Background
မိုးနှမ်းနက်အသစ်များဝင်ရောက်လာပြီး အရောင်းအဝယ်ဖြစ်တဲ့ ပြည်ဈေးကွက် ပြည်ဈေးကွက်သို့ မြန်အောင်၊ ကြံခင်းဘက်မှ မိုးနှမ်းနက်အသစ်များ တစ်နေ့လျှင် အိတ် ၅ဝဝ ခန့် ဝင်ရောက်လာတာ တွေ့ရပါတယ်။ ခုရက်ပိုင်းတွင် ဆီကြိတ် နှမ်းနီဈေးမှာ အနည်းငယ်ပြန်တက်လာတာတွေ့ရပါတယ်။ နှမ်းနီကို နယ်များမှ အဝင်မရှိသေးခြင်းနှင့် ဆီစက်သမားများကဆီကြိတ်ရန် အဝယ်ရှိနေသဖြင့် နှမ်းနီ ဈေးမှာ အနည်းငယ်ပြန်မြင့် လာတာတွေ့ရ ပါတယ်။ နှမ်းနက်ကို အောင်လံ၊ ပေါင်းတည်ဘက်မှ အဝယ်ရှိနေတာကြောင့် တစ်နေ့ကို အိတ် ၅ဝဝ ခန့် အရောင်း အဝယ်ဖြစ်လျက်ရှိပါတယ်။ နှမ်းနီ ၄၅ ပိဿာတစ်အိတ်လျှင် ၅၄ဝဝဝ ကျပ်ဖြင့် ယခင်အပတ်ထက်ဈေးအနည်းငယ် မြင့်လာပြီး၊ နှမ်းနက် ၄၅ ပိဿာတစ်အိတ်လျှင် ၆၅ဝဝဝ ကျပ်ဖြင့် ယခင်အပတ်အတိုင်း ဈေးငြိမ်နေကာတွေ့ရပါတယ်။ ဝေဝေမင်း
ယခုအပတ် မူဆယ် ၁ဝ၅ မိုင်မှ နှမ်းရောင်စုံ တန် ၆၇ဝ ကျော်အပို့ရှိ မူဆယ် ၁ဝ၅ မိုင် ကုန်သွယ်ရေးဇုန်မှတစ်ဖက်တရုတ်နိုင်ငံသို့ ဇူလိုင်လ ၂၇ ရက်မှ သြဂုတ်လ ၂ ရက်ထိကာလအတွင်း ကန်ဒေါ်လာ ဝ ဒသမ ၈၈ သန်း တန်ဖိုးရှိ နှမ်းရောင်စုံ ၆၇၂ တန် အပို့ရှိခဲ့ပါတယ်။ နှမ်းဖြူ ၄၂၂ တန်ကျော်၊ နှမ်းနက် တန် ၄ဝခန့်နဲ့နှမ်းဖြူအခွံချွတ် တန်၂၁ဝ အသီးသီး တင်ပို့ခဲ့တာဖြစ်ပါတယ်။ဇူလိုင်လအတွင်းမှာ နှမ်းတင်ပို့မှု ၃၄၇၅ တန် ရှိပြီး ယခင်ကာလတူမှာ ၄၈၄၇ တန်တင်ပို့ခဲ့တဲ့အတွက် ယခုနှစ် ဇူလိုင်လတင်ပို့မှုဟာ ၁၃၇၂ တန်လျော့နည်း ခဲ့ပါတယ်။ ယခုနှစ် ဧပြီလမှ ဇူလိုင်လကုန်ထိ နယ်စပ်မှ နှမ်း ၅၁၉၄ တန်သာ အပို့ရှိခဲ့ပြီး ယမန်နှစ်ကာလတူမှာ ၁၁၁၇၁ တန်တင်ပို့နိုင် ခဲ့တာဖြစ်ပါတယ်။ အိန္ဒိယနဲ့ အာဖရိက အချို့နိုင်ငံများမှ နှမ်းများပိုမိုသက်သာသောဈေးနဲ့ တရုတ်ဈေးကွက်ကို ဝင်လာတဲ့ အတွက် မိမိတို့ နှမ်းတင်ပို့မှု လျော့ကျရတယ်လို့ ကုန်သည်အချို့က သုံးသပ်လျက်ရှိပါတယ်။ မိမိဘက်နဲ့ တစ်ဘက်နိုင်ငံ နှမ်းဈေးများကို နှိုင်းယှဉ် ဖော်ပြပေးလိုက်ရပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %နှမ်းဖြူ ၈၇၁၈၈၈ ၈၆ဝ၂၈ဝ ၁၁၆ဝ၈ ၁ ၁၂၇၂ ၁၂၃၈ ၃၄ ၃နှမ်းနက် ၉၈ဝ၂၁၄ ၉၉၃၈၂ဝ ၁၃၆ဝ၆ ၁ ၁၄၅၈ ၁၄၇ဝ ၁၂ ၁MIRT (DOBT)
ရောင်းလိုအားတိုးတက်မှုကြောင့် စားအုန်းဆီဈေးနှုန်းများ တစ်တန်လျှင် ကန်ဒေါ်လာ ၉၅၂ သို့ ဈေးထိုးကျသွားနိုင် စားအုန်းဆီအများဆုံးစိုက်ပျိုးတဲ့ မလေးရှားနဲ့ အင်ဒိုနီးရှားတို့မှာ စားအုန်းဆီ ထုတ်လုပ်မှုခုန်တက်သွားတာကြောင့် စက်တင်ဘာလသင်္ဘောတင်မဲ့ စားအုန်းဆီ ဈေးနှုန်းက တစ်တန်ကို ၂၈ဝဝ ရင်းဂစ် (တစ်တန်ကို ကန်ဒေါ်လာ ၉၅၂) ကို ဈေးကျသွားနိုင်ကြောင်း Godrej International Ltd ရဲ့ ညွှန်ကြားရေးမှူး Dorab Mistry က ပြောကြားလိုက်တယ်။၂ဝ၁၁ ခုနှစ်မှာ မလေးရှားရဲ့ စားအုန်းဆီထုတ် လုပ်မှု တန်ချိန် ၂ သန်းပိုမိုထွက်ရှိ ကာ တန်ချိန် ၁၉ သန်းကို ရောက်ရှိနိုင်ကြောင်းနဲ့ အင်ဒိုနီးရှားက တန်ချိန် ၃ သန်းပိုမိုထွက်ရှိကာ တန်ချိန် ၂၅ ဒသမ ၅ သန်းကို ရောက်ရှိနိုင်ကြောင်း Dorab Mistry ကဖြည့်စွက်ပြောကြားလိုက်တယ်။ စားအုန်းဆီဈေးနှုန်းကျဆင်းမှုကြောင့် ဖေဖော်ဝါရီလက စံချိန်တင်မြင့်တက်ခဲ့တဲ့ ကမ္ဘာလုံးဆိုင်ရာ စားသောက်ကုန် ကုန်ကျစရိတ်ကို လျော့ကျသွားစေနိုင်ကြောင်း ကုလသမဂ္ဂက သုံးသပ်လိုက်တယ်။ ယခုနှစ်မှာ စားအုန်းဆီထုတ်လုပ်မှုက မြင့်တက်ဖွယ်ရှိပြီး စက်တင်ဘာနောက် ပိုင်းမှာ ဝယ်လိုအား ကျဆင်းသွားနိုင်တာကြောင့် ကုန်လက်ကျန်လည်းများနေဦးမှာ ဖြစ်ကြောင်း သိရှိရပါတယ်။စားအုန်းဆီဈေးနှုန်းတွေ ဖေဖော်ဝါရီလမှာ စံချိန်တင်မြင့် တက်ခဲ့မှုက ၃၅ လအတွင်း အမြင့်ဆုံးဖြစ်ပြီးမှသာ ထွက်ရှိမှုပိုမိုကောင်းမွန်နိုင်တာ ကြောင့် မလေးရှား ကြိုပွိုင့်ရောင်းဝယ်ရေးမှာ စားအုန်းဆီဈေးနှုန်း ၂၂ ရာခိုင်နှုန်း ကျဆင်းသွားခဲ့တယ်။ ဒါပေမဲ့၎င်းဈေးကပဲ လွန်ခဲ့တဲ့နှစ်နဲ့ နှိုင်းယှဉ်ရာမှာ ၂၄ ရာခိုင်နှုန်းမြင့်မားနေသေးတယ်။ ပြီးခဲ့တဲ့ တစ်နှစ်အတွင်း ရေနံစိမ်းဈေးနှုန်း ၂၆ ရာခိုင်နှုန်းမြင့်တက်မှုကြောင့်လည်း ဇီဝလောင်စာအတွက် ဟင်းသီးဟင်းရွက်ဆီ ဝယ်လိုအားကို ဆွဲဆောင် နိုင်ခဲ့တယ်။ အင်ဒိုနီးရှားနိုင်ငံရဲ့ စားအုန်းဆီကြမ်းထုတ်လုပ်မှုက သိသိသာတိုးတက်လာမှာ ဖြစ်ပြီး မလေးရှားကလည်း သိုလှောင်ထားမှု ဒီဇင်ဘာလမှာ စံချိန်တင်နိုင်မှာဖြစ်တယ်။ ၂ဝဝ၈ ခုနှစ်က စားအုန်းဆီဈေးနှုန်းက တစ်တန်ကို ရင်းဂစ် ၄ဝဝဝ အထိ စံချိန်တင်ရောက်ရှိခဲ့တယ်။ မလေးရှားနိုင်ငံမှာ စားအုန်းဆီအများဆုံးထုတ်လုပ်တဲ့ Sime Darby Bhd. (SIME) ကုမ္ပဏီကမူ စားအုန်းဆီကြမ်းဈေးနှုန်းက ယခုနှစ်ကုန်အထိ တစ်တန်ကို ရင်းဂစ် ၃ဝဝဝ နီးပါး ရှိနေဦးမယ်လို့ ခန့်မှန်းထား တယ်။ ဖွံ့ဖြိုးဆဲနိုင်ငံတွေမှာ လူနေမှုအဆင့်အတန်းမြင့်မားလာမှုနဲ့ လူဦးရေတိုးတက် လာမှုကြောင့် ကမ္ဘာလုံးဆိုင်ရာ ဇီဝလောင်စာဝယ်လိုအားက ယခုနှစ်မှာ တန်ချိန် ၃ သန်းကို တိုးတက်နိုင်ပြီး စားသောက်ကုန်ဝယ်လိုအားက တန်ချိန် ၃ ဒသမ ၅ သန်းတိုးတက်နိုင်ကြောင်း Mistry ကခန့်မှန်းလိုက်တယ်။ စားသောက်ကုန်နဲ့ လောင်စာဆီအတွက် စားအုန်းဆီက ပဲပုပ်ဆီနဲ့ ပြိုင်ဆိုင်လျက်ရှိတယ်။ ပဲပုပ်ဆီ ဈေးနှုန်းက တစ်တန်ကို ကန်ဒေါ်လာ 1250 (FOB) နဲ့ တည်ငြိမ်နေဦးမယ် လို့ ခန့်မှန်းရတယ်။ ၂ဝ၁၁ ခုနှစ်မှာ အာဂျင်တီးနား၊ ဘရာဇီးနဲ့ ပါရာဂွိုင်းတို့မှာ ပဲပုပ်ထွက်နှုန်းက မျှော်မှန်းထားတာ ထက်ကောင်းမွန်တာကြောင့် သိုလှောင်ထားမှု ကောင်းမွန်နိုင် ကြောင်း သိရှိရတယ်။ ဒါကြောင့် ၂ဝ၁၁ ခုနှစ်မှာ ပဲပုပ်ဆီ ၂ သန်း ပိုမိုထုတ်လုပ် နိုင်မှာဖြစ်တယ်။ပဲပုပ်ဆီဈေးနှုန်းတွေက တောင်အမေရိနိုင်ငံတွေရဲ့ ဒီဇင်ဘာလနဲ့ ဇန်နဝါရီလအကြား ရာသီဥတု စပ်ကူးမတ်ကူးကာလမှာ ဈေးနှုန်းအမြင့်ဆုံးကို မြင့်တက်လေ့ရှိတယ်။ အရည်အသွေးမြင့် ပဲပုပ်ဆီနဲ့ စားအုန်း ဆီကြမ်းဈေးနှုန်း ကွာဟချက်က တစ်တန်ကို ကန်ဒေါ်လာ ၂၁၁ ဒသမ ၇၃ ကြားရှိကြောင်း သိရှိရပါတယ်။ အေးမွန်မွန်လှိုင်၊Source:www.bloomberg.com
စားအုန်းဆီဈေးနှုန်းများ(၂၅-၇-၂ဝ၁၁ မှ ၂၉-၇-၂ဝ၁၁ နေ့ထိ) ရေတွက်ပံုံ - ဒေါ်လာစဉ် နေ့စွဲ CIF(ရန်ကုန်)(၁) ၂၅-၇-၂ဝ၁၁ ၁၁၆ဝ(၂) ၂၆-၇-၂ဝ၁၁ ၁၁၈၅(၃) ၂၇-၇-၂ဝ၁၁ ၁၁၉၅(၄) ၂၈-၇-၂ဝ၁၁ ၁၁၉ဝ(၅) ၂၉-၇-၂ဝ၁၁ ၁၁၉ဝSource: ဆီကုန်သည်များအသင်း
မလေးရှားစားအုန်းဆီအပတ်စဉ်ပျမ်းမျှ(FOB)ဈေးနှုန်း၂၈-၇-၂ဝ၁၁ US$/Ton ဇူလိုင်လတတိယပတ် ဇူလိုင်လစတုတ္ထပတ် နှိုင်းယှဉ်ချက်RBD P.Oil ၁၁ဝ၇ .ဝဝ ၁၁၄၄ .၅ဝRBD P.Olein ၁၁၂၇ .ဝဝ ၁၁၅၆ .၅ဝRBD P.Strarin ၉၅ဝ .ဝဝ ၉၂ဝ .၅ဝSource: econ.mpob
ဝယ်လိုအားကျဆင်းမှုကြောင့် ပြောင်းနှင့် ပဲပုပ် လက်ဈေးနှုန်းများကျဆင်း အမေရိကန် ပြည်ထောင်စုမှာ ပြောင်းနဲ့ ပဲပုပ် ပို့ကုန်ဝယ်လိုအားနည်း သွားတာကြောင့် ဈေးနှုန်းတွေ ကျ ဆင်းသွားခဲ့ကြောင်း သတင်းရရှိတယ်။ စားသုံးသူများမှ နောက်ထပ် ဈေးနှုန်း တွေ ကျဆင်းမဲ့အချိန်ကို စောင့်ကြည့် နေတာကြောင့် ဈေးကွက်မှာငြိမ်သက် လျက် ရှိကြောင်း ချီကာဂိုကြိုပွိုင့်ရောင်းဝယ်ရေးရဲ့ ကုန်သည်က ပြောကြား လိုက်တယ်။ ဇူလိုင်လ ၂၂ ရက်က စက်တင်ဘာလအတွက် သင်္ဘောတင်မယ့် ပြောင်းကြိုပွိုင့်ဈေးနှုန်းကလည်း တစ်ဘူ ရှယ်ကို ၁ ဒသမ ၃ ရာခိုင်နှုန်း ဈေးကျ သွားကာ ကန်ဒေါ်လာ ၆ ဒသမ ၇၉၂၅ (တစ်တန်ကို ကန်ဒေါ်လာ ၂၆၇ ဒသမ ၄၂ )နဲ့ ချီကာဂိုကြိုပွိုင့် ရောင်း ဝယ်ရေးမှာ ခုျပ်ဆိုခဲ့တယ်။ ဇူလိုင်လ ၁၉ ရက်နေ့ကမူ ပြောင်း ဈေးနှုန်းက တစ်ဘွတ်ရှယ်ကို ကန် ဒေါ်လာ ၇ ဒသမ ၂၃၅ (တစ်တန်ကို ကန်ဒေါ်လာ ၂၈၄ ဒသမ ၈၄ )ကို ရောက်ရှိခဲ့ရာ ဇွန်လ ၁၅ ရက်နေ့ နောက်ပိုင်း အမြင့်ဆုံးဈေးနှုန်း ဖြစ် တယ်။ သြဂုတ်လ သင်္ဘောတင်မဲ့ ပဲပုပ် ဈေးနှုန်းက တစ်ဘွတ်ရှယ်ကို ကန် ဒေါ်လာ ၁၃ ဒသမ ၈ဝ၂၅ (တစ်တန်ကို ကန်ဒေါ်လာ ၅ဝ၇ ဒသမ ၁ဝ) နဲ့ ခုျပ် ဆိုခဲ့ကြောင်း သတင်းရရှိပါတယ်။ အေးမွန်မွန်လှိုင်၊Source:ww.bloomberg.com
နယ်စပ်မှအပို့ ပုံမှန်ရှိနေတဲ့ ပဲပုပ်စေ့ မူဆယ် ၁ဝ၅ မိုင် ကုန်သွယ်ရေးဇုန်မှ ကန်ဒေါ်လာ ၁၇၂၅ဝ တန်ဖိုးရှိ ပဲပုပ်စေ့၂၅ တန် ဇူလိုင်လ ၂ဝ မှ ၂၆ ရက် ကာလအတွင်း အပို့ရှိခဲ့ပါတယ်။ ယခင်အပတ်ကလည်း ၂၅ တန်သာ အပို့ရှိခဲ့တာမို့ ပဲပုပ်အပို့ ပုံမှန်ရှိနေ တာဖြစ်ပါတယ်။ ဇူလိုင်လအတွင်းမှာ ပဲပုပ် ၆၅ တန် နယ်စပ်မှတင်ပို့ထားပြီး ဖြစ်ပါတယ်။ ရှမ်းပြည်နယ်တောင်ပိုင်း၊ ရှမ်းပြည်နယ်မြောက်ပိုင်းနဲ့ မန္တလေး တိုင်းဒေသကြီးထွက် ပဲပုပ်စေ့များကို မူဆယ်နယ်စပ်မှ တင်ပို့နေတာဖြစ်ပါတယ်။ မိမိဘက်နဲ့ တစ်ဖက်နိုင်ငံ မြေ ပြင်ပေါက်ဈေးများကို နှိုင်းယှဉ် ဖော်ပြ ပေးလိုက်ရပါတယ် မိမိဘက် (ကျပ်/ တန်)ယခု ယခင် ပြောင်းလဲမှု %၄၆၉၁၂၁ ၄၆၉၃၆၂ ၂၄၁ ဝ .ဝ၅တစ်ဘက်နိုင်ငံ (ဒေါ်လာ/တန်) ယခု ယခင် ပြောင်းလဲမှု % ၆၈၁ ၆၈၁ - -MIRT (DOBT)
နှမ်းဈေးကျပြီး အရောင်းအဝယ်ဖြစ်တဲ့ ပြည်ဈေးကွက် ပြည်ဈေးကွက်တွင် နှမ်းဈေးမှာ ယခုတစ်ပတ်အထိ ဆက်လက်ကျဆင်းနေ တာ တွေ့ရပါတယ်။ မိုးနှမ်းအသစ်များကို မြန်အောင်၊ ကြံ့ခင်းနဲ့ အောင်လံဘက်မှ အနည်းငယ် စတင်ဝင်ရောက်လာသဖြင့် နှမ်းဈေးမှာ ကျဆင်းလာတာတွေ့ရပါ တယ်။ ဆီစက်သမားများကလည်း ဆီကြိတ်ရန်နဲ့ လှောင်ရန်အဝယ်ရှိနေသဖြင့် တစ်နေ့ကို အိတ် ၁ဝဝခန့် အရောင်းအဝယ်ဖြစ်လျက်ရှိပါတယ်။ နှမ်းနီ ၄၅ ပိဿာ တစ်အိတ်ကို ၅ဝဝဝဝ ကျပ်နဲ့ နှမ်းနက် ၄၅ ပိဿာ တစ်အိတ်ကို ၆၅ဝဝဝ ကျပ်ဖြင့် ပြည်ဈေးကွက်တွင် အရောင်းအဝယ်ဖြစ်လျက်ရှိပါတယ်။ နှမ်းဆီတစ်ပိဿာကို ၂၆ဝဝ ကျပ်ဈေးဖြင့် တစ်နေ့ကို ၃ ပီပါခန့် အရောင်းအဝယ်ဖြစ်လျက်ရှိပါတယ်။ ဝေဝေမင်း
နှမ်းဈေးအေးလာ စစ်ကိုင်းတိုင်းဒေသကြီးအတွင်း ၂ဝ၁၁-၁၂ ခုနှစ် မိုးနှမ်းစိုက်ဧက ၄ ဒသမ ၅၁ သိန်းကျော်အနက် ၄ ဒသမ ၅၆ သိန်းကျော် ၁ဝ၅ ရာခိုင်နှုန်းစိုက်ပျိုးပြီးကြောင်း သိရပါတယ်။ မုံရွာဈေးကွက်မှာ ယခုရောင်းဝယ်နေတာက နွေနှမ်းခေါ် ရေသွင်းစိုက်ပျိုးပြီးထွက်ပေါ်ခဲ့တဲ့ နှမ်းများဖြစ်ပါတယ်။ မုံရွာခရိုင်၊ ရွှေဘိုခရိုင်၊ စစ်ကိုင်းခရိုင်ရှိ မြို့နယ်စုံမှ နွေနှမ်းများ မုံရွာကုန်စည်ဒိုင်သို့ တစ်ရက်ကိုတင်း ၅ဝဝ နဲ့ ၁ဝဝဝ ကြား ဝင်ရောက်လာလို့ ဈေးအနည်းငယ် အေးလာကြောင်း ကုန်စည်ဒိုင် သတင်းရပ်ကွက်က သိရပါတယ်။ မုံရွာကုန်စည်ဒိုင်မှာ ဇူလိုင်လဆန်းက နှမ်း တစ်ပိဿာပေါက်ဈေးများမှာ နှမ်းညို ၁၁၆၇ ကျပ်၊ နှမ်းဖြူ ၁၂၆၇ ကျပ်၊ နှမ်းဆီ လက်ကား၂၆ဝဝ ကျပ်၊ လက်လီ ၂၇ဝဝ ကျပ်မှ ဇူလိုင်လ ၂၆ ရက်နေ့မှာ နှမ်းညို ၁၁ဝဝ ကျပ်၊ နှမ်းဖြူ ၁၁၃၃ ကျပ်၊ နှမ်းဆီ လက်ကား ၂၁၅ဝ ကျပ်၊ လက်လီ ၂၃ဝဝ ကျပ်သို့ ဈေးအေးခဲ့ကြောင်း သိရပါတယ်။ ယခုလအတွင်း စစ်ကိုင်းတိုင်း ဒေသကြီးမှ မန္တလေးသို့ နှမ်းဖြူ၊ နှမ်းညို တင်း ၁ဝဝဝ ကျော်စီးထွက်ခဲ့ကြောင်း သိရပါတယ်။ သန်းသန်းတင်