မန်းဈေးကွက်က ပဲကြီးသစ် အမြင့်ဈေးနဲ့နေ             ဒေသတွင်းရှိ ကျောက်ဆည်၊ မတ္တရာတို့မှ သီးနံှအသစ်များထွက်ရှိလာပြီး၊ ရှမ်းပြည်နယ်တောင်ပိုင်းကလည်း ဝင်ရောက်လာတာတွေ့ရပါတယ်။ စစ်ကိုင်းတိုင်း မုံရွာမှလည်း ဒီတစ်ပတ်အတွင်း ဒေသတွင်းသို့ ပဲကြီးသစ် အိတ် ၂ဝဝ ခန့်ဝင်လာတာ တွေ့ရပါတယ်။ တိုင်းတွင်းဒေသများဖြစ်တဲ့ ကျောက်ဆည်နဲ့မတ္တရာတို့က ထွက်တဲ့ ပဲမှာ အလုံးသေးပြီး ပစ္စည်းလှတယ်လို့သိရပါတယ်။ ရန်ကုန်ကို တစ်ပတ်အတွင်း အိတ် ၂ဝဝ ခန့် စီးဆင်းသွားပါတယ်။ ပဲကြီး ၃ တင်းတစ်အိတ်ကို အသစ်က ၆၅ဝဝဝ ကျပ်နဲ့ အဟောင်းက ၆ဝဝဝဝ ကျပ်ဈေးနဲ့ ရောင်းဝယ်နေကြကြောင်း သိရပါတယ်။ ချိုချိုမြင့်

ဒေသတွင်းသာ အရောင်းအဝယ်ဖြစ်တဲ့ ပဲနောက်             ပဲခူးတိုင်းဒေသကြီးအနောက်တွင် ပဲနောက်သီးနံှမှာ အခြားသော ဆောင်းသီးနံှ ပဲများလောက်စိုက်ပျိုးမှု မများဘဲ ပြည်ခရိုင်အတွင်းမြို့နယ်များနဲ့ သာယာဝတီခရိုင်အတွင်းရှိ မိုးညိုမြို့နယ်တွင်သာ စိုက်ပျိုးမှုရှိခဲ့ပါတယ်။ စုစုပေါင်း စိုက်ဧက ၁ သောင်းကျော်ခန့် စိုက်ပျိုးခဲ့ပြီး အထွက်နှုန်းအနေဖြင့် တစ်ဧက ၁၄ တင်း အထိထွက်ရှိခဲ့ကြောင်း သိရပါတယ်။ ပဲနောက်သီးနံှကို အခြားတိုင်းသို့ တင်ပို့ ရောင်းချနိုင်ခြင်းမရှိဘဲ ဒေသတွင်းသာ ရောင်းဝယ်မှု ရှိကြပါတယ်။ ပဲနောက် ဈေးနှုန်းမှာ ယခင်နှစ်က ဇန်နဝါရီလအတွင်း တစ်တင်း ၃၉ဝဝဝ ကျပ်ထိ ဈေးကောင်း ရရှိခဲ့ပါတယ်။ ယခုနှစ်မှာတော့ တစ်တင်း ၂၈ဝဝဝ ကျပ်ဖြင့်သာ အရောင်းအဝယ် ဖြစ်ခဲ့ကြတယ်လို့ သိရပါတယ်။          ခင်ဆွေဝင်း

မန်းမြေထောက်ပဲသစ် အဆွဲအေးလို့ ဈေးအေး                   မန်းဈေးကွက်ကို ဗန်းမော်၊ ကသာ၊ ထီးချိုင့်၊ ကလေးဝဒေသများမှ ထွက်ရှိတဲ့ မြေထောက်ပဲများ စီးဝင်နေတာတွေ့ရပါတယ်။ စီးဝင်နေတဲ့ မြေထောက်ပဲတွေကို ရန်ကုန်ဝယ်လက်များကသာ အဓိကထားဝယ်ယူပြီး ဒေသတွင်းမှာ အနည်းငယ်သာ အသုံးပြုတာတွေ့ရပါတယ်။ ယခုတစ်ပတ် ရန်ကုန်ဝယ်လက်တွေ အဝယ်အေး လာလို့ ဈေးအေးလာတာဖြစ်ပြီး ယခင်တစ်ပတ်က မြေထောက်ပဲ တစ်ပိဿာ ၈၃၃ ကျပ်(တစ်တန် ၅၁ဝဝဝဝ ကျပ်) ရှိပြီး ယခုတစ်ပတ်မှာ တစ်ပိဿ ၇၅၉ ကျပ်( တစ်တန်ကို ၄၆၄၈ဝဝ ကျပ်) ဈေးတို့နဲ့ အရောင်းအဝယ် ဖြစ်နေ ကြပါတယ်။ ယခုတစ်ပတ်အတွင်းမှာ ဈေးကွက်အတွင်းကို မြေထောက်ပဲသစ်များ အဝင်များနေပေမဲ့ ရန်ကုန်ဝယ်လက်အေးသွားတာကြောင့် ဈေးအေးလာပြီး အရောင်းအဝယ်လည်း အေးလာတာဖြစ်တယ်လို့ ကုန်သည်များက ပြောပါတယ်။                                                                   ကျော်ကျော်မိုး

အိန္ဒိယကုလားပဲဈေးဆက်တိုက်ကျဆင်းခဲ့ရာမှ ပြန်လည်မြင့်တက်               အိန္ဒိယပြည်တွင်းလက်ငင်းဈေးကွက်တွေမှာ အစောပိုင်းရက်တွေက ကုလားပဲ ဈေးဆက်တိုက်ကျဆင်းခဲ့ရာမှ မတ်လ ၁ ရက်မှာတော့ ပဲခွဲစက်များနဲ့ လှောင်လက်အချို့ အဝယ်ရှိလာလို့ ဈေးပြန်လည်မြင့်တက်လာခဲ့တယ်လို့ သိရပါ တယ်။ ယခင်ရက်တွေက ဆက်တိုက်ကျဆင်းလာခဲ့ခြင်းက အချို့ဝယ်လက်တွေ အဝယ် ပြန်ထွက်ဖို့ ဖန်တီးခဲ့သလို ဖြစ်တာကြောင့် လက်ငင်းရော၊ ကြိုပွိုင့်ပါ မြင့်တက်လာခဲ့ခြင်းဖြစ်တယ်လို့ သိရပါတယ်။ မဒ္ဒရာပရာဒေ့ရှ်မှာ ပဲရိတ်သိမ်းမှု ပြီးစီးပြီဖြစ်ပြီး ေြွခလှေ့နေပြီဖြစ်လို့ ကာလတိုအတွင်း ဈေးကွက်တွေထဲ ဝင်လာတော့မှာဖြစ်သလို ရာဂျက်စသန်မှာ လည်း ၁ဝ ရက်အတွင်း ရိတ်သိမ်းမှု စတင်တော့မှာဖြစ်လို့ တစ်လအတွင်း ပဲအသစ်တွေ လှိုင်လှိုင်ဝင်လာတော့မှာ ဖြစ်ပါတယ်။ ပဲအသစ်ဝင်ရောက်မှု တိုးတက်သလို အခြားပဲတွေ ဈေးကွက်အတွင်း ဝင်ရောက်လာနေတာကြောင့် လာမယ့်ရက်တွေမှာ ကုလားပဲဈေး ကျဆင်းဖွယ် ရှိတယ်လို့ ခန့်မှန်းကြပါတယ်။ ဒေလီလက်ငင်းဈေးကွက်မှာ မတ်လ ၃ ရက် ကုလားပဲတစ်တန်ကို ရူပီး ၂၅၂၆၆ (ကန်ဒေါ်လာ ၅၅၈) နဲ့ အရောင်းအဝယ်ဖြစ် တယ်လို့ သိရပါတယ်။ ယမင်းခင်၊ ှSource: Angel Commodities