ပြည်ပဲစင်းငုံ ဈေးဆက်ငြိမ်နေ         ပြည်ဈေးကွက်မှာ ဒေသတွင်းထွက်ရှိတဲ့ ပဲစင်းငုံလက်ကျန်မရှိတော့ ပေမယ့် အောက်တိုဘာလအတွင်း အောင်လံမှ အိတ် ၁၅ဝ ခန့် အဝင်ရှိတယ်လို့ သိရပါတယ်။ ပဲစင်းငုံဈေးမှာ အောက်တိုဘာ တတိယပတ်က တစ်တင်း ၂ဝဝဝဝ ကျပ် ရှိရာမှ အောက်တိုဘာနောက်ဆုံးပတ်မှာ ၁၈ဝဝဝ ကျပ်ထိ ဈေးကျသွားခဲ့ ပါတယ်။ ယခုနိုဝင်ဘာ ပထမပတ်တွင်လည်း ၎င်းဈေးအတိုင်း ဈေးအတက်အကျ မရှိဘဲ ဈေးငြိမ်နေတယ်လို့သိရပါတယ်။                                                                                                                                    ဆုမွန်ဆွေ

ပဲစင်းငုံတင်ပို့မှု တန်ချိန် ၁ဝဝဝ ဝန်းကျင်ကို လျော့ကျ         အိန္ဒိယဝယ်လက်များ အဝယ်နှေးလာတဲ့ ပဲစင်းငုံဟာ ယခုတစ်ပတ် (အောက်တိုဘာလ ၂၈ ရက်မှ နိုဝင်ဘာလ ၃ရက်)အတွင်းမှာ ပင်လယ်ရေကြောင်း က တန်ချိန် ၁၄ဝဝ ခန့်သာတင်ပို့မှုရှိခဲ့ပါတယ်။ အိန္ဒိယပြည်တွင်းဈေးကွက်တွေမှာ လက်ကျန်ရှိနေသေးတာရယ်၊ တန်ဇန်းနီးယားက တင်သွင်းပဲတွေ ရောက်ရှိလာတာ ရယ်ကြောင့် ပြည်ပပဲတွေအဝယ်နှေးသွားတာဖြစ်ပါတယ်။ အောက်တိုဘာလ တစ်လလုံး ပဲစင်းငုံတင်ပို့မှု အနေနဲ့ တန်ချိန် ၇၅ဝဝ ရှိပြီး စက်တင်ဘာလ တင်ပို့မှု တန်ချိန် ၉ဝဝဝ ရှိလို့ ယခင်လထက်လျော့ကျလာခဲ့တာ တွေ့ရပါတယ်။ ဒါပေမဲ့ ၂ဝဝ၉ ခုနှစ် ကာလတူအောက်တိုဘာလနဲ့ နှိုင်းယှဉ်ရာမှာတော့ တန်ချိန် ၂၂ဝဝ ကျော်သာ အတင်ရှိခဲ့လို့ ယခုနှစ်ကာလတူ တင်ပို့မှု သိသိသာသာပိုခဲ့ပါတယ်။          ရန်ကုန် ဘုရင့်နောင်ကုန်စည်ဒိုင်မှာတော့ ပြည်ပအဝယ်အေးနေတာ ကြောင့် ပဲစင်းငုံဈေးလျော့ကျခဲ့ကာ FOB ဈေးမှာလည်း လျော့ကျခဲ့ပါတယ်။ ရန်ကုန် FOB ဈေးများကို ယခင်တစ်ပတ်နဲ့နှိုင်းယှဉ် ဖော်ပြလိုက်ပါတယ်                                                                                                                          ဒေါ်လာ/တန်                   ပဲစင်းငုံနီ                        ပဲစင်းငုံဖြူနီ/ အဖြူ၄-၁၁-၁ဝ        ၆၆ဝ-၆၇ဝ                        ၅၇ဝ-၅၈ဝ၂၉-၁ဝ-၁ဝ      ၇ဝဝ-၇၁ဝ                        ၆ဝဝ-၆၁ဝ                                                                                                                           MIRT(MAPT)

ဈေးအမြင့်နဲ့ လက်ကျန်ပြတ်သွားတဲ့ ပြည်ထောပတ်ပဲ         ပြည်ဈေးကွက်မှာ လက်ကျန်ပြတ်သွားပြီဖြစ်တဲ့ ထောပတ်ပဲဈေးနှုန်းမှာ တစ်တင်းကို ၂၆၅ဝဝ ကျပ်ဖြင့် ဈေးအမြင့်နဲ့အောက်တိုဘာ ဒုတိယပတ်မှာ နောက်ဆုံးအရောင်းအဝယ်ဖြစ်ခဲ့ကြပါတယ်။ ထောပတ်ပဲမှာ အခြားတိုင်းသို့ တင်ပို့မှုမရှိဘဲဒေသတွင်းသာ အရောင်းအဝယ်ဖြစ်ခဲ့ကြပါတယ်။ ယခုဆိုရင် ဝယ်လိုအားရှိပေမဲ့ လက်ကျန်မရှိတော့ဘူးလို့ သိရပါတယ်။ယခုနှစ်ထောပတ်ပဲဈေးနှုန်းအနေဖြင့် ဈေးအတက်အကျသိပ်မရှိဘဲ ဈေးငြိမ်အရောင်းအဝယ်ဖြစ်ခဲ့ကြပါတယ်။ ယခင်နှစ်ကပဲလက်ကျန်ပြတ်ချိန်တွင် တစ်တင်းကို ၁၄ဝဝဝ ကျပ်ဖြင့် လက်ကျန်ပြတ်သွားခဲ့ပြီး ယခုနှစ်မှာတော့ ၂၆၅ဝဝ ကျပ်ဖြင့်နောက်ဆုံး လက်ကျန်ပြတ်သွားခဲ့တဲ့အတွက် ယခင်နှစ်နဲ့ နှိုင်းယှဉ်ရင် ပဲစိုက်တောင်သူများအဖို့ ယခုနှစ်မှာ ဈေးကောင်းရရှိခဲ့ကြောင်း သိရပါတယ်။                                                                                                                            ခင်ဆွေဝင်း

 ပဲလွန်းဖြူလက်ကျန်များ ဆက်လက်ပုံမှန်တင်ပို့နေ      ယခင်တစ်ပတ်က ပင်လယ်ရေကြောင်းမှ ပဲလွန်းဖြူ တန် ၂ဝဝ နီးပါး တင်ပို့မှုရှိသလို ယခုတစ်ပတ် (အောက်တိုဘာလ ၁၄ ရက်မှ ၂ဝ ရက်)အတွင်းမှာလည်း တန် ၂ဝဝ ကျော်နဲ့ ပုံမှန်ဆက်လက်တင်ပို့မှုရှိနေတာ တွေ့ရပါတယ်။ ယခုတစ်ပတ်မှာ ကိုရီးယားကို တင်ပို့နေတဲ့ ပမာဏ တန်ချိန် ၁၆ဝ နီးပါးရှိပြီး ကျန်ပမာဏကို စင်ကာပူနဲ့ ဖိလစ်ပိုင်ကိုတင်ပို့ခဲ့ပါတယ်။ ရန်ကုန် FOB ဈေးမှာ ယခင်တစ်ပတ်ဈေးအတိုင်း ပြောင်းလဲခြင်းမရှိဘဲ FAQ တစ်တန်ကို ကန်ဒေါ်လာ ၇၉ဝ-၈ဝဝ၊ SQ တစ်တန်ကို ကန်ဒေါ်လာ ၈၉ဝ-၉ဝဝ ဖြစ်ပြီး၊ အိန္ဒိယ မွန်ဘိုင်းဈေးကွက် ပဲလွန်းဖြူ (ပဲခူး) တစ်တန်ကို ကန်ဒေါ်လာ ၁ဝ၉၄ ဖြစ်ကြောင်း သိရပါတယ်။                                                                                                                                    MIRT - MAPT