ဒီဇင်ဘာလကုန်မှာ အိန္ဒိယနနွင်းလက်ငင်းဈေး တစ်တန်ကို ကန်ဒေါ်လာ ၃၉၈၉ ထိ ရောက်ရှိနိုင်                 အိန္ဒိယပြည်တွင်းဈေးကွက်တွေမှာ နနွင်းလက်ကျန်နည်းလာပြီဖြစ်တာကြောင့် လာမယ့်သီတင်းပတ် ၃ ပတ်မှ ၄ ပတ်အတွင်း နနွင်းလက်ငင်းဈေး စံချိန်တင်ပမာဏထိ မြင့်တက်လာဖွယ်ရှိတယ်လို့ လေ့လာဆန်းစစ်သူများနဲ့ ကုန်သည်များက နိုဝင်ဘာလ ၃ဝ ရက်နေ့က ပြောကြားပါတယ်။ အခိုျ့ဒေသတွေမှာ စိုက်ပိုျးထားတဲ့ နနွင်းပျက်စီးမှု တွေနဲ့ ရောင်းလိုအားနည်း တာတွေကြောင့် အင်ဒရာပရာဒေ့ရှ်ပြည်နယ်တောင်ပိုင်းရဲ့ အဓိက ကုန်သွယ်မှုလုပ်တဲ့ နီဇမ်မာဘတ်မှာ လက်ငင်းဈေးဟာ လွန်ခဲ့တဲ့လထက် ၁၆ ရာခိုင်နှုန်းမြင့်တက်ပြီးတစ်တန်ကို ရူပီး ၁၇ဝ၁၆၆ ဒသမ ၅ဝ ကို အမြင့်ဆုံးရောက်ခဲ့တယ်လို့ သိရပါတယ်။                 လေ့လာဆန်းစစ်သူတွေရဲ့ ပြောကြားချက်အရ ကမ္ဘာမှာအများဆုံးထုတ်လုပ်တဲ့ အိန္ဒိယရဲ့ နနွင်းဈေးဟာ နနွင်းအသစ်ရိတ်သိမ်းမှုစတင်မယ့် ဖေဖော်ဝါရီလတိုင်အောင် ဆက်လက်မြင့်တက်ဖွယ်ရှိတယ်လို့ ဆိုပါတယ်။ နိုဝင်ဘာလ ၂၉ ရက်နေ့ဟာ NCDEX မှာ နနွင်းအခြေခံစာခုျပ်ဈေးဟာ နိုဝင်ဘာလ ၁ ရက်နေ့နောက်ပိုင်း ၃၇ ရာခိုင်နှုန်းမြင့်တက်ပြီး တစ်တန်ကို ရူပီး ၁၆၃၅ဝဝ (ကန်ဒေါ်လာ ၃၆၂၄) ဖြစ်ခဲ့ပါတယ်။ ဒီဇင်ဘာလကုန်မှာ လက်ငင်းဈေးဟာ တစ်တန်ကို ရူပီး ၁၈ဝဝဝဝ (ကန်ဒေါ်လာ ၃၉၈၉) ဈေးထိ ရောက်ရှိလာနိုင်တယ်လို့ ထိပ်တန်း လေ့လာဆန်းစစ်သူ Chawda Reddy  က ပြောကြားပါတယ်။              ကုန်သည်တွေက ဈေးထပ်တက်မယ့် မျှော်လင့်ချက်နဲ့ လက်ကျန်တွေ ထိန်းထားတဲ့အတွက် ပြည်တွင်း ဝယ်လိုအားကောင်းပြီး ရောင်းလိုအားက နည်းနေတယ်လို့ Reddy  က ဆက်လက်ပြောကြားပါတယ်။ နီဇမ်မာဘတ်မှ ကုန်သည် Poonam Chand Gupta  က ခန့်မှန်းတာတော့ လက်ရှိနနွင်းလက်ကျန်ဟာ ၇ဝ ကီလိုဝင်အိတ် ပေါင်း ၄ သိန်း ဝန်းကျင်ရှိနိုင်လို့ ယခင်နှစ်များရဲ့ ကာလတူပျမ်းမျှလက်ကျန် အိတ် ၇ သိန်း- ၈ သိန်းထက် ထက်ဝက်လျော့တယ်လို့ ဆိုပါတယ်။                   ဒါပေမဲ့ Angle Commodities  မှ ထိပ်တန်းလေ့လာဆန်းစစ်သူ Nalini Rao  ကတော့ နနွင်းဈေးနှုန်းအမြင့်မှာ ကြာရှည်မဖြစ်နိုင်ပါဘူးလို့ ဆိုပါတယ်။ နနွင်းစိုက်ဧရိယာပိုမိုလာခြင်းက အချိန်အခါမဲ့ မိုးရွာသွန်းလို့ အချို့နနွင်းတွေ ပျက်စီးတဲ့ တိုင် ၂ဝ၁၁ ဇွန်လအထိ ယခုရာသီအတွင်း နနွင်းအထွက်ဟာ အိတ်ပေါင်း ၆ ဒသမ ၅ သန်း၊ ရာခိုင်နှုန်းအားဖြင့် ၃၅ ရာခိုင်နှုန်း ပိုမိုနိုင်တယ်လို့ ခန့်မှန်းထားပါတယ်။                                                                 ယမင်းခင်၊ှSources: Dow Jones 

နနွင်းတက်တင်ပို့မှု ပိုလာ                ယခုအပတ်မှာ စစ်တွေနယ်စပ်မှတစ်ဆင့် ဘင်္ဂလားဒေ့ရှ်နိုင်ငံသို့ နနွင်းတက် ၄ တန်၊ တန်ဖိုးကန်ဒေါ်လာ ၆၄ဝဝ ဖိုးတင်ပို့နိုင်ခဲ့ပါတယ်။ ယခင်အပတ်ကတော့ ၁ တန်တင်ပို့နိုင်ခဲ့ပြီး ယခုအပတ်မှာ တင်ပို့မှု ၃ တန် ပိုမိုလာကြောင်း တွေ့ရပါတယ်။ကျောက်ဆည်၊ တောင်ကြီး၊ ကျောက်တော်ဒေသတွေ မှာ နနွင်းတက်တွေ ထွက်ရှိ နေပြီး ဝယ်လိုအား ကောင်းလာတဲ့အတွက် စစ်တွေနယ်စပ်မှတစ်ဆင့် တစ်ဖက်နိုင်ငံသို့ တင်ပို့နေတာ တွေ့ရပါတယ်။ နနွင်းတက်တစ်တန် မိမိဘက်မြေပြင်ပေါက်ဈေး ၁၅၂၆၉၄ဝ ကျပ်ရှိပြီး တစ်ဘက်နိုင်ငံ ပေါက်ဈေးကတော့ ၁၄ဝဝဝဝ တာကာဖြစ်ပါတယ်။  တင်တင်ထွန်း(MIRT) 

 အဝင်သွက်ပြီး အရောင်းအဝယ်အေးနေတဲ့ ပြည်ငရုတ်ခြောက်ဈေးကွက်            ပြည်ဈေးကွက်သို့ ယခုတစ်ပတ်မှာ မန္တလေးတိုင်းဒေသကြီးမှ ငရုတ်ခြောက်များ ပိဿာ ၂ဝ ဝင်အိတ် ၅ဝဝ ခန့်နှင့် အဝင်သွက်လာတယ်လို့ သိရပါတယ်။ မန္တလေးတိုင်းအတွင်းမှာ ငရုတ်ထွက်ချိန်ဖြစ်လို့ အဝင်များပေမယ့် ဈေးနှုန်းလည်း ပုံမှန်ရှိနေသလို အရောင်းအဝယ်လည်း အေးနေတယ်လို့ သိရပါတယ်။ ပြည်ဈေးကွက် ပွဲရုံများမှာ ငရုတ်ရှည် တစ်ပိဿာ ၂၆ဝဝ ကျပ်၊ မိုးထောင် ၂၂ဝဝ ကျပ်တို့နဲ့ ရောင်းဝယ် နေကြပါတယ်။                                                           ဝင်းလဲ့ဝါ

အဝင်သွက်ပြီး အရောင်းအဝယ်အေးနေတဲ့ ပြည်ချင်းဈေးကွက်               ဒီတစ်ပတ်ပြည်ဈေးကွက်ကို အောင်ပန်းချင်းများ အဝင်များလာပြီး တစ်ပတ်အတွင်း ပိဿာ ၃ဝ ဝင်အိတ် ၃၅ဝ ခန့် အဝင်ရှိနေတယ်လို့ သိရပါတယ်။ အဝင်များပေမဲ့ အရောင်းအဝယ်မှာအေးနေပြီး ယခင်တစ်နေ့ကို အိတ် ၅ဝ ခန့် အရောင်းအဝယ်ဖြစ်ရာမှ ယခု ၁၅ အိတ်ခန့်သာ ရောင်းဝယ်မှုဖြစ်တယ်လို့ သိရပါတယ်။ ချင်းကြီးတစ်ပိဿာ ၁၃ဝဝ ကျပ်၊ လတ် ၁၂ဝဝ ကျပ်၊ သေး ၁ဝဝဝ ကျပ်တို့ဖြင့် ရောင်းဝယ်နေတာကြောင့် ယခင်အပတ်ထက် တစ်ပိဿာ ၂ဝဝ ကျပ်ခန့် ဈေးကျသွားတယ်လို့ သိရပါတယ်။                                                                                                    ဝင်းလဲ့ဝါ