Background
ပြည်ပကို မန်ကျည်းတင်ပို့မှု့ပျောက်ခဲ့တာ နှစ်ပတ်ကျော်ရှိခဲ့ပြီး ဒီတစ်ပတ်မှသာ ပြန်လည်တင်ပို့နိုင်ခဲ့ခြင်းဖြစ် ပါတယ်။ ဒီသီတင်းတစ်ပတ်ဖြစ်တဲ့ အောက်တိုဘာ ၂၁ ရက်မှ ၂၇ ရက်နေ့အတွင်းမှာ မန်ကျည်း ၁၀၈ တန်တင်ပို့နိုင်ခဲ့တယ်လို့ သိရပါ တယ်။ တင်ပို့ခဲ့တဲ့ နိုင်ငံနဲ့ တန်ချိန်က မလေးရှားကို ၈ တန်နဲ့ စင်ကာပူနိုင်ငံကို တန် ၁၀၀ ဖြစ်ပါတယ်။ ဒီတစ်ပတ်မန်ကျည်းတင်ပို့မှုမှ ရရှိခဲ့တဲ့ ပို့ကုန်ဝင်ငွေက ကန်ဒေါ်လာ တစ်သောင်းခုနှစ်ထောင်ကျော်ဖြစ်တယ်လို့ သိရပါတယ်။MIRT(DOT)
အိန္ဒိယနိုင်ငံ ပန်ဂျပ်၊ ဆစ်ကင်မ်နဲ့ အာသန်ပြည်နယ်တို့မှာ ချင်းစိုက်ပျိုး ထုတ် လုပ်မှု ကျဆင်းရာ ဈေးနှုန်းများစွာ မြင့်လာတယ်လို့ သိရတယ်။ အိန္ဒိယရဲ့ ချင်းထုတ် လုပ်မှုကျဆင်းတာကြောင့် နီပေါနိုင်ငံမှ ချင်းတွေကို အိန္ဒိယကိုတင်ပို့မှုရှိနေပြီး နီပေါ နိုင်ငံမှာ ချင်းဈေးနှုန်းတွေက ယခင်နှစ်ကထက် (၇) ဆ ခန့် မြင့်မားလာပြီး တစ်ကီလို ကို နီပေါရူပီး ၃၅ (မြန်မာကျပ်ငွေ ၃၄၅ ဝန်းကျင်) အထိ ရောက်ရှိလာတယ်လို့ သိရတယ်။
ဒီတစ်ပတ်တော့ ရှမ်းချင်းတွေ အဝင်မရှိသလောက်ပါဘဲ။ ရှမ်းပြည်နယ်ရဲ့ ဓလေ့ထုံးစံအရ သီတင်းကျွတ်ကာလမှာ ဘုန်းကြီးကျောင်းကို တစ်လလုံးသွားကြပါ တယ်။ တောင်သူတွေကလည်း အလုပ်နားကြတော့တာကြောင့် အရောင်းအဝယ် အနေနဲ့လည်း အရင်တစ်ပတ်ကထက်စာရင်တော့ အေးနေတယ်လို့ ဆိုရမှာပါ။ ယခုလောလော ဆယ်မှာလည်း သီတင်းမကျွတ်ခင်ကဝင်တဲ့ ပစ္စည်းတွေကိုသာ အရောင်းအဝယ်လုပ်နေကြတယ်လို့ ဆိုပါတယ်။ နောက်ဈေးနှစ်ပတ်လောက်မှသာ အဝင်ရှိလာနိုင်တယ်လို့လည်း သိရပါတယ်။ ချင်း(ဥမ)ကော၊ ချင်းသစ်ပါတစ်ပိဿာ ၂၀၀ ကျပ်ဈေးရှိပါတယ်။
ပြည်ချင်းဈေးကွက်အတွင်း ယခုတစ်ပတ်မှာတော့ ချင်းအဟောင်းပစ္စည်း လက် ကျန်ပြတ်သွားပြီး၊ ချင်းအသစ်များသာ ပိဿာ ၂၀ ဝင်၊ တောင်း ၃၀၀ ခန့် အဝင် ရှိလာပါတယ်။ချင်းအသစ်မှာ ပစ္စည်းသိပ်မကောင်းသေးတဲ့၊ အရင့်လိုသေးလို့ အကျိုး အကြေများတဲ့အတွက် တောင်းများနဲ့ သယ်ယူေ နရခြင်းဖြစ်ပြီး၊ ပြည်ပွဲရုံများမှာ ပုံမှန် ရောင်းဝယ်လျက် ချင်းအတက် (ဂျွန်) ၃၅၀-၄၀၀ ကျပ်၊ (ရှယ်) ၆၀၀ ကျပ်၊ ချင်း (ဓားလှီး) ၇၀၀ ကျပ်တို့နဲ့ အရောင်း အဝယ်ဖြစ်နေကြောင်းသိရပါတယ်။ ချင်းတက် အသစ်ကို လှောင်လက်သမားများ မှ ဝယ်ယူခြင်းမရှိသေးဘဲ လက်လီ လက်ကား ရောင်းဝယ်သူများမှလည်း ပစ္စည်းသစ်ကို ထိန်းဝယ်နေတဲ့အတွက် တစ်ပတ်အတွင်း တောင်း ၂၀၀ ခန့်သာ အရောင်းအဝယ်ဖြစ်ပြီး၊ ဧရာဝတီတိုင်းဒေသကြီးနဲ့ ရခိုင်ပြည် နယ်တို့သို့ စားသုံးမှုအဖြစ် ယခုတစ်ပတ် ပိဿာချိန် ၁၂၀၀ ခန့် တင်ပို့နိုင်ခဲ့ကြောင်း သိရပါတယ်။ ဝင်းဝင်းခိုင်-ပြည်
ပြည်ပကို ပင်လယ်ရေကြောင်း တင်ပို့မှုလမ်းမှ စက်တင်ဘာ တတိယပတ်မှ စပြီး ချင်းတင်ပို့မှုပျောက်ခဲ့တာ ၅ ပတ်မျှရှိခဲ့ပါတယ်။ ယခုဒီတစ်ပတ်ဖြစ်တဲ့ အောက် တိုဘာ ၂၁ ရက်မှ ၂၇ ရက်နေ့မှသာ ပြန်လည် တင်ပို့နိုင်ခဲ့ခြင်းဖြစ်ပါတယ်။ တင်ပို့ ခဲ့တဲ့နိုင်ငံက ပါကစ္စတန်နိုင်ငံဖြစ်ပါတယ်။ FOB ဈေးက တစ်တန်ကို ကန်ဒေါ်လာ ၁၀၀၀ ရရှိခဲ့တယ်လို့ သိရပါတယ်။ MIRT (DOT)
ရှမ်းပြည်နယ် တောင်ပိုင်းက လဲချားကုန်စည်ဒိုင်ကို ၂၀၁၂ ခုနှစ်၊ စက်တင်ဘာ ၂၇ ရက်က စတင်ဖွဲ့စည်းခဲ့ပြီး၊ အောက်တိုဘာ ၄ ရက်ကစလို့ ကုန်စည်ဒိုင် လုပ်ငန်း များ စတင်ဆောင်ရွက်ခဲ့ရာ အောက်တိုဘာ ၃၁ ရက်အထိ ဒေသထွက်ကုန် အဓိက သီးနှံ ၄ မျိုးမှ ကုန်ချိန် ၆၆၃၆၀၀ ပိဿာ (၁၀၈၃ ဒသမ ၆၂ တန်) အရောင်းအဝယ် ဖြစ်ခဲ့ပြီး၊ ဒေသထွက်ကုန် တစ်မယ်ချင်းအလိုက် ကြက်သွန်ဖြူ(အမြိတ်ပါ) ၃၀၃၈၀၀ ပိဿာ(၄၉၆ ဒသမ ၀၈ တန်)၊ ပဲပုပ်စေ့ ၉၃၃၀၀ ပိဿာ (၁၅၂ ဒသမ ၃၅ တန်)၊ မြေပဲဆန် ၁၇၅၀၀၀ ပိဿာ (၂၈၅ ဒသမ ၇၆ တန်)၊ မြေပဲတောင့် ၅၂၀၀၀ ပိဿာ (၈၄ ဒသမ ၉၁ တန်)နဲ့ နှမ်းဖြူ ၃၉၅၀၀ ပိဿာ (၆၄ ဒသမ ၅၀ တန်) ရောင်းဝယ်တင်ပို့နိုင်ခဲ့ကြောင်း သိရပါတယ်။
ပဲခူးတိုင်းဒေသကြီးအနောက်ပိုင်းအတွင်း ဆောင်းသီးနှံ မတ်ပဲ၊ ပဲတီစိမ်းသီးနှံ များကို အဓိကထား စိုက်ပျိုးကြသော်လည်း ထောပတ်ပဲသီးနှံကတော့ တိုင်းအတွင်း မိုးညို၊ လက်ပံတန်းမြို့နယ်များ နဲ့ ပြည်ခရိုင်အတွင်း ရွှေတောင်၊ ပန်းတောင်းမြို့နယ် များမှာသာ စိုက်ဧကစုစုပေါင်း ၇၀၀၀ ကျော်သာ စိုက်ပျိုးမှုရှိခဲ့ပါ တယ်။ ပြည် ဈေးကွက် သို့ အောက်တိုဘာနောက်ဆုံးပတ်မှစပြီး ရွှေတောင်မြို့နယ်မှ ထောပတ်ပဲ အသစ်များ ဝင်ရောက်လာခဲ့ကာ တစ်တင်း ၁၅၅၀၀ ကျပ်ဖြင့် ဈေးဖွင့်ဝယ်ယူခဲ့ ကြပါတယ်။ ယခုနိုဝင်ဘာလဆန်းရက် မှာ ထောပတ်ပဲသစ်များ ဆက်လက် ဝင် ရောက်ခဲ့သလို တစ်တင်း ၁၅၅၀၀ ကျပ်နဲ့ ယခင်အပတ်ကအတိုင်း ဈေးငြိမ်အရောင်း အဝယ်ဖြစ်ခဲ့ကာ လက်လီသမားများ အဝယ်ရှိတယ်လို့ သိရပါတယ်။ခင်ဆွေဝင်း-ပြည်
မြန်မာ-တရုတ်နယ်စပ်ရှိ မူဆယ် ၁၀၅ မိုင်မှ ကန်ဒေါ်လာသုညဒသမ ၀၉၉၇ သန်းတန်ဖိုးရှိ စွန်တာနီ/ပြာ ၁၅၃ တန်ကို အောက်တိုဘာလ ၂၄ ရက်မှ ၃၀ ရက်ထိ ကာလအတွင်းမှာ တစ်ဖက်နိုင်ငံသို့တင်ပို့ခဲ့ရာ ယခင်အပတ်တင်ပို့မှုထက် ၁၂၅ တန်အပို့ပိုခဲ့ပါတယ်။ ယခုအပတ်အတွင်း မူဆယ် ၁၀၅ မိုင်မှ ကန်ဒေါ်လာ သုည ဒသမ ၀၅၅ သန်းတန်ဖိုးရှိထောပတ်ပဲ ၉၅ တန်ကျော်နဲ့ကန်ဒေါ်လာ သုည ဒသမ ၀၀၄ သန်းတန်ဖိုးရှိ ပဲနီကြား ၄ တန်ခွဲလည်း အပို့ရှိခဲ့သေးတယ်လို့သိရပါ တယ်။ MIRT(DOBT)
မြန်မာ-တရုတ်နယ်စပ်ရှိ မူဆယ် ၁၀၅ မိုင်မှ အောက်တိုဘာ ၂၄ ရက်မှ ၃၀ ရက်ထိကာလအတွင်းမှာကန်ဒေါ်လာ သုည ဒသမ ၀၆၂ သန်းတန်ဖိုးရှိ ပဲတီစိမ်း လုံးပြည့် ၇၅ တန်ကျော်နဲ့ ကန်ဒေါ်လာသုည ဒသမ ၁၀၁ သန်းတန်ဖိုးရှိ ပဲတီစိမ်း လုံးခြမ်း ၉၂ တန်ကို တစ်ဖက်တရုတ်နိုင်ငံသို့အပို့ရှိခဲ့ပါတယ်။ တမူးနယ်စပ်မှလည်း ကန်ဒေါ်လာ သုည ဒသမ ၀၀၃ သန်းတန်ဖိုးရှိပဲတီစိမ်း ၄ တန်လည်း အပို့ရှိခဲ့ပါ တယ်။ နှစ်ဖက် မြေပြင်ပေါက်ဈေးများကို ကြည့်တဲ့အခါ ယခင်အပတ်ထက် မိမိဖက် မြေပြင်ဈေးနိမ့်လျက်ရှိပါတယ် -
ယခုနိုဝင်ဘာလဆန်း ပြည်ဈေးကွက်မှာ မတ်ပဲသီးနှံကို မျိုးပဲသမားများအဝယ်ရှိသလို လိုင်းသမားလည်း အဝယ်ရှိနေ ခဲ့ပါတယ်။ ကောက်စောစပါးရိတ်သိမ်းထားတဲ့ လယ်မြေများ မှာ မတ်ပဲစိုက်ပျိုးနေကြပြီဖြစ်လို့ မျိုးပဲသမားများ တစ်ရက် အိတ် ၂၀ ကျော် ၃၀ အထိအဝယ်ရှိခဲ့ပြီး မျိုးပဲတစ်တင်း ၁၇၀၀၀ ကျပ်ဖြင့် အရောင်း အဝယ်ဖြစ်ခဲ့သလို ရန်ကုန်ဝယ် လက်ကလည်း အဝယ်ရှိပြီး တစ်တင်း ၁၅၅၀၀ ကျပ်ဖြင့် တစ်ရက် အိတ် ၂၅၀ မှ ၃၀၀ ကျော် ရောင်းချနိုင်ခဲ့ပါတယ်။ မျိုး ပဲသမားများကတော့ အရည်အသွေး လိုက်ပြီး ဝယ်ယူကြ တဲ့အတွက် ဈေးမြင့်ခဲ့ခြင်းဖြစ်ကြောင်း သိရပါတယ်။