Background
ပုံမှန်ရောင်းဝယ်မှုဖြစ်နေတဲ့ ပြည်ချင်းဈေးကွက် ယခုတစ်ပတ် ပြည်ချင်းဈေးမှာ အပြောင်းအလဲမရှိဘဲ တစ်ပိဿာကို ချင်း (ရှယ်) ၁၁ဝဝ ကျပ်၊ ဂျွန် ၉၅ဝ ကျပ်တို့နဲ့ ရောင်းဝယ်လျက်ရှိနေပါတယ်။ အဝင်အားဖြင့်လည်း ပြည်ဈေးကွက်သို့ အောင်ပန်းချင်းများ ပိဿာ ၃ဝ ဝင် အိတ် ၁ဝဝ ခန့် ပုံမှန်အဝင်ရှိနေပြီး၊ တစ်နေ့လျှင် ပိဿာချိန် ၃ဝဝ ခန့် ပုံမှန် အရောင်းအဝယ်ဖြစ်နေပါတယ်။ ပြည်ဈေးကွက်မှတစ်ဆင့် ရခိုင်ဘက်သို့ စားသုံးမှု အဖြစ် တစ်နေ့ကို ပိဿာချိန် ၂ဝဝ ခန့် တင်ပို့မှုရှိတယ်လို့သိရပါတယ်။ ဝင်းလဲ့ဝါ
ဇန်နဝါရီလ ချင်းတစ်ရာ့ရှစ်တန်ပို့နိုင် ဇန်နဝါရီလနောက်ဆုံးပတ်မှာ ချင်းတင်ပို့မှု မရှိခဲ့ပါဘူး။ ယခင်သီတင်းပတ် ချင်းတန် ၃ဝ တင်ပို့နိုင်ခဲ့ပြီး ဇန်နဝါရီလအတွင်း စုစုပေါင်းချင်းတန်ချိန် ၁ဝ၈ တန် သာ တင်ပို့နိုင်ခဲ့ပါတယ်။ ပြီးခဲ့တဲ့ ၂ဝ၁ဝ ဒီဇင်ဘာလမှာ အပို့မရှိခဲ့ပေမဲ့ ဒီလမှာ တော့ ပြန်လည်တင်ပို့နိုင်ခဲ့တာ တွေ့ရပါတယ်။ MIRT (DOT)
၂ဝ၁၁ တွင် ရော်ဘာဝယ်လိုအား ၄ ဒသမ ၆ ရာခိုင်နှုန်း မြင့်တက်မည် လာမယ့်နှစ်မှာ မော်တော်ကားရောင်းချရနှုန်းတွေ မြင့်တက်လာပြီး သုံးစွဲမှုတွေ ပိုမိုလာမှာကြောင့် သဘာဝ ရော်ဘာဝယ်လိုအား ၄ ဒသမ ၆ ရာခိုင်နှုန်း မြင့်တက်ဖွယ်ရှိကြောင်း နိုင်ငံတကာ ရော်ဘာလေ့လာရေးအုပ်စု(IRSG) ကပြောကြားပါတယ်။ ကမ္ဘာ့ရော်ဘာသုံးစွဲမှုက ၂ဝ၁၁ မှာ ၁၁ ဒသမ ၂ မက်ထရစ်တန်ရှိနိုင်ပြီး နောက်နှစ်မှာ ၁၁ ဒသမ ၆ မက်ထရစ်တန်အထိ ရောက်ရှိနိုင်ကြောင်း (IRSG) ရဲ့အတွင်းရေးမှူးက ပြောကြားခဲ့ပါတယ်။ ရောင်းလိုအား လိုအပ်ချက်က တာယာနဲ့ လက်အိတ်လုပ်ငန်း များရဲ့ဈေးနှုန်းကို မြင့်တက်စေကြောင်း ၎င်းကဆက်လက်ပြောကြားပါတယ်။ အရှေ့တောင်အာရှရဲ့ ထုတ်လုပ်မှု အများဆုံး နိုင်ငံတွေမှာ မိုးရွာသွန်းမှုကြောင့် အစေးထွက် ထိခိုက် ခြင်းနဲ့ တရုတ်နဲ့ အိန္ဒိယရဲ့ ကားရောင်းချရနှုန်း တက်လာတာကြောင့် ၂ဝ၁ဝ မှာတော့ ရော်ဘာဈေးနှုန်းက ၅ဝ ရာခိုင်နှုန်းမြင့်တက်ကာ စံချိန်တင်ခဲ့ပါတယ်။ ယခုနှစ်မှာတော့ ကမ္ဘာ့အကြီးဆုံး သုံးစွဲသူဖြစ်တဲ့ တရုတ်ရဲ့ရော်ဘာ ဝယ်လိုအားက ၉ ရာခိုင်နှုန်း မြင့်တက်ဖွယ် ရှိပါတယ်။ ၂ဝ၁ဝ မှာ ကမ္ဘာ့ဝယ်လိုအားက တန်ချိန် ၁၃ ဒသမ ၁ သန်းရှိနိုင်ပြီး ၂ဝ၂ဝ မှာ တန်ချိန် ၁၅ ဒသမ ၄ သန်းကို ရောက်ရှိနိုင်ပြီး ထုတ်လုပ်မှုကတော့ တန်ချိန် ၁၃ ဒသမ ၈ သန်းသာရှိနိုင်ကြောင်း (IRSG) ရဲ့ အတွင်းရေးမှူးက ပြောကြားပါတယ်။ ဒီခန့်မှန်းချက်က သာမန်ထုတ်လုပ်မှု အခြေအနေကို တွက်ချက်ထားတာ ဖြစ်ပြီး အသစ်စိုက်ပျိုးထုတ်လုပ်ခြင်းတွေက အစေးထွက်တိုးခဲ့ရင်တော့ ရောင်းလိုအားတွေတိုးလာမှာဖြစ်တယ်လို့ ၎င်းကဆက်လက်ပြောကြားခဲ့ပါတယ်။ လာနီညာရာသီဥတုကြောင့်ဖြစ်တဲ့ မိုးရွာသွန်းမှုက ထိပ်တန်း ထုတ်လုပ်သူတွေဖြစ်တဲ့ အင်ဒိုနီးရှား၊ မလေးရှားနဲ့ ထိုင်းနိုင်ငံတွေရဲ့ အထွက်နှုန်းကို ထိခိုက်စေခဲ့ပါတယ်။ ထိုင်းမိုးလေဝသဌာနကတော့ ဇန်နဝါရီမှ ဧပြီလအတွင်း ပုံမှန်ထက်ပိုတဲ့ မိုးရွာသွန်း မှုဖြစ်မယ်လို့ ခန့်မှန်းထားကြောင်း သိရပါတယ်။ တကယ်လို့ ဝယ်လိုအားကောင်းခဲ့မယ်ဆိုရင် ဈေးကွက်ထဲမှာ အကျပ်အတည်း တွေ့နိုင်မှာဖြစ်ပြီး ဈေးနှုန်းမြင့်တက်ခြင်းက ရော်ဘာစိုက်ပိုျးသူတွေကို အကိုျးဖြစ်ထွန်းစေမှာ ဖြစ်ကြောင်း သိရပါတယ်။ တိုကိုျကုန်စည်ဒိုင်ရဲ့ အရောင်းအဝယ်အဖြစ်ဆုံးစာခုျပ်ဈေးနှုန်းက ၃ ဒသမ ၂ ရာခိုင်နှုန်း မြင့်တက်ပြီး တစ်တန်ကို ၅၇၂၅ ဒေါ်လာဖြစ်ခဲ့ကြောင်း သိရပါတယ်။ တရုတ်ရဲ့ ရော်ဘာသုံးစွဲမှုက ယခုနှစ်မှာ တန်ချိန် ၃ ဒသမ ၆ သန်းရှိနိုင်ပြီး အိန္ဒိယရဲ့ သုံးစွဲမှုကတော့ ၉၉၁ဝဝဝ တန်ကို ရောက်ရှိနိုင်ကြောင်း ရော်ဘာထုတ်လုပ်သော နိုင်ငံများအသင်း (ANRPC) ကခန့်မှန်းထားပါတယ်။ တရုတ်ရဲ့စီးပွားရေးတိုးတက်မှုနှုန်းက ၂ဝ၁ဝ မှာ ၁ဝ ဒသမ ၃ ရာခိုင်နှုန်းတိုးတက်ပြီး ၃ နှစ်အတွင်း အမြန်ဆုံးနှုန်းနဲ့ တိုးတက်ခဲ့တာဖြစ်ကြောင်း အစိုးရက ကြေငြာခဲ့ပါတယ်။ တရုတ်ရဲ့ကားရောင်းချနှုန်းက ၂ဝ၁ဝ မှာ ၃၂ ရာခိုင်နှုန်း မြင့်တက်ပြီး ၁၈ ဒသမ ဝ၆ သန်းအထိ ရောက်ရှိခဲ့ကာ ယခုနှစ်မှာတော့ ၁ဝ ရာခိုင်နှုန်းမှ ၁၅ ရာခိုင်နှုန်းအထိ တိုးတက်ဖွယ်ရှိကြောင်း တရုတ် မော်တော်ကားထုတ်လုပ်သူများအသင်းက ခန့်မှန်းထားပါတယ်။ ရော်ဘာထုတ်လုပ်သောနိုင်ငံများအသင်း (ANRPC) အသင်းဝင်နိုင်ငံများက ကမ္ဘာ့ရောင်းလိုအားရဲ့ ၉၂ ရာခိုင်နှုန်းကို ထုတ်လုပ်ပြီး ယခုနှစ်မှာတော့ ၄ ဒသမ ၈ ရာခိုင်နှုန်းပိုမိုက တန်ချိန် ၉ ဒသမ ၉ သန်း ထုတ်လုပ်နိုင်မယ်လို့ အသင်းကခန့်မှန်းထားပါတယ်။ ဒီခန့်မှန်းချက်ကတော့ အဖွဲ့ဝင်နိုင်ငံများရဲ့ အစိုးရပိုင်းရဲ့လျာထားချက်ကနည်းပြီး ပုဂ္ဂလိကပိုင်အသင်းအဖွဲ့တို့က ၇ ဒသမ ၇ ရာခိုင်နှုန်းတိုးပြီး တန်ချိန် ၁ဝ ဒသမ ၂ သန်း ခန့်မှန်းထားပါတယ်။ နိုင်ငံတကာ ရော်ဘာလေ့လာရေးအုပ်စု(IRSG) မှာ အဖွဲ့ဝင် ၁၆ နိုင်ငံနဲ့ ဥရောပ ယူနီယံနိုင်ငံများပါဝင်ပါတယ်။ ကမ္ဘာထုတ်လုပ်မှုအများဆုံး ထိုင်းနိုင်ငံနဲ့ တတိယ ထုတ်လုပ်မှု အများဆုံး မလေးရှားတို့က(IRSG) ရဲ့ အဖွဲ့ဝင်ဖြစ်ပြီး ဒုတိယထုတ်လုပ်မှု အများဆုံး အင်ဒိုနီးရှားကတော့ အဖွဲ့ဝင် နိုင်ငံမဟုတ်ကြောင်း သတင်းရရှိပါတယ်။ ုKZW,Source: Blomberg.com
ဒေသတွင်းဝယ်လက်ကြောင့် ပုံမှန်ရောင်းဝယ်နေတဲ့ မန်းပြောင်းဈေးကွက် မန်းဈေးကွက်တွင် တရုတ်နှစ်သစ်ကူးကာလဖြစ်သော်လည်း ပြောင်းဖူးစေ့ ဈေးကွက်မှာ ဈေးအေးမသွားဘဲ ယခင်ပတ်ထက် ဈေးအနည်းငယ်ငြိမ်လာပြီး အရောင်းအဝယ်ဖြစ်နေပါတယ်။ ယခင်တစ်ပတ်မှာ ပြောင်းဖူးစေ့ ရှမ်းတစ်ပိဿာ ၂၆၉ ကျပ်၊ ပြောင်း(ဗမာ) ၂၅၉ ကျပ်၊ အထွက်တိုးပြောင်း ၂၉၂ ကျပ်၊ စီပီပြောင်း ၂၇၂ ကျပ်ဈေးတို့ဖြင့် အရောင်းအဝယ်ဖြစ်ကြသော်လည်း ယခုတစ်ပတ်မှာတော့ ပြောင်းဖူးစေ့ ရှမ်းနဲ့ စီပီပြောင်းမှာ တစ်ပိဿာ ၂၇၂ ကျပ်၊ ပြောင်းဖူးစေ့ (ဗမာ) ၂၆၉ ကျပ်၊ အထွက်တိုးပြောင်း ၂၈၃ ကျပ်ဈေးတို့ဖြင့် ယခင်ပတ်ထက်ဈေးမြင့်လာပြီး အရောင်းအဝယ်ဖြစ်နေကြပါတယ်။ ဈေးကွက်အတွင်းသို့ နယ်စုံ၊ ဒေသစုံမှ ပြောင်းဖူးစေ့များဝင်ရောက်နေပြီး တရုတ်နှစ်သစ်ကူးကာလဖြစ်လို့ တရုတ်ဝယ်လက် အနည်းငယ်အေးသွားပြီး လှောင်လက်သမားများနဲ့ ဒေသတွင်း အစာစပ်လုပ်ငန်း ရှင်များရဲ့ ဝယ်လိုအား ကောင်းနေတာကြောင့် ဈေးအေးမသွားဘဲ ဈေးမာနေတာ ဖြစ်တယ်လို့ ပြောင်းကုန်သည်များက ပြောကြပါတယ်။ ကျော်ကျော်မိုး
ပြည်တွင်းပြောင်းဈေးကျ ဇန်နဝါရီလ ၂၆ ရက်မှ ဖေဖော်ဝါရီလ ၁ ရက်ထိကာလအတွင်း မူဆယ်နဲ့လွယ်ဂျယ်နယ်စပ်ကုန်သွယ် ရေးစခန်းများမှတစ်ဆင့် တစ်ဘက်တရုတ်နိုင်ငံ သို့ ပြောင်းဖူးစေ့ ၅ဝ၇၅ တန်ခန့်ကန်ဒေါ်လာ ၁ ဒသမ ၂၇၃ သန်းဖိုးတင်ပို့နိုင်ခဲ့ပါတယ်။ယခင်အပတ်က မူဆယ်နယ်စပ်တစ်ခုတည်းမှ တန် ၉၇ဝဝ တင်ပို့နိုင်ခဲ့တာမို့ ယခု အပတ်မှာ ၄၆၂၅ တန်တင်ပို့မှုလျော့နည်းခဲ့ပါတယ်။ယခုအပတ်တွင်းမှာ ပြည်တွင်းပြောင်းဈေးတစ်တန် ၁၆၆၇ဝဝ ကျပ်ရှိပြီး လားရှိုးကုန်စည်ဒိုင်မှာ ပြောင်းဈေးတစ်ပိဿာ ၂၆ဝ ကျပ် (တစ်တန် ၁၅၉၂၅ဝ ကျပ်) ရှိပါတယ်။ယခု အပတ်အတွင်း ပြည်တွင်းပြောင်းဈေးအနည်းငယ်ကျဆင်းလျက်ရှိပြီး တစ်ဖက်နိုင်ငံ ဝယ်ဈေးအနေနဲ့ ၁၈၂ဝ မှ ၁၉ဝဝ ယွမ်ဝန်းကျင်အထိရှိနေပါတယ်။ယခုအပတ် အတွင်းမှာ သယ်ယူစရိတ်နှုန်းထားများမှာ ၁ ပိဿာလျှင် ကျပ် ၁၆ဝ မှ ၁၇၅ ကျပ်ထိ မြင့်တက်မှုကြောင့် ဒေသထွက်ပြောင်းများသာ မူဆယ်ကုန်စည်ဒိုင်သို့ ဝင်ရောက်မှု များဆဲဖြစ်တယ်လို့သိရပါတယ်။မိမိဘက်နဲ့ တစ်ဘက်နိုင်ငံ ပြောင်း မြေပြင် ပေါက်ဈေးများကို ဖော်ပြပေးလိုက်ရပါတယ် - မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပြောင်းဖူးစေ့ ၂၆၄၄၂၈ ၂၈၄၂၈ဝ ၁၉၈၅၂ ၈ ၂၈၉ ၂၉၁ ၂ ဝ .၇MIRT (DOBT)
ဒီတစ်ပတ် တန် ၂၁ဝဝ ကျော်ပို့ ဇန်နဝါရီလ ၂၄ ရက်မှ ၃ဝ ရက်ထိကာလအတွင်း ပင်လယ် ရေကြောင်းမှ ပြောင်းတန်ချိန် ၂၁၉၁တန်၊ တန်ဖိုးကန်ဒေါ်လာ ဝ ဒသမ ၅၄၇ သန်းဖိုးတင်ပို့နိုင်ခဲ့ပါတယ်။ယခင်ရက်သတ္တပတ်က ၁၃၃ဝ တန် တင်ပို့ခဲ့ တာ ကြောင့် ၈၆၁ တန် ပိုမိုတင်ပို့နိုင်ခဲ့ပါတယ်။တင်ပို့တဲ့နိုင်ငံများကတော့ အင်ဒိုနီးရှား ကို တန် ၂၃ဝ၊ အိန္ဒိိယကို ၂၁၆ တန်၊ မလေးရှားကို တန် ၂၈ဝ၊ ဖိလစ်ပိုင်ကို ၇၂၃ တန်၊ စင်္ကာပူကို ၇၄ဝ တန် အသီးသီး တင်ပို့ခဲ့ပါတယ်။ FOB (ရန်ကုန်) ဈေးကတော့ တစ်တန်ကို ဒေါ်လာ ၂၅ဝ မှ ၂၇ဝ ကြားဈေးရလျက်ရှိပါတယ်။KZW
ရော်ဘာဈေးနှုန်းတက်၍ အိန္ဒိယဖိနပ်လုပ်ငန်းများ ထိခိုက် အိန္ဒိယနိုင်ငံ ပန်ဂျပ်ပြည်နယ်က ဂျလန်ဒါဖိနပ်လုပ်ငန်းဟာ ရော်ဘာဈေးနှုန်းတွေမြင့်တက်မှုကြောင့် စိုးရိမ်သောက ရောက်လျက်ရှိနေပါတယ်။ ယခင်က ရော်ဘာဈေးနှုန်းဟာ တစ်ကီလိုဂရမ်ကို ရူပီး ၁ဝဝ ခန့်သာ ရှိခဲ့ပြီး ယခုအချိန်မှာတော့ ၂၄၅ ရူပီးဝန်းကျင်ကို ရောက်ရှိနေကြောင်း သိရပါတယ်။ ၂ဝ၁ဝ တစ်နှစ်ထဲမှာတင် ၆၃ ရာခိုင်နှုန်းဈေးတက်ခဲ့ကြောင်း သိရပါတယ်။ ပန်ဂျပ်မှ စက်မှုလုပ်ငန်းဟာ တစ်နိုင်ငံလုံး ရော်ဘာထုတ်လုပ် မှုရဲ့ ၁၂ ရာခိုင်နှုန်းကို သုံးစွဲပါတယ်။ အိန္ဒိယဟာ စတုတ္ထအကြီးဆုံးရော်ဘာထုတ်လုပ်တဲ့နိုင်ငံဖြစ်ပြီး ဒုတိယ သုံးစွဲမှုအများဆုံးနိုင်ငံလည်း ဖြစ်ပါတယ်။ တရုတ်က သုံးစွဲမှု အများဆုံးနိုင်ငံဖြစ်ပါတယ်။ သဘာဝရော်ဘာ တင်ပို့တင်သွင်းခြင်း တင်းကြပ်မှုက စက်မှုလုပ်ငန်းများအတွက် ဈေးနှုန်းမြင့်တက်ဖို့ တွန်းအားပေးနေကြောင်း သိရပါတယ်။Source: Commodity Online,KZW
ရော်ဘာများ အရွက်ေြွကချိန် အစေးလျော့သွား မြိတ်မြို့နယ်အတွင်း ကျေးရွာများရှိ ရော်ဘာခြံများ ယခုအချိန်မှာ အစေးခြစ်ယူထုတ်လုပ်လျက်ရှိသော်လည်း အထွက်နှုန်းကျဆင်းသွားပါတယ်။ ယခုလိုကျဆင်းလာခြင်းမှာ ဒေသတွင်း ရော်ဘာအရွက်ဟောင်းများ ေြွကချိန် အအေးပေါ့သွားတဲ့အချိန်တို့ကြောင့် ဖြစ်ပါတယ်။ ဒေသတွင်းပူပြင်းလာသည်နှင့်အမျှ ရော်ဘာပင်တို့ အရွက်ဟောင်းများေြွကကျပြီး အစေးထွက်ရှိမှု နည်းပါးသွားတာ ကို သိရှိရပါတယ်။ ရော်ဘာခြံရှင်များ ရော်ဘာအစေးမှ မှိုင်းခံပြားအထိ ပြုလုပ်ပြီး၊ မြို့ပေါ်အဝယ်ဒိုင်များသို့ ရောင်းချရာတွင် လည်း ယခင်ကထက်များစွာလျှော့ချသွားပါတယ်။ ဖေဖော်ဝါရီလကုန်ပြီး အရွက်သစ်များဖြန့်ဝေလာချိန်မှာ အစေးထွက်ရှိမှု ပြန်လည် ကောင်းမွန်လာမှာဖြစ်ကြောင်း၊ ရော်ဘာခြံရှင်များရဲ့ ပြောကြားချက်အရ သိရပါတယ်။ မြိုတ်မြို့နယ်အတွင်းရော်ဘာဈေးနှုန်းမှာ မနိမ့်ကျသွားဘဲ ရော်ဘာ RSS-3 တစ်ပေါင် ၁၆၁၁ ကျပ်၊RSS-4 တစ်ပေါင် ၁၅၈၃ ကျပ်၊ RSS-5 တစ်ပေါင် ၁၅၅၅ ကျပ်ဖြစ်ပေါ်လျက်ရှိကြောင်း သိရပါတယ်။ ဝင်းစိန်
ဒီတစ်ပတ်နယ်စပ် အပို့တန် ၈ဝဝ ခန့်သာရှိ ဇန်နဝါရီလ ၂၆ ရက်မှ ဖေဖော်ဝါရီလ ၁ ရက်ထိကာလအတွင်း မူဆယ် ၁ဝ၅ မိုင်ကုန်သွယ်ရေးဇုန်မှ ရော်ဘာအဆင့်စုံ ၅၂၉ တန် ချင်းရွှေဟော်နယ်စပ်မှ ၁၄၄ တန်နဲ့ မြိတ်နယ်စပ်မှ ရော်ဘာ ၁၁၅ တန်၊ စုစုပေါင်း ၇၈၈ တန်၊ ကန်ဒေါ်လာ ၄ ဒသမ ၈၉၅ သန်းဖိုး တင်ပို့နိုင်ခဲ့ပါတယ်။ယခင်အပတ်က ၈၅၆ တန် တင်ပို့ခဲ့တာမို့ ယခုအပတ်မှာ ၆၈ တန် တင်ပို့မှုလျော့နည်းခဲ့ပါတယ်။ နယ်စပ်စခန်းအလိုက် ရော်ဘာတင်ပို့နိုင်မှုများကတော့ မူဆယ်နယ်စပ်မှ RSS (1) ၁၅ တန်၊RSS (3) ၂၁၅ တန်၊ MSR (20) ၂၃၉ တန်၊MSR (50) တန် ၆ဝ နဲ့ မြိတ်နယ်စပ်မှRSS (3) တန် ၁ဝဝ၊RSS (5) ၁၅တန်၊ ချင်းရွှေဟော်မှ RSS (1) ၃၈ တန်၊RSS (3) ၄၆ တန်၊RSS (5) တန် ၆ဝ၊ စုစုပေါင်း ၇၈၈ တန် ဖြစ်ပါတယ်။ တရုတ်ဈေးကွက်သို့ RSS (3) အပို့များပြီး တရုတ်ဈေးကွက်မှာ တစ်တန်ကို ယွမ် ၃၂ဝဝဝ၊RSS (5) တစ်တန်ကို ၃၁၅ဝဝ ယွမ်ပေါက်နေပြီး ယခုအပတ် ရွှေလီပေါက်ဈေးတစ်တန်ကို ယွမ် ၁ဝဝဝ ခန့် မြင့်တက်ပေမဲ့ နှစ်ကူး ကာလနီးတာကြောင့် အရောင်းအဝယ်ပုံမှန်သာရှိနေတယ်လို့ သိရပါတယ်။မိမိတို့တင်ပို့ လျက်ရှိသော ရော်ဘာများဟာ ကရင်၊ မွန်ပြည်နယ်နဲ့ တနင်္သာရီတိုင်းဒေသကြီးတွေက ထွက်ရှိတာဖြစ်ပါတယ်။မိမိဘက်ဈေးပြောင်းလဲမှုမရှိပါဘူး။မိမိဘက်နဲ့ တစ်ဘက်နိုင်ငံပေါက်ဈေးများကို ဖော်ပြပေးလိုက်ရပါတယ် - မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %RSS(3) ၄ဝ၉၂၈၄၅ ၄ဝ၉၂၈၄၅ ၄၈၆၄ ၄၈၅၄ ၁ဝ ဝ .၂RSS(5) ၃၈၆ဝဝ၁၅ ၃၈၆ဝဝ၁၅ ၄၇၈၈ ၄၇၇၈ ၁ဝ ဝ .၂MIRT (DOBT)
ပင်လယ်ရေကြောင်းက ဒီတစ်ပတ် ဒေါ်လာ ၅ သန်းဖိုးတင် ဇန်နဝါရီလ ၂၄ ရက်မှ ၃ဝ ရက်ထိကာလအတွင်း ပင်လယ်ရေကြောင်းမှ ရော်ဘာ ၁၄၉၂ တန်၊ တန်ဖိုး ကန်ဒေါ်လာ ၅ ဒသမ ၈၁၇ သန်းဖိုးတင်ပို့နိုင်ခဲ့ပါတယ်။ယခင်ရက်သတ္တပတ်က ၁၃ဝဝ တန်ကျော်တင်ပို့ ခဲ့တာကြောင့် တင်ပို့မှု ပုံမှန်လို့ ဆိုရပါမယ်။တင်ပို့တဲ့နိုင်ငံများကတော့ တရုတ်ကို MSR(20) တန် ၁ဝဝ၊RSS-3 ၈၂ တန်၊RSS-5 တန် ၆ဝ၊ မလေးရှားကိုMSR(50) တန် ၄ဝ၊RSS-3 ၇ဝ၅ တန်၊RSS-5 ၂၆၃ တန်နဲ့ စင်္ကာပူကို MSR(20)၂ဝ၁ တန်၊RSS-3 တန် ၄ဝ အသီးသီးတင်ပို့ခဲ့ကြောင်း သိရပါတယ်။ပင်လယ်ရေကြောင်း က တင်ပို့တဲ့ FOB ဈေးနှုန်းတွေကတော့RSS-3 တစ်တန်ကို ၄၉ဝဝ ဒေါ်လာ၊ RSS-5 တစ်တန်ကို ၄၈ဝဝ ဒေါ်လာနဲ့ MSR(20) တစ်တန်ကို ၄၉ဝဝ ဒေါ်လာဖြစ်ကြောင်း သတင်းရရှိပါတယ်။ KZW