Background
အိန္ဒိယပြည်တွင်းဈေးကွက်တွေမှာ အခြားပဲဈေး တိုးလာခြင်းနဲ့အတူ ကုလားပဲဈေးလည်း ဆက်လက် မြင့်တက်လာခဲ့ပါ တယ်။ လက်ရှိမိုးရာသီမှာ မိုးနည်းပါးတဲ့အတွက် ဆောင်းကုလားပဲစိုက်ပျိုးမှုအပေါ်လည်း ဆက်ပြီးထိခိုက်မှာ ကုန်သည်များ စိုးရိမ် နေကြပါတယ်။ ဥပုသ်ကာလအတွက် ဝယ်လိုအားကောင်းနေခြင်းက လက်ငင်းဈေးများ မြင့်တက်စေခဲ့ပါတယ်။
ပြည်တွင်းမှာ လက်ကျန်နည်းလာပြီဖြစ်တဲ့ ကုလားပဲကို ရောင်းဝယ်မှုရော ပြည်ပတင်ပို့မှုမှာ အနည်းငယ် သာရှိပါတယ်။ ယခင်တစ်ပတ်ကပင်လယ်ရေကြောင်း တင်ပို့မှုတန်ချိန် ၁၅၀၀ ရှိပြီး ယခုတစ်ပတ်မှာ တန်ချိန် တစ်သောင်းကျော်သာ တင်ပို့ နိုင်ကြောင်းတွေ့ရပါတယ်။ လက်ရှိဘဏ္ဍာနှစ် ဇွန် ၂၂ ရက်ထိ စုစုပေါင်း တင်ပို့ပြီးစီးမှုမှာ တန်ချိန် ၃၅၀၀၀ ကျော်ရှိပြီး ရရှိ တဲ့ ဝင်ငွေမှာ ကန်ဒေါ်လာ ၂၆ သန်းနီးပါးရရှိပါတယ်။ ယခင်ဘဏ္ဍာနှစ် ကာလတူမှာ တန်ချိန် ၂၅၀၀၀ ကျော်တင်ပို့ခြင်းမှ ကန်ဒေါ်လာ ၁၉ သန်းခန့်ရှိလို့ ယခုနှစ် ကာလတူမှာ တင်ပို့မှု ပမာဏရော ဝင်ငွေပါ ပိုမိုရရှိတာတွေ့ရပါတယ်။
ပြည်ဈေးကွက်အတွင်း အခြားပဲသီးနှံအချို့မှာ ဈေးမြင့်လာမှုရှိခဲ့သော်လည်း ပဲတီစိမ်းသီးနှံကတော့ ဈေးငြိမ် လျက်ရှိခဲ့ပါ တယ်။ ဈေးကွက်အတွင်း ပဲလက်ကျန် အဟောင်းများ နည်းလာခဲ့ပြီဖြစ်ပြီး၊ ပဲအဝင်လည်းမရှိခဲ့တာကြောင့် လက်ကျန်ပဲများ သာ ဝယ်လက်အပေါ် မူတည်ပြီးအရောင်းအဝယ်ဖြစ်နေခဲ့ပါတယ်။ ဝယ်ယူမှုအနေ နဲ့ နေ့တိုင်းအဝယ်မရှိဘဲ အဝယ်ရှိတဲ့ရက်မှာ အိတ် ၂၀၀ ကျော်ရောင်းဝယ်ခဲ့ကြ သလို ဈေးနှုန်းကတော့ တစ်တင်း ၁၅၅၀၀ ကျပ်နဲ့ ဈေးငြိမ်နေလျက်ရှိတာ ကို တွေ့ရပါ တယ်။ ခင်ဆွေဝင်း
အိန္ဒိယပြည်တွင်း လက်ရှိမိုးပဲစိုက်ရာသီမှာ ပဲတီစိမ်းစိုက်ဧရိယာက ယခင် နှစ်ထက် လျော့ကျနေတဲ့အတွက် တင်သွင်း ပဲတီစိမ်းဈေးအနည်းငယ်တိုးလာခဲ့ပါ တယ်။ ဝယ်လိုအား အသင့်အတင့်ရှိပြီး ပဲဝင်ရောက်မှုပုံမှန်ရှိနေတဲ့ အတွက် ပြည် တွင်းထွက် ပဲတီစိမ်းဈေးကတော့ အပြောင်းအလဲနည်းတာ တွေ့ရပါတယ်။ အင်ဒရာ ပရာဒေ့ရှ်မှာလက်ရှိအချိန်ထိ ပဲတီစိမ်းစိုက်ပျိုးမှုက ယခင်နှစ်ကာလတူထက် ၇ ဒသမ ၈၉ ရာခိုင်နှုန်းလျော့ကျပြီး ဟက်တာ ၃၈၀၀၀ စိုက်ပျိုးထားကြောင်း သိရပါတယ်။ ဇွန် ၂၆ ရက်အထိ တစ်ပတ်အတွင်း မွန်ဘိုင်းဆိပ်ကမ်းကို တန်ဇန်းနီးယား ပဲတီစိမ်း ခွဲခြမ်း ကွန်တိန်နာ ၂၉ လုံး၊ ရိုးရိုးပဲတီစိမ်း ၅ လုံး၊ သြစတြေးလျပဲတီစိမ်း ၅၀ လုံး၊ မြန်မာပဲတီစိမ်း ၃ လုံး အသီးသီးဝင်ရောက်ကြောင်း သိရပါတယ်။ ဈေးကွက်တွေမှာ ဖြစ်ပေါ် တဲ့ ဈေးနှုန်းများ နှိုင်းယှဉ်ဖော်ပြလိုက်ပါတယ်-
မြန်မာ-တရုတ်နယ်စပ်ရှိ မူဆယ် ၁၀၅ မိုင် ကုန်သွယ်ရေးဇုန်မှ ကန်ဒေါ်လာ ၂ ဒသမ ၈၁၁ သန်းတန်ဖိုးရှိ ပဲတီစိမ်း ၄၁၉၅ တန်ကို ဇွန်လ ၂၀ ရက်မှ ၂၆ ရက်ထိကာလအတွင်းမှာ တစ်ဖက်နိုင်ငံသို့ တင်ပို့နိုင်ခဲ့ပါတယ်။ ယခင်အပတ်တင်ပို့မှု နဲ့နှိုင်းယှဉ်လျှင် ၁၂၈၁ တန် ယခုအပတ်မှာ ပိုမိုတင်ပို့နိုင်ခဲ့ပါတယ်။ မိမိဘက်မြေပြင် ဈေးမြင့်တက်လျက်ရှိသော်လည်း တစ်ဘက်နိုင်ငံဈေး ပြောင်းလဲမှုမရှိပါဘူး။ ငွေလဲ နှုန်းကြောင့်သာ အနည်းငယ်လျော့နည်းခဲ့တာ ဖြစ်ပါတယ်-
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ပဲတီစိမ်း၊ ပဲတီရွှေဝါ အရောင်းအဝယ်ဖြစ်မှု လျော့ကျနေ ပါတယ်။ ပြည်တွင်းမှာ လက်ကျန် နည်းလာပြီ ဖြစ်သလို ပြည်ပကလည်း ဝယ်လိုအားနည်းနေပါတယ်။ ဗီယက်နမ်မှ တစ်ဆင့် တရုတ်ကို တင်ပို့မှုလည်း လျော့ကျလာတဲ့အတွက် အရောင်းအဝယ်လည်း လျော့ကျလာကြောင်း သိရပါတယ်။
ပင်လယ်ရေကြောင်းက ပဲတီစိမ်းတင်ပို့မှုမှာ တန် ၃၀၀၀ အောက်မှာ မှန်မှန်သာ တင်ပို့နေပါတယ်။ ယခင်တစ်ပတ်က တန်ချိန် ၂၃၀၀ ကျော်တင်ပို့ခဲ့ပြီး ယခုတစ်ပတ် ဇွန် ၁၈ ရက်မှ ၂၂ ရက်အတွင်းမှာတော့ တန်ချိန် ၂၉၀၀ ကျော် တင်ပို့မှုရှိခဲ့ကြောင်း သိရပါတယ်။ ပြည်ပဝယ်လက်အနည်းငယ်သာရှိတဲ့အတွက် တင်ပို့မှုမှာလည်း နည်း နေတာဖြစ်ပါတယ်။
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ ကန်ဒေါ် လာ သုည ဒသမ ၀၃၆ သန်းတန်ဖိုးရှိ ပဲလွန်းဖြူ ၅၂ တန်ကျော်ကို ဇွန်လ ၂၀ ရက်မှ ၂၆ ရက်ထိကာလအတွင်းမှာ အပို့ ရှိခဲ့ပါတယ်။ ယခုအပတ်မှာ မိမိ ဘက်မြေပြင်ပဲလွန်းဖြူဈေး မြင့်တက် လျက်ရှိတယ်လို့ သိရပါတယ်-
ပြည်တွင်းဈေးကွက်မှာ ဝယ်လို အားကောင်းနေတဲ့ ပဲလွန်းဖြူက လက် ကျန် နည်းပါးလာပြီဖြစ်ပါတယ်။ ဒါ ကြောင့်လည်းယခုလပိုင်းတွေမှာ ပဲလွန်း ဖြူ တင်ပို့မှုရော FOB ရောင်းဝယ်မှုပါ ကျဆင်းလာခဲ့ပါတယ်။ ပင်လယ်ရေ ကြောင်း တင်ပို့မှုအနေနဲ့ ဇွန် ၁၈ ရက်မှ ၂၂ ရက်အထိ တစ်ပတ်အတွင်း ပဲလွန်းဖြူ တန်ချိန် ၄၂၀ ကျော်သာ တင်ပို့နိုင်ခဲ့ပါတယ်။
မုံရွာကုန်စည်ဒိုင် ဇွန်လစတုတ္ထပတ် ပဲစင်းငုံနီဈေးကွက်မှာ ရန်ကုန်ကုန်သည်နဲ့ ဒေသခံကုန်သည်တွေ ပစ္စည်းဖြည့်ဖို့ အဝယ်လိုက်လာတဲ့အတွက် နေ့စဉ်တက်ဈေးနဲ့ အရောင်းအဝယ်ဖြစ်လျက်ရှိတယ်လို့သိရပါတယ်။ ပြီးခဲ့တဲ့ မေ ထဲမှာ တစ်တင်း ၁၄၀၀၀ ကျပ်သာ အမြင့်ဆုံးပေါက်ဈေးဖြစ်ခဲ့ရာက ဇွန်လထဲမှာတော့ ပထမပတ် အတွင်းတစ်တင်း ၁၄၁၀၀ ကျပ်၊ဒုတိယပတ် အတွင်းတစ်တင်း ၁၄၇၀၀ ကျပ်၊ တတိယပတ်အတွင်းတစ်တင်း ၁၅၇၀၀ ကျပ်နဲ့ စတုတ္ထပတ်အတွင်းတစ်တင်း ၁၆၈၀၀ ကျပ်ထိ အသီးသီးအမြင့်ဈေးဖြစ်ပေါ်ခဲ့တာတွေ့ရပါတယ်။