မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ ကန်ဒေါ်လာ ၂ ဒသမ ၃၀၆ သန်းတန်ဖိုးရှိ ပရဆေးကုန်ကြမ်း ၁၉၉၇ တန်ကျော်ကို ဇူလိုင်လ ၁၁ ရက်မှ ၁၇ ရက်ထိ ကာလအတွင်းမှာ တင်ပို့ခဲ့ရာ ယခင်အပတ်ကထက် ၆၆၇ တန်ကျော် ပိုမို တင်ပို့ခဲ့ပါတယ်။ အခုလို တင်ပို့မှု ပိုမိုရခြင်းမှာ ယခင်အပတ်က တင်ပို့မှု မရှိခဲ့တဲ့ ကွမ်းစားဂမုန်း၊ ကြောင်ပန်းစေ့၊ ချဉ်ပေါင်ဖာလာအခွံ မပါ၊ တောဂျုးမြစ်၊ တောင်လုံးကျော်နဲ့ ရွေးရွက်တို့ကို ယခုအပတ်မှာတင်ပို့မှု ရှိခဲ့ခြင်းနဲ့ ကွမ်းသီးခွံ၊ ကြက်ဆူစေ့၊ ချဉ်ပေါင်ဖာလာအခွံပါ၊ စမုံနက်၊ ဆီးဆန်၊ တောချင်း၊ ဒရင်ကောက်မြစ်၊ နနွင်းတက်၊ မိကျောင်းကွမ်းဖတ်စေ့၊ မာလာခေါင်းတို့ တင်ပို့မှု ပိုခဲ့တဲ့အတွက်ဖြစ်ပါတယ်။ ချင်း ခြောက်၊ ဂုံညှင်းလုံး၊ စကားပန်းပွင့်ခြောက်၊ နနွင်းခေါင်း၊ ဖန်ခါးသီးခြောက်၊ အုံတုံခေါက်တို့ တင်ပို့မှုလျော့ခဲ့တယ် လို့သိရပါ တယ်။ တမူး နယ်စပ်မှ ယခုအပတ်မှာ ကန်ဒေါ်လာ သုညဒသမ ၀၀၁ သန်း တန်ဖိုးရှိ တောင်လုံးကျော် ၅ တန် တင်သွင်းခဲ့ရာ ယခင်အပတ်ကထက် ၄ တန် ပိုခဲ့ပါတယ်။ မြဝတီ နယ်စပ်မှ ကန်ဒေါ် လာသုညဒသမ ၀၀၃ သန်းတန်ဖိုးရှိ ကံ့ကော်ပွင့်ခြောက် ၄ တန် တင်ပို့ခဲ့တယ်လို့ သိရပါတယ်။   MIRT(DOBT)

    ဖိလစ်ပိုင်အစိုးရကသာ ကြက်သွန်နီတင်သွင်းခွင့်မပြုခဲ့ရင် ကြက်သွန်နီတစ်ကီလိုကို ပီဆို ၁၀၀(ကန်ဒေါ်လာ ၂ ဒသမ ၃၉)ထိ ရောက်ရှိနိုင်တယ်လို့ ကြက်သွန်နီ ကုန်သည်များနဲ့ လက်လီသမားများက ဇူလိုင် ၁၇ ရက်မှာ သတိပေးပြော ကြားတယ် လို့ သိရပါတယ်။

    ဒီတစ်ပတ်မှာ နနွင်းအဝင်နည်းပါတယ်။ မန္တလေးဝယ်လက်တွေကလည်း အဝယ်ရပ်နေတာကြောင့် ဈေးကလည်းငြိမ်နေပါ တယ်။ ဆင်တောင်နနွင်းတွေလည်း အောင်ပန်းဈေးကွက်ကို လက်လီလောက်သာ အဝင်ရှိနေပါတယ်။ ထိပ်စနနွင်းတွေ အဝယ်ရပ်နေပေမဲ့ ညံ့စဖြစ်တဲ့ ပင်လောင်းနနွင်းကတော့ တစ်ပိဿာကို ၃၀၀ ကျပ်၊ ၃၇၅ ကျပ်နဲ့ အရောင်းအဝယ် အနည်း ငယ်ဖြစ်နေပါတယ်။ ဆင်တောင်နနွင်းကတော့ တစ်ပိဿာ ၁၂၀၀ ကျပ်ဈေးရှိပါတယ်။

    ပြည်ပကို ပင်လယ်ရေကြောင်းလမ်းမှမန်ကျည်းတင်ပို့မှု ဇူလိုင် ၈ ရက်မှ ၁၄ ရက်တာ ကာလအတွင်း ၁၇၃ တန်ရှိခဲ့ပါတယ်။ တင်ပို့ခဲ့တဲ့နိုင်ငံက စင်ကာ ပူနိုင်ငံကို ၁၄၈ တန်နဲ့ ထိုင်းနိုင်ငံကို ၂၅ တန်ဖြစ်ပါတယ်။ ယခင်သီတင်းပတ် မန်ကျည်း တင်ပို့မှုက တန်ကိုးဆယ်ကျော်ရှိခဲ့ပြီးဒီတစ်ပတ်မှာ တန်ရှစ်ဆယ် ကျော်ပိုမို တင်ပို့ နိုင်ခဲ့ပါတယ်။ ယခင်သီတင်းပတ်တစ်တန်ကို FOB ဈေးကန်ဒေါ်လာ လေးရာ့ သုံးဆယ်ကျော်ရရှိခဲ့တဲ့ မန်ကျည်းက ဒီတစ်ပတ်မှာ FOB ဈေးက ကန်ဒေါ်လာ လေးရာ့ခုနစ်ဆယ်ကျော်ထိ ရရှိခဲ့ပါတယ်။MIRT(DOT)