဒီတစ်လမှာတော့ ကားခတွေက ဈေးကျနေပေမယ့် မိုးရွာနေ တာကြောင့် အရာင်းအဝယ်မဖြစ်ဘူးလို့ နနွင်း ပွဲရုံတွေက သိရပါတယ်။            ဒီတစ်ပတ်နနွင်းဈေးက အောင်ပန်းဈေးကွက်မှာ ပင်လောင်းနနွင်းစ (ဖြူ/ရော)တွေက တစ်ပိဿာ ၄ဝဝ ကျပ်-၅ဝဝ ကျပ် ဈေးသာရှိပြီး၊ ကောင်းရင်တော့ တစ်ပိဿာ ၁၂ဝဝ ကျပ်ဈေးရှိပါတယ်။ လက်ကျန်နည်းနေပြီဖြစ်တဲ့ ဆင်တောင်နနွင်း ကတော့ တစ်ပိဿာ ၃၂ဝဝ ကျပ်ဈေးရှိပါတယ်။ ဟိုပုံးနနွင်းကတော့ တစ်ပိဿာ ၁၆ဝဝ ကျပ်ဈေးနဲ့ ဈေးငြိမ်နေတယ်လို့ သိရပါတယ်။                   ဧဧခိုင်

နနွင်း ၁၆ တန်ကျော်တင်ပို့              ပင်လယ်ရေကြောင်းကုန်သွယ်မှုလမ်းမှ သြဂုတ်လ ၂၁ ရက်မှ ၂၇ ရက်တာ ကာလအတွင်း နနွင်း ၁၆ ဒသမ ၅ တန် တင်ပို့ခဲ့ပါတယ်။ တင်ပို့ခဲ့တဲ့ နိုင်ငံက အိန္ဒိယနိုင်ငံဖြစ်ပါတယ်။ ယခင်သီတင်းပတ်တန်ချိန် ခြောက်ဆယ်နီးပါး တင်ပို့နိုင်ခဲ့ပေမဲ့ ဒီတစ်ပတ်မှာတော့ အပို့လျော့ခဲ့ပါတယ်။ ယခင်သီတင်းပတ် တစ်တန်ကို ကန်ဒေါ်လာ ၁၅၅ဝ ဝန်းကျင်ပဲရရှိခဲ့ပေမဲ့ ဒီသီတင်း ပတ်မှာတော့ ကန်ဒေါ်လာ ၁၈၈ဝ ဝန်းကျင်ထိ ရရှိခဲ့လို့ စုစုပေါင်း ပို့ကုန်ဝင်ငွေကန်ဒေါ်လာ သုံးသောင်းကျော် ရရှိခဲ့ပါတယ်။ MIRT (DOT)

မန်ကျည်း ပုံမှန်တင်ပို့               သြဂုတ်လ ၂၁ ရက်မှ ၂၇ ရက်တာ ကာလအတွင်း မန်ကျည်း ၄၄ တန်ကို ပင်လယ်ရေကြောင်းလမ်းမှ တင်ပို့ခဲ့ပါတယ်။ တင်ပို့ခဲ့တဲ့နိုင်ငံက စင်ကာပူနိုင်ငံဖြစ် ပါတယ်။ မန်ကျည်းကို မန်ကျည်းစေ့၊ မန်ကျည်းအစေ့လွတ်၊ မန်ကျည်းအစေ့ပါ စသဖြင့် တင်ပို့လျက်ရှိပါတယ်။ အက်ဖ်အိုဘီဈေးတစ်တန်ကို ကန်ဒေါ်လာ ၇ဝဝ ဝန်းကျင်နဲ့ တင်ပို့နိုင်ခဲ့လို့ စုစုပေါင်းပို့ကုန်ဝင်ငွေ ကန်ဒေါ်လာ သုံးသောင်းကျော် ရရှိခဲ့ပါတယ်။ MIRT (DOT)