Background
မြင်းခြံခရိုင်အတွင်း ပဲစင်းငုံစိုက်ဧက ၂ သိန်း ၇ သောင်းစိုက်ပျိုးမှုရှိကြောင်း သိရပါတယ်။ ယခုနှစ်မှာ မိုးကောင်းပြီး ပွင့်အားကောင်းတာကြောင့်ယခင်နှစ်ကထက်အထွက်နှုန်း ၂ ဆပိုလာနိုင်ကြောင်း စိုက်ပျိုးသူ တောင်သူများထံမှသိရပါတယ်။
မန္တလေးတိုင်းဒေသကြီး ပြင်ဦးလွင်ခရိုင်အတွင်း မိုးပဲစင်းငုံအားစိုက်ဧက ၁၄၀၀၀ ကျော် စိုက်ပျိုးထားခဲ့ရာ ယခုအခါ ရာသီဥတုအခြေအနေကြောင့်အောင်မြင်ဖြစ်ထွန်းလျက်ရှိကြောင်း၊ စဉ့်ကူးမြို့နယ်မှ ပဲစင်းငုံစိုက်တောင်သူတစ်ဦးရဲ့ ပြောပြချက် အရသိရှိရပါတယ်။
အိန္ဒိယဈေးကွက်တချို့ကို ပဲအသစ်များဝင်ရောက်မှု ရှိပေမဲ့ ဝယ်လိုအားနည်း တာကြောင့်ဈေးကျဆင်းခဲ့ရာမှ အရောင်းအဝယ်အသင့်အတင့်ပြန်ဖြစ်ခဲ့လို့ ဈေးပြန် မာလာခဲ့ပါတယ်။ အမ်ရာဝါတီ ပဲစင်းငုံများ စတင်ရိတ်သိမ်း နေပြီဖြစ်ပါတယ်။ ဒါပေမဲ့ ဒေလီဈေးကွက်ကိုတော့ ထရပ်ကားတစ်စီးသာ အဝင်ရှိခဲ့တယ်လို့ သိရပါ တယ်။
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် ၤဥြ ဈေးကွက်မှာ ယခု တစ်ပတ်လည်း ပဲစင်းငုံကို တောက်လျှောက်အဝယ်ရှိနေပါတယ်။ ယခင်တစ်ပတ်က တန်ချိန် ၄၃၀၀ ခန့် အရောင်းအဝယ်စာချုပ်နိုင်ခဲ့ပြီး ယခုတစ်ပတ် (ဒီဇင်ဘာလ ၂၃ မှ ၂၉ ရက်) အတွင်းမှာ တန်ချိန် ၆၅၀၀ ကျော် အရောင်းအဝယ်စာချုပ်နိုင် ခဲ့တယ်လို့ သိရပါတယ်။
ပင်လယ်ရေကြောင်းက ပဲစင်းငုံတင်ပို့မှုကတော့ ယခုတစ်ပတ်မှာလည်း ပုံမှန် တင်ပို့နေပါတယ်။ အိန္ဒိယဝယ်လက်တွေ အဝယ်ဆက်ရှိနေတဲ့အတွက် မှန်မှန်တင်ပို့ မှုရှိနေပြီး ဒီဇင်ဘာလ ၁၉ ရက်မှ ၂၃ ရက်အတွင်း တန်ချိန် ၆၉၀၀ ခန့်တင်ပို့ခဲ့ပါ တယ်။
ပြည်ပဲဈေးကွက်မှာ မတ်ပဲအရောင်းအဝယ်အေးလျက်ရှိပြီး၊ တစ်တင်းကို ၁၃၂၀၀ ကျပ်သာရှိတယ်လို့သိရပါတယ်။အချို့ပွဲရုံတွေကတော့ ပဲဈေးက မကောင်း လို့ ပဲထုတ်ရောင်းချမှုမရှိတဲ့အတွက် ပွဲရုံတိုင်းမှာ အရောင်းအဝယ် မဖြစ်ဘူးလို့ သိရပါတယ်။
အိန္ဒိယပြည်တွင်းဈေးကွက်တချို့ကို မတ်ပဲဝင်ရောက်မှု ဆက်လက်ရှိနေပြီး ဝယ်လိုအားပါးနေတဲ့အတွက် ယခုတစ်ပတ်မှာလည်း ဈေးဆက်လက်ကျဆင်းနေပါ တယ်။ ဒါ့အပြင် ဒေလီဈေးကွက်မှာ မတ်ပဲအိတ် ၂ သိန်း ဝန်းကျင် သိုလှောင် ထားရှိပြီး လှောင်လက်များမှ ထုတ်ရောင်းနေတဲ့အတွက် ဈေးကျဆင်းနေခြင်းဖြစ် တယ်လို့ သိရပါတယ်။
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ယခု တစ်ပတ် မတ်ပဲအရောင်းအဝယ် တက်လာကြောင်းသိရပါတယ်။ ဒီဇင်ဘာလ ၂၀ ရက်မှ ၂၅ ရက်အတွင်း မတ်ပဲ SQ ၊ FAQ စုစုပေါင်း တန်ချိန် ၆၀၀၀ ခန့် အရောင်းအဝယ်စာချုပ်နိုင်ခဲ့လို့ ယခင်တစ်ပတ်အရောင်းအဝယ်ဖြစ်တဲ့ တန်ချိန် ၃၈၀၀ ထက် ပိုမိုရောင်းဝယ်နိုင်ကြောင်း သိရပါတယ်။
ပြည်ပကို မတ်ပဲတင်ပို့မှုက ယခုတစ်ပတ်မှာလည်း ပုံမှန်ပမာဏနဲ့ ဆက်လက် တင်ပို့ နေပါတယ်။ ယခင်တစ်ပတ်က တန်ချိန် ၈၂၀၀ ကျော်ထိ တင်ပို့မှု ရှိခဲ့ပြီး ယခု တစ်ပတ် ဒီဇင်ဘာလ ၁၉ ရက်မှ ၂၃ ရက်အတွင်းမှာ တန်ချိန် ၆၂၀၀ ခန့် တင်ပို့ခဲ့တယ်လို့ သိရပါတယ်။
အိန္ဒိယမွန်ဘိုင်းဈေးကွက် ၂၂-၁၂-၂၀၁၁ (ဒေါ်လာ/တန်) ၂၄-၁၁-၂၀၁၀ ၃၀-၁၁-၂၀၁၀ ပြောင်းလဲမှု မတ်ပဲ ၆၂၈ ၆၀၈ ပဲတီစိမ်းရိုးရိုး ၇၆၃ ၇၇၂ - ပဲတီရွှေဝါ ၈၂၈ ၈၄၈ ပဲစင်းငုံ ၆၂၈ ၆၁၀ ကုလားပဲဖြူလုံးကြီး ၆၀၁ ၆၇၂