Background
ယခုတစ်ပတ် ပြည်ချင်းဈေးမှာ အပြောင်းအလဲမရှိဘဲ တစ်ပိဿာကို ချင်း (ရှယ်) ၈၀၀ ကျပ် (ဂျွန်) ၆၀၀ ကျပ်တို့နဲ့ ရောင်းဝယ်လျက်ရှိနေပါတယ်။ အဝင် အားဖြင့်လည်း ပြည်ချင်းဈေးကွက်ကို အောင်ပန်းချင်းများ ပိဿာ ၃၀ ဝင်အိတ်၊ ၃၀၀ ခန့် ပုံမှန်အဝင်ရှိနေပြီး၊ တစ်နေ့ကို ပိဿာချိန် ၃၀၀ ခန့် ပုံမှန်အရောင်း အဝယ်ဖြစ်နေပါ တယ်။ ပြည်ဈေးကွက်မှတစ်ဆင့် ပြည်နယ်သို့ စားသုံးမှုအဖြစ် တစ်နေ့ပိဿာချိန် ၂၀၀ ခန့် တင်ပို့မှုရှိတယ်လို့ သိရပါတယ်။ ဝင်းဝင်းခိုင်
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်နဲ့ မြဝတီ နယ်စပ်ကုန်သွယ်ရေးစခန်းများမှ သြဂုတ်လ ၁၅ ရက်မှ ၂၁ ရက်ထိ ကာလ အတွင်းမှာ ကန်ဒေါ်လာ သုည ဒသမ ၀၄၉ သန်းတန်ဖိုးရှိ ဂျင်းခြောက်များ ၃၅ တန်ခန့် တင်ပို့မှုရှိခဲ့ပါတယ်။ မူဆယ်မှ ၁၆ တန်နဲ့ မြဝတီမှ ၁၉ တန်တင်ပို့ခဲ့ တာ ဖြစ်ပြီး ယခင်အပတ်ကထက် မူဆယ်မှ ၁၃ တန်ကျော်နဲ့ မြဝတီမှ ၅ တန်ခန့် ပိုမိုတင်ပို့ခဲ့တယ်လို့သိရပါတယ်။ MIRT(DOBT)
ပြည်ပဲစင်းငုံဈေးမှာ ယခင်တစ်ပတ်ဈေးထက် ဈေးအနည်းငယ်မြင့်နေတာကို တွေ့ရပါတယ်။ ယခုတစ်ပတ် ပိဿာ ၂၀ တစ်တင်း၂၂၂၀၀ ကျပ်ဈေးရှိတယ်လို့ သိရပါတယ်။ ဈေးကွက်အတွင်းလက်ကျန်အနည်းငယ်သာ ရှိတာကြောင့် အခြား တိုင်းနဲ့အရောင်းအဝယ်မှာ နေ့စဉ်မဖြစ်ဘဲ အေးနေကြောင်းသိရပါတယ်။ တိုင်း အတွင်းမှာလည်း လက်လီလက်ကားဝယ်ယူသူများ သိပ်မရှိသဖြင့် ဈေးကွက်တွင်း အရောင်းအဝယ်မဖြစ်ဘူးလို့သိရပါတယ်။ ပဲခူးတိုင်းဒေသကြီးပြည်မှာ ၂၀၁၂-၂၀၁၃ ဘဏ္ဍာနှစ်အတွင်း မိုးသီးနှံဖြစ်တဲ့ ပဲစင်းငုံသီးနှံကို ဧက ၁၇၃၀၀ ကျော် စိုက်ပျိုးရန် လျာထားခဲ့ရာမှာ ရာနှုန်းပြည့် စိုက်ပျိုးနိုင်ခဲ့တယ်လို့သိရပါတယ်။ ဆုမွန်ဆွေ
သြဂုတ်လ ၁၅ ရက်မှ ၂၁ ရက်ထိကာလအတွင်းမှာ မူဆယ်နယ်စပ်မှ ပဲလွန်းဖြူ၊ ပဲပုပ်စေ့နဲ့ ပဲနီကြားများ ယခင်အပတ်ကထက် ပိုမိုတင်ပို့ခဲ့ပါတယ်။ ယခု အပတ်မှာ ကန်ဒေါ်လာ သုည ဒသမ ၀၇၈ သန်းတန်ဖိုးရှိ ပဲလွန်းဖြူ တန် ၁၁၀ ကျော်၊ ကန်ဒေါ်လာသုညဒသမ ၀၉၃ သန်းတန်ဖိုးရှိ ပဲပုပ်စေ့ ၁၃၆ တန်နဲ့ ကန်ဒေါ်လာသုည ဒသမ ၀၅၇ သန်းတန်ဖိုးရှိ ပဲနီကြား ၇၃ တန်တင်ပို့မှုရှိခဲ့ပါတယ်။ ယခင်အပတ်ကထက် ပဲလွန်းဖြူ ၆၇ တန်၊ ပဲပုပ်စေ့ တန် ၉၀ နဲ့ပဲနီကြား တန် ၆၀ ပိုမိုတင်ပို့ခဲ့တယ်လို့ သိရပါတယ်။
လားရှိုး-ကွတ်ခိုင်-သိန္ဒီတို့မှာ မိုးများရေကြီးတဲ့အပြင် တောင်ကျရေများပါ စီးဆင်းနေတဲ့အတွက် ယခုအပတ်မှာ ကုန်တင်ယာဉ်စီးဆင်းမှုများသိသိသာသာ လျော့နည်းလျက်ရှိပါတယ်။ယခုအပတ် သြဂုတ်လ ၁၅ ရက်မှ ၂၁ ရက်ထိ ကာလ အတွင်းမှာ ကန်ဒေါ်လာ သုညဒသမ ၂၉၈ သန်းတန်ဖိုးရှိ ပဲတီစိမ်းလုံးပြည့် ၃၇၃ တန်သာ အပို့ရှိခဲ့တဲ့အတွက် တန် ၄၈၀ ကျော်ယခင်အပတ်ထက် အပို့လျော့ခဲ့ပါ တယ်။
မုံရွာကုန်စည်ဒိုင် သြဂုတ်လတတိယပတ် ပဲဈေးကွက်မှာ ပဲစင်းငုံနီအရောင်းအဝယ် ဆက်လက်ကောင်းမွန် နေတယ်လို့ သိရပါတယ်။ ရန်ကုန်ဝယ်လက် ဝယ်အားကောင်းသလောက် ရောင်းလက်တွေ က ပစ္စည်းလက်ကျန် လျော့လာလို့ အား ပျော့လာတယ်လို့ ကုန်သည်အသိုင်းအဝန်းကပြောပါတယ်။
အိန္ဒိယပြည်တွင်း မုတ်သုန်မိုးရရှိမှုနည်းပါနေခြင်း၊ လူလတ်တန်းစားလူဦးရေ တိုးတက်လာခြင်းနဲ့ ပြည်တွင်း မှာပဲမျိုးစုံ ဖြန့်ဖြူးရောင်းချမှုစနစ် အားနည်းခြင်းတို့ကြောင့် ဒေဝါလီပွဲတော်ကာလနီးချိန်အထိ ပဲမျိုးစုံ ဈေးနှုန်းေ တွ မြင့်မားဦးမယ်လိ့ု အိန္ဒိယနိုင်ငံကုန်သည်များနဲ့ စက်မှုလက်မှုလုပ်ငန်းရှင်များ တွဲဖက်အသင်းချုပ် (ASSOCHAM) က ပြောကြားတယ်။
ပဲမျိုးစုံအနက်ကုလားပဲမှာ ဈေးနှုန်းမြင့်မားမှုနှုန်း အမြင့်ဆုံးဖြစ်မယ်လိ့ုခန့်မှန်းထားတယ်။ ကုလားပဲက ၂၀၁၁ ဇွန်လမှ ၂၀၁၂ မေလထိ ကာလမှာလည်း ၉၀ ရာခိုင်နှုန်းဈေးမြင့်လာပြီးဖြစ်တယ်။ ဇူလိုင် ၂၃ ရက်က ကုလားပဲလက်ကားဈေးနှုန်းမှာ တစ်ကွမ်တယ်ကို ရူပီး ၅၂၀၀ (တစ်တန်ကို ကန်ဒေါ်လာ ၉၂၉ ဝန်းကျင်) အထိ ရောက်ရှိမြင့်မားလာပြီး လက်လီဈေးကွက်မှာ ကုလားပဲခွဲခြမ်းဈေးနှုန်းမှာ တစ်ကီလိုကို ၆၅-၇၅ ရူပီး (မြန်မာကျပ်ငွေ ၁၀၆၀ ကျပ် - ၁၁၇၃ ကျပ် ဝန်းကျင်) အထိရောက်ရှိ မြင့်မားခဲ့တယ်။ သြဂုတ်လမှာလည်း ကုလားပဲဈေးနှုန်းက တစ်ကွမ်တယ်ကို ရူပီး ၅၀၀၀ နှုန်းထားမှာသာရှိနေရာ သုံးစွဲ သူတွေရဲ့ ဝယ်လိုအားအနည်းငယ် ထိုင်းမှိုင်းလာတယ်။ ဒါ့အပြင် မုတ်သုန်ရာသီပဲတွေ စိုက်ပျိုးထားတဲ့ ရာဂျစ်စသန် နဲ့ မဒရာပရာဒေ့ရှ်တို့မှာ မိုးရွာသွန်းမှုအားကောင်းလာခြင်းကလည်း ပဲမျိုးစုံအထွက်နှုန်းအတွက် စိုးရိမ်မှုကို လျော့ပါးစေပြီး ကုလားပဲဝယ်လိုအားကို နှေးကွေးစေကာ သြဂုတ် ၂၁ ရက်နေ့က မြို့တော်ဒေလီဈေးကွက်မှာ ကုလားပဲလက်ငင်းဈေးနှုန်း တွေက တစ်ကွမ်တယ်ကို ၄၉၀၀ ရူပီး (တစ်တန်ကို ကန်ဒေါ်လာ ၈၉၀ ဝန်းကျင်) အထိ ကျဆင်းလာတယ်။ ဒါပေမဲ့ ဒေဝါလီပွဲတော်မတိုင်မီကာလအထိ ကုလားပဲဈေးနှုန်းတွေက မကြုံစဖူး မြင့်မားနိုင်ဖွယ်ရှိတယ်လို့ ASSOCHAM က ခန့်မှန်းထားတယ်။ ပြည်ပဈေးကွက်တွေမှာလည်း ကုလားပဲမှာဈေးမြင့်နေပြီး ပြည်ပကုလားပဲ တင်သွင်း မှုကိုလည်း အားကိုးနေရတဲ့ အိန္ဒိယရဲ့ ပြည်တွင်းပဲဈေးနှုန်းကိုပါမြင့်မားစေတယ်။ ကုလားပဲဈေးမြင့် လာခြင်းကြောင့် အိန္ဒိယပြည်တွင်း ကုလားပဲစိုက်ပျိုးသူတွေအနေနဲ့ အကျိုးအမြတ် ၁၀ ရာခိုင်နှုန်းမှ ၁၅ ရာခိုင်နှုန်း အထိသာ ရရှိသော်လည်း အမှန်တကယ် အမြတ်ကြီးမြတ်သူတွေမှာ ကြားပွဲစားလှောင်လက်တွေဖြစ်ကြပြီး ၈၅ ရာခိုင်နှုန်းခန့် အမြတ်ရရှိကြတယ်လို့ သိရတယ်။ Source:daily.bhaskar.com, in.reuters.com, ပပ
ပဲထုတ်လုပ်မှုကျဆင်းပြီး ဝယ်လိုအားမြင့်တက်နေတာ ကြောင့် အိန္ဒိယဈေးကွက်မှာ ပဲမျိုးစုံဈေးနှုန်းက အလွန် အမင်းမြင့်တက်လာခဲ့ပါတယ်။ ဈေးနှုန်းမြင့်တက်မှုကို လျော့ ကျစေဖို့ အိန္ဒိယစိုက်ပျိုးရေးသုတေသနကောင်စီ (ICAR)မှ နည်းပညာများ သရုပ်ပြခြင်းများဖြင့် နိုင်ငံအတွင်း ပဲစိုက်ပျိုးမှု မြှင့်တင်ရေး ဆောင်ရွက်လျက်ရှိနေ ပါတယ်။ အိန္ဒိယနိုင်ငံဟာ နှစ်စဉ်ပဲမျိုးစုံတန်ချိန် ၂၁ သန်းခန့်စားသုံးပါတယ်။ နိုင်ငံရဲ့ ပဲထုတ်လုပ်မှုက တန်ချိန် ၁၈ သန်းဝန်းကျင် ရှိလို့ လိုအပ်ချက် ပြည့်မီဖို့ တန်ချိန် ၃ သန်း ဝန်းကျင် တင်သွင်းနေရတာဖြစ်ပါ တယ်။
အိန္ဒိယနိုင်ငံ ပဲစိုက်ပျိုးတဲ့ပြည်နယ်တော်တော်များများမှာ မိုးသည်းထန်နေပြီး၊ မဒ္ဒရာပရာဒေ့ရှ်မှာ မိုးကြီးလာလို့ အချို့မြေနိမ့် ပိုင်းတွေမှာ ရေလွှမ်းမိုးတဲ့ အခြေအနေရှိလာပါတယ်။ မိုးရွာသွန်းမှု တိုးတက်လာပေမယ့် သြဂုတ် ၁၆ ရက်အထိ တစ်နိုင်ငံလုံး မိုးပဲ စိုက်ပျိုးမှုကတော့ ဟတ်တာ ၈၅ ဒသမ ၃၂ သိန်းသာရှိသေးလို့ ယခင်နှစ် ကာလတူစိုက်ပျိုးမှု ဟတ်တာ ၉၇ ဒသမ ၃၈ သိန်းနဲ့ ယှဉ်ရင် ဟတ်တာ ၁၂ ဒသမ ၀၆ သိန်းလျော့ကျနေသေး တယ်လို့ သိရပါတယ်။
ရန်ကုန်ဈေးကွက်မှာ မတ်ပဲအရောင်းအဝယ်က အရင် တစ်ပတ်ကလိုပဲအခြေအနေအပြောင်းအလဲ နည်းနေပါတယ်။ အိန္ဒိယဈေးကွက်မှာလည်း ပဲအသစ်ထွက်ဖို့ နီးလာပြီး ဈေး ထပ်ကျလာလို့ အဝယ်သိပ်မရှိတဲ့ အတွက် ဒီတစ်ပတ်မှာ ပြည်တွင်းအရောင်းအဝယ်ဖြစ်တဲ့ ဈေးလျော့ကျခြင်းနဲ့အတူ ရန်ကုန် FOB ဈေးလည်း တစ်တန် ကန်ဒေါ်လာ ၁၀ ခန့် ကျဆင်းလာတာတွေ့ရပါတယ်။
ရန်ကုန် FOB ဈေးကွက်မှာ အရောင်း အဝယ်ဖြစ်မှု လျော့သလို ပဲမျိုးစုံပြည်ပတင်ပို့မှုမှာ လည်း ပြီးခဲ့တဲ့ တစ်ပတ်ထက် ထက်ဝက်လျော့ကျလာခဲ့ပါ တယ်။ ပြည်ပတင်ပို့မှုအနေနဲ့ သြဂုတ်လ ၁၇ ရက်အထိ ယခု ဘဏ္ဍာနှစ်အတွင်းမှာ တန်ချိန် ၂၈၆၀၀၀ ကျော် ကန် ဒေါ်လာ ၁၅၈ သန်း ကျော်ဖိုး တင်ပို့ထားလို့ ပြီးခဲ့တဲ့ ဘဏ္ဍာ နှစ်ကာလတူ တင်ပို့မှု တန်ချိန် ၂၉၆၀၀၀ ကျော် ကန်ဒေါ် လာ ၂၅၄ သန်းကျော်ဖိုးနဲ့ ယှဉ်ရင် ပမာဏမှာ တန်ချိန် တစ်သောင်းလောက် လျော့ကျတာတွေ့ရပါတယ်။ ဒါပေမယ့် ပြီးခဲ့တဲ့လတွေက မတ်ပဲဈေး ပြန်မတ်လာလို့ ရရှိတဲ့ဝင်ငွေ အနည်းငယ်ပိုလာတာ တွေ့ရပါတယ်။ ပဲစင်းငုံဈေးကွက်က ဝယ်လက်များက ဝယ်လိုက် ရပ် လိုက်ဖြစ်သလို ဈေးကလည်း တက်လိုက်လျော့လိုက် ဖြစ်နေ တာ တွေ့ရပါတယ်။ ဒီသီတင်းပတ်အစပိုင်းမှာ ပဲစင်းငုံဈေး ပြန်တိုးပြီး၊ အရောင်းအဝယ်ဖြစ်ခဲ့ပြီး သီတင်းပတ်နှောင်းပိုင်း မှာတော့ ဈေးပြန်အေးလာခဲ့ပါတယ်။ ဒါပေမယ့် ပဲလက်ကျန်နဲ့ အရောင်းအဝယ်ဖြစ်မှုက အချိုးညီနေတဲ့ သဘောရှိတယ်လို့ ကုန်သည်တစ်ဦးက ဆိုပါတယ်။ လက်ရှိမှာ အိန္ဒိယဈေးကွက် ကို အာဖရိက ပဲစင်းငုံတွေ အဝင်ရှိနေတဲ့အတွက် အိန္ဒိယ ပဲစင်းငုံ အသစ်မထွက်မီ စပ်ကူးမတ်ကူးကာလမှာ ပဲစင်းငုံဈေး ကွက် ပိုမိုကောင်းမွန်လာနိုင်တယ်လို့ သိရပါတယ်။ ပဲစင်းငုံတင်ပို့မှုကတော့ ယခုဘဏ္ဍာနှစ် သြဂုတ်လ ၁၈ ရက်အထိ တန်ချိန် ၁၅၅၀၀၀ တင်ပို့ထားပြီး၊ ရရှိတဲ့ဝင်ငွေမှာ ကန်ဒေါ်လာ ၉၀ သန်းကျော်ရှိပါတယ်။ ပြီးခဲ့တဲ့ ဘဏ္ဍာနှစ် ကာတူအတွင်းမှာတော့ တန်ချိန် ရှစ်သောင်းကျော် တင်ပို့ခြင်း မှာ ကန်ဒေါ်လာ ၅၅ သန်းကျော်ရရှိလို့ ယခုနှစ်ကာလတူမှာ ပမာဏအားဖြင့် တစ်ဆ ပိုမိုတင်ပို့ထားကြောင်း သိရပါတယ်။ ရန်ကုန်ဈေးကွက်မှာ တစ်ခြားပဲဈေးတွေ ဆင်းပေမယ့် ပဲတီစိမ်းကတော့ ငြိမ်နေတာ တွေ့ရပါတယ်။ ခရမ်းရွှေဝါ ကတော့ လက်ကျန်မရှိတော့ပေမယ့် အညာပဲတီစိမ်းတွေ ဈေးကွက်ကို ဝင်လာနေပြီး၊ အရောင်း အဝယ် ရှိနေတာ တွေ့ရပါတယ်။ ဝင်လာတဲ့ ပဲတီစိမ်းတွေကတော့ အစိုဓာတ် များပြီး၊ အရေအသွေး သိပ်မကောင်းဘူးလို့ သိရပါတယ်။ ဒါပေမယ့် ဈေးကွက်ကျယ်ပြန့်တဲ့ ပဲဖြစ်လို့ တင်ပို့မှု အသင့် အတင့်ရှိနေပါတယ်။ သြဂုတ်လ ၁၇ ရက်အထိ ပဲတီစိမ်း စုစုပေါင်း တင်ပို့ပြီးစီးမှုမှာ တန်ချိန် ၁၅၂၀၀၀ ကျော်ရှိပြီး၊ ကန်ဒေါ်လာ ၉၆ သန်းခန့် ဝင်ငွေရရှိထားလို့ ပြီးခဲ့တဲ့ ဘဏ္ဍာ နှစ် ကာလတူ တင်ပို့ထားတဲ့ တန်ချိန် ၁၅၆၀၀၀ ခန့်မှ ရရှိတဲ့ ဝင်ငွေ ကန်ဒေါ်လာ ၁၅၈ သန်းကျော်နဲ့ယှဉ်ရင် တင်ပို့တဲ့ ပမာဏ လျော့တာထက် ရရှိတဲ့ဝင်ငွေ များစွာလျော့ကျတာ တွေ့ရပါတယ်။ ဈေးကွက်ထဲမှာ ကုလားပဲပမာဏ အနည်းငယ် အရောင်းအဝယ်ရှိပြီး အခြားပဲတွေထဲမှာ ပဲလွန်းဖြူ အရောင်း အဝယ်ပမာဏ ပိုမိုလာတာတွေ့ရပါတယ်။ အခြားပဲအုပ်စုဝင် ထောပတ်ပဲ၊ ပဲယင်း၊ စွန်တာနီ၊ စွန်တာပြာတို့လည်း တန်ချိန် ၅၀-၆၀ ခန့်စီ တင်ပို့မှု ရှိနေပါတယ်။ ပဲပုပ်ကိုလည်း ကိုရီးယား နဲ့ အိန္ဒိယကို တန်ချိန် ၁၀၀ ကျော် တင်ပို့မှုရှိကြောင်း သိရပါ တယ်။ ယမင်းခင်၊Source: Business standard