ရန်ကုန်ဝယ်လက် အဝယ်ရှိလာတဲ့ ပြည်ထောပတ်ပဲ            ပြည်ပဲဈေးကွက်မှာ ထောပတ်ပဲဝင်ရောက်မှုမရှိသလောက်ဖြစ်ခဲ့ပြီး လက်ကျန်ပဲများဖြင့် အရောင်း အဝယ်ဖြစ်နေတယ်လို့ သိရပါတယ်။ ဒေသတွင်းလက်လီသမားများ အဝယ်ရှိသလို ရန်ကုန်ဝယ်လက် များလည်း ဝယ်လိုအားရှိနေပြီး တချို့ရက်တွေမှာ အိတ် ၁ဝဝ ခန့်ထိ အရောင်းအဝယ် ဖြစ်ခဲ့ကြပါတယ်။ ထောပတ်ပဲဈေးနှုန်းမှာ ယခင်နှစ် မေလအတွင်း တစ်တင်း ၂၂ဝဝဝ ကျပ်ထိ ဈေးရခဲ့ပြီး ယခုနှစ်မေလ ပထမပတ်မှ တတိယပတ်အထိ တစ်တင်း ၁၃ဝဝဝ ကျပ်ဖြင့် ဈေးငြိမ်လျက်ရှိကာ ယခုမေလ စတုတ္ထပတ် တွင် ရန်ကုန်ဝယ်လက်အဝယ်ရှိလာသည့်အတွက် တစ်တင်း ၁၅ဝဝဝ ကျပ်ခန့် ဈေးမြင့်လာခဲ့ကြောင်း  သိရပါတယ။် ခင်ဆွေဝင်း 

မုံရွာမှာ ကုလားပဲဖြူလုံးကြီး အရောင်းသွက်              ၂ဝ၁၁ ခုနှစ် မေလအတွင်း မုံရွာကုန်စည်ဒိုင်မှာ ကုလားပဲဖြူလုံးကြီး V2 တစ်ပိဿာ အနိမ့်အမြင့်ဈေးမှာ ၉၅၃ကျပ်-၁ဝဝဝကျပ် ဈေးအသီးသီးနဲ့ ရောင်းဝယ်ကြပြီး ယခင်နှစ်ကာလတူဈေးမှာ ၁ဝ၃၂ ကျပ်-၁ဝ၆၃ ကျပ် ဈေးပေါက်ခဲ့ကြောင်း သိရပါတယ်။ ရွှေဘိုခရိုင်၊ စစ်ကိုင်းခရိုင်၊ မုံရွာခရိုင်များမှ ကုလားပဲဖြူလုံးကြီး V2  များ မုံရွာ ကုန်စည်ဒိုင်သို့ လှိုင်လှိုင်ဝင်ရောက်သလို ပြည်ပဝယ်လက်အဆွဲရှိလို့ မုံရွာကုန်စည်ဒိုင်မှာ ဒုတိယ အရောင်းအဝယ်သွက်ဆုံး ပဲသီးနံှမှာ ကုလားပဲဖြုလုံးကြီး V2 ဖြစ်ကြောင်း ကုန်စည်ဒိုင်သတင်းရပ်ကွက်က သိရပါတယ်။ ယခုလအတွင်း စစ်ကိုင်းတိုင်းဒေသကြီးအတွင်းမှ မန္တလေးသို့ V2 တင်း ၉ဝဝဝကျော် ရန်ကုန်သို့ V2  တင်း ၆ဝဝကျော် စီးထွက်ခဲ့ကြောင်း သိရပါတယ်။ သန်းးသန်းးတင်

ဈေးငြိမ်ပြီးအရောင်းအဝယ်ဖြစ်တဲ့ ပြည်မြေပဲဆံ              ပြည်ဈေးကွက် မိုးမြေပဲစိုက်ချိန်အဝင်မရှိသလောက်နည်းပေမဲ့ မြို့တွင်းပွဲရုံများမှ လှောင်မြေပဲများကို ထုတ်၍ ဆီကြိတ် နေသော်လည်း မြေပဲဆံဈေးမှာ မတက်ဘဲငြိမ်နေတာတွေ့ရပါတယ်။ လုံးဆံမြေပဲမှာ အဝယ်မရှိ သဖြင့် ဈေးမဖြစ်ဟု သိရပါ တယ်။ ဆီကြိတ်မြေပဲဆံတစ်ပိဿာကို ယခင်အပတ်အတိုင်း ၁၆၅ဝ ကျပ်ဈေးဖြင့် ဈေးငြိမ်ပြီး တစ်နေ့ကို အိတ် ၁ဝဝဝ ခန့် အရောင်းအဝယ်ဖြစ်လျက်ရှိပါတယ်။ မြေပဲဆီဈေးမှာလည်း ယခင်အပတ်အတိုင်း တစ်ပိဿာ ၄ဝဝဝ ကျပ်ဈေးဖြစ်နေ တာတွေ့ရပါတယ်။    ဝေဝေမင်း

မုံရွာစားဆီဈေး လကုန်ပတ်မှာ အေးလာ                မုံရွာကုန်စည်ဒိုင်မေလ စတုတ္ထပတ်စားသုံးဆီဈေးကွက်မှာ လဆန်းပတ်ကထက် ဈေးအေးလာခဲ့ကာ အထူးသဖြင့် စားအုန်းဆီဈေးမှာ တစ်ပိဿာလျင် ၆ဝဝ ကျပ်ခန့်ထိ ကျဈေးဖြစ်ပေါ်ခဲ့ကြောင်း တွေ့ရပါတယ်။ စားသုံးဆီတစ်မျိုးချင်းရဲ့ ကုန်ကြမ်းစီးဝင်မှုကို လေ့လာတဲ့အခါ ဈေးကွက်အတွင်း နှမ်းအဝင်ပါးခဲ့လို့ နှမ်းဆီဈေးမှာ ယခုလအတွင်း အနိမ့်ဆုံး တစ်ပိဿာ ၃၁ဝဝ ကျပ်မှ အမြင့်ဆုံး ၃၃ဝဝ ကျပ်ထိသာ အတက်အကျရှိခဲ့ပြီး မြောင်နယ်နဲ့ ကနီ၊ မင်းကင်းဘက်က မြေပဲ ပုံမှန်ဝင်နေသလို မြေပဲဆီဈေးအနေနဲ့ တစ်ပိဿာအမြင့်ဆုံး ၃၇ဝဝ ကျပ်မှ အနိမ့်ဆုံး ၃၅၅ဝ ကျပ်ထိ ကျဈေးဖြစ်ပေါ်ခဲ့ပါတယ်။ စားအုန်းဆီဈေးကတော့ မေလ ပထမလဝက်ခန့်အတွင်း တစ်ပိဿာ အမြင့်ဆုံး ၂၉ဝဝ ကျပ်ထိ ရောက်ခဲ့ရာက ယခုအပတ်မှာ ၂၃ဝဝ ကျပ်ထိ သိသိသာသာ ဈေးအေးသွားတာ တွေ့ရပါတယ်။ ထွန်းလှိုင်