မြန်မာနိုင်ငံမှာ ဒေါ်လာဈေးက တစ်လလောက်တည်ငြိမ်နေ ခဲ့ပြီး သြဂုတ်လလယ်လောက်ကတည်းက ပြန်လည်မြင့်တက်လာ ခဲ့ပါတယ်။ ဒေါ်လာဈေးကျဆင်းလာရတဲ့ ပထမအကြောင်းရင်း ကတော့ တရုတ်ယွမ်ဈေးပြုတ်ကျတာနဲ့ ပတ်သက်ခဲ့ပါတယ်။ တရုတ် ယွမ်ဈေးပြုတ်ကျတဲ့ အကျိုးသက်ရောက်မှုကို နိုင်ငံအတော်များများ ခံခဲ့ရပါတယ်။ အဲဒီအကျိုးသက်ရောက်မှု အခံရဆုံးနိုင်ငံတွေထဲမှာ တော့ အင်ဒိုနီးရှားနိုင်ငံနဲ့ အိန္ဒိယနိုင်ငံတို့လည်း ပါဝင်တာကိုတွေ့ရ ပါတယ်။ ဒုတိယအကြောင်းရင်းကတော့ နိုင်ငံရေးနဲ့အတူတွဲပါလာတဲ့ ကောလာဟလကြောင့်ဖြစ်ပါတယ်။ ဘဏ်အချို့ကို ပိတ်သိမ်းမယ် ဆိုတဲ့ ကောလာဟလကနေစပြီး အဲဒီဘဏ်တွေမှာ ငွေသား အများ အပြားထုတ်ယူမှုတွေ ဖြစ်လာခဲ့ပါတယ်။ နိုင်ငံတကာ ရင်းနှီးမြှုပ်နှံ မှုမှာPortfolio Investment Management ဆိုတာရှိပါတယ်။ အဲဒါ ကတော့ မတူညီတဲ့ စတော့ရှယ်ယာတွေကို တစ်ပေါင်းတည်းရင်းနှီး မြှုပ်နှံပြီး ကိုယ်လိုချင်တဲ့ရင်းနှီးမြှုပ်နှံမှုဗျူဟာ (ဥပမာ- Market ing ဗျူဟာ၊Tactical asset allocation ဗျူဟာ စသဖြင့်) ကို အကောင် အထည်ဖော်ဆောင်နိုင်ဖို့ အချို့ရှယ်ယာတွေကို ရောင်းချပြီး အချို့ ရှယ်ယာတွေကို ဝယ်ယူအစားထိုးကာ Portfolio rebalancing ပြု လုပ်တဲ့ ရင်းနှီးမြှုပ်နှံမှုပုံစံဖြစ်ပါတယ်။ မြန်မာနိုင်ငံမှာလည်း Portfolio investment ပုံစံနဲ့ ငွေတက်ရင်ငွေဝယ်၊ ရွှေတက်ရင် ငွေ ရောင်းပြီး ရွှေဝယ်၊ မြေတက်ရင် ရွှေရောင်းပြီး မြေဝယ် စတဲ့ဆောင် ရွက်ချက်တွေကို တွေ့နိုင်ပါတယ်။ အခုမှာလည်း ဘဏ်တွေက ငွေ သားတွေ အများအပြားထုတ်ပြီးတော့ ငွေနဲ့ ရွှေဘက်လှည့်လာတာမို့ ငွေဈေးနဲ့ ရွှေဈေးတွေကလည်း လှုပ်ရှားသွားပါတယ်။
မြန်မာနိုင်ငံဟာ Current Account ကိုလွှတ်ပေးထားပေမယ့် Capital Account ကိုထိန်းချုပ်ထားသေးတဲ့နိုင်ငံတစ်ခု ဖြစ်ပါတယ်။ ASEAN Economic Community (AEC) မှာ ပါတဲ့ အချက်တွေ အနက်Capital account ကိုဖွင့်ပေးရမယ်ဆိုတဲ့အချက်ကိုASEAN နိုင်ငံတိုင်းလိုလိုက စိုးရိမ်ကြပါတယ်။ Capital account ကိုဖွင့်ပေး လိုက်ရင်Capital flowsျ တွေအမြောက်အမြား အလွယ်တကူဝင်ထွက် နိုင်မှာဖြစ်တဲ့အတွက် အဲဒီ Capital flows အဝင်အထွက်တွေရဲ့ အကျိုးသက်ရောက်မှုတွေကို ထိန်းနိုင်တဲ့ ငွေရေးကြေးရေးဆိုင်ရာ ကိရိယာတွေစုံလင်စွာမရှိသေးရင် နိုင်ငံရဲ့Macroeconomic တည် ငြိမ်မှုကိုထိန်းဖို့ အလွန်ခက်ပါတယ်။ အာဆီယံ နိုင်ငံအများစုရဲ့ ငွေ ရေးကြေးရေးဈေးကွက်တွေက ရင့်ကျက်မှုမရှိသေးသလို ငွေရေးကြေး ရေးဆိုင်ရာ ကိရိယာတွေစုံလင်စွာ မရှိသေးတဲ့အတွက် အာဆီယံ နိုင်ငံအများစုက Capital flows တွေကို အကုန်လွှတ်မပေးရဲကြသေး ပါဘူး။
အဲဒါကြောင့် AEC ဖြစ်လာရင် ကုန်ပစ္စည်းနဲ့ ဝန်ဆောင်မှုစီး ဆင်းမှု၊ ရင်းနှီး မြှုပ်နှံမှုစီးဆင်းမှုနဲ့ ကျွမ်းကျင်လုပ်သားစီးဆင်းမှုတွေ ကFree flowsျ လုပ်ဖို့ သဘောတူညီထားကြပေမယ့် Capital စီး ဆင်းမှုကိုတောFree flow လုပ်မယ်လို့ အာမခံမှုလုံးဝမရှိဘဲ လက်ရှိ ထက်ပိုလွတ်လပ်တဲ့ Free flow of capital လို့သာပြောထားတာကို တွေ့ရပါတယ်။Capital account ကိုလွှတ်ပေးလိုက်ရင်တော့ အခြား နိုင်ငံတွေရဲ့ Effects တွေဟာ မိမိနိုင်ငံကို ချက်ချင်းရောက်ရှိလာမှာဖြစ်ပါတယ်။ ဥပမာ-အမေရိကန်နိုင်ငံမှာ Bonds တွေအလွန်အမင်း ဝယ်ယူပြီးMonetary stimulus ပြုလုပ်တာတွေကို လျှော့ချလိုက်တဲ့ အခါမှာ Capital account ကိုလွှတ်ပေးထားတဲ့ အခြားနိုင်ငံတွေက ရင်းနှီးမြှုပ်နှံမှုတွေ ချက်ချင်းထွက်သွားတဲ့အတွက် အဲဒီနိုင်ငံတွေမှာ ငွေကြေးဂယက်တွေ အများအပြား ကြုံခဲ့ရပါတယ်။ အဲဒီအချိန်မှာ အမေရိကန်နိုင်ငံဗဟိုဘဏ်ဟာ (မိမိလုပ်ရပ်ကြောင့် ဖြစ်ပေါ်လာမယ့် ဂယက်တွေကိုမကြည့်ဘဲ) လုပ်ချင်တာလုပ်တယ်လို့ နိုင်ငံအတော် များများက အပြစ်တင်ဝေဖန်ကြပါတယ်။ အမေရိကန်နိုင်ငံ ဗဟို ဘဏ်ကလည်း အခြားနိုင်ငံများမှာဖြစ်ပေါ်လာမယ့် ဂယက်တွေထက် မိမိနိုင်ငံရဲ့ ပြဿနာတွေကို ဦးစားပေးဖြေရှင်းနေရပါတယ်လို့ တုံ့ပြန် ခဲ့ရပါတယ်။
မြန်မာနိုင်ငံမှာ Capital account ကိုထိန်းချုပ်ထားသေးတဲ့ အတွက် နိုင်ငံတကာရဲ့ဂယက်တွေကို မခံစားရသေးပါဘူး။ ဒါပေမယ့် အလွန်ကြီးထွားလာတဲ့ ''အဝေး'' လို့ ခေါ်တဲ့ Informal ဈေးကွက်ကြီး ကနေတစ်ဆင့်Capital flowsတွေဟာ အရှိန်အဟုန်နဲ့ စီးဆင်းလျက်ရှိ တာကိုဘယ်သူမှမငြင်းနိုင်ပါဘူး။ အဲဒီCapital flows တွေဟာ အီလက်ထရောနစ်ပုံစံနဲ့ တရားဝင်စီးဆင်းနေတာ မဟုတ်ဘဲInformal ဈေးကွက်ကြီးကတစ်ဆင့် စီးဆင်းနေတာဖြစ်တဲ့အတွက် ပိုပြီး ခန့်မှန်းရခက်ပါတယ်။ စီးဆင်းတဲ့ Patterns တွေ၊Seasonal factors တွေ၊ သက်ရောက်မှုရှိနိုင်တဲ့အခြားကိန်းရှင်တွေ၊ သက်ရောက် တဲ့ အတိုင်းအတာတွေစတAnalyses တွေ ဘာမှလုပ်လို့ မရနိုင်ပါ ဘူး။ ဒါ့အပြင် မြန်မာနိုင်ငံမှာ ငွေရေးကြေးရေးဆိုင်ရာ ကိရိယာတွေ ကလည်း ပြည့်စုံမှုမရှိသေးတဲ့အတွက် နိုင်ငံတကာရဲ့ ဂယက်တွေကို ထိန်းဖို့မလွယ်နိုင်ပါဘူး။ မြန်မာနိုင်ငံတွင် မကပါဘူး အခြားနိုင်ငံကြီး များဖြစ်တဲ့ သြစတြေးလျနိုင်ငံနဲ့ ဥရောပနိုင်ငံများမှာတောင် နိုင်ငံ တကာရဲ့ ဂယက်တွေကဖြစ်ပေါ်လာတEffects တွေကို လွယ်လွယ်နဲ့ မထိန်းနိုင်ကြပါဘူး။ အဲဒီကြားထဲမှာ အခြားပြည်တွင်း Factors တွေ ကြောင့် ဖြစ်ပေါ်လာတဲ့ ဂယက်တွေလည်း ရှိနေပါသေးတယ်။
အခုတလောမှာလည်း ဘဏ်အချို့ကို ပိတ်သိမ်းမယ်ဆိုတဲ့ ကောလာဟလကနေတစ်ဆင့် ဘဏ်ပြဿနာတွေကိုကြုံတွေ့လာခဲ့ ပါတယ်။ ဗဟိုဘဏ်က ငွေရေးကြေးရေးတည်ငြိမ်ဖို့ ဘဏ်တွေအားလုံး ကို ကြီးကြပ်စိစစ်ရပါတယ်။ အဲဒီလိုစိစစ်တဲ့နေရာမှာ ဘဏ်တစ်ခုချင်း စီရဲ့ ကျန်းမာရေးအခြေအနေတွေကိုLiquidity ratio, Capital adequacy ratio စတဲ့ အချိုးတွေနဲ့ နေ့စဉ်၊ အပတ်စဉ်၊ လစဉ်စစ်ဆေးရ ပါတယ်။ ရှိသင့်တဲ့အချိုးမရှိရင် ချက်ချင်းခေါ်ယူသတိပေးပြီး ပြည့်မီ အောင် ချက်ချင်းဆောင်ရွက်ခိုင်းရပါတယ်။ မဆောင်ရွက်နိုင်ရင် ဒဏ်ငွေများ ပေးဆောင်စေပါတယ်။ ဒါကလည်း နိုင်ငံတကာမှာ ဆောင်ရွက်တဲ့ Basel requirements တွေနဲ့ အညီဆောင်ရွက်ရတာ ဖြစ်ပါတယ်။ အဲဒါတွေကိုရှင်းရင်းနဲ့ လွဲသွားတာတွေကိုလည်း တွေ့ရ ပါတယ်။ ဥပမာ ပုဂ္ဂလိကဘဏ်တွေက ဗဟိုဘဏ်မှာ Deposit တင်ပြီး အာမခံထားရပါတယ်လို့ ပြောတာတွေရှိလာပါတယ်။ အဲဒီမှာDeposit insurance နဲ့ မှားကုန်ကြတာတွေကိုလည်း တွေ့ရ ပါတယ်။ ဘဏ်တိုင်းဟာSettlement ပြုလုပ်ဖို့အတွက် ဗဟိုဘဏ်မှာ Current account ထားရှိရပါတယ်။ နောက်ပြီး Monetary policy အတွက်သတ် မှတ်တဲ့ Reserve requirement ကို ငွေသားအနေနဲ့ ဗဟိုဘဏ်မှာ ထားရှိရပါတယ်။ ဗဟိုဘဏ်မှာDeposit တင်ထားတာမဟုတ်သလို ဗဟိုဘဏ်မှာ Deposit တင်ထားတဲ့အတွက် ဗဟိုဘဏ်က ပုဂ္ဂလိက ဘဏ်တွေအတွက် အာမခံတာမဟုတ်ပါဘူး။ ပုဂ္ဂလိကဘဏ်တွေ ငွေ ကြေး အကျပ်အတည်းဖြစ်လာပြီးInterbank market ကတစ်ဆင့် ငွေချေးလို့မရတော့တဲ့အချိန်မှာ ဗဟိုဘဏ်ကLender of last resort အနေနဲ့ ၎င်းင်းတို့ပြိုလဲမသွားအောင် ငွေထုတ်ချေးပေးမယ်ဆိုတဲ့ အာမခံ ချက်ကိုပေးတာဖြစ်ပါတယ်။ အဲဒီတော့ ငွေကြေးအကျပ်အတည်းကြုံ ပြီး ဘဏ်တွေပိတ်သိမ်းရတဲ့အဖြစ်မျိုး ဖြစ်စရာမရှိနိုင်ပါဘူး။
နိုင်ငံတကာရဲ့ ငွေရေးကြေးရေးကဏ္ဍမှာ စိန်ခေါ်မှုတွေပိုများ လာသလို မြန်မာနိုင်ငံမှာလည်း စိန်ခေါ်မှုတွေ များလာပါတယ်။ အဲဒီ စိန်ခေါ်မှုတွေကို မဖြေရှင်းနိုင်သေးတဲ့ ဗဟိုဘဏ်ကိုလည်း ဝိုင်းပြီး အပြစ်တင်ကြပါတယ်။ အဆိုးထဲကအကောင်းတစ်ခုကတော့ နိုင်ငံ တကာက ဗဟိုဘဏ်တွေလို မြန်မာနိုင်ငံရဲ့ ဗဟိုဘဏ်ကရော လွတ် လပ်မှုရှိရဲ့လားဆိုတဲ့ မေးခွန်းတွေထွက်လာပါတယ်။ ဒါပေမယ့် ဘာ ကြောင့်ဗဟိုဘဏ်က လွတ်လပ်မှုရှိဖို့လိုတာလည်းဆိုတာကို ဆွေးနွေး တဲ့သူနည်းပါတယ်။ ဗဟိုဘဏ်တွေရဲ့ မူဝါဒဆိုင်ရာဆုံးဖြတ်ချက်တွေ အတော်များများက Popular မဖြစ်တဲ့အတွက် အဲဒီလိုဆုံးဖြတ်ချက် တွေကို ဝင်ရောက်မစွက်ဖက်နိုင်အောင် ဗဟိုဘဏ်တွေ ကိုလွတ်လပ် ခွင့်ပေးထားသင့်တာဖြစ်ပါတယ်။ စီးပွားရေးကပ်ဆိုက်ပြီး ပြန်နာလန် ထူလာအောင် ဆောင်ရွက်တဲ့ ဗဟိုဘဏ်တွေရဲ့ Expansionary policy ဆုံးဖြတ်ချက်တွေကို လူကြိုက်များနိုင်ပေမယ့် စီးပွားရေးတိုး တက်မှုအရှိန်အဟုန်များပြီး ဖြစ်ပေါ်လာတဲ့ ငွေကြေးဖောင်းပွမှုတွေကို ထိန်းချုပ်ဖို့ ဆောင်ရွက်တဲ့ ဗဟိုဘဏ်တွေရဲ့ တွေကို ဘယ်သူမှမကြိုက်ကြပါဘူး။ အဲဒီအချိန်မှာ အချို့ဗဟိုဘဏ် တွေရဲ့ မူဝါဒဆုံးဖြတ်ချက်တွေဟာContractionary policy တောင်ဖြစ်နိုင် ပါသေးတယ်။ အဲဒီလိုအချိန်တွေမှာ Politically costly ဗဟိုဘဏ်ရဲ့ မူဝါဒဆုံးဖြတ်ချက် တွေကို ဝင်ရောက်စွက်ဖက်လို့ မရနိုင်အောင်လို့ ဗဟိုဘဏ်တွေကို လွတ်လပ်ခွင့်ပေးထားရတာ ဖြစ်ပါတယ်။ ဒါပေမယ့် လုံးဝအလုံးစုံ လွတ်လပ်တဲ့ ဗဟိုဘဏ်ဆိုတာလည်း မရှိသေးပါဘူး။ သို့သော် လွတ် လပ်စွာဆုံးဖြတ်ခွင့် အတော်များများကို ပေးထားကြရပါတယ်။ အများလက်ခံနိုင်တဲ့ အများကြိုက်တဲ့ မူဝါဒတွေကိုချမှတ်နိုင်ဖို့ ဗဟို ဘဏ်ကို လွတ်လပ်ခွင့်ပေးသင့်တယ်လို့ ထင်ရင်တော့ မှားပါလိမ့် မယ်။
နိုင်ငံတစ်နိုင်ငံမှာ တည်ငြိမ်တဲ့ Macroeconomic enviro- nment ကိုရရှိနိုင်ဖို့ ထိန်းချုပ်သင့်တာတွေကို ထိန်းချုပ်ကြပါတယ်။ ဒါပေမယ့် လူတိုင်းကတော့ ထိန်းချုပ် တယ် ဆိုတာကို ကြိုက်မှာ မဟုတ်ပါဘူး။ ဥပမာ မြန်မာနိုင်ငံနဲ့ အနီးဆုံးဖြစ်တဲ့ ထိုင်းနိုင်ငံမှာ နိုင်ငံခြားငွေကြေး ဈေးကစားမှုတွေ မဖြစ်ပေါ်ဖို့ ထိန်းချုပ်မှုတွေ အခုအချိန်အထိ ရှိနေပါတယ်။ ထိုင်းလူမျိုးတွေရဲ့FCD လို့ခေါ်တဲ့Foreign Currency Deposit တွေထဲမှာ ပြည်ပကဝင်တဲ့နိုင်ငံခြားငွေ ကိုပဲ သိမ်းထားနိုင်ပြီး ပြည်တွင်း Account transfer နဲ့ ဝယ်ယူထည့် သွင်းထားလို့ မရပါဘူး။ နိုင်ငံခြားငွေကို ကြိုက်သလောက်ထည့်သိမ်း ထားခွင့်လည်း မရှိပါဘူး။ နိုင်ငံခြားငွေနဲ့ ပြည်ပကို ပေးချေစရာ Obligations တွေရှိရင် အထောက်အထားတွေတင်ပြပြီး အဲဒီပမာဏ ထက်ပိုတဲ့ နိုင်ငံခြားငွေကို FCD ထဲမှာထားလို့ မရပါ ဘူး။ တကယ်လို့ နိုင်ငံခြားငွေနဲ့ ပြည်ပကိုပေးချေစရာအတွက် အထောက် အထားမပြ နိုင်ရင် ဒေါ်လာ ၅ သန်းထက်ပိုပြီး မထားရပါဘူး။ ၂၀၁၀ ခုနှစ်အထိ အထောက်အထားမပြနိုင်ရင် ဒေါ်လာ ၅ သိန်းထက်ပိုပြီး မထားရ ပါဘူး။ ၂၀၀၇ ခုနှစ်အထိ အထောက်အထားမပြနိုင်ရင် (တစ်ဦးချင်း စီရဲ့ ငွေစာရင်းမှာ) ဒေါ်လာ ၅ သောင်း (ကုမ္ပဏီတစ်ခုချင်းစီရဲ့ ငွေ စာရင်းမှာ) ဒေါ်လာ ၂ သန်းထက် ပိုပြီးထားလို့ မရပါဘူး။ စတော့ ဈေးကွက်တွေမှာ နိုင်ငံခြားသားတွေက ဝင်ရောက်ဈေးမကစားနိုင် အောင်လို့ Non Resident FCD တွေအပေါ် ထိန်းချုပ်မှုတွေလည်း အများကြီး ရှိပါတယ်။
မြန်မာနိုင်ငံမှာတော့ အဲဒီလိုထိန်းချုပ်မှုတွေမရှိတဲ့အတွက်
''အဝေး''လို့ ခေါ်တဲ့ Account transfer တွေ၊ နိုင်ငံခြားငွေ စာရင်းရှင်တစ်ဦးနဲ့တစ်ဦး အပြန်အလှန်ရောင်းဝယ်တဲ့ Informal Hundi transfer ဈေးကွက်တွေက ကြီးထွားလာပါတယ်။ အဲဒီစနစ်တွေကနေCapital flows တွေ အရှိန်အဟုန်နဲ့ ဝင်ထွက်နေတာကို လည်းတွေ့ ရပါတယ်။ အဲဒီCapital flows တွေကဖြစ်ပေါ်လာတဲ့ Effectsတွေကို ထိန်းနိုင်ဖို့လည်း ငွေရေးကြေးရေးဆိုင်ရာ ကိရိယာတွေ မစုံလင်သေး ပါဘူး။ ဥပမာ-မိုးရွာတဲ့အချိန် ခေါင်မိုးပေါက်နေပြီး ရေမစိုအောင် သေသေချာချာ ကာနိုင်တဲ့ထီးတွေမရှိသေးဘဲ ရှိတဲ့ပစ္စည်းအချို့နဲ့ မိုးကာနေရသလို ဖြစ်နေပါတယ်။ ခေါင်မိုးလုံအောင်လုပ်ဖို့က အဓိက ဆိုပေမယ့် အဲဒီခေါင်မိုးပြင်ဖို့ အတွက် ကိရိယာအနည်းငယ်သာရှိပြီး အိမ်သားအချို့ကလည်း ခေါင်းမိုးရဲ့ အချို့နေရာတွေကို ဖောက်ပြီး ရေခံနေတာနဲ့တူနေပါတယ်။ အဲဒီအချိန်မှာ ရေမစိုအောင်ထီးလိုက် ရှာရ၊ ပေါက်နေတဲ့ခေါင်မိုးကို ရှိတဲ့ပစ္စည်းနဲ့ ပြုပြင်ရ၊ ခေါင်မိုးဖောက် နေတဲ့အိမ်သားတွေကိုလည်း ပြောလို့မရ၊ အိမ်ထဲက အခြားအိမ်သား တွေကလည်း မိုးရေစိုလို့ ဝိုင်းဆဲနေတဲ့အခြေအနေမျိုးနဲ့ ရင်ဆိုင်ကြုံ တွေ့နေရတယ်လို့ ဆိုရမှာပါ။
ဘယ်လိုအခြေအနေပဲ ရောက်နေပါစေ ရှိတဲ့ပစ္စည်းနဲ့ မိုးမယို အောင်၊ မိုးယိုနေတာတွေကို ပိုပြီး လုံခြုံအောင်ကာနိုင်ဖို့နဲ့ ရှိတဲ့ပစ္စည်း နဲ့ ခေါင်မိုးကို ပြုပြင်နိုင်ဖို့က အရေးကြီးပါတယ်။ အဲဒါကြောငDeposit auction, Reserve requirement စတဲ့ ရနိုင်တဲ့ နည်းလမ်း ပေါင်းစုံနဲ့ ဗဟိုဘဏ်က Contractionary monetary policy ကို ကျင့် သုံးနေပါတယ်။ မြန်မာငွေကျပ်လာတော့မှ မြန်မာငွေတန်ဖိုးအရမ်း ကျဆင်းခြင်းကို ကာကွယ်နိုင်မှာဖြစ်ပါတယ်။ Secondary bond market မရှိသေးတဲ့အတွက် နိုင်ငံတကာမှာ ကျင့်သုံးတpen Market Operations (OMO) နည်းလမ်းကိုတော့ မသုံးနိုင်သေးပါဘူး။Secondary bond market ဖြစ်လာနိုင်ဖို့ အရင်ဦးဆုံးMarket driven interest rates တွေရှိဖို့လိုပါတယ်။ အဲဒါကြောင့် Treasury bills တွေကိုScriptless လို့ခေါ်တဲ့ အီလက်ထရောနစ်ပုံစံ ပြောင်းပြီး Treasury securities auction ကိုစလုပ်ရတာဖြစ်ပါတယ်။ နောက်ပြီး Bonds တွေကိုလည်း အီလက်ထရောနစ်ပုံစံပြောင်းဖို့ လုပ်နေပါတယ်။Treasury security auction ကနေတစ်ဆင့် သက်တမ်းအမျိုးမျိုးရှိတဲ့ Market driven yields တွေကိုရရှိနိုင်မှာဖြစ်ပြီးYield curve ကိုဆွဲနိုင် မှာ ဖြစ်ပါတယ်။Yield curve ရလာမှသာ Currency forwardိ ဈေး ကွက်တည်ဆောက်နိုင်မှာ ဖြစ်ပါတယ်။ အဲဒီ Currency forwardိ ဈေးကွက်ဟာလည်း နိုင်ငံခြား ငွေကြေးတည်ငြိမ်ရေးမှာ အဓိကကျ ပါတယ်။ အဲဒီအချိန်ကျမှRepo (Repurchase Agreement) ဈေး ကွက်ပေါ်လာပြီး အဲဒီRepo တွေကတစ်ဆင့် Interbank money market တွေကျယ်ပြန့်လာကာOMO ကိုလည်း တွင်ကျယ်စွာ ဆောင် ရွက်နိုင်မှာ ဖြစ်ပါတယ်။
အဲဒါတွေအပြင် အခြားဆောင်ရွက်စရာတွေ အများကြီးရှိနေပါ သေး တယ်။ တစ်နိုင်ငံလုံးဘဏ်စနစ်ကို လွယ်ကူစွာသုံးစွဲနိုင်ဖို့၊ ဘဏ် စာရင်းရှိတဲ့ သူတွေရော မရှိတဲ့သူတွေပါ ငွေသားတွေ အများကြီးသယ် ယူစရာမလိုဘဲ အီလက်ထရောနစ်စနစ်နဲ့ မြန်မာကျပ်ငွေပိုက်ဆံတွေ ကို ပြည်တွင်းမှာသာမက ပြည်ပမှာပါ အဆင်ပြေချောမွေ့စွာ အသုံး ပြုနိုင်ဖို့၊ တရားမဝင် ဈေးကွက်တွေနေရာမှာ လွယ်ကူချောမွေ့တဲ့ တရားဝင်ဈေးကွက်တွေ ဖြစ်လာနိုင်ဖို့ စတဲ့ ဆောင်ရွက်စရာတွေ အများကြီးရှိနေပါသေးတယ်။ အဲဒါတွေ ဆောင်ရွက်နိုင်အောင်လည်းMobile banking စနစ်၊Mobile payment စနစ်၊Debit and credit card payment စနစ်၊ e-commerce စနစ် စတာတွေကိုလည်း အကောင် အထည်ဖော် ဆောင်ရွက်နေပါတယ်။ အခုဆိုရငMobile banking တွေ သုံးလို့ရနေပါပြီ။ မိုဘိုင်းဖုန်း ဒါမှမဟုတCyber banking စနစ်ကတစ်ဆင့် ငွေလွှဲတာတွေကို ဘဏ်အချို့မှာ လုပ် လို့ရနေပါပြီ။ မတူညီတဲ့ဘဏ်စာရင်းအချင်းချင်း အပြန်အလှန်Cyber banking နဲ့ လွှဲနိုင်အောင်လည်း Payment switch တွေလုပ်နေ ပါပြီ။ Real time gross settlement system (RTGS) ကိုလည်း ဒီနှစ် ကုန်မှာ စတင်သုံးနိုင်မှာဖြစ်ပါတယ်။ ကျပ်ငွေနဲ့ Debit card တွေ အပြငCredit card တွေကိုပါ ထုတ်ခွင့်ပြုထားပါပြီ။ JCB, CUP, Visa, Master တွေနဲ့ချိတ်ဆက်ပြီး ကျပ်ငွေနဲ့ အသုံးပြုတဲ့ Credit card တွေ E-commerce တွေကို နိုင်ငံတကာမှာသုံးလို့ ရနိုင်အောင်လည်း ဆောင်ရွက်နေပါတယ်။ f e-commerce စနစ်တွေကိုလည်း ခွင့်ပြု ဆောင်ရွက်ထားပြီး ဖြစ်ပါတယ်။
အခုဆိုရင် အခွန်အခအတွေကို မိုဘိုင်းဖုန်းနဲ့ပဲဖြစ်ဖြစ် ကွန်ပျူ တာနဲ့ပဲဖြစ်ဖြစf e-commerce စနစ်နဲ့ Electronically ပေးလို့ရနေပါပြီ။ သီလဝါ အထူးစီးပွားရေးဇုန် စီမံခန့်ခွဲမှုကော်မတီက ပထမဦးဆုံး အဖြစ်Commercial tax ကျပ်သိန်းပေါင်း တစ်သောင်းနှစ်ထောင်ကျော် ကိုအီလက်ထရောနစ် e-commerce စနစ်ကိုသုံးပြီး သြဂုတ်လဆန်းမှာ ပေးခဲ့ပါတယ်။
မြန်မာနိုင်ငံငွေရေးကြေးရေးကဏ္ဍကြီးတစ်ခုလုံး အလုံးစုံတိုး တက်သွားနိုင်ဖို့ ချက်ချင်းဆောင်ရွက်လို့ မရနိုင်သေးပေမယ့် ဆောင် ရွက်သင့်တာမှန်သမျှ ကြိုးစားဆောင်ရွက်လျက်ရှိကြောင်း ကျွန်တော့် ရဲ့ အညတရ သဘောထား (Humble opinion)လေးကို ကြိုးစား ဖော်ပြထားခြင်းသာ ဖြစ်ပါတယ်။ ကျွန်တော့်ကို သင်ကြားခဲ့ဖူးသော ဆရာ၊ ဆရာမများ၊ မသင်ကြားခဲ့ဖူးသော်လည်း မြင်ဆရာ၊ ကြားဆရာ အဖြစ် ကျွန်တော်က မှတ်သားနာယူခဲ့ရဖူးသော ဆရာ၊ ဆရာမများ အားလုံးဟာ ကျွန်တော့်ထက် အဆပေါင်းမြောက်များစွာ ပိုပြီးနား လည်တတ်ကျွမ်းတဲ့အတွက် ကျွန်တော့် ဖော်ပြမှုမှာ အမှားများရှိလျှင် ဆက်လက်သင်ကြားထောက်ပြပေးပါခင်ဗျား။၏
ဆက်အောင်