Background
ပြည်ပဲပုပ် ဈေးငြိမ် ပြည်ဈေးကွက်မှာပဲပုပ်ကို ပိဿာ ၂ဝ တစ်တင်းကို ၁၇ဝဝဝ ကျပ်ဖြင့် ယခင်အောက်တိုဘာလဒုတိယပတ် ဈေးအတိုင်း ဈေးငြိမ်နေလျက်ရှိ ပါတယ်။ ပဲခူးတိုင်းဒေသကြီး အနောက် ပိုင်းရှိ ဇီးကုန်းနဲ့ နတ္တလင်းမြို့နယ်များ တွင် ၁၁၇ ဧက စိုက်ပျိုးပြီးဖြစ်ကြောင်း သိရပါတယ်။ ရေလိုက်ကြဲစနစ်ဖြင့် စိုက်ပျိုးထားတဲ့ ပဲပုပ်သစ်များ ဈေးကွက် တွင်းသို့ ဝင်ခါနီးဖြစ်တဲ့အတွက် လက်ကျန် ပဲအဟောင်းများကို ပိဿာ ၂ဝ တစ်တင်းကို၁၇ဝဝဝကျပ်ဖြင့် အရောင်း အဝယ် ဖြစ်ကြောင်း သိရှိရပါတယ်။ ဆုမွန်ဆွေ
အရှိန်သွက်သွက်နဲ့ နယ်စပ်ကိုစီးနေတဲ့ အောင်လံနှမ်း အောင်လံနှမ်းဈေးကွက်ဟာ ၂ဝ၁ဝ ခုနှစ်ထွက် နှမ်းမျိုးစုံရဲ့ တစ်ဝက် ကျော်ကျော်လောက်တင်ပို့ရောင်းချပြီးတဲ့ အချိန်ကို ရောက်ရှိနေပါပြီ။ အောင်လံ ဈေးကွက်အတွင်းက ပြည်ပပို့ကုန်သိပ္ပံနှမ်းနက်နဲ့ ရိုးရိုးနှမ်းနက်တို့ဟာ မန္တလေး ဝယ်လက်ကတစ်ဆင့် နယ်စပ်လမ်းကြောင်းအတိုင်း တရုတ်ပြည်ကို စဉ်ဆက်မပြတ် တင်ပို့နေတာ တွေ့ရပါ တယ်။ သြဂုတ်လတတိယပတ်အတွင်း စတင်ပေါ်ထွက်ခဲ့တဲ့ သိပ္ပံနှမ်းနက်ဟာ ၄၅ ပိဿာကို တစ်သိန်းကျပ်နဲ့ ရိုးရိုးနှမ်းနက်ကတော့ ၄၅ ပိဿာကို ၈ဝဝဝဝ ကျပ်ဈေးနဲ့ စတင်ပေါ်ထွက်လာခဲ့ပါတယ်။ စတင်ပေါ်ထွက်တဲ့ အချိန် ကနေ ယနေ့အချိန်ထိ ထူးခြားတာကတော့ (တရုတ်လိုင်း) မန္တလေး ဝယ်လက်ရဲ့ ဝယ်ယူမှုဟာ နှမ်းဈေးကွက် ဖြစ်လို့ နေတာပါပဲ။ ယနေ့အချိန်ထိ ၃လအတွင်း ကုန်စည် စီးဆင်းမှု ကိုကြည့်ရင်လည်း သိပ္ပံနှမ်းနက်အနေနဲ့ မန္တလေးကို အိတ် ၁ သိန်းခွဲနဲ့ ရန်ကုန်ကို အိတ် ၇၅ဝဝဝ ခန့်တင်ပို့ပြီး၊ ရိုးရိုးနှမ်းနက်အနေနဲ့လည်း မန္တလေးကိုအိတ် ၈ဝဝဝဝ ခန့်နဲ့ ရန်ကုန်ကို အိတ် ၃၅ဝဝဝ ခန့်တင်ပို့ပြီးတဲ့အခြေအနေတွေ အရလည်း နှမ်းဈေးကွက်ကို နယ်စပ်လိုင်းက အားသာနေတာတွေ့ရပါတယ်။ နယ်စပ် ကုန်သွယ်မှု အားကောင်းနေမှုနဲ့အတူ ယခု အောက်တိုဘာတတိယပတ် အစမှာတော့ယခင်နှစ် နှစ်ဟောင်းနှမ်းများရဲ့ ၄၅ ပိဿာကို အမြင့်ဆုံးဈေးနှုန်းများဖြစ်ခဲ့တဲ့ သိပ္ပံနှမ်းနက် ၁၂၂ဝဝဝ ကျပ်၊ ရိုးရိုးနှမ်းနက် ၈၇ဝဝဝ ကျပ်တို့ကိုကျော်ဖြတ်ကာ သိပ္ပံနှမ်းနက်ဟာ ၁၂၅ဝဝဝ ကျပ်ဖြစ်လာပြီး၊ ရိုးရိုးနှမ်းနက်ကတော့ ကျပ် ၁ဝ၃ဝဝဝ ကျပ်နဲ့ ဝယ်လို အားကောင်းပြီး ဈေးမာနေတာတွေ့ရပါတယ်။ လက်ကျန်အနေနဲ့ မြို့ပေါ်မှာ သိပ္ပံနှမ်းနက် အိတ် ၃၅ဝဝဝ ခန့်နဲ့ ရိုးရိုးနှမ်းနက် အိတ် ၄ဝဝဝ ခန့်ကျန် ရှိနေပြီး၊ လက်ကျန် အနေနဲ့ သိပ္ပံနှမ်းနက်ကတော့ အိတ် ၆ဝဝဝဝ ဝန်းကျင်နဲ့ ရိုးရိုးနှမ်းနက်အိတ် ၁၅ဝဝဝ ခန့် ကျန်ရှိနေသေးကြောင်း ကုန်စည်ဒိုင် တာဝန်ရှိသူတို့ ထံမှ သိရပါတယ်။ တရုတ်လိုင်းအားကောင်းနေတာရယ်၊ ဝယ်ယူမှုအားနည်းပေမဲ့ ပုံမှန်အဝယ်ရှိနေတဲ့ ရန်ကုန် ဝယ်လက်တွေကြောင့် ကာလတိုအတွင်း ဈေးမြင့်လာ နိုင်သေးကြောင်း သုံးသပ်ကြပါတယ်။ ကျော်မျိုးမင်း
နှမ်း အရောင်းအဝယ်အေး အောက်တိုဘာလ ၁၃ ရက်မှ ၁၉ ရက်ထိကာလအတွင်းမှာ မူဆယ် ၁ဝ၅မိုင်ကုန်သွယ်ရေးဇုန်မှတစ်ဆင့် နှမ်းဖြူ ၆၉၈ တန်နဲ့ နှမ်းနက် ၁၃၂၁ တန်၊ တန်ဖိုးအားဖြင့် ကန်ဒေါ်လာ ၂ ဒသမ ၆၆၄ သန်းဖိုး တင်ပို့နိုင်ခဲ့ပါတယ်။ ယခင်အပတ်က နှမ်းဖြူ ၁ဝ၄၅ တန်၊ နှမ်းနက် ၁၃၃၉ တန်နဲ့နှမ်း (အခွံချွတ်) ၁၇၇ တန် တင်ပို့နိုင်ခဲ့တဲ့အတွက် ယခုအပတ်မှာ ယခင်အပတ်တင်ပို့မှုထက် နှမ်းဖြူ ၃၄၇ တန်၊ နှမ်းနက် ၁၈ တန်လျော့နည်းခဲ့ပြီး နှမ်း(အခွံချွတ်) တင်ပို့နိုင်ခဲ့ခြင်း မရှိခဲ့ပါဘူး၊ တစ်ဘက်နိုင်ငံမှာယခုအပတ်နှမ်းဖြူဈေး တစ်တန်လျှင် ယွမ် ၁၆၅ မှ ၁၇ဝ ထိ ဈေးနှုန်း ပိုမိုမြင့်တက်လျက်ရှိတယ်လို့သိရပါတယ်။ ယခုအပတ်မှာ နှမ်း အရောင်းအဝယ်အေးလျက်ရှိပြီး တင်ပို့မှုလည်းလျော့ကျလျက်ရှိပါတယ်။ မိမိဘက် နဲ့ တစ်ဘက်နိုင်ငံနှမ်းဈေးများကို နှိုင်းယှဉ်ဖော်ပြ ပေးလိုက်ပါတယ် - မိမိဘက်(ကျပ်/တန်) တစ်ဘက်နိုင်ငံ(ယွမ်/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %နှမ်းဖြူ ၁၂ဝ၈ဝ၂၉ ၁၁၈ဝ၆ဝ၇ ၂၇၄၂၂ ၂ ၁၃၁၈ ၁၃၁၄ ၄ ဝ .၃နှမ်းနက် ၁၅၁၈ဝ၆၈ ၁၂၆၁၅၇၁ ၂၅၆၄၉၇ ၁၇ ၁၅၃၄ ၁၂၈၄ ၃၅၁ ၂၂ MIRT (DOBT)
၂ဝဝ၈ ခုနှစ်နောက်ပိုင်း ပထမအကြိမ်အနေနဲ့ မလေးရှားစားအုန်းဆီဈေး တစ်တန် ရင်းဂစ် ၃ဝဝဝ (ကန်ဒေါ်လာ ၉၆၃) ကျော်လာ တရုတ်နဲ့ အိန္ဒိယတို့ရဲ့ ဝယ်လိုအားမြင့်တက်မှုထက် ရောင်းလိုအား နည်းနိုင်တယ်ဆိုတဲ့ ခန့်မှန်းချက်များ ကြောင့် မလေးရှားစားအုန်းဆီဈေးဟာ တစ်တန် ရင်းဂစ် ၃ဝဝဝ (ကန်ဒေါ်လာ ၉၆၃)အထက်ကို ၂ဝဝ၈ ခုနှစ် ဇူလိုင်လ ၃၁ ရက်နောက်ပိုင်း ပထမအကြိမ်အနေနဲ့ မြင့်တက်ခဲ့တယ်လို့ သိရပါတယ်။ အောက်တိုဘာလ ၂၁ ရက်နေ့ မလေးရှား ကုန်စည်ဒိုင်မှာ ဇန်နဝါရီပို့ရမယ့် စားအုန်း ဆီဈေးဟာ ၁ ဒသမ ၂ ရာခိုင်နှုန်းမြင့်တက်ပြီး တစ်တန်ကို ရင်းဂစ် ၃ဝ၂၁ (ကန် ဒေါ်လာ ၉၇ဝ) ဈေးဖြစ်ခဲ့တယ်လို့ သိရပါတယ်။ ရာသီဥတုအခြေအနေအရ ထုတ်လုပ်မှု ကျဆင်းခြင်းနဲ့ ကမ္ဘာ့ပဲပုပ် ထုတ် လုပ်မှု ကျဆင်းမယ့် ခန့်မှန်းချက်များ ကြောင့် ပဲပုပ်အစားထိုးစားအုန်းဆီကို ဝယ်ယူ လာမှုတွေကြောင့် ကမ္ဘာမှာစားသုံးမှုအများဆုံး စားအုန်းဆီဈေးဟာ ယခုနှစ် ဇူလိုင်လမှာ အနိမ့်ဆုံးရှိခဲ့ရာမှ ယခုအခါ ၃၂ ရာခိုင်နှုန်းမြင့်တက်ခဲ့ပါတယ်။ တတိယပတ် ၃ လအတွင်း တရုတ်နိုင်ငံရဲ့ စီးပွားရေးဟာ ၉ ဒသမ ၆ ရာခိုင်နှုန်းမြင့်တက်ခဲ့ရာ တရုတ် နိုင်ငံကလည်း ဝယ်လိုအားမြင့်တက်မှုရှိသလို တရုတ်ပြီးရင် ထိပ်တန်းဟင်းသီးဟင်းရွက်ဆီဝယ်ယူတဲ့ အိန္ဒိယကလည်း လူဦးရေ တိုးပွားလာခြင်းနဲ့ ဝင်ငွေမြင့်တက်မှုတို့ကြောင့် ဝယ်လိုအားတက်လာတာကြောင့် ပဲပုပ်နဲ့ စားအုန်းဆီ တင်သွင်းမှုဟာ ၄ နှစ်အတွင်း အများဆုံးတင်သွင်းဖွယ်ရှိတယ်လို့ အိန္ဒိယ ဆီထုတ်လုပ်သူများအသင်း ဥက္ကဌ Ashok Sethia က စက်တင်ဘာလ ၂၁ ရက်မှာပြောကြားပါတယ်။ နှစ်ပေါင်း ၃ဝ နီးပါးအတွင်း ဆီကုန်သွယ်နေတဲ့ Mistry က ဇွန်လပြီး နောက် စားအုန်းဆီဈေး ရင်းဂစ် ၃ဝဝဝ (ကန်ဒေါ်လာ ၉၆၂ ) ကျော်ထိ ရောက်ရှိ နိုင်တယ်လို့ မတ်လမှာ အမှန်ကန်ဆုံး ခန့်မှန်းခဲ့ပါတယ်။ ကမ္ဘာ့စားဆီ ရောင်းချမှုနဲ့ ပတ်သက်လို့ ရင်းဂစ် ၃၂ဝဝ (ကန်ဒေါ်လာ ၁ဝ၂၇) ထိ မြင့်တက်နိုင်သေးတယ် လို့လည်း ခန့်မှန်းထားပြန်ပါတယ်။ ယုဇန၊ Sources: bloomberg .net
မလေးရှားစားအုန်းဆီအပတ်စဉ်ပျမ်းမျှ(FOB) ဈေးနှုန်း၁၅-၁ဝ-၂ဝ၁ဝ US$/Ton အောက်တိုဘာလပထမပတ် အောက်တိုဘာလဒုတိယပတ် နှိုင်းယှဉ်ချက်RBD P.Oil ၉၁၈ .ဝဝ ၉၂၃ .၅ဝRBD P.Oilen ၉၃၃ .၅ဝ ၉၄၆ .၅ဝRBD P.Strarin ၈၉၇ .ဝဝ ၉ဝ၆ .ဝဝSource: econ.mpob
စားအုန်းဆီဈေးနှုန်းများ(၁၁-၁ဝ-၂ဝ၁ဝ မှ ၁၅-၁ဝ-၂ဝ၁ဝ နေ့ထိ) ရေတွက်ပံုံ - ဒေါ်လာစဉ် နေ့စွဲ CIF (ရန်ကုန်)(၁) ၁၁-၁ဝ-၂ဝ၁ဝ ၁ဝ၂ဝ(၂) ၁၂-၁ဝ-၂ဝ၁ဝ ၁ဝ၂ဝ(၃) ၁၃-၁ဝ-၂ဝ၁ဝ ၁ဝ၃ဝ(၄) ၁၄-၁ဝ-၂ဝ၁ဝ ၁ဝ၅ဝ(၅) ၁၅-၁ဝ-၂ဝ၁ဝ ၁ဝ၄၅ Source: ဆီကုန်သည်များအသင်း
ဈေးကောင်းရလာတဲ့ လဲချားပဲပုပ် ဒီတစ်ပတ်တောင်ကြီး ဈေး ကွက်မှာ ပဲပုပ်ဈေးက ထိပ်စ၊ လတ်စ၊ ညံ့စဆိုပြီး ဝင်လာပါတယ်။ ပြည်တွင်း သုံးအဖြစ် ဝယ်ယူနေကြပြီး ဝယ်လို အားကလည်း ကောင်းနေပါတယ်။ ဆီ စက်လုပ်ငန်းရှင်တွေကလည်း ဆီကြိတ် ဖို့အတွက် မွေးမြူရေး လုပ်ငန်းရှင် များ က အစာစပ်ဖို့အတွက် ဝယ်ယူနေတာ ကြောင့် ဈေးကွက်မှာ အရောင်းသွက် နေတယ်လို့ သိရပါတယ်။ မနှစ်က လောက်မထွက်တာကြောင့် အောက်တိုဘာလ ကုန်လောက်ဆိုရင် ပစ္စည်းပြတ် သွားနိုင်တယ်လို့ ခန့်မှန်းကြပါတယ်။ နာမည်ကြီး လဲချားပဲပုပ်ကိုလည်း ရန်ကုန် က ဆီစက်လုပ်ငန်းရှင်တွေဆင်းပြီး ဝယ် တာကြောင့် ကုန်သလောက်ဖြစ်နေ ပါပြီ၊ လဲချားပဲပုပ်က လုံးသန့်တွေ သာ ထွက်တာကြောင့် ဈေးကွက်ကို ထိပ်စအဖြစ်ဝင်ပြီး ဈေးကောင်းရပါ တယ်။ ဒီနှစ်တောင်ကြီး ဒေသတစ်ဝိုက် အောင်ပန်း၊ ဟဲဟိုးဒေသ တစ်ဝိုက်က တော့ ပဲပုပ်ထိပ်စ အထွက်နည်းပြီး၊ လတ်စတွေသာ အထွက်များတယ်လို့ သိရပါတယ်။ လတ်စပဲပုပ်တွေကိုတော့ ပြည်တွင်းနဲ့ ဒေသတွင်းက ဆီစက်လုပ်ငန်းရှင်များက ဝယ်ယူကြပြီး ဆီကြိတ်ဖို့ အသုံးပြုကြပါတယ်။ ပဲပုပ်ညံ့စတွေကို တော့ ဒေသတွင်း တိရစ္ဆာန်အစာစပ်ဖို့ အတွက် မွေးမြူရေးလုပ်ငန်းရှင်တွေက ဝယ်ယူကြပါတယ်။ ဒီတစ်ပတ် ပဲပုပ်ဈေး က ထိပ်စ တစ်ပိဿာ ၈၆၅ ကျပ်၊ လတ်စ ၇၈ဝ ကျပ်၊ ညံ့စ ၇ဝဝ ကျပ် ဈေးရှိပါတယ်။ ပဲပုပ်ဖတ်ကတော့ တစ် ပိဿာ ၉ဝဝ ကျပ်-၉၂ဝ ကျပ်ဈေးရှိပြီး ပဲပုပ်ဆီကတော့ တစ်ပိဿာ ၂၁ဝဝ ကျပ်ဈေးရှိပါတယ်။ ရန်ကုန်ဝယ်လက် တွေ ဝယ်ယူနေတာကြောင့် တစ်ပတ် အတွင်း ပဲပုပ်ပိဿာချိန် ၁ ဒသမ ၈ သိန်းအရောင်းအဝယ်ဖြစ်ခဲ့တယ်လို့ ဒေသခံကုန်သည် များထံက သိရှိရပါ တယ်။ ဧဧခိုင်
ရောင်းအားကျသွားတဲ့ ပြည်ပဲပုပ် ပြည်ပဲပုပ်မှာ ယခု တစ်ပတ် တွင်လည်း လက်လီဝယ်ယူသူများဖြင့် အရောင်းအဝယ်ဖြစ်လျက်ရှိပါတယ်။ လက်ကားထက် လက်လီဝယ်ယူသူများ ပဲပြားလုပ်ငန်းလုပ်ကိုင်သူများသာ အဝယ်များကြောင်း သိရပါတယ်။ ရောင်းဝယ်မှုအနေဖြင့် ယခုတစ်ပတ် မှာတော့ယခင်တစ်ပတ်ထက် အရောင်း အဝယ်အနည်းငယ်လျော့သွားကြောင်း သိရပါတယ်။ ဈေးနှုန်းအနေဖြင့် ပဲပုပ် ပိဿာ ၂ဝ တစ်တင်းကို ၁၇ဝဝဝ ကျပ်ဖြင့် နေ့စဉ် ၁ဝ အိတ်ဝန်းကျင် အရောင်းအဝယ်ဖြစ်ကြောင်း သိရပါ တယ်။ ဆုမွန်ဆွေ
ပြည်ဈေးကွက်တွင် မြေပဲဆံဈေးနဲ့အတူ ဆီဈေးမာ မိုးမြေပဲရာသီကုန်ချိန် ပြည်ဈေးကွက်တွင် တစ်နေ့ကိုမြေပဲဆံ အိတ် ၁ဝဝဝ ဝန်းကျင်သာ အဝင်ရှိခဲ့ပါတယ်။ ရန်ကုန်သို့ အောက်တိုဘာလဆန်းမှ ခုချိန်ထိ မြေပဲဆံအိတ် ၆ဝဝ ခန့်သာ တင်ပို့နိုင်ခဲ့ပါတယ်။ ပြည်ဈေးကွက်သို့ မြေပဲဆံဝင်ရောက်မှုနည်းသွား သဖြင့် ဆီကြိတ်မြေပဲဆံဈေးမှာ တစ်ပိဿာလျှင် ၁၄ဝဝ ကျပ်၊ ၁၄၂၅ ကျပ်ထိ မြင့်တက်လာခဲ့ပါတယ်။ ဆီစက်သမားများလည်းပုံမှန် အဝယ်ရှိလာသဖြင့် တစ်နေ့လျှင်အိတ် ၁ဝဝဝ ခန့်သာ အရောင်းအဝယ်ဖြစ် လျက် ရှိပါတယ်။ လုံးဆံတစ်ပိဿာလျှင် ၁၇ဝဝ ကျပ်ဈေးရှိပါတယ်။ မြေပဲဆံဈေး လှုပ်လာခဲ့သဖြင့် ဆီဈေးမှာလည်း တစ်ပိဿာလျှင် ၃၆ဝဝ ကျပ်၊ ၃၆၃ဝ ကျပ်ဖြင့်အရောင်းအဝယ် ဖြစ် လျက်ရှိပါတယ်။ဝေဝေမင်း
မိုးနှမ်းအဝင်ပါးချိန် နှမ်းဈေးမာ ပြည်ဈေးကွက်တွင် မိုးနှမ်းများအဝင်ပါးနေချိန်ဖြစ်သဖြင့် နှမ်းဈေး အနည်းငယ်မာလာခဲ့ပါတယ်။ နှမ်းနက်ကို လိုင်းသမားများ အဝယ်ရှိနေသဖြင့် ပြည် ဈေးကွက်တွင် နှမ်းနက်ဈေးမှာ ၄၅ ပိဿာတစ်အိတ်လျှင် ၈၅ဝဝဝ ကျပ်၊ ၁၂ဝဝဝဝ ကျပ်ထိ မြင့်တက်လာတာတွေ့ရပါတယ်။ နှမ်းနီဈေးမှာ ဆီစက်သမားများ အဝယ် ရှိသဖြင့် ၄၅ ပိဿာတစ်အိတ်လျှင် ၇ဝဝဝဝ ကျပ်၊ ၇၅ဝဝဝ ကျပ်ထိ ဈေးမာလာ ခဲ့ပါတယ်။ နယ်များမှ အဝင်ပါးနေသဖြင့် တစ်နေ့လျှင် နှမ်းအိတ် ၁၅ဝဝ ခန့်သာ အရောင်းအဝယ် ဖြစ်လျက် ရှိပါတယ်။ရှေ့ဆက်၍ မိုးနှမ်းများတုံးချိန်ဖြစ်သဖြင့် ဈေးဆက်မာနေမှာဖြစ်ကြောင်းသိရပါတယ်။ ပြည်ဈေးကွက်တွင် အောက်တိုဘာလ ဆန်းမှ ခုချိန်ထိ ရန်ကုန်တိုင်းဒေသကြီးသို့ အိတ် ၅ဝဝ ၊ မန္တလေးတိုင်းဒေသကြီးသို့ အိတ် ၆၅ဝ နဲ့ မကွေးတိုင်းဒေသကြီးသို့ အိတ် ၇ဝဝ ခန့်သာ တင်ပို့နိုင်ခဲ့ပါတယ်။ နှမ်းဈေးတက်ပေမဲ့ နှမ်းဆီဈေးမှာ တစ်ပိဿာလျှင် ၂၈ဝဝ ကျပ်၊ ၂၉ဝဝ ကျပ်ဖြင့် အရောင်းအဝယ် ဖြစ်လျက် ရှိပါတယ်။ဝေဝေမင်း