Main menu

Background

Tuesday, 13 Mar 2012

တနင်္ဂနွေသားသမီးများအတွက် အကြံအစည်များ တိုးတက်အောင် မြင်မည့်ကာလ ရောက်လာတော့မည့်အချိန်ဖြစ်ပါသည်။ ကြုံဆုံလာရ သော အခြေအနေ အချိန်အခါကိုကြည့်ပြီး အေးဆေးစွာ စီစဉ်ဆောင် ရွက်ပါက မထင်မှတ်သော ဘဝအဆစ်အချိုး အပြောင်းအလဲများနှင့် ကြုံပြီးကောင်းမွန်လာပါမည်။ ကောက်ပဲသီးနှံနှင့် ဆန်စပါး ရောင်း ဝယ်တင်ပို့မှု အမြတ်အစွန်းနည်းသော်လည်းလုပ်ငန်းလည်ပတ်မှု အဆင်ပြေပါလိမ့်မည်။ စီးပွားဆက်သွယ်ရေး ကောင်းမွန်မှုကြောင့် ဘဝတွင်တိုးတက်မြင့်မားအောင်မြင်ပါလိမ့်မည်။
ယတြာ။ ။ အောင်သပြေပန်းကို ဘုရားတွင် မညှိုးအောင်ကပ်လှူပါ။

Monday, 21 Nov 2011
တနင်္ဂနွေသားသမီးများအတွက်   စီးပွားရေး၊ လူမှုရေး၊ အောင်မြင် ကျော်ကြားမှုကိုရရှိမည့်ကာလဖြစ်သည်။ သစ်တောနှင့် ဆိုင်သော လုပ်ငန်း၊ သစ်မြစ်၊ သစ်ဥ၊ ပရဆေးလုပ်ငန်း၊ တိုင်းရင်းဆေးဆရာ များ အထူးကျော်စောမှုရှိမည်။ ဓာတ်သတ္တု ပစ္စည်းများနှင့် ပတ်သက် သော စီးပွားရေးလုပ်ငန်းရှင်များ အထူးအောင်မြင်ကျော်စောနေ ရတတ်ပါသည်။ ရွှေဆိုင်လုပ်ငန်း နှင့်ပတ်သက်သော စီးပွားရေး အထူးကောင်းပါသည်။ ကျန်းမာရေး အနည်းငယ်အညံ့ရှိတတ်သည်။ အပူကြောင့်ဖြစ်သော ရောဂါဝေဒနာ ခံစား ရမှုရှိမည်။ ယင်းကာလတွင် ထွက်ငွေထက် ဝင်ငွေ အားကောင်းလိမ့်မည်။
ယတြာ။ ။ တိုင်းရင်းဆေးလှူဒါန်းပါ။
 
တနင်္လာသားသမီးများအတွက် ဘုရားပုထိုးစေတီ၊ ဖူးမြော်လှူ ဒါန်းရခြင်းရှိမည်။ ခရီး ယာယီအသွားများနေတတ်သည်။ ရေမှ ထွက်သောပစ္စည်းများနှင့် ပတ်သက်သည့် စီးပွားရေးလုပ်ငန်း၊ ဥယျာဉ်ပန်းမာလာ စိုက်ပျိုးခြင်းလုပ်ငန်းများ တွင်ကျယ်မည်။ တိုးချဲ့ လုပ်ကိုင်ရတတ်သည်။ ၎င်းတို့မှ စီးပွားရေးအောင်မြင်မှုရရှိပြီး ဝင်ငွေ အားကောင်းပါလိမ့်မည်။ ယင်းကာလတွင် စိတ်၏ငြိမ်သက်တည်ကြည်ခြင်း၊ ပင်လယ်ရေချိုးခြင်းဖြင့် အနားယူသင့်ပါသည်။ ကျန်းမာရေး သင့်တင့်မှု ရှိပါလိမ့်မည်။
ယတြာ။ ။ မိမိအိမ်တွင်း သံဆန်ကာကို ငွေမှင်သုတ်လိုက်ပါ။
 
အဂါၤသားသမီးများအတွက် ထိခိုက်ဒဏ်ရာသော် လည်းကောင်း၊  အငြင်းအခုန်ပြုရခြင်း၊ ဆွေမျိုး၊ အသိုင်းအဝိုင်းကြောင့် စိတ်ပင်ပန်းရခြင်းမျိုး ရှိတတ်ပါသည်။ မြေမှထွက်သောပစ္စည်းနှင့် အဆောက် အအုံနှင့်ပတ်သက်သော စီးပွားရေးလုပ်ငန်းများအကျိုးပေး အားကောင်းလိမ့်မည်။ စိတ်နေစိတ်ထား မြင့်မြတ်ခြင်း၊ ရဲစွမ်းသတ္တိရှိ ခြင်းတို့ကြောင့် ထင်ပေါ်ကျော်စောမှု အားကောင်းနေလိမ့်မည်။ ယခုကာလအတွင်း ဝင်ငွေသင့်တင့်မှု ရှိနေတတ်ပါသည်။
ယတြာ။ ။ ပရုတ်ဆီသဏ္ဌာန်လူးဆေးများ လှူဒါန်းပါ။
 
ဗုဒ္ဓဟူးသားသမီးများအတွက် ထိုးထွင်းဉာဏ်အား ကောင်းနေတတ်သည်။ ပညာသင်ကြားရာတွင် တတ်လွယ်မည်။ ပညာရှိတို့ ၏ ချီးကျူးခံရခြင်းရှိမည်။ ကွန်ပျူတာလုပ်ငန်း၊ ပုံနှိပ်တိုက်လုပ်ငန်း၊ စာပေနှင့်ပတ်သက်သောလုပ်ငန်းများနှင့် စီးပွားရေး  လုပ်ကိုင်ပါက အောင်မြင်မှုများကို ရရှိစေလိမ့်မည်။ ကျန်းမာရေး ကောင်းသော် လည်း အရေပြားဆိုင်ရာရောဂါဝေဒနာ ခံစားရမှုများရှိနေတတ်ပါသည်။ ဝင်ငွေထွက်ငွေ အားကောင်းနေလိမ့်မည်။
ယတြာ။ ။ ရေလှူပေးပါ။
 
ကြာသပတေးသားသမီးများအတွက် ကျန်းမာရေး သင့်တင့်မှု ရှိနေမည်။ လေ၊ သလိပ်အားကြီးသော ဝေဒနာခံစားရမှု ရှိနေတတ်ပါသည်။ စာပေကျမ်းဂန် လေ့လာလိုက်စားမှု ရှိနေတတ်သည်။ စီးပွားရေးတွင် ငွေချေးခြင်းလုပ်ငန်း၊ နက္ခတ်ပညာသင်ကြားခြင်း၊ ၎င်းပညာဖြင့် လုပ်ကိုင်ခြင်း၊ ဘုရင်မင်းစိုးရာဇာတို့၏ ချစ်ခင်မြတ် နိုး မြှောက်စားခြင်းကို ခံရလိမ့်မည်။ ကုန်သွယ်မှုစီးပွားရေးလုပ်ငန်းများ အထူးအောင် မြင်မှုရရှိနေလိမ့်မည်။ ပစ္စည်းဥစ္စာများကို အစဉ်မပြတ် ရှာဖွေစုဆောင်းခြင်းရှိနေတတ် သောသဘော ရှိနေလိမ့်မည်။
ယတြာ။ ။ ဝါရွှေသောပစ္စည်းများ လှူဒါန်းပေးပါ။
 
သောကြာသားသမီးများအတွက် မိန်းမများနှင့် စီးပွားရေးပေါင်း စပ်လုပ်ကိုင်ခြင်း၊ ဂီတသုခုမအနုပညာလုပ်ငန်းများ လုပ်ကိုင်ခြင်း၊ ယာဉ်ရောင်းဝယ်ခြင်းလုပ်ငန်းများမှ ဝင်ငွေရရှိပြီး အကျိုးပေး အား ကောင်းနေတတ်သည်။ ရေမွှေးနံ့သာ ထုတ်လုပ်ရောင်းဝယ်ခြင်း အားဖြင့် အထူးဝင်ငွေ အားကောင်းနေတတ်သည်။ကျန်းမာရေး ကောင်းမည်။ စိတ်ချမ်းသာပျော်ရွှင်မှု ရှိမည်။ သွေးနှင့်ပတ်သက်သော ရောဂါဝေဒနာ ကို ဂရုစိုက်သင့်သည်။ ပေါ့လျော့မှုကြောင့် ရောဂါဝေဒနာ ခံစားရတတ်သည်။
ယတြာ။ ။ မိမိအိမ်ရှိ ဘုရားတွင် အောင်သပြေပန်းလှူပါ။
 
စနေသားသမီးများအတွက် သူများအကျိုး သယ်ပိုးဆောင် ရွက်မှုရှိလိမ့်မည်။ သူတစ်ပါးအပေါ် ယုံကြည်မှု အားနည်းတတ် သည်။ ကျန်းမာရေး ဂရုစိုက်သင့်ပါသည်။ မတော်တဆ ထိခိုက်ဒဏ်ရာ ရရှိတတ်သည်။ လက်အောက်ငယ်သားများ၏ အကျိုးခံစား ရမှုရှိတတ်ပါသည်။ သံထည်ပစ္စည်းများနှင့်ပတ်သက်၍သော် လည်းကောင်း၊ ဆေးဝါးကုသ ဖော်စပ်ခြင်းလုပ်ငန်းများ အထူးအောင်မြင်မှုရရှိလိမ့်မည်။ ပဲ၊ ပြောင်း၊ နှမ်းလုပ်ငန်းများ အကျိုးဖြစ်ထွန်းနိုင်သောကာလ ဖြစ်နေတတ်ပါသည်။
ယတြာ။ ။ ထမနဲဆွမ်းကပ်ပေးပါ။
Tuesday, 15 Nov 2011

(ဒေါ်မြတ်မြတ်အေး)  မြန်မာနိုင်ငံ ဝေဒသုတေသနအဖွဲ့

တနင်္ဂနွေသားသမီးများအတွက်    အလုပ်ကိစ္စနဲ့အိမ်မှုကိစ္စများ တစ်ပြိုင်နက် ရှုပ်ထွေးနေရချိန်ဖြစ်သည်။ အိမ်ထောင်ဘက်ကြောင့် စီးပွားရေး ကောင်းမည်။ ဇိမ်ခံပစ္စည်းလက်ဆောင်ရမည်။ဓာတု ဗေဒနှင့်ပတ်သက်သော အရောင်းအဝယ်များမှ အမြတ်အစွန်းရ မည်။ ကားတင်သွင်းခြင်းလုပ်ငန်းမှ ငွေကုန်ပြီး အကြိုက်မတွေ့ဖြစ်နေမည်။ အိမ်ခြံမြေရင်းနှီးမြှုပ်နှံထားသည်များမှ အရှုံးပေါ်တတ်သည်။ခရီးသွားလုပ်ငန်း များမှာ အဆင်ပြေမည်။ နိုင်ငံခြား လူမျိုးခြားစီးပွားဆက်သွယ်ရေးလုပ်ငန်းများ ကြန့် ကြာနေတတ်သည်။

ယတြာ။ ။ ကြာဆံကျော် လှူဒါန်းပါ။

 

တနင်္လာသားသမီးများအတွက်   အပြောင်းအလဲအမျိူးမျိူးကြား မှ အဆင်ပြေမည်။ လုပ်ချင်သောကိစ္စများပြီး လုပ်နိုင်သော ကိစ္စများ နည်းနေတတ်သည်။ စီးပွားဆက်သွယ်ရေး ကောင်းသော်လည်း ထင်သလောက် ငွေမရတတ်ပါ။ မြှုပ်နှံထားသော လုပ်ငန်းများမှ ငွေပြန်ဝင်မည်။ မုန့်မျိုးစုံလုပ်ကိုင်သော လုပ်ငန်း၊ မြေယာများကို အခြေပြု၍လုပ်သောလုပ်ငန်းများ အဆင်ပြေအောင်မြင်တိုးတက်မည်။ ခရီးသွားလုပ်ငန်း များမှပြဿနာပေါ်တတ်သည်။ စိုက်ပျိုးရေးပစ္စည်း ရောင်းဝယ်သော လုပ်ငန်းများ အဆင်ပြေမည်။

ယတြာ။ ။ ဆီးယိုကို ဘုရားကပ်လှူပါ။

 

အဂါၤသားသမီးများအတွက် မည်သည့်လုပ်ငန်းမဆို အဆင်ပြေ အောင်မြင်တိုးတက်မည်။ လုပ်ငန်းမှငွေများရရှိမည်။ ငွေရှာရလွယ် မည့်အချိန်ကာလဖြစ်သည်။ အလုပ်ကိစ္စတိုင်းတွင် စကားပြောဆို ငြင်းခုန်ရသောကိစ္စများ ရှိတတ်သည်။ မြှုပ်နှံထားသော ကိစ္စများ မှ ငွေပြန်ရမည်။ ဆွေမျိုးသားခြင်းများကြောင့် စီးပွားပျက်တတ်သည်။ ကားလုပ်ငန်း၊ အိမ်လုပ်ငန်း၊ ယာဉ်ရထားနှင့်ပတ်သက်သောလုပ်ငန်းများ အကျိုး ပေးမည်။ မြေအရောင်းအဝယ်လုပ်လျှင် မကောင်းပါ။ ဆောက်လုပ်ရေးလုပ်ငန်းများ လုပ်လျှင် စာရွက်စာတမ်းများကြောင့် စိတ်ညစ်ညူးရတတ်သည်။

ယတြာ။ ။ ဘူးသီးနှင့် ကြက်သားဟင်းချက်၍ မိတ်ဆွေများကိုကျွေးပါ။

 

ဗုဒ္ဓဟူးသားသမီးများအတွက် ပညာနှင့်လုပ်ကိုင်သော လုပ်ငန်းများ အဆင်ပြေမည်။ ဝင်ငွေတိုးမည်။ အောက်လက်ငယ်သား အတူနေအိမ်သားများကြောင့် စိတ်ဆင်းရဲမည်။ အလုပ်ကိစ္စများ၊ အရောင်းအဝယ်လုပ်ငန်းများ ကျော်ကြားပြီး ဝင်ငွေနည်းနေတတ် သည်။ ခရီးသွားလုပ်ငန်းများ အဆင်ပြေမည်။ နိုင်ငံရပ်ခြား စီးပွား ဆက်သွယ်ရေးလုပ်ငန်းများ အဆင်ပြေမည်။ ရေနှင့်ပတ်သက်သောလုပ်ငန်းများ အရှုံး ပေါ်မည်။ နေရာပြောင်း၍လုပ်ကိုင်ပါက အဆင်ပြေမည်။ ယာယီကြုံကြိုက်သောလုပ် ငန်းများမှ အမြတ်ရမည်။

ယတြာ။ ။ ပန်းမျိုးစုံဘုရားလှူပါ။

 

ကြာသပတေးသားသမီးများအတွက် အိမ်ခြံမြေ၊ကားအရောင်း အဝယ်လုပ်ငန်း၊ ပွဲစားလုပ်ငန်းများအဆင်ပြေမည်။ စကားပြော အဆိုမှားတတ်၍ စိတ်ညစ်ရမည်။ အလုပ်နှင့်ပတ်သက်၍ လည်း ကောင်း၊ မိသားစုနှင့်ပတ်သက်၍ လည်းကောင်း စိတ်ပူပင်မှု လျော့ နည်းမည်။ ဥစ္စာဓနပြည့်စုံမည်။ ပတ်ဝန်းကျင်တွင် ထင်ပေါ်ကျော် ကြားမည်။ စက်ပစ္စည်းနှင့်ပတ်သက်သော အင်္ဂါနံအလုပ်အကိုင်များ အဆင်ပြေမည်။ လယ်ယာ သီးနှံဆန်စပါးတို့မှ အမြတ်ရရှိမည်။ ဖက်စပ်လုပ်ငန်းများတွင် အတိုက်အခံ ပေါတတ်သည်။ နိုင်ငံရပ်ခြားစီးပွားရေးသမားများ မိတ်ဆွေကောင်းများနှင့်တွေ့ပြီး အောင်မြင်တတ်သည်။

ယတြာ။ ။ မုန့်လုံးရေပေါ် ဘုရားကပ်ပါ။

 

သောကြာသားသမီးများအတွက် ချစ်သူခင်သူ မိတ်ဆွေများမှ အလုပ်ကိစ္စ ပေါ်ပေါက်တတ်သည်။ ကျွမ်းကျင်သောပညာဖြင့် လုပ် ငန်းလုပ်ကိုင်ပြီး ဂုဏ်သိက္ခာမြင့်မားတတ်သည်။ လုပ်ကိုင်သောလုပ်ငန်းများ၏ ကောင်းကျိုးကိုခံစားရမည်။ အခြွေအရံနှင့် ပြည့်စုံပြီးပျော်ရွှင်နေရတတ်သည်။ ခရီးသွားလာခြင်းများမှ အလုပ်ရရှိမည်။ အိမ်တွင်းစီးပွားရေး ကောင်းမွန်မည်။ ပြိုင်ဘက်များကိုအနိုင်ရ၍ ထင်ပေါ်ကျော်စော မည်။ ဘာသာရေးကိစ္စများကို အားတက်သရော ပြုလုပ်နေလိမ့်မည်။ စပ်တူလုပ်ငန်းများအကျိုးမပေးပါ။

ယတြာ။ ။ ရေမွှေးလက်ဆောင်ပေးပါ။

 

စနေသားသမီးများအတွက် အခက်အခဲများမှ ကျော်လွှားပြီး စိတ်အေးနေမည့်အချိန်ဖြစ်သည်။ လုပ်ငန်းများမှ အဆင်ပြေမည့် အချိန်ကာလသို့ ရောက်ရှိလာပြီဖြစ်သည်။ သွားသွားလာလာ လှုပ်လှုပ်ရှားရှား လုပ်ကိုင်ပါမှ အဆင်ပြေမည်။ စကားပြောဆင်ခြင်၍၊ စိတ်ဓာတ်ကိုပြုပြင်ပါမှ အထက်သို့ရောက်မည်။ အောက်ခြေလူတန်းစားများနှင့် အဆင်မပြေဖြစ်မည်။ ဘာသာခြား လူမျိုးခြားများကြောင့် စိတ်ဆင်းရဲမည်။ ဗုဒ္ဓဟူးနံလုပ်ငန်းများပြန်လည်အဆင်ပြေမည်။ ခရီးသွားလုပ်ငန်းများမှ ပြဿနာဖြစ် တတ်သည်။ ရေနှင့်ပတ်သက်သောလုပ်ငန်း အကျိုးပေးမည်။

ယတြာ။ ။ ဘုရားတွင် ထီးအနီရောင်လှူဒါန်းပါ။

 

 

Monday, 17 Jan 2011

 (၇) ရက်သားသမီးများအတွက် စီးပွားရေးအကြံပေး ဟောကိန်း ၁၇-၁-၂၀၁၁ မှ ၂၃-၁-၂၀၁၁ အထိတနင်္ဂနွေသားသမီးများအတွက် လုပ်ငန်းများ တိုးတက်အောင်မြင်နေမည်။ လုပ်ငန်းများမှ ဝင်ငွေရရှိနေတတ်သည်။ ခရီးဝေး သွားရတတ်သည်။ အလှူဒါနပြုရမည်။ ဆရာသမားကောင်းနှင့် တွေ့မည်။ စီးပွားရေးလုပ်ငန်းများတွင် အပူအစပ် ပစ္စည်းများနှင့် ပိုးသတ်ဆေး၊ ဆေးဝါးပစ္စည်းများ၊ ရွှေ၊ ကြေးနီပစ္စည်းများ ရောင်း ဝယ်ပါက အထူးဝင်ငွေအားကောင်းပြီး စီးပွားဥစ္စာ တိုးတက်မည်ဖြစ်သည်။ ကျန်းမာရေးတွင် မိသားစုကြောင့် စိတ်သောကဝေဒနာရှိတတ်သည်။ ကျန်းမာရေးဂရုစိုက်ပါ။ ယတြာ။ ။ အင်ဖက်ခင်း၍ ပဲထမင်းကို လမ်းလေးခွစုံတွင် သတ္တဝါများကို ကျွေးမွေးလိုက်ပါ။ ကိုယ်စိတ်ချမ်းသာ လိုရာပြည့်စေပါမည်။ တနင်္လၤာသားသမီးများအတွက် အလုပ်နှင့် ပတ်သက်၍ ရပ်ဝေး မှ လက်ဆောင်ပစ္စည်းရရှိမည်။ စီးပွားရေး အလုပ်များကို ဦးစီး လုပ်ကိုင်ရတတ်သည်။ လယ်ယာထွက်ကုန်ပစ္စည်းမှအမြတ်အစွန်း ရမည်။ ယခုကာလတွင် ခရီးသွားအစီအစဉ်ပျက်ယွင်းမှု သတိရှိ သင့်သည်။ ငွေကြေးချေးငှားမိပါက ပြဿနာပေါ်တတ်မှု သတိပြု ပါ။ မျက်စိ၊ မျက်နှာတွင် မတော်တဆထိခိုက်မှု သတိပြုပါ။ စီးပွားရေးတွင် ပန်းများ၊ သစ်သီးဝလံများ၊ ရေနှင့်ရေထွက်ပစ္စည်းများ၊ ပုလဲ၊ ကျောက်မြတ်ရတနာ ရောင်းဝယ် လုပ်ကိုင်သူတို့ အဆင်ပြေချောမွေ့နေတတ်ပါသည်။ယတြာ။ ။ မုန့်တစ်မျိုးကို လှူဒါန်းပေးပါ။ အင်္ဂါသားသမီးများအတွက် ငွေကြေးကိစ္စ အဆင်ပြေမည်။ လုပ်ငန်းခွင် တိုးတက်အားကောင်းမှုရှိလာလိမ့်မည်။ စပ်တူလုပ်ငန်း အကျိုးဖြစ်ထွန်းမည်။ စီးပွားရေးလုပ်ငန်းတွင် အပြိုင်အဆိုင်များ ပေါ်လာတတ်မှု သတိပြုပါ။ စီးပွားရေး အဓိကလုပ်ရမည့်လုပ်ငန်း မှာ မီးများများသုံးရသောပစ္စည်း၊ စားသောက်ကုန်၊ အနီရောင် ပစ္စည်းများ၊ သန္တာကျောက်၊ ထန်းလျက်၊ ဓာတ်သတ္တုများရောင်းဝယ်စီးပွားလုပ်ကိုင် ပါက အောင်မြင်မှုများရရှိမည်ဖြစ်ပါသည်။ယတြာ။ ။ သန္တာကျောက်ကို အမြဲရွှေနှင့်ကွင်း၍ ဝတ်ဆင်ထားပါ။ ဗုဒ္ဒဟူးသားသမီးများအတွက် အလုပ် စီးပွားရေး လုပ်ငန်းများ အတွက် စိတ်ချမ်းသာမှုရရှိမည်။ မထင်မှတ်သော ကောင်းစားမှု၊ အဆင့်အတန်း မြင့်မားလာမှုများ ရှိလာမည်။ အလုပ်အကိုင် အတွက် ခရီးသွားရတတ်သည်။ နိုင်ငံရပ်ခြား ပြည်ပတွင် ပညာ သင်ခရီး ရှိတတ်သည်။ ဘာသာရေးကိစ္စများ ဆောင်ရွက်ရတတ် သည်။ အချစ်ရေးတွင် စိတ်လှုပ်ရှားမှုများမည်။ စီးပွားရေးတွင် စာအုပ်စာပေလုပ်ငန်း၊ ပန်းချီ၊ ပန်းပု၊ စက္ကူနှင့် စာရေးကိရိယာလုပ်ငန်းများ စီးပွားဖြစ်ထွန်းနိုင်သည့် ကာလ ဖြစ်နေတတ်ပါသည်။ယတြာ။ ။ ကျောက်စိမ်း သို့မဟုတ် မြကိုဆောင်ထားပါ။ ကြာသပတေးသားသမီးများအတွက် ဝင်ငွေ အထူးကောင်းမွန် နေမည်။ ပျော်ရွှင်စရာများ ကြုံတွေ့ရတတ်သည်။ အကြံအစည် များအောင်မြင်မှုရှိမည်။ စားကောင်းသောက်ဖွယ်များ မကြာခဏ လက်ဆောင်ရနေလိမ့်မည်။ ယာဉ်/စက်ပစ္စည်းများ ဝင်ကိန်းအား ကောင်းနေလိမ့်မည်။ ပျားရည်လုပ်ငန်း၊ ကုလားပဲနှင့် ဘာသာရေး ဆိုင်ရာပစ္စည်းများ ရောင်းဝယ်ဖောက်ကားလုပ်ကိုင်နေသူတို့ စီးပွားဖြစ်ထွန်းသည့် ကာလ ဖြစ်လိမ့်မည်။ ကျန်းမာရေး၊ စီးပွားရေးသင့်တင့်မှုရှိနေမည်။ယတြာ။ ။ ပေါက်ပေါက်ဆွမ်း မိမိအိမ်ရှိ ဘုရားတွင် လှူဒါန်းပါ။ သောကြာသားသမီးများအတွက် လုပ်ငန်းများ အောင်မြင်တိုး တက်နေမည်။ ထင်ပေါ်ကျော်စောမည်။ ရန်နှင့်မကင်းသော အလုပ်အကိုင်မျိုး လုပ်ကိုင်ရတတ်သည်။ စီးပွားရေးလုပ်ငန်းတွင် ငွေထည်ပစ္စည်း၊ ဇိမ်ခံပစ္စည်း၊ အနုပညာဆိုင်ရာ ပစ္စည်းများနှင့် ရေမွှေးအလှကုန်ပစ္စည်းများ ထုတ်လုပ်ရောင်းဝယ်သူများအနေဖြင့် စီးပွားရေးဖြစ်ထွန်းမှု အားကောင်းနေလိမ့်မည်။ အတူနေဆွေမိုျးများနှင့် ခိုက်ရန် ဒေါသဖြစ်တတ်သည်။ယတြာ။ ။ သင့်လျော်သောနေရာဌာနတို့တွင် သဲလှူပေးပါ။ ပျော်ရွှင်ချမ်းမြေ့မှုကို ရရှိစေပါလိမ့်မည်။ စနေသားသမီးများအတွက် စားသောက်ကုန်ပစ္စည်းများ အကျိုး အမြတ်ရှိနေမည်။ ဝီရိယအကျိုး ခံစားရမည်။ နိုင်ငံခြားသို့အလုပ် ကိစ္စနှင့် ခရီးသွားရမည်။ မိတ်ဆွေများထံမှ လက်ဆောင်ကောင်း ရရှိမည်။ ကျွေးဟောင်းများပြန်ရမည်။ ဘာသာရေးလုပ်ငန်းများ လုပ်ကိုင်ရမည်။ ဂုဏ်သိက္ခာထိခိုက်စေသောကိစ္စ သတိထားပါ။ အရိုးနှင့်ပတ်သက်၍ ရောဂါရမှုရှိတတ်သည်။ စီးပွားရေးတွင် မြေအောက်သယံဇာတ များ၊ သံထည်ပစ္စည်းများ၊ ကျောက်မီးသွေး၊ ဘိလပ်မြေရောင်းဝယ်ရေးလုပ်ငန်းအဆင် ပြေမှုများတတ်ပါသည်။ယတြာ။ ။ ကောက်ညှင်းပေါင်း လှူဒါန်းပါ။