Background
ဟင်္သာတဈေးကွက်မှာ ဒီတစ်ပတ် မတ်ပဲကို ရန်ကုန် ဝယ်လက် ကအောက်ဈေးနဲ့ နေ့စဉ် ဝယ်အားပုံမှန်ရှိခဲ့ကြောင်း သိရပါတယ်။ ပဲဈေးက ကျနေတယ်။ ဒါပေမဲ့ အရောင်းအဝယ်တော့ နေ့စဉ်ဖြစ်နေ တယ်လို့ မြို့ခံကုန်သည် တစ်ဦးက ဆိုပါတယ်။ အရောင်းအဝယ် အနေနဲ့ တစ်ပိဿာကို ၇၆၀ ကျပ်(တစ်တန်ကို ၄၆၅၄၁၆ ကျပ်)ဈေးနဲ့ တစ်ရက်ကိုအိတ် ၁၀၀၀ မှ ၁၂၀၀ ကြားဖြစ်ခဲ့တယ်လို့ သိရပါတယ်။ ဒေသထွက်ပြောင်းကိုတော့ ရန်ကုန်ဝယ်လက်က ဝယ်အားပုံမှန်ရှိသလို ရောင်းလက်များကလည်း အဆိုပါဈေးနဲ့ အရောင်းပုံမှန်ရှိခဲ့တယ်လို့ သိရပါတယ်။ အ ရောင်းအဝယ်အနေနဲ့ တစ်ပိဿာ ၄၈၃ ကျပ်ဈေးနဲ့ တစ်ရက်ကိုအိတ် ၅၀၀ ခန့်ဖြစ်ခဲ့ ကြောင်း သိရပါတယ်။
မန္တလေးဈေးကွက်မှာ ဒီတစ်ပတ် ပဲတီစိမ်းကြီးကို တရုတ်ဝယ် လက်က အရည်အသွေးပေါ်မူတည်ပြီး တွက်ချက်ဝယ်ယူမှုတွေရှိနေ သလို ရောင်းသူကုန်သည်များကလည်း တက်ဈေးမျှော်ပြီး အရောင်း နည်းလာတယ်လို့ ပွဲရုံရပ်ကွက်ကဆိုပါတယ်။ အရောင်းအဝယ်ဖြစ်မှု ကတစ်ပိဿာ ၁၂၈၀ ကျပ်(တစ်တန်ကို ၇၈၃၈၅၉ ကျပ်)ဈေးနဲ့ နေ့ စဉ်အိတ် ၁၀၀၀ ခန့်ဖြစ်ခဲ့ကြောင်း သိရပါတယ်။ ပဲစင်းငုံနီကို အိတ် စပို့အတွက်ဝယ်ယူနေတဲ့ ရန်ကုန်ဝယ်လက်က အဝယ်အေးတာ ကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၈၉၀ ကျပ်(တစ်တန်ကို ၅၄၅၀၂၇ ကျပ်)ဈေးနဲ့ တစ်ရက်ပျမ်းမျှအိတ် ၃၀၀ ခန့်သာဖြစ်ခဲ့ကြောင်း သိရပါတယ်။ ကုလားပဲဖြူလုံးကြီးကို ရန်ကုန် အဆွဲအေးသလို မြို့ခံပဲခွဲစက်တွေကလည်း ဝယ်အားအနည်းငယ် လျော့သွားတာကြောင့် ဈေးကအကျဘက်မှာရှိနေတယ်လို့ ဆိုပါ တယ်။ ရောင်းသူဘက်မှ သူရောင်းနိုင်တဲ့ဈေးခေါ်သော်လည်း ဝယ် သူဘက်က ဈေးနှိမ်အဝယ်ရှိလို့ အရောင်းအဝယ်သိပ်မဖြစ်ခဲ့ဘူးလို့ မြို့ခံပဲကုန်သည်တစ်ဦးက ဆိုပါတယ်။ အရောင်းအဝယ်အနေနဲ့ တစ် ပိဿာ ၈၈၂ ကျပ်(တစ်တန်ကို ၅၄၀၁၂၇ ကျပ်)ဈေးနဲ့ တစ်ရက်ကို အိတ် ၄၀၀ ခန့်သာဖြစ်ခဲ့ကြောင်း သိရပါတယ်။
ပခုက္ကူဈေးကွက်မှာ ဒီတစ်ပတ်ပဲစင်းငုံနီကို ရန်ကုန်ဝယ်လက်က ရက်ခြားသာ အဝယ်ရှိနေတာကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၈၈၀ ကျပ်(တစ်တန်ကို ၅၃၈၉၀၃ ကျပ်) ဈေးနဲ့ တစ်ပတ်လုံးမှ အိတ် ၅၀၀ ခန့်သာအရောင်း အဝယ်ဖြစ်ခဲ့ ကြောင်း သိရပါတယ်။ ကုလားပဲဖြူလုံးကြီးကို မြို့ခံပဲခွဲစက်တွေက ဝယ်အားအသင့်အတင့် ပဲရှိခဲ့လို့ အရောင်းရော အဝယ်ပါအေးနေ တယ်လို့ ဆိုရမှာပါ။ အရောင်းအဝယ်ဖြစ်မှုက တစ်ပိဿာ ၈၇၈ ကျပ်(တစ်တန်ကို ၅၃၇၆၇၈ ကျပ်)ဈေးနဲ့ တစ်ပတ်လုံးမှ အိတ် ၃၀၀ ခန့်သာဖြစ်ခဲ့ကြောင်း သိရပါတယ်။
အောင်လံဈေးကွက်မှာ ပဲတီစိမ်းကြီးက ဈေးကွက်သို့အဝင်ပုံမှန် ဝင်ရောက်မှုရှိသလို ရန်ကုန်-မန္တလေး ဝယ်လက်ကလည်း ဝယ်အား ပုံမှန်ရှိပေမယ့် ရောင်းသူကုန်သည်များ အရောင်းများတာကြောင့် ဈေးကွက် အနေအထားအရ ဈေးက အနည်းငယ်ကျနေတယ်လို့ ပွဲရုံရပ်ကွက်ကဆိုပါတယ်။ အရောင်း အဝယ် အနေနဲ့ တစ်ပိဿာ ၁၁၅၀ ကျပ်(တစ်တန်ကို ၇၀၄၂၄၈ ကျပ်)ဈေးနဲ့ အိတ် ၈၀၀ ခန့်ဖြစ်ခဲ့ကြောင်း သိရပါတယ်။ သိပ္ပံနှမ်း ကိုတော့ ရန်ကုန်ဝယ်လက် အဝယ်ပါးတာကြောင့် ဈေးကျလာပြီး တစ်ပိဿာကို ၂၈၈၉ ကျပ် ဈေးနဲ့ နေ့စဉ် အိတ် ၃၀ ခန့်သာအရောင်းအဝယ်ဖြစ်ခဲ့ကြောင်း သိရပါ တယ်။
ပြည်ဈေးကွက်မှာ ပဲတီစိမ်းအသစ်တွေ ဈေးကွက်ထဲ စတင်ဝင်ရောက်နေသလို မန္တလေးဝယ်လက်နဲ့ ဒေသခံလှောင်လက် တစ်ချို့လည်း ဝယ်အားပုံမှန် ရှိနေတယ်။ ဒါပေမယ့် အရည်အသွေး ပိုင်းအရ ဈေးက ယခင်အပတ်နဲ့စာရင် ဈေးအနည်းငယ်ကျနေ တယ်လို့ သိရပါတယ်။ အရောင်းအဝယ်ဖြစ်မှုက တစ်ပိဿာကို ၁၁၂၅ ကျပ်(တစ်တန်ကို ၆၈၈၉၃၈ ကျပ်)ဈေးနဲ့ တစ်ရက်ကိုအိတ် ၂၀၀ ခန့်သာဖြစ်ခဲ့ကြောင်း သိရပါ တယ်။ ကုလားပဲ(ထိုင်ဝမ်)ကတော့ ဈေးကွက်သို့ ပဲအဝင်ပါးသွားပြီး ဒေသတွင်းရှိ ခွဲစက်သမားများ အဝယ်ရှိလို့ လက်ကျန်ပဲတွေ အရောင်းအဝယ်ဖြစ်ခဲ့တယ်လို့ ဆိုပါ တယ်။ အရောင်းအဝယ်အနေနဲ့ တစ်ပိဿာ ၈၈၀ ကျပ်(တစ်တန်ကို ၅၃၈၉၀၃ ကျပ်)ဈေးနဲ့ တစ်ရက်ကိုအိတ် ၁၅၀ ခန့်သာဖြစ်ခဲ့ကြောင်း သိရပါတယ်။
တောင်ကြီးဈေးကွက်မှာ လက်ကျန်ပြောင်းတွေကိုသာ ရန်ကုန်-မန္တလေး ဝယ်လက်နဲ့ ဒေသတွင်းအစာစပ်သမားများက ဝယ်လိုအား ပုံမှန်ရှိပေမယ့် ရောင်းသူကုန်သည်တွေထံမှာ ပစ္စည်းလက်ကျန်နည်း နေတယ်လို့ သိရပါ တယ်။ အရောင်းအဝယ်အနေနဲ့ တစ်ပိဿာ ၄၈၅ ကျပ်ဈေးနဲ့ တစ်ပတ်အတွင်း ပိဿာချိန် ၂၅၀၀၀၀ ခန့်ဖြစ်ခဲ့ ကြောင်းသိရပါတယ်။ဒီရက်ပိုင်းဈေးကွက်ထဲ အသစ်ဝင်ရောက်လာ တဲ့ ရေသွင်းပြောင်းသစ် တွေက တစ်ပိဿာကို ၄၅၀ ကျပ်ဈေးနဲ့ အရောင်းဖွင့်ထားပေမယ့်အစိုဓါတ်ရှိသေးတာကြောင့်အရောင်းအဝယ် မဖြစ်သေးဘူးလို့ဒေသခံပြောင်းကုန်သည်တစ်ဦးကဆိုပါတယ်။
လားရှိုးဈေးကွက်မှာ ပြောင်းကို တရုတ် အဆွဲပုံမှန်ရှိပေမယ့် ရောင်းလက်တွေဆီမှာ ပစ္စည်းလက်ကျန်နည်းနေတာကြောင့် အ ရောင်းအဝယ်ဖြစ်မှုပမာဏလည်း လျော့သွားတယ်လို့ သိရပါတယ်။ အရောင်းအဝယ်အနေနဲ့ တစ်ပိဿာ ၅၄၀ ကျပ်ဈေးနဲ့ တစ်ပတ် အတွင်း ပိဿာချိန် ၆၀၀၀၀ ခန့်ဖြစ်ခဲ့ကြောင်း သိရပါတယ်။
မူဆယ်ဈေးကွက်မှာ မူဆယ်ဈေးကွက်မှာ ပြောင်းကို တရုတ် အဆွဲပုံမှန်ရှိပေမယ့် ရောင်းသူတွေထံမှာ သိုလှောင်ရုံပစ္စည်း လက်ကျန် နည်းနေတယ်လို့ ဆိုပါတယ်။ တရုတ်အဆွဲကလည်း ပုံမှန်ရှိတယ်။ လှောင်လက်တွေကလည်းထုတ်ရောင်းမှုတွေ ရှိတာကြောင့် တစ်ပတ်အတွင်း မက်တန် ၈၂၀၀ ခန့် အရောင်း အဝယ်ဖြစ်ခဲ့ကြောင်း သိရပါတယ်။
မုံရွာဈေးကွက်မှာ မုံရွာဈေးကွက်မှာ ပဲတီစိမ်းကြီးကို မန္တလေးဝယ်လက်က အရည်အသွေးအရ ဈေးချပြီး အဝယ်ရှိနေတာကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၁၂၁၁ ကျပ်(တစ်တန်ကို ၇၄၁၆၀၄ ကျပ်)ဈေးနဲ့ တစ်ရက်ကိုအိတ် ၈၀၀ မှ ၁၀၀၀ ကြားသာအရောင်း အဝယ်ဖြစ်ခဲ့ကြောင်းသိရပါတယ်။ ပဲအရည်အသွေးအရ တရုတ်အ တွက်ဝယ်ယူနေတဲ့ မန္တလေးဝယ်လက်က ဈေးချအဝယ်ရှိနေသလို ရောင်းသူကုန်သည်တွေကလည်း တက်ဈေးမျှော်ပြီး အရောင်းနည်း ခဲ့တယ်လို့ ပွဲရုံရပ်ကွက်ကဆိုပါတယ်။ ပဲစင်းငုံနီကို ဒီတစ်ပတ်မှာ ရန်ကုန်ဝယ်လက်နဲ့ ဒေသကုန်သည်တစ်ချို့အနည်းငယ်သာအဝယ် ရှိခဲ့တယ်လို့ ဆိုပါတယ်။ ပဲကို ဝယ်လက်တွေက ပြည်ပဈေးကွက်ရဲ့ ဝယ်လိုအားအေးသွားတာကို အကြောင်းပြပြီး ဈေးလျော့အဝယ်ရှိ သလို ရောင်းလက်တွေကလည်း ကြိုက်ဈေးမရလို့ အရောင်းရော အဝယ်ပါတုန့်ဆိုင်းနေတယ်လို့ ပွဲရုံရပ်ကွက်ကဆိုပါတယ်။ အရောင်း အဝယ်အနေနဲ့ တစ်ပိဿာ ၈၇၅ ကျပ်(တစ်တန်ကို ၅၃၅၈၄၁ ကျပ်) ဈေးနဲ့ တစ်ရက်ကို အိတ် ၃၀၀ ခန့်သာဖြစ်ခဲ့ကြောင်းသိရပါတယ်။ ကုလားပဲဖြူလုံးကြီးနဲ့ ကုလားပဲ(ထိုင်ဝမ်)ကို ဒေသတွင်းရှိ ပဲခွဲစက်နဲ့ ကြာဆံစက်တွေက ပုံမှန်အဆွဲရှိပေမယ့် အိတ်စပို့အဆွဲကတော့ အေး နေတယ်လို့ မြို့ခံပဲကုန်သည်တစ်ဦးက ဆိုပါတယ်။ အရောင်းအဝယ် ဖြစ်မှုက ကုလားပဲဖြူလုံးကြီးတစ်ပိဿာ ၈၇၄ ကျပ်(တစ်တန်ကို ၅၃၅၂၂၈ ကျပ်)၊ ကုလားပဲ(ထိုင်ဝမ်) တစ်ပိဿာ ၈၅၃ ကျပ်၊ (တစ် တန်ကို ၅၂၂၃၆၈ ကျပ်)ဈေးနဲ့ နှစ်မျိုးပေါင်း တစ်ရက်ကိုအိတ် ၁၂၀၀ ခန့်ဖြစ်ခဲ့ကြောင်း သိရပါတယ်။
ဘုရင့်နောင်ဈေးကွက် ဒီတစ်ပတ်မတ်ပဲ (RC) ကတော့ အကျဈေးနဲ့ နေ့စဉ်အရောင်းအဝယ်ဖြစ်ခဲ့ပေမယ့် ပဲစင်းငုံနီ (RC) ကတော့ တစ်ပတ်လုံးမှ တစ်ရက်ထဲသာ အောက်ဈေးနဲ့ အရောင်း အဝယ်ဖြစ်ခဲ့ကြောင်း သိရပါတယ်။ ဈေးကွက်ဖွင့်ချိန်မှာ မတ်ပဲ (RC) ကိုအိန္ဒိယဝယ်လက်တွေက တစ်တန်ကို ၄၉၃၀၀၀ ကျပ်ဈေးနဲ့ စတင် အဝယ်ရှိပေမယ့် နောက်ပိုင်းမှာ အိန္ဒိယမွန်ဘိုင်းဈေးကွက်မှာ မြန်မာ့မတ်ပဲဈေးကျနေတာကြောင့် မြန်မာ့မတ်ပဲကို ဝယ်လိုအားကျ ဆင်းသွားလို့ ဈေးတရိပ်ရိပ်ကျဆင်းလာပြီး ဈေးကွက်ပိတ်ချိန်မှာ တော့ တစ်တန်ကို ၄၇၁၀၀၀ ကျပ်ဈေးနဲ့ အရောင်းအဝယ် ဖြစ်ခဲ့ ကြောင်း သိရပါတယ်။ အရောင်းအဝယ်ဖြစ်မှုပမာဏကတော့ တစ်ပတ်လုံးမှ တန် ၁၃၀၀ ခန့်သာရှိခဲ့ကြောင်း ဈေးကွက်အတွင်းမှ သိရပါတယ်။ ပဲစင်းငုံနီ (RC) ကတော့ ဒီတစ်ပတ်မှာ အိတ်စပို့ ဝယ်လက်က တစ်တန်ကို ၅၄၀၀၀၀ ကျပ်ဝန်းကျင်သာဈေးပေး အဝယ်ရှိသလို ရောင်းသူဘက်ကလည်း တွက်ချေမကိုက်လို့ အရောင်းအဝယ်သိပ်မဖြစ်ဘဲ အရောင်းအဝယ် အေးနေတယ်လို့ ပဲကုန်သည်တစ်ဦးကဆိုပါတယ်။ အရောင်းအဝယ်အနေနဲ့ တစ်တန်ကို ၅၄၉၀၀၀ ကျပ်ဈေးနဲ့ တန် ၁၁၅ ခန့်သာဖြစ်ခဲ့ကြောင်း ဈေးကွက်အတွင်းမှသိရပါတယ်။