Background
ဒီတစ်ပတ်မှာလည်း အောင်ပန်းဈေးကွက်ကို ချင်း(စို)တွေက ပုံမှန်ပဲဝင်ပါတယ်။ သီတင်းကျွတ်ကာလ ဖြစ်တာကြောင့် တောင်သူတွေက အများကြီးမဖော် တော့ဘဲ၊ ငွေလိုသလောက်သာဖော်ပြီး ရောင်းနေတယ်လို့လည်း သိရပါတယ်။ သီတင်း ကျွတ်ပြီးရင်လည်း ပုံမှန်လောက်သာဝင်နိုင်တယ်လို့ ခန့်မှန်းနေကြပါတယ်။ အခုလက်ရှိ ပေါက်ဈေးကို သိပ်မကြိုက်သေးတာကြောင့် တောင်သူတွေက သိပ်ပြီး ဖော်ကြမယ်လို့ မထင်ပါဘူး။ အရင်နှစ်တွေကတော့ ကြိုက်ဈေးရသည်ဖြစ်စေ၊ မရ သည်ဖြစ်စေတစ်နှစ်စာဖော်ကြတာကြောင့် လှောင်လက်တွေက ဝယ်ပြီးလှောင်ထား ကြလို့ရပေမယ့် ဒီနှစ်ကတော့ ဒီလိုအခြေအနေမရှိဘူးလို့ သုံးသပ်နေပါတယ်။ ချင်းက မြေကြီးထဲမှာသာဆိုရင် တစ်ရာသီလုံးထားနိုင်တဲ့ သီးနှံလည်းဖြစ်ပါတယ်။ ချင်း(စို)က ဒီတစ်ပတ်မှာ တစ်ပိဿာ ၃၀၀ ကျပ် ဈေးရှိပါတယ်။ ချင်း(ဥမ)ကတော့ လက်ကျန်နည်းနေပြီလို့ သိရပြီး တစ်ပိဿာကို ၄၀၀ ကျပ် -၄၅၀ ကျပ် ဈေးရှိပါ တယ်။ ချင်း(ခြောက်)ကိုတော့ ရန်ကုန်ဝယ်လက်တွေ ဝယ်ယူနေတာကြောင့် လှောင်လက်တွေ ကလည်း ထုတ်ရောင်းနေကြပါတယ်။ လက်ကျန်ကလည်း အတော်နည်း နေပြီ ဖြစ်တာကြောင့် ဈေးနည်းနည်း တက်လာပြီး တစ်ပိဿာကို ၂၂၀၀ ကျပ် - ၂၃၀၀ ကျပ်ဈေးရှိပါတယ်။ ဧဧခိုင်
ပြည်ပဲဈေးကွက်တွင် စားတော်ပဲမှာ ဈေးကောင်းရနေဆဲဖြစ်ပါတယ်။ ယခင် တစ်ပတ်ဈေးအတိုင်း တစ်တင်းကို ၂၄၀၀၀ ကျပ်ဖြင့် ဈေးငြိမ်ပြီး၊ အရောင်း အဝယ်ဖြစ်တယ်လို့ သိရပါတယ်။ ပြည်ဈေးကွက်သို့ ရန်ကုန်နဲ့ ပြည်ကြားရှိ မြို့နယ် များမှ ဝယ်လက်များ အဝယ်ရှိနေပြီး၊ တစ်နေ့ကို အိတ် ၁၀၀ ကျော်ပုံမှန် အဝယ်ရှိ ခဲ့ပါတယ်။ အခြားမြို့နယ်များမှဝယ်လက်များအပြင် ပြည်မြို့နယ်အတွင်းရှိ လက်လီ ဝယ်ယူသူများမှလည်း နေ့စဉ်အဝယ်ရှိကြောင်း သိရပါတယ်။ ဆုမွန်ဆွေ
ပြည်ဈေးကွက်အတွင်း လက်လီသမားများဖြင့် အရောင်းအဝယ်ဖြစ်ခဲ့တဲ ပဲနီပြားသီးနှံဟာ လက်ကျန် လည်းနည်းလာခဲ့ပြီလို့ သိရပါတယ်။ ပဲနီပြားသီးနှံဟာ ပဲစပေါ်ချိန်ကစပြီး၊ ယခုလက်ကျန်နည်းလာချိန်အထိ လက်ကားရောင်းဝယ်မှုမှာ အနည်းငယ်သာရှိခဲ့ပြီး၊ ဒေသတွင်း မြို့နယ်များမှ လက်လီပြန်လည်ရောင်းချရန် ဝယ်ယူမှုများရှိခဲ့ပါတယ်။ ယခုအောက်တိုဘာလ ဒုတိယပတ်အတွင်း လက်လီဈေး တစ်တင်း ၁၇၀၀၀ ကျပ်ဖြင့် အိတ် ၅၀ ကျော် အရောင်းအဝယ်ဖြစ်ခဲ့တယ်လို့ သိရပါတယ်။ ခင်ဆွေဝင်း
ယခင်တစ်ပတ်က ပြည်ဈေးကွက်တွင် မြို့နယ်အတွင်းရှိ ဘိုကိတ်လက်ကျန် ပဲများနဲ့သာ အရောင်းအဝယ် ဖြစ်ခဲ့ပြီး၊ ဘိုကိတ်လက်ကျန်ရှိတဲ့ ပွဲရုံများမှာ နေ့စဉ် လက်လီသမားများ အဝယ်ရှိခဲ့ကြောင်း သိရပါတယ်။ ယခင်တစ်ပတ်က ပိဿာ ၂၀ တစ်တင်းကို ၁၅၀၀၀ ကျပ်ဈေးရှိခဲ့ရာမှ ယခုတစ်ပတ်မှာတော့ တစ်တင်းကို ၁၃၀၀၀ ကျပ်ဈေးဖြင့် ဈေးပြတ်သွားတယ်လို့ သိရပါတယ်။ ပြည်ဈေးကွက်တွင် လက်လီသမားများဖြင့် အရောင်း အဝယ်ဖြစ်ခဲ့သော ဘိုကိတ်မှာ ယခုတစ်ပတ် မှာတော့ လက်ကျန်မရှိတော့တာကြောင့် ဈေးကွက်မှာ ဘိုကိတ် အရောင်းအဝယ် မဖြစ်တော့ဘူးလို့ သိရပါတယ်။ ဆုမွန်ဆွေ
ပင်လယ်ရေကြောင်းက တင်ပို့မှုမှာ ယခုသီတင်းပတ် မြေထောက်ပဲတင်ပို့မှု ပိုမိုပြီး ထောပတ်ပဲတင်ပို့မှု လျော့ကျလာတာတွေ့ရပါတယ်။ အောက်တိုဘာလ ၂ ရက်မှ ၇ ရက်အတွင်း မြေထောက်ပဲ တန်ချိန် ၄၈၀ ကျော် တင်ပို့ခဲ့ပြီး ထောပတ်ပဲမှာ တန် ၁၀၀ ခန့်သာရှိလို့ ယခင်သီတင်းပတ် တင်ပို့ခဲ့တဲ့ မြေထောက်ပဲ တန် ၄၁၀ ကျော်နဲ့ ထောပတ်ပဲ တန်ချိန် ၂၀၀ ခန့်နဲ့ ယှဉ်ရင် မြေထောက်ပဲပိုတင်ပြီး ထောပတ်ပဲ တင်ပို့မှု ကျဆင်းခဲ့ပါတယ်။ FOB ဈေးကွက်မှာ အရောင်းအဝယ်ဖြစ်မှုအနေနဲ့ အောက်တိုဘာလ ၇ ရက် မှ ၁၃ ရက်အတွင်း မြေထောက်ပဲ တန်ချိန် ၁၃၃ တန်သာ ဖြစ်ခဲ့ပြီး ထောပတ်ပဲ အရောင်းအဝယ်မဖြစ်ခဲ့ကြောင်းသိရပါတယ်။ လက်ကျန်နည်းလာပြီဖြစ်လို့ အောက်တိုဘာလ ၁၃ ရက်အထိပထမ ၂ ပတ်အတွင်း မြေထောက်ပဲ တန် ၅၁၅ နဲ့ ထောပတ်ပဲတန်ချိန် ၁၄၀ ခန့်သာ အရောင်းအဝယ်ဖြစ်ကြောင်း သိရပါတယ်။ ရန်ကုန် FOB ဈေးအနေနဲ့ အောက်တိုဘာလ ၁၄ ရက်နေ့မှာ မြေထောက်ပဲ FAQ တစ်တန် ကန်ဒေါ်လာ ၇၄၀-၇၆၀ ရှိပြီး၊ ထောပတ်ပဲ FAQ တစ်တန်ကန် ဒေါ်လာ ၇၃၀-၇၅၀ ရှိကြောင်း သိရပါတယ်။ MIRT-MAPT
ယခု အောက်တိုဘာလ ဒုတိယပတ်အတွင်း ပြည်ဈေးကွက်သို့ ကျောက်ပန်းတောင်း၊ ရေနံချောင်း၊ မကွေးမြို့နယ်များမှ ပဲကြီးဝယ်လက်များ အဝယ်ရှိလာတဲ့အတွက် ပဲကြီးရွှေကျွန်း(ကမ်းနား) နှစ်မျိုးလုံး အရောင်းအဝယ်သွက်ခဲ့ပါတယ်။ စက်တင်ဘာလအတွင်း ဒေသတွင်း ပဲကြော်ဖိုလုပ်ငန်းသမားများက ပုံမှန်အဝယ်ရှိခဲ့ပြီး၊ ပဲကြီးကမ်းနားသာ အရောင်း အဝယ်ဖြစ်ခဲ့သော်လည်း ယခုတစ်ပတ်အတွင်း အခြားတိုင်းဒေသကြီးမှ လက်ကားဝယ်ယူမှုများ ရှိလာတဲ့အတွက် ပဲကြီးရွှေ ကျွန်းမှာ အရောင်းအဝယ်ဖြစ်ခဲ့ခြင်းဖြစ်ပါတယ်။ ဈေးနှုန်းမှာ ပဲကြီးရွှေကျွန်း တစ်တင်း ကျပ် ၁၈၀၀၀ ၊ ကမ်းနား တစ်တင်း ၁၅၀၀၀ကျပ်ဖြင့် တစ်ရက်အိတ် ၄၀၀-၅၀၀ ကျော်အထိ အရောင်းအဝယ်ဖြစ်ခဲ့ကြတယ်လို့ သိရပါတယ်။ ခင်ဆွေဝင်း
ကနေဒါနိုင်ငံရဲ့ ပဲထုတ်လုပ်မှုလျော့ကျပြီး ပြည်ပ တင်ပို့မှုပါ ကျဆင်းဖွယ်ရှိတာကြောင့် ပဲဈေးခိုင်မာနိုင် တယ်လို့ ခန့်မှန်းကြပါတယ်။ အထူးသဖြင့် ပဲလုံးတင်ပို့မှု ကျဆင်းတာကြောင့် စုစုပေါင်း ပဲတင်ပို့မှုဟာ တန်ချိန် ၃ ဒသမ ၇ သန်းကို ယခင်နှစ်ထက် ၂၂ ရာခိုင်နှုန်း ကျဆင်းမယ်လို့ ခန့်မှန်းထားပါတယ်။ စုစုပေါင်း ပြည်တွင်းပဲသုံးစွဲမှုမှာ ၂၀၁၀- ၂၀၁၁ အလားတူ တန်ချိန် သုည ဒသမ ၈ သန်းရှိနိုင်ပြီး လက်ကျန်ပမာဏမှာ တန်ချိန် ၁ ဒသမ ၃သန်းကို ကျ ဆင်းဖွယ်ရှိတယ်လို့ ဆိုပါတယ်။ ဈေးနှုန်းအလားအလာ အနေနဲ့ ရိတ်သိမ်းမှု အခြေအနေ၊ အပူချိန်၊ ငွေကြေးလဲ လှယ်နှုန်းနဲ့ ကမ္ဘာ့သီးနှံထွက်ရှိမှု အခြေအနေများကို စောင့်ကြည့်ရမှာ ဖြစ်ပါတယ်။ ပဲနီလေး ပဲနီလေးအနေနဲ့ အထွက်နှုန်းမှာ ယခင်နှစ် အတိုင်း ဖြစ်နိုင်ပေမဲ့ စိုက်ဧရိယာလျော့ကျတာကြောင့် ထွက်ရှိမှုမှာ ၂၀၁၀-၂၀၁၁ ကထက် ၁၈ ရာခိုင်နှုန်းကျ ဆင်းနိုင်တယ်လို့ ဆိုပါတယ်။ ပဲစိမ်းလုံးထုတ်လုပ်မှုဟာ တန်ချိန် သုည ဒသမ ၆ သန်းကို အနည်းငယ်ကျဆင်း နိုင်ပြီး ပဲနီလေးမှာ တန်ချိန် သုည ဒသမ ၈ သန်းကို ကျဆင်းနိုင်တယ်လို့ ဆိုပါတယ်။ ဒါပေမဲ့ လက်ကျန်များတာကြောင့် ရောင်းချမှုမှာ ၁၇ ရာခိုင်နှုန်း တိုးတက်ပြီး တန်ချိန် ၂ ဒသမ ၄ သန်းရှိမယ်လို့ဆိုပါတယ်။ အထူး သဖြင့် တူရကီနဲ့ တောင်အမေရိကားက ဝယ်လိုအား တိုးတက်တာကြောင့် တင်ပို့မှု တိုးတက်နိုင်တယ်လို့ ခန့်မှန်းခြင်းဖြစ်ပါတယ်။ ကုလားပဲဖြူလုံးကြီး ကုလားပဲဖြူလုံးကြီးအနေနဲ့ ၅ နှစ်အတွင်း ပျမ်းမျှ အထွက်နှုန်းနီးပါး ထွက်ရှိပေမဲ့ ရိတ်သိမ်းဧရိယာလျော့ ကျတာကြောင့် ယခင်နှစ်ထက် ၅၈ ရာခိုင်နှုန်းကျဆင်းပြီး တန်ချိန် ၅၄၀၀၀ ခန့် သာရှိမယ်လို့ ခန့်မှန်းထားပါတယ်။ ကာဘူလီ ကုလားပဲနဲ့ ဒေစီကုလားပဲ နှစ်မျိုးလုံး ၂၀၁၀- ၂၀၁၁ ကထက် အထွက်ကျဆင်းဖွယ်ရှိတယ်လို့ ခန့်မှန်း ထားပါတယ်။ ၂၀၁၀-၂၀၁၁ အတွင်း ဈေးကွက်ပေါက်ဈေး စံချိန်တင် မြင့်တက်ပေမဲ့ ထုတ်လုပ်မှုစရိတ်ကြီးမြင့်ခြင်း၊ ကုလားပဲစိုက်ပျိုးမှု ကရိကထများခြင်းတို့ကြောင့် ၂၀၁၀-၁၁ အတွင်းမှာ အခြားသီးနှံများကို ပြောင်းလဲစိုက်ပျိုးလာကြ ပါတယ်။ စုစုပေါင်းရောင်းချမှု သိသိသာသာ ကျဆင်း နိုင်ပြီး လက်ကျန်လည်း ကျဆင်းတာကြောင့် ပြည်ပတင် ပို့မှုလည်း ကျဆင်းဖွယ်ရှိတယ်လို့ ခန့်မှန်းကြပါတယ်။ သြစတြေးလျနဲ့ တူရကီတို့မှာ ရောင်းချမှုလျော့ကျတာကြောင့် ပျမ်မျှဈေးနှုန်းအနေနဲ့ ပြောင်းလဲမှုမရှိနိုင်ကြောင်း ခန့်မှန်း ကြပါတယ်။ အမေရိကန် ကုလားပဲဖြူလုံးကြီး ထုတ်လုပ် မှုမှာလည်း ရိတ်သိမ်းဧရိယာကျဆင်းတာကြောင့် တန်ချိန် ၈၀၀၀၀ ကို ၁၀ ရာခိုင်နှုန်းခန့် ကျဆင်းဖွယ်ရှိတယ်လို့ ခန့်မှန်းထားပါတယ်။ ယခင်းရွှေစင် Source: Agriculture and Agri- Food
အောက်တိုဘာလ ဒုတိယပတ်မှာ တစ်ပတ်လောက်ရွာနေတဲ့မိုး စဲသွားခဲ့ပေမယ့် မုံရွာကုန်စည်ဒိုင် ပဲဈေးကွက်ကတော့ ဆက်လက်အေးနေခဲ့ပါတယ်။ အထူးသဖြင့် ပြီးခဲ့တဲ့အပတ်တွေက ဝယ်လိုအား အကောင်းဆုံး ဖြစ်တဲ့ V2 ဟာ ဒီတစ်ပတ်မှာ ရန်ကုန် Export ဝယ်လက်ရှိလို့ တစ်နေ့တင်း ၃၀၀ ခန့်သာ အရောင်း အဝယ် အေးသွားခဲ့တယ်လို့ ကုန်သည်ရပ်ကွက်က ကြားသိရပါတယ်။ ၉၂၉ တိုင်ပေနဲ့ ကုလားပဲရိုးရိုးကတော့ ကြာဇံ၊ ပဲမှုန့်နဲ့ ခွဲစက်လိုင်းက ပုံမှန်အဆွဲရှိလို့ တစ်နေ့ တင်း ၁၀၀၀ ခန့်အရောင်းအဝယ်ဖြစ်ခဲ့တယ်လို့ ဆိုပါတယ်။ ဒီတစ်ပတ်ပေါက်ဈေး အနေနဲ့ ဠ၂ တစ်တင်း ၂၃၅၀၀ ကျပ်မှ ၂၄၀၀၀ ကျပ်၊ ၉၂၉ တစ်တင်း ၁၉၂၀၀ ကျပ်မှ ၁၉၅၀၀ ကျပ်၊ တိုင်ပေတစ်တင်း ၁၉၅၀၀ ကျပ်မှ ၁၉၇၀၀ ကျပ်၊ ကုလားပဲ ရိုးရိုးတစ်တင်း ၁၈၅၀၀ ကျပ်မှ ၁၉၀၀၀ ကျပ် အသီးသီးဈေးငြိမ်နေခဲ့ပါတယ်။ ယခုရက်သတ္တပတ်အတွင်း မန္တလေးကို တင်း ၂၀၀၀ ခန့်နဲ့ ရန်ကုန်ကို တင်း ၃၀၀၀ ခန့်သာ ကုန်းလမ်းကနေ စီးဆင်းသွားခဲ့တယ်လို့ သိရပါတယ်။ ထွန်းလှိုင်
အိန္ဒိယလက်ငင်းဈေးကွက်မှာ ကုလားပဲပေါက်ဈေးဟာ ကြိုပွိုင့်ဈေးနဲ့ယှဉ်ရင် ပိုမိုနေတယ်လို့ သိရပါတယ်။ လက်ငင်းဈေးတည်ငြိမ်နေပေမယ့် တင်သွင်းထားတဲ့ ကုလားပဲဖြူလုံးကြီးများနဲ့ အခြားပဲများ စတင်ဝင်ရောက်နေ တာကြောင့် လက်ငင်း ဈေး လျော့ကျမှုဖြစ်လာနိုင်တယ်လို့ ခန့်မှန်းထားကြောင်း သိရပါတယ်။ စက်တင် ဘာလ ၂၇ ရက်နေ့ ကြိုပွိုင့်ဈေး တစ်တန်ကိုရူပီး ၃၆၆၁၀ (ကန်ဒေါ်လာ ၇၄၄) ထိမြင့်တက်ခဲ့ရာမှ အောက်တိုဘာလ ၁၃ ရက်နေ့မှာ ၁၅ ဒသမ ၄ ရာခိုင်နှုန်း ကျဆင်းပြီး၊ တစ်တန် ရူပီး ၃၀၉၇၀(ကန်ဒေါ်လာ ၆၃၀)ဖြစ်လာခဲ့ပြီး၊ လက်ငင်း ဈေးမှာ ယင်းကာလအတွင်း ရူပီး ၃၆၂၅၀ (ကန်ဒေါ်လာ ၇၃၇)မှ ရူပီး ၃၂၅၈၀ (ကန်ဒေါ်လာ ၆၆၂) ကို ၁၀ ဒသမ ၁ ရာခိုင်နှုန်းကျဆင်းခဲ့တယ်လို့ သိရပါတယ်။ ဒါပေမယ့် ဒီပါဝလီပွဲတော်ပြီးရင်စတင်မယ့်ဆောင်းရာသီစိုက်ပျိုးမှုမှာ ကုလားပဲ စိုက်ဧက ပိုမိုစိုက်ပျိုးဖို့ လက်ရှိဈေးနှုန်းက တောင်သူတွေကို အားဖြည့်ပေးနေ တယ်လို့ အိန္ဒိယပဲမျိုးစုံနဲ့ သီးနှံအသင်း ဒုတိယဥက္ကဌ Bimal Kothari က ပြောကြားပါတယ်။ ကုလားပဲဟာ ဆောင်းရာသီရဲ့ အဓိက သီးနှံဖြစ်ပါတယ်။ ရာဂျက်စသန်အစိုးရဟာ ကုလားပဲသိုလှောင်မှု ပမာဏ ကန့်သတ်တာကို လည်း ဆောင်ရွက်ခဲ့ရာ ကြိုပွိုင့် ဈေးကွက်များအပါအဝင် ဈေးနှုန်းပြင်ဆင်ပြောင်းလဲ မှုများ ရှိလာပါတယ်။ ကုလားပဲသစ်များ ဖေဖော်ဝါရီလအစပိုင်းမှာ ဝင်ရောက်မှာဖြစ်ပြီး၊ ပြည်တွင်း စားသုံးမှု ပြည့်မီဖို့ တန်ချိန် ၁ သန်းခန့် လိုအပ်မှာဖြစ်တဲ့အနက် တစ်ဝက်ခန့်မှာ တင်သွင်းမှုတွေလုပ်နေတယ်လို့ဆိုပါတယ်။ တင်သွင်းပဲများ စတင်ဝင်ရောက် ရောင်း ချပါက လက်ငင်းဈေးလည်း ပြောင်းလဲလာနိုင်တယ်လို့ ကုန်သည်တစ်ဦးမှ ဆိုပါတယ်။ ယမင်းခင် ၊Source: commodityonline
အိန္ဒိယပြည်တွင်း လက်ငင်းဈေးကွက်များမှာ ယခုသီတင်းပတ်မှာ ကုလားပဲဖြူ လုံးကြီးဈေးခိုင်မာလျက် ရှိပါတယ်။ ဈေးကွက်များကို ပဲဝင်ရောက်မှု ရှိပေမဲ့ လှောင်လက်များ အဝယ်တက်တာကြောင့် ဈေးခိုင်မာနေတာ ဖြစ်ပါတယ်။ ဒါပေမဲ့ ဆောင်း ပဲ စိုက်ပျိုးမှု တိုးတက်ဖွယ်ရှိခြင်းကြောင့် ပဲအထွက်အလားအလာကောင်းမယ့် အခြေ အနေအရ လာမယ့်ရက်တွေမှာ ဝယ်လိုအားနည်းနိုင်တာကြောင့် ဈေးမြင့်တက်မှု တန့်နိုင်တယ်လို့ ခန့်မှန်းကြပါတယ်။ ဈေးကွက်များမှာ ဖြစ်ပေါ်တဲ့ ဈေးနှုန်းများ နှိုင်းယှဉ် ဖော်ပြလိုက်ပါတယ် ဒေါ်လာ/ တန်ဈေးကွက် ၁၃-၁၀-၁၁ ၁၂-၁၀-၁၁ ၁၁-၁၀-၁၁ ၁၀-၁၀-၁၁ဒေလီ ၆၆၃-၆၇၃ ၆၅၄-၆၅၉ ၆၅၀-၆၅၅ ၆၄၃ကန်ပါ ၇၁၄ ၇၀၅-၇၁၀ ၇၁၆ ၇၀၅အာကိုလာ ၇၃၅ ၇၂၀ ၇၁၆ ၇၁၅MIRT(MAPT)