လက်ကျန်နည်းလာပြီး ဈေးတက်လာတဲ့ ပြည်ပဲနီပြား           ပြည်ဈေးကွက်အတွင်း ပဲမျိုးစုံ လက်ကျန်နည်းလာပြီဖြစ်လို့ ပဲနီပြားမှာ လည်းလက်ကျန်နည်းလာပြီဖြစ်ပါတယ်။ အောက်တိုဘာလအတွင်း လက်လီလက်ကားသမားများဖြင့် အရောင်းသွက်ခဲ့သလို ယခုနိုဝင်ဘာ လဆန်းပိုင်းမှာလည်း လက်ကားထက် လက်လီ ဝယ်ယူသူများဖြင့် အရောင်းအဝယ် ဖြစ်နေကြပါတယ်။ အောက်တိုဘာ နောက်ဆုံးပတ်က တစ်တင်းလျှင် ၂၆ဝဝဝ ကျပ်ဈေးဖြင့် ရောင်းဝယ်ခဲ့ကြပြီး၊ ယခုနိုဝင်ဘာပထမပတ်မှာ တစ်တင်းလျှင် ၂၇ဝဝဝ ကျပ်ဈေးရှိခဲ့လို့ တစ်တင်းကို ၁ဝဝဝ ကျပ်ဈေး မြင့်တက်လာကာ တစ်ရက်လျှင် ၁၅ အိတ်ခန့် အရောင်းအဝယ်ဖြစ်ကြောင်း သိရပါတယ်။  ခင်ဆွေဝင်း 

ဈေးငြိမ်အရောင်းအဝယ်ဖြစ်နေတဲ့ ပြည် (ကမ်းနား) ပဲကြီး           ၂ဝ၁ဝ-၂ဝ၁၁ ခုနှစ်အတွက် ပဲခူးတိုင်းဒေသကြီးအနောက်မှာ ပဲကြီး စိုက်ဧက ၂၉ဝဝဝ ခန့် စိုက်ပျိုးရန် လျာ ထားပြီး ယခုနိုဝင်ဘာလဆန်းထိ ဧက ၅ဝဝ ကျော် စိုက်ပိုျးပြီးဖြစ်တယ်လို့ သိရပါတယ်။ ပဲကြီးမှာ လက်ကျန်များ သေးသော်လည်း၊ ပဲကြီး (ကမ်းနား)သာ အရောင်းအဝယ်ပုံမှန်ဖြစ်ခဲ့ပြီး၊ ပဲကြီး (ရွှေကျွန်း)မှာ တစ်ခါတစ်ရံမှအရောင်းအဝယ်ဖြစ်ပါတယ်။ ပဲကြီး (ကမ်းနား) မှာတစ်တင်းလျှင် ၃ဝဝဝဝ ကျပ်မှ ၃ဝ၅ဝဝ ကျပ်ရှိခြဲ့ပီး၊ ပဲကြော်လုပ်ငန်းသမားများ ပုံမှန်အဝယ်ရှိတာ ကြောင့် တစ်ရက်လျှင် အိတ် ၂ဝဝ ခန့် ရောင်းဝယ်ခဲ့ကြပြီး တင်ပို့မှုအနေနဲ့ အောက်တိုဘာလအတွင်း ရန်ကုန်သို့ အိတ် ၃ဝဝ ကျော် တင်ပို့နိုင်ခဲ့ကြောင်း သိရပါတယ်။                                                                                                                   ခင်ဆွေဝင်း 

ဈေးမာလာတဲ့ မုံရွာမြေထောက်            ယခုအချိန်က မြေထောက်ပဲ စိုက်ပျိုးချိန်ဖြစ်လို့ တောင်သူနဲ့ ကုန်သည်တို့ မှာ လက်ကျန်နည်းနေပြီဖြစ်ပါတယ်။ မုံရွာကုန်စည်ဒိုင်မှာ ၂ဝ၁ဝ ခု အောက်တိုဘာလဆန်းမှာ မြေထောက်ပဲ တစ် ပိဿာ ၈၈၉ ကျပ်မှ အောက်တိုဘာ လကုန်နဲ့ နိုင်ဝင်ဘာဆန်းမှ ၁ဝဝဝ ကျပ်သို့ ဈေးအနည်းငယ်တက်လာပါတယ်။ တိုင်းအတွင်း ကြာဇံစက်များကနေ့စဉ်သုံးစွဲမှုရှိလို့ မုံရွာ ကုန်စည်ဒိုင်မှာ နေ့စဉ်တင်း ၃ဝ ခန့်အရောင်းအဝယ် ဖြစ်ပြီး အောက်တိုဘာ နောက်ဆုံးပတ်အတွင်း မုံရွာမှ မန္တလေးသို့ တင်း ၃ဝဝ ခန့် စီးထွက်ခဲ့ကြောင်း သိရပါတယ်။                                                                                                                                     သန်းသန်းတင် 

ဒီပါဝလီပွဲတော်အတွက် အဝယ်အနည်းငယ်ရှိလို့ ကုလားပဲဈေးမြင့်တက်         အိန္ဒိယဈေးကွက်အများစုမှာ အစောပိုင်းရက်များက ကုလားပဲအပါအဝင် ပဲမျိုးစုံဝယ်လိုအားနည်းတာကြောင့် အရောင်းအဝယ်အေးတဲ့အတွက် ကုလားပဲဈေး မှာ တစ်တန်ကို ရူပီး ၂၁၅ဝဝ -၂၁၆ဝဝ (ကန်ဒေါ်လာ ၄၈၅-၄၈၇) နဲ့ ငြိမ်နေခဲ့ပါ တယ်။ ဒါပေမဲ့ ဒီပါဝလီပွဲတော်နီးကပ်လာပြီဖြစ်လို့ အဝယ်အနည်းငယ်ရှိလာတဲ့ အတွက် အရောင်းအဝယ်သွက်ပြီး တစ်တန်ကို ရူပီး ၂၁၇၅ဝ (ကန်ဒေါ်လာ ၄၉၁) ကို အနည်းငယ်တိုးတက်ခဲ့တယ်လို့ သိရပါတယ်။             ဒါ့အပြင် ဝယ်လိုအားခိုင်မာလာတဲ့အတွက် ကုလားပဲကြိုပွိုင့်ရောင်းဝယ်မှု ကလည်း ဆက်လက်အား ကောင်းလာခဲ့ပါတယ်။NCDEX ကုန်စည်ဒိုင်မှာ နိုဝင်ဘာလ စာချုပ်ဈေးဟာ တစ်တန်ကို ရူပီး ၃ဝဝ (ကန်ဒေါ်လာ ၆ ဒသမ ၇၇) မြင့်တက်ပြီး ရူပီး ၂၄၁၇ဝ (ကန်ဒေါ်လာ ၅၄၅) ဈေးဖြစ်ခဲ့ပါတယ်။ ကုလားပဲ ကြိုပွိုင့်ဈေးမြင့်တက်ရတဲ့ အကြောင်းရင်းတွေထဲမှာ သြစတြေးလျနဲ့ ကနေဒါတို့မှာ ပဲအထွက်လျော့ကျမယ့် မျှော်လင့်ချက်ကလည်း တစ်ချက်ဖြစ်တယ်လို့ သိရပါတယ်။              ကုန်သွယ်ရေးကျွမ်းကျင်ရှင်များရဲ့ ပြောကြားချက်အရ ယခုနှစ် ပဲအထွက်မြင့်တက်ဖွယ်ရှိတယ် ဆိုပေမဲ့ ကုလားပဲစိုက်ပျိုးရေး တိုးတက်မှု နှေးကွေး ခြင်းနဲ့ အခြားသီးနံှများကို ပြောင်းလဲစိုက်ပျိုးဖွယ်ရှိခြင်းတို့ကြောင့်လည်း ဈေးမြင့်တက် ခြင်းဖြစ်တယ်လို့ ဆိုပါတယ်။ ၂ဝ၁ဝ-၂ဝ၁၁ ရာသီမှာ ကုလားပဲတန်ချိန် ၇ ဒသမ ၆ သန်း ခန့် ထွက်ရှိမယ်လို့ ခန့်မှန်းထားပြီး ၂ဝဝ၉-၂ဝ၁ဝ မှာ တန်ချိန် ၇ ဒသမ ၃၅ သန်းထွက်ရှိခဲ့တယ်လို့ သိရပါတယ်။                                                                                                             ယမင်းခင်၊ှSources: thehindunbusiness