Background
ဆိုဈေးမာနေတဲ့ ဗမာနနွင်းတက် ကျောက်ဆည်၊ မြစ်သားနယ်မှ ထွက်ရှိသော ဗမာနနွင်းတက်မှာ အသစ်စတင်ထွက်ရှိလာသော်လည်း ယခုရက်ပိုင်း အရောင်းအေးနေတယ်လို့ သိရပါတယ်။ ပြီးခဲ့တဲ့ နှစ်က သီးနံှပေါ်စမှစလို့ ဈေးကောင်းရ အဝယ်လိုက်ခဲ့သော်လည်း ယခုနှစ် ပြည်ပဈေးကွက်တစ်ခုဖြစ်တဲ့ အိန္ဒိယမှာ အထွက်ကောင်းတာကြောင့် အဝယ်အေးနေခြင်းဖြစ်တယ်လို့ နနွင်းတက် ကုန်သည်တစ်ဦးရဲ့ ပြောကြားချက်အရ သိရပါတယ်။ လက်ရှိဈေးကွက် အနေအထားကတော့ အဝယ်မလိုက်သော်လည်း တောင်သူက ဈေးတင်းခံနေတဲ့အတွက် တောင်သူဆိုဈေး တစ်ပိဿာ ၃ဝဝဝ ကျပ်ရှိတယ်လို့ နနွင်းတက် အရောင်း အဝယ်ပြုလုပ်နေသူ တစ်ဦးရဲ့ ပြောကြားချက်အရ သိရပါတယ်။ သင်းးသင်းးမြတ်
အင်းစနနွင်း ဈေးကွက်စဝင် ရှမ်းပြည်နယ်တောင်ပိုင်းမှာ နနွင်းကို အင်းလေးဒေသရဲ့ အရှေ့ဖက်တစ်ကြောမှာလည်း အတော်များများ စိုက် ပျိုးကြပါတယ်။ ရှမ်းပြည်နယ်တောင်ပိုင်းမှာ ဆင်တောင်နနွင်း၊ ဟိုပုံးနနွင်းပြီးရင် အင်းလေးနနွင်းကလည်း ဈေးကွက်ဝင်ပါတယ်။ ပင်လောင်းနနွင်းကတော့ အဖြူများတာကြောင့် လူကြိုက်နည်းပြီး ရောင်းပန်းသိပ်မလှပါဘူး။ ယခုလောလောဆယ် ဈေးကွက် မှာတော့ အင်းစလို့ခေါ်တဲ့ နနွင်းတွေက ဈေးကွက်ကို ဝင်လာနေပါပြီ။ အင်းလေးအရှေ့ဖက်ခြမ်းမှာစိုက်တဲ့ နနွင်းက တစ်ရာသီကို ပိဿာချိန် ၈ သိန်း၊ ၉ သိန်းခန့်ထွက်ပါတယ်။ အင်းစနနွင်းက တစ်ပိဿာ ၁၇ဝဝ ကျပ်ဈေးရှိပါတယ်။ အောင်ပန်းဈေးကွက်မှာ ရွာငံနယ်က ဝင်တဲ့ ပြိုင်စနဲ့ အောင်ပန်းနယ်တစ်ဝိုက်က ဝင်နေတဲ့ ရိုးရိုးစတွေကတော့ တစ်ပိဿာ ၂ဝဝဝ ကျပ်-၂၂ဝဝ ကျပ်၊ ဆင်တောင်နနွင်းက တစ်ပိဿာ ၃၂ဝဝ ကျပ်ဈေးရှိပါတယ်။ ဆင်တောင်နနွင်းကတော့ လက်ကျန်နည်းနေပြီလို့ သိရပါတယ်။ နနွင်းကလည်း ချင်းလိုပါပဲ။ မတ်လကုန် ဧပြီလမှသာ အဝင်လှိုင်လာမှာဖြစ်ပါတယ်။ ပြည်ပဝယ်လက်မရှိပေမဲ့ ပြည်တွင်း သုံးအတွက် မန္တလေး၊ မြင်းခြံ၊ မိတ္ထီလာဖက်က ဝယ်ယူနေကြတယ်လို့ သိရပါတယ်။ ဒီတစ်ပတ် တောင်ကြီးဈေးကွက်မှာ နနွင်း တစ်ပိဿာ ၂ဝဝဝ ကျပ်ဈေးရှိပါတယ်။ ဧဧခိုင်
ယခုအပတ်မူဆယ်မှ နနွင်းတက်ဆက်လက်တင်ပို့ ဖေဖော်ဝါရီလ ၁၆ ရက်မှ ၂၂ ရက်ထိ ကာလအတွင်း မူဆယ် ၁ဝ၅ မိုင်ကုန်သွယ်ရေးဇုန်နှင့် စစ်တွေနယ်စပ်တို့မှ ကန်ဒေါ်လာ ၂၃ဝဝဝ တန်ဖိုးရှိ နနွင်းတက် ၁၃ တန်ခန့်တင်ပို့နိုင်ခဲ့ပါတယ်။ ယခင်အပတ်က ၈ တန်ခန့်တင်ပို့ခဲ့တာမို့ ယခု အပတ်မှာ ၅ တန်ကျော် ပိုမိုတင်ပို့နိုင်ခဲ့ပါတယ်။ ယခုအပတ်မှာ မူဆယ်မှ နနွင်းတက် ၁၂ တန် နီးပါးနဲ့ စစ်တွေမှာ ပုံမှန်အတိုင်း ၁ တန်သာ တင်ပို့ခဲ့တာ ဖြစ်ပါတယ်။ တင်တင်ထွန်း (MIRT)
တရုတ်ချင်းဈေးအပြောင်းအလဲက ထိုင်းပို့ကုန် ယှဉ်ပြိုင်နိုင်စွမ်းကို အကျိုးသက်ရောက်နေ လက်ရှိအချိန်ဟာ ထိုင်းနိုင်ငံရဲ့ ချင်းအသစ်ထွက်ရှိမှုနဲ့ တင်ပို့မှုအမြင့်ဆုံး ရာသီပဲဖြစ်ပါတယ်။ ဒါပေမဲ့ တရုတ်နိုင်ငံနဲ့ ယှဉ်ရင် ဈေးနှုန်းမြင့်တက်မှုက ထိုင်းချင်း ယှဉ်ပြိုင်မှုကို များစွာလျော့ကျစေပါတယ်။ ဈေးနှုန်းကွာဟမှုအပေါ် လွှမ်းမိုးနေတဲ့ အချက်များစွာထဲမှာ ရာသီဥတုနဲ့ စိုက်ပျိုးမှုလျော့ကျခြင်းတို့ ပါဝင်သလို အရေးပါတဲ့ အချက်တစ်ခု ကတော့ ဈေးကစားခြင်းနဲ့ သိုလှောင်ထိန်းသိမ်းခြင်းတို့ပဲဖြစ်ပါတယ်။ ကြက်သွန်ဖြူ၊ ပဲတီစိမ်းနဲ့ အခြားစိုက်ပျိုးရေးထုတ်ကုန်တွေလိုပဲ ချင်းကို လည်း တရုတ်နိုင်ငံမှာ ဈေးကစား ကြတယ်လို့ ဆိုပါတယ်။ ဈေးကစားသူတွေဟာ ပထမအဆင့်အနေနဲ့ ဈေးအနိမ့်နဲ့ ချင်းအမြောက်အမြား ဝယ်ယူသိုလှောင်ခြင်းဖြင့် မြေပြင်မှာ ဝယ်လိုအားတက်လာအောင်လုပ်ကြတယ်။ အဲဒီနောက် ဈေးအမြင့်နဲ့ အမြောက်အမြားဝယ်ယူလိုတဲ့ ပုံစံနဲ့ ဈေးမြှောက်တင်တယ်။ ဈေးတက်လာတာနဲ့ ၎င်းတို့ရဲ့ လက်ကျန်တွေကို ချက်ချင်းရောင်းချလေ့ရှိကြတယ်လို့ ဆိုပါတယ်။ ချင်းနဲ့ ကြက်သွန်ဖြူ ကုန်ပစ္စည်း ၂ မျိုးကို သိုလှောင်ထိန်းသိမ်းခြင်းနဲ့ ဈေးကစားခြင်းများ ဆက်လက် ဆောင်ရွက်နေခြင်းက ဈေးနှုန်းမြင့်တက်မှုကို တွန်းပို့နေတယ်လို့ တရုတ်ဈေးကွက်လည်ပတ်ရေးဌာနမှ ညွှန်ကြားရေးမှူး Wang Bingnan က ပြောကြားပါတယ်။ ဒါပေမဲ့တရုတ်အစိုးရက အဲဒီကုန်စည်များ ပြည်ပ တင်ပို့မှု ယှဉ်ပြိုင်နိုင်စွမ်းရှိဖို့ ဈေးကစားတာတွေကို ထိန်းချုပ်ဖို့လိုပြီဆိုတာ သတိ ထားမိလာကြပြီဖြစ်ပါတယ်။ တရုတ်နိုင်ငံရဲ့ ထိပ်တန်းစီးပွားရေး စီမံသူဖြစ်တဲ့ နိုင်ငံတော်ဖွံ့ဖြိုးရေးနဲ့ ပြန်လည်ထူထောင်ရေး ကော်မရှင်က စိုက်ပျိုးရေးထုတ်ကုန်များ သိုလှောင်ခြင်းနဲ့ ဈေးကစားခြင်းတွေကို တင်းတင်းကျပ်ကျပ် ထိန်းချုပ်ဖို့ ဇူလိုင်လမှာ ဆောင်ရွက်ခဲ့တယ်လို့ သိရပါတယ်။ သိုလှောင်ထိန်းသိန်းမှုလျှော့ချဖို့ ဆောင်ရွက်ခဲ့တဲ့အပြင် တရုတ်အစိုးရ ဟာ ၂ဝ၁ဝ နောက်ဆုံး ၃ လအတွင်း စိုက်ပျိုးရေးထုတ်ကုန်များ ပြည်ပယှဉ်ပြိုင် တင်ပို့နိုင်ဖို့ ဆောင်ရွက်မှုများစွာ ဆောင်ရွက်ခဲ့ပါတယ်။ အဲဒီလို ဆောင်ရွက်ချက် တွေကြောင့် တရုတ်ချင်းဈေးဟာ သီတင်းပတ် ၆ ပတ်ဆက်တိုက်ကျဆင်းခဲ့တယ်လို့ သိရပါတယ်။ ဒီလိုဆောင်ရွက်နေစဉ်မှာ ထိုင်းနိုင်ငံ ချင်းအသစ်များ ဒီဇင်ဘာလမှာ ဝင်ရောက်လာတဲ့အတွက် ယခင်က အီးယူ ချင်း တင်သွင်းသူတွေက တစ်ကီလိုကို ၂ ဒေါ်လာအထက်ဈေးပေးဝယ်ခဲ့ရာက တစ်ကီလို ၁ ဒေါ်လာအောက်ကို ဈေးချပေးဝယ်လာကြတယ်လို့ ဆိုပါတယ်။ ထိုင်းချင်းဟာ တရုတ်ချင်းထက် အရသာပိုမိုကောင်းမွန်တဲ့အတွက် ဝယ်လက်များစွာက ထိုင်းချင်းကို ပိုမိုနှစ်သက်ကြပါတယ်။ ဒါ့အပြင် ထိုင်းချင်းက ပိုးသတ်ဆေးြွကင်းပါဝင်မှုနည်းပြီး ကျန်းမာရေးအတွက် စိတ်ချရတဲ့GAP ၊ TESCO Nurture ၊ HACCP ၊ GMP နဲ့ SEDEXလို နိုင်ငံတကာအဆင့်မီ စံနှုန်း သတ်မှတ်ချက်များနဲ့ အသိအမှတ်ပြုခံထားရတာဖြစ်လို့ တရုတ်ချင်းထက် စားသုံးသူ ဈေးကွက်ကို ဖြန့်ဝေမှုမှာ ပိုမိုအခွင့်အလမ်းရနေတယ်လို့ ဆိုပါတယ်။ ဒါပေမဲ့ တရုတ် ချင်းကလည်း တဖြည်းဖြည်းနဲ့ ဈေးကျဆင်းလာပြီး ထိုင်းနိုင်ငံမှာ ထိန်းချုပ်ခြင်းမရှိတဲ့ ဆောင်ရွက်ချက်တွေ လုပ်ဆောင်လာပြီဖြစ်လို့ ထိုင်းချင်းက ဦးဆောင်ယှဉ်ပြိုင်ပြီး တင်ပို့နိုင်တော့မှာ မဟုတ်ဘူးလို့ သုံးသပ်ထားတာ တွေ့ရပါတယ်။ ယမင်းးခင်၊Source: freshplaza .com
မလေးရှားကို ချင်း တန် ၄၉ ဒသမ ၄ တန် တင်ပို့ ဖေဖော်ဝါရီလ ၁၄ ရက်မှ ၂ဝ ရက်တာကာလအတွင်း ချင်းတန်ချိန် ၄၉ ဒသမ ၄ တန်ကို ပင်လယ်ရေကြောင်းကုန်သွယ်မှုလမ်းကနေ တင်ပို့ခဲ့ပါတယ်။ တင်ပို့ခဲ့တဲ့ ကုန်သွယ်ဖက်နိုင်ငံကတော့ မလေးရှားနိုင်ငံပဲ ဖြစ်ပါတယ်။ ယခင် သီတင်းပတ် အပို့ပျောက်ခဲ့တဲ့ ချင်းက ဒီတစ်ပတ်မှာပြန်လည် တင်ပို့ခဲ့တာဖြစ်ပါ တယ်။ တစ်တန်ကို အက်ဖ်အိုဘီဈေး ကန်ဒေါ်လာ ၁၄၄ဝ ဝန်းကျင်နဲ့ တင်ပို့ခဲ့ တဲ့ အတွက် စုစုပေါင်း ပို့ကုန်ဝင်ငွေ ကန်ဒေါ်လာ ၇၁၁၃၆ ရရှိခဲ့ပါတယ်။ MIRT (DOT)
ဈေးကောင်းစောင့်တဲ့ ရှမ်းချင်းဈေးကွက် ရှမ်းပြည်နယ်တောင်ပိုင်း အောင်ပန်းဈေးကွက်မှာ ချင်းစိုတွေ အဝင်နည်း နေပါသေးတယ်။ အောင်ပန်းနဲ့ ကလောနယ်တစ်ဝိုက်ကသာ အနည်းငယ်ဝင်နေသေးတယ်လို့ သိရပါတယ်။ အချို့တောင်သူတွေက ပစ္စည်းတွေက မဖော်သေးဘဲ အဲဒီအတိုင်းထားပြီး ဈေးကောင်းရမှသာ ဖော်မယ်ဆိုပြီး ထားကြတာကြောင့် အဝင်နည်းလာတာ ဖြစ်တယ်လို့ ဒေသခံကုန်သည်တွေထံက သိရပါတယ်။ ချင်းခြောက်တွေကလည်း ဈေးကွက်ကို အနည်းငယ်သာ ဝင်နေပါသေးတယ်။ မတ်၊ ဧပြီလဆိုရင် ချင်းစိုတွေ အဝင်ပိုနည်းသွားပြီး၊ ချင်းခြောက်တွေသာ အဝင်လှိုင် လာတော့မှာ ဖြစ်ပါတယ်။ ဒီတစ်ပတ်အောင်ပန်းဈေးကွက်မှာ ချင်းစိုဈေးက တစ်ပိဿာကို ၄ဝဝ ကျပ်မှ ၆၅ဝ ကျပ်ဈေးရှိပြီး၊ ချင်းခြောက်က တစ်ပိဿာ ၁၇ဝဝ ကျပ်မှ ၂ဝဝဝ ကျပ်ဈေးရှိပါတယ်။ ဟိုပုံးဈေးကွက်မှာတော့ ချင်းစိုဈေးက တစ်ပိဿာ ၄ဝဝ ကျပ်ဈေးနဲ့ ဈေးငြိမ်နေပါတယ်။ ဒီနှစ် ဟိုပုံးမြို့နယ်မှာ ချင်းစိုအထွက်လျော့ပြီး ထွက်တဲ့ချင်း တွေကလည်း ယခင်နှစ်တွေကလို အခက်လှ၊ အခက်ကြီးတွေ သိပ်မများဘဲ ချင်းညံ့ လို့ခေါ်တဲ့ အသေးတွေသာ အထွက်များပါတယ်။ အညံ့စ ချင်းတွေကို ချင်းခြောက် အဖြစ် ပြန်လည် ပြုလုပ်တာကြောင့် ချင်းစိုနည်းပြီး ချင်းခြောက်ကတော့ ဈေးကွက် မှာ များများစားစားဝင်နိုင်တယ်လို့ ခန့်မှန်းကြပါတယ်။ ဟိုပုံးဈေးကွက်မှာ ချင်းခြောက်က တစ်ပိဿာ ၁၈ဝဝ ကျပ်ဈေးရှိပြီး၊ တောင်ကြီးဈေးကွက်မှာတော့ ချင်းခြောက် တစ်ပိဿာ ၂ဝဝဝ ကျပ်-၂၃ဝဝ ကျပ် ဈေးရှိတယ်လို့ သိရပါတယ်။ ဧဧခိုင်
စိုက်ပျိုးမှု ပိုမိုလို့ အိန္ဒိယသကြားအထွက်မြင့်တက်မယ်လို့ သကြားစက် လုပ်ငန်းရှင်များက ဆို ကမ္ဘာမှာ ဒုတိယအများဆုံးသကြားထုတ်လုပ်တဲ့ အိန္ဒိယမှာ ဈေးအမြင့်ရရှိနေ တဲ့အတွက် တောင်သူတွေ စိုက်ဧရိယာတိုးခဲျ့လာတာကြောင့် လာမယ့်နှစ်မှာ သကြားထွက်ရှိမှု မြင့်တက်မယ်လို့ သကြားစက်လုပ်ငန်းရှင် အုပ်စုက ဆိုပါတယ်။ အောက်တိုဘာလ ၁ ရက်မှာစတင်တဲ့ သကြားရာသီအတွင်း ထုတ်လုပ်မှုက ယခု နှစ် ခန့်မှန်းတန်ချိန် ၂၅ သန်းကနေ အနည်းဆုံး ၅ ရာခိုင်နှုန်းမြင့်တက်လိမ့်မယ်လို့ နိုင်ငံတော် သကြားစက်သမအသင်း အုပ်ချုပ်မှုဒါရိုက်တာ Vinay Kumar က ပြောကြားပါတယ်။ အာရှနိုင်ငံမှာ အထွက်မြင့်တက်နိုင်ခြင်းက ယခုလအတွင်း နယူးယောက်မှာ နှစ် ၃ဝ အတွင်း သကြားကြမ်းဈေး အမြင့်ကို ရောက်ရှိအောင်တွန်းပို့တဲ့ ကမ္ဘာ့ သကြား မလုံလောက်မှုကို အထောက်အပံ့ဖြစ်စေ နိုင်မှာဖြစ်ပါတယ်။ အိန္ဒိယအစိုးရ ဟာ ၃ နှစ်အတွင်း ပထမအကြိမ်အနေနဲ့ သကြားပိုလံျှတာကြောင့် တန်ချိန် ၅ သိန်း တင်ပို့ခွင့်ပြုဖို့ ယခုတစ်ပတ်မှာ စီစဉ်ခဲ့တယ်လို့ အိန္ဒိယသကြားထုတ်လုပ်မှုများ အစုအဖွဲ့က ဖေဖော်ဝါရီလ ၂၁ ရက်မှာ ကျင်းပတဲ့ညီလာခံမှာ ပြောကြားခဲ့ပါတယ်။ လာမယ့်သီးနံှထွက်ရှိမှုအလားအလာကောင်းတာကြောင့် တင်ပို့မှု ခွင့်ပြုချက်ကို နှောင့်နှေးမထားသင့်ဘူးလို့လည်း Kumar က ဆိုပါတယ်။ အိန္ဒိယ နိုင်ငံအနေနဲ့ ပထမအကြိမ်ကို တန်ချိန် ၅ သိန်း တင်ပို့ခွင့်ပြုသင့်ပြီး နောက် တစ်ကြိမ်တန်ချိန် ၁ သန်းခွင့်ပြုဖို့ စဉ်းစားသင့်တယ်လို့ ဆိုပါတယ်။ ဖေဖော်ဝါရီလ ၂ ရက်နေ့က နယူးယောက်မှာ သကြားတစ်ပေါင်ကို ကန်ဒေါ်လာ ၃၆ ဒသမ ဝ၈ ဆင့် (တစ်တန်ကို ကန်ဒေါ်လာ ၇၉၅) ဖြစ်ခဲ့လို့ ၁၉၈ဝ နောက်ပိုင်း အမြင့်ဆုံးကို ရောက်ရှိခဲ့ပါတယ်။ အဓိက ကတော့ သြစတြေးလျနဲ့ ရုရှားမှာ ရာသီဥတုဆိုးဝါးလို့ သီးနံှပျက်စီးမှုတွေ ဖြစ်ခဲ့တာကြောင့်လို့ ဆိုပါတယ်။ ဖေဖော်ဝါရီလ ၁၈ ရက်နေ့မှာ မေလပို့ရမယ့် သကြားကြိုပွိုင့်ဈေးဟာ ၁ ဒသမ ၅ ရာခိုင်နှုန်းလျော့ကျပြီး တစ်ပေါင်ကို ကန်ဒေါ်လာ ၂၈ ဒသမ ၄၂ဆင့် (တစ်တန်ကို ကန်ဒေါ်လာ ၆၂၆) ဖြစ်ခဲ့လို့ မေလကုန် ကနေ ၂ ဆ မြင့်တက်နေဆဲဖြစ်ပါတယ်။ ယခုရာသီမှာ အိန္ဒိယက လိုအပ်ချက်တန်ချိန် ၂၃ သန်းထက် ပိုပြီး တန်ချိန် ၂၄ ဒသမ ၅ သန်း ထွက်ရှိနိုင်တယ်လို့ အစိုးရက ခန့်မှန်းထားပါတယ်။ အိန္ဒိယ သကြားစက်အသင်းကတော့ တန်ချိန် ၂၅ သန်း ထွက်ရှိမယ်လို့ ခန့်မှန်းထားပါတယ်။ ရာသီသစ်မှာ လက်ကျန်တန်ချိန် ၅ သန်းခန့် ကျန်ရှိနိုင်လို့ စက်တင်ဘာလ ကုန်မှာ ပိုလံျှသကြားတန်ချိန် ၆ ဒသမ ၇ သန်းရှိမယ်လို့ အသင်း ညွှန်ကြားရေးမှူးချုပ် Abinash Verma က ပြောကြားပါတယ်။ ဒါကြောင့် ပြည်ပရောင်းချဖို့ တန်ချိန် ၁ ဒသမ ၇ သန်းကျန်ရှိနိုင်တယ်လို့လည်း ၎င်းက ဆိုပါတယ်။ ယမင်းခင်၊ှSource: bloomberg.net
တရုတ်နယ်စပ်စခန်းများမှ ပြောင်းဖူးစေ့ တန် ၇၈ဝဝ ကျော်တင်ပို့ ဖေဖော်ဝါရီလ ၁၆ ရက်မှ ၂၂ ရက်ထိ ကာလအတွင်းမြန်မာတရုတ် နယ်စပ်ရှိ မူဆယ် ၁ဝ၅ မိုင်ကုန်သွယ်ရေးဇုန်၊ လွယ်ဂျယ်နဲ့ ချင်းရွှေဟော် နယ်စပ်ကုန်သွယ်ရေးစခန်းများမှ ကန်ဒေါ်လာ ၂ သန်းနီးပါးတန်ဖိုးရှိ ပြောင်းဖူးစေ့ တန်ချိန် ၇၈၄ဝ ကျော ်တင်ပို့မှုရှိခဲ့ပါတယ်။နယ်စပ်အလိုက်တင်ပို့နိုင်မှုများကတော့ မူဆယ်မှ ၇၆၃၈ တန်ကျော်၊ လွယ်ဂျယ်မှ ၁၈၃ တန်နဲ့ ချင်းရွှေဟော်မှ တန် ၂ဝ တင်ပို့နိုင်ခဲ့ပါတယ်။ ယခင်အပတ်က တန်ချိန် ၈၂ဝဝ ကျော်တင်ပို့နိုင်ခဲ့တာမို့ ယခုအပတ်မှာ တန်ချိန် ၃၇ဝ ကျော်လျော့နည်းတင်ပို့ခဲ့ပါတယ်။မူဆယ်နဲ့ ချင်းရွှေဟော်မှ တင်ပို့မှုလျော့နည်းခဲ့ပြီး လွယ်ဂျယ် မှ တင်ပို့မှုမှာမူ ပိုမိုခဲ့ပါတယ်။ပြောင်းတင်ပို့မှု လျော့နည်းရခြင်းမှာ ကုန်ပစ္စည်းအရင်း တန်ဖိုး တောင်ကြီး ကုန်စည်ဒိုင် ဈေးနှုန်း ၁ ပိဿာ ၂၂၅ ကျပ်၊ လားရှိုး ကုန်စည်ဒိုင်ဈေး ၁ ပိဿာ ၂၈ဝ ကျပ်ဖြစ်နေပြီး ယခုအပတ်မှာ သယ်ယူပို့ဆောင်ခစရိတ် ပြန်လည်မြင့်တက် နေတာကြောင့် မိမိဖက်မှ တင်ပို့မှုလျော့နည်းရခြင်းဖြစ်တယ်လို့ သိရပါတယ်။ ပြည်တွင်း ပြောင်းဈေးနှုန်းမှာ ယခင်အပတ်က ၁၆၆၇၈၄ ကျပ်မှ ၁၇၂၄ဝ၇ ကျပ်ထိ ရှိခဲ့ပြီး ယခုအပတ်မှာ ကျပ် ၁၅၈၇၉၆ မှ ၁၇ဝ၁၃၈ ထိရှိနေပါတယ်။တစ်ဖက်နိုင်ငံ ဝယ်ဈေးအနေဖြင့် ယခုအပတ်မှာ ပြောင်းလဲမှုမရှိဘဲ ကုန်စည်ဒိုင် ပေါက်ဈေး တစ်တန်ကို ၁၈၁ဝ ယွမ်နဲ့ ရွှေလီဝယ်ယူမှုဈေး၁၈၉ဝ ယွမ်ဖြစ်နေပြီး ပြောင်းတစ်အိတ်လျှင် ၉၄ ယွမ်မှ ၉၅ ယွမ်ထိ ဈေးရလျက်ရှိတယ်လို့ သိရပါတယ်။မိမိ ဘက်နဲ့ တစ်ဘက်နိုင်ငံပြောင်းပေါက်ဈေးများကို နှိုင်းယှဉ်ဖော်ပြလိုက်ရပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပြောင်းဖူးစေ့ ၂၉၃၁၃၃ ၂၉၈၆၄၆ ၅၅၁၃ ၂ ၂၈၇ ၂၈၇ - -MIRT (DOBT)
ပြောင်းတင်ပို့မှု ပုံမှန် ဖေဖော်ဝါရီ ၁၄ ရက်မှ ၂ဝ ရက်ထိကာလအတွင်း ပင်လယ်ရေကြောင်းမှ ပြောင်းတန်ချိန် ၃၃၆၂ တန်၊ တန်ဖိုး ကန်ဒေါ်လာ ဝ ဒသမ ၈၄ဝ သန်း ဖိုး တင်ပို့ခဲ့တယ်လို့ သိရပါတယ်။ ယခင်ရက်သတ္တပတ်က ၃၂ဝ၅ တင်ပို့ခဲ့ တာကြောင့် တင်ပို့မှုပုံမှန်လို့ ဆိုရပါမယ်။တင်ပို့တဲ့နိုင်ငံတွေကတော့ မလေးရှားကို တန် ၁၂ဝ၊ ဖိလစ်ပိုင်ကို ၁၃၁ဝ တန်နဲ့ စင်္ကာပူကို တန်ချိန် ၁၉၃၂ တန် အသီးသီးတင်ပို့ခဲ့တာဖြစ်ပါတယ်။ FOB ရန်ကုန်ဈေးကတော့ ပြောင်းလဲမှုမရှိပဲ တစ်တန်ကို ဒေါ်လာ ၂၅ဝ မှ ၂၇ဝ ကြားဈေးရလျက်ရှိကြောင်း သတင်းရရှိပါတယ်။ KZW
ဗီယက်နမ်ပို့ကုန်များ အလားလာကောင်း ၂ဝ၁၁ ရဲ့ ရော်ဘာဝယ်လိုအား တန်ချိန် ၁၁ သန်းမှ ၁၅ သန်းအထိရှိပေမဲ့ ကမ္ဘာ့သဘာဝရော်ဘာ ထုတ်လုပ်မှု ကတော့ ဒီကိန်းဂဏန်းထက်နည်းနေအုံးမှာ ဖြစ်ကြောင်း ကမ္ဘာ့ရော်ဘာအသင်းက ပြောကြားပါတယ်။ ဝယ်လိုအားက ရောင်းလိုအားထက် ပိုနေတာကြောင့် ရော်ဘာဈေးနှုန်းက ၂ဝ၁၁ မှာ တိုးလာအုံးမယ်လို့ မျှော်လင့် ရပါတယ်။၂ဝ၁ဝ နိုဝင်ဘာလ၊ ဒီဇင်ဘာလကတည်းက ဗီယက်နမ်ရော်ဘာပို့ကုန်၊ သွင်းကုန်အုပ်စုမှာ ပါဝင်တဲ့ ကုမ္ပဏီအတော်များများက အရောင်းအဝယ်စာချုပ်တွေ ချုပ်ဆိုခဲ့ကြောင်း ၎င်းအသင်းရဲ့အကြီးအကဲက ပြောကြားခဲ့ပါတယ်။၂ဝ၁၁ ဇန်နဝါရီလမှာတော့ ဒီအဖွဲ့အစည်းက တန်ချိန် ၈ သောင်း တင်ပို့ခဲ့ကြောင်း သိရပါတယ်။၂ဝ၁၁ ဖေဖော်ဝါရီမှာ တန်ချိန် ၄ သောင်း ထပ်မံတင်ပို့ခဲ့ကြောင်း သိရပါတယ်။လာမယ့်လမှာတော့ ရော်ဘာဈေးနှုန်းက ခုန်တက်သွားနိုင်ပြီးတစ်တန်ကို ဗီယက်နမ်ဒေါင်သန်း ၁ဝဝ (ဒေါ်လာ ၅ဝဝဝ) လောက်ဈေးရှိမယ်လို့သိရပါတယ်။ဒါကတော့ ဗီယက်နမ်ရော်ဘာလုပ်ငန်းများက ကမ္ဘာမှာ တဖြည်းဖြည်းအားကောင်း လာတာကို သက်သေပြတဲ့အချက်ဖြစ်ပါတယ်။၂ဝ၁၁ အစောပိုင်းမှာ တရုတ်နိုင်ငံက ကားတာယာနဲ့ ကျွတ်များ ထုတ်လုပ်ဖို့ဗီယက်နမ်ရဲ့ရော်ဘာတွေကို တင်သွင်းခဲ့ကြောင်း သိရပါတယ်။ဗီယက်နမ်ကလည်း တရုတ်ကို ရော်ဘာ တင်ပို့မှုကို တိုးမြှင့်ဖို့ လိုအပ်နေပါတယ်။ရော်ဘာကနေ ယခုနှစ်ပထမ လေးလပတ်မှာ ဈေးကွက်အကိုျးကျေးဇူးတွေ ခံစားရလိမ့် မယ်လို့ စီးပွားရေး ပညာရှင်များက ခန့်မှန်းထားကြောင်း လဲသိရပါတယ်။ ရော်ဘာအပြင်ပင်လယ်စာ တင်ပို့မှုကလည်း အကိုျးကျေးဇူးတွေရရှိကြောင်း သိရပါတယ်။ဗီယက်နမ် ကုမ္ပဏီ ၅၆၉ ခုကျော်က ပင်လယ်စာထုတ်လုပ်ပြီး ကမ္ဘာ့နိုင်ငံ ၁၆၂ နိုင်ငံကို တင်ပို့နေကြောင်း သိရပါတယ်။ အရည်အသွေးပြည့်မီတဲ့ ထုတ်လုပ်မှုတွေကြောင့် ဗီယက်နမ်စီးပွားရေးလုပ်ငန်းများက ကမ္ဘာ့နိုင်ငံ တော်တော်များများရဲ့ အဓိကရောင်းချသူတွေဖြစ် လာနိုင်ကြောင်း သတင်းရရှိပါတယ်။ KZW