ယခုအပတ်နယ်စပ်မှ ရော်ဘာတင်ပို့မှုပို                 မူဆယ် (၁ဝ၅) မိုင် ကုန်သွယ်ရေးဇုန်မှ မေလ ၁၈ ရက်မှ ၂၄ ရက်ထိ ကာလအတွင်း ကန်ဒေါ်လာ ၄ ဒသမ ဝ၉၆ သန်းတန်ဖိုးရှိ ရော်ဘာ ၈၄၁ ဒသမ ၇ တန်နဲ့ ချင်းရွှေဟော်မှ ကန်ဒေါ်လာ ဝ ဒသမ ၆၂၈ သန်းတန်ဖိုးရှိ ရော်ဘာ ၁၂၉ တန်ကျော် တင်ပို့နိုင်ခဲ့တဲ့အတွက် ယခုအပတ်မှာ နယ်စပ်မှ ရော်ဘာ တန် ၉၇ဝ ကျော် တင်ပို့နိုင်ခဲ့ပါတယ်။ ယခင်အပတ်က ၃၆၄ တန်ခန့် တင်ပို့ခဲ့တာမို့ ယခုအပတ်မှာ တန် ၆ဝဝ ကျော် ပိုမိုတင်ပို့နိုင်ခဲ့ပါတယ်။ အဆင့်အလိုက်ရော်ဘာ တင်ပို့နိုင်မှုတွေ ကတော့ မူဆယ် RSS-3 ၄၉၆ ဒသမ ၅ တန်၊RSS-5  ၇၁ ဒသမ ၂ တန်၊ MSR -20  ၁ဝ၅ တန်နှင့်MSR -50 ၁၆၉ တန်နဲ့ချင်းရွှေဟော်မှ RSS-3  ၅၉တန်နဲ့RSS-5  တန် ၇ဝ အသီးသီး ဖြစ်ပါတယ်။ယခုအပတ်မှာ ရော်ဘာ ဈေးများ မြင့်တက် ရရှိတဲ့ အတွက် တင်ပို့မှု ပိုမိုခဲ့တယ်လို့ သိရပါတယ်။ မိမိဘက်နဲ့ တစ်ဘက်နိုင်ငံရော်ဘာ မြေပြင်ပေါက်ဈေးများကို နှိုင်းယှဉ် ဖော်ပြပေးလိုက်ရပါတယ်                                           မိမိဘက်(ကျပ်/တန်)              တစ်ဘက်နိုင်ငံ(ဒေါ်လာ/တန်)                 ယခု            ယခင်    ပြောင်းလဲမှု     %    ယခု        ယခင်    ပြောင်းလဲမှု     %RSS-3     ၃ဝ၂၄ဝဝဝ     ၃ဝ၂၄ဝဝဝ       -           -     ၄၃၁၃    ၃၆၉ဝ         ၆၂၃          ၁၄RSS-5    ၂၉၁၂ဝဝဝ     ၂၉၁၂ဝဝဝ        -           -      ၄၂၃၆   ၃၆၁၄         ၆၂၂          ၁၅MIRT (DOBT)

ပြည်မတ်ပဲဈေးထပ်မံ လျော့နည်း                ယခင်တစ်ပတ်ပြည်ရဲ့ ပဲဈေးကွက်မှာ မတ်ပဲဈေး တစ်တင်းကို ၁၉၅ဝဝ ကျပ် ဈေးရှိပြီး ယခုတစ်ပတ်မှာတော့ ပဲတစ်တင်းကို ၁၈၅ဝဝ ကျပ်ထိလျော့ခဲ့ပြီး ပြည်ပွဲရုံများသို့ တစ်နေ့ကို အိတ် ၃ဝဝ-၄ဝဝ ခန့်သာ အဝင်ရှိတယ်လို့ သိရပါတယ်။ ရန်ကုန်ဝယ်လက်လည်း အဝယ်နည်းနေပြီး တစ်နေ့ကို အိတ် ၃ဝဝ-၄ဝဝ ခန့် အရောင်းအဝယ်ရှိတယ်လို့ သိရပါတယ်။ ပဲအဝင်နည်းသော်လည်း မြို့တွင်း လှောင်လက်သမားများမှ ရန်ကုန်ဘုရင့်နောင်သို့ ပဲတင်ပို့မှုရှိနေပါတယ်။ ပဲခူးတိုင်းဒေသကြီး မှ ရန်ကုန်သို့ တင်ပို့မှုကတော့ တစ်နေ့ကို မတ်ပဲအိတ် ၁၁၅ဝဝ ခန့် တင်ပို့တယ်လို့ သိရပါတယ်။  မိမိအေး 

လက်လီရော လက်ကားပါ အရောင်းအဝယ်ဖြစ်နေတဲ့ ပြည်ပဲနီပြား                ပဲခူးတိုင်းဒေသကြီး ပြည်ဈေးကွက်သို့ ပဲနီပြားသီးနံှအနေဖြင့် တစ်ရက်ကို အိတ် ၅ဝ ခန့်သာ ဝင်ရောက်မှုရှိခဲ့ပြီး လက်လီသမားရော၊ လက်ကားသမားများပါ အဝယ်ရှိတယ်လို့ သိရပါတယ်။ လက်လီသမားများဖြင့် တစ်နေ့ကို အိတ် ၃ဝ ခန့် အရောင်းအဝယ်ဖြစ်လျက်ရှိပြီး လက်ကားသမားများ အဝယ်ရှိသည့်ရက်၌ အိတ် ၁ဝဝ မှ ၁၅ဝ ခန့်အထိ ရောင်းဝယ်မှု ရှိကြပါတယ်။ ပဲနီပြားဈေးနှုန်းမှာ လက်လီတစ်တင်း ၁၇ဝဝဝ ကျပ်နဲ့ လက်ကားဈေးမှာ တစ်တင်း ၁၆ဝဝဝ ကျပ်ဖြင့် အရောင်း အဝယ်ဖြစ်လျက်ရှိကြောင်း သိရပါတယ်။             ခင်ဆွေဝင်း

ရက်ခြားသာ အရောင်းအဝယ်ဖြစ်နေတဲ့ ပြည်ပဲစင်းငုံ               ပြည်ပဲစင်းငုံမှာ ရန်ကုန်ဝယ်လက်များ အဝယ်လျော့နည်းခဲ့တာကြောင့် ယခုတစ်ပတ်မှာတော့ ဈေးအနည်းငယ်ကျသွားခဲ့ကြောင်း သိရပါတယ်။ ပိဿာ ၂ဝ တစ်တင်းကို ၁၆ဝဝဝ ကျပ်ဖြင့် အရောင်းအဝယ် ဖြစ်နေတယ်လို့ သိရပါတယ်။ နေ့စဉ် အရောင်းအဝယ်မဖြစ်ဘဲ တစ်ရက်ခြား၊ နှစ်ရက်ခြားသာ အရောင်းအဝယ် ဖြစ်ကြောင်းအရောင်းအဝယ်ဖြစ်သည့်ရက်များတွင် အိတ် ၄ဝဝ-၅ဝဝ အတွင်း အရောင်းအဝယ်ဖြစ်ကြောင်း သိရပါတယ်။ ယခင်နှစ်က ယခုလိုအချိန်တွင် ပဲစင်းငုံ ပိဿာ ၂ဝ တစ်တင်းကို ၃၂၇ဝဝ ကျပ်ထိ ဈေးကောင်းရခဲ့ပြီး ရောင်းအားသွက်ခဲ့တယ်လို့ သိရပါတယ်။ ယခုနှစ်မှတော့ ယခင်နှစ်လောက် ဈေးကောင်းမရသည့်အပြင် ရောင်းအားမသွက်ဘူးလို့ သိရပါတယ်။                        ဆုမွန်ဆွေ