Background
မြန်မာ - တရုတ်နယ်စပ်ရှိ မူဆယ် ၁၀၅ မိုင် ကုန်သွယ်ရေးဇုန်မှ ကန်ဒေါ်လာ သုည ဒသမ ၁၉၇ သန်း တန်ဖိုးရှိ ပဲတီစိမ်းလုံးပြည့် ၂၅၁ တန်နဲ့ ကန်ဒေါ်လာ သုည ဒသမ ၀၁၄ သန်း တန်ဖိုးရှိ ပဲတီစိမ်းလုံးခြမ်း ၁၄ တန်ခွဲ အပို့ရှိခဲ့ပါတယ်။ ယခင်အပတ်ကထက် လုံးပြည့်တန် ၉၀၀ ကျော် အပို့လျော့ခဲ့ပါတယ်။
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင်FOB ဈေးကွက်မှာ ယခုတစ်ပတ်လည်း ပဲတီရွှေဝါ ရောင်းဝယ်မှု အားကောင်းနေတာတွေ့ရပါတယ်။ ယခင်တစ်ပတ် ပဲတီစိမ်းတန်ချိန် နှစ်သောင်းခန့် အရောင်းအဝယ် ဖြစ်ခဲ့သလို ယခု တစ်ပတ်မှာလည်း ပဲတီရွှေဝါ တန်ချိန် ၁၈၀၀၀ ကျော်နဲ့ ပဲတီစိမ်း၊ ပဲတီစိမ်းခွဲခြမ်းစုစုပေါင်း တန်ချိန် ၁၉၃၀၀ ခန့် အရောင်း အဝယ်ဖြစ်ကြောင်းသိရပါတယ်။ ဖေဖော်ဝါရီလ တစ်လလုံးမှာ ပဲတီစိမ်း၊ ပဲတီရွှေဝါ စုစုပေါင်း တန်ချိန် ၄၃၀၀၀ ကျော် အရောင်းအဝယ်ဖြစ်ခဲ့ကြောင်းသိရပါတယ်။ ရန်ကုန် FOB ဈေးအနေနဲ့ ယခင်တစ်ပတ်အတိုင်း ငြိမ်နေပြီး ပဲတီစိမ်းအညာ တစ်တန် ကန်ဒေါ်လာ ၇၀၀-၇၂၀၊ ပခုက္ကူ တစ်တန် ကန်ဒေါ်လာ ၆၇၀-၆၉၀ နဲ့ ရွှေဝါအကြီးမှာ ကန်ဒေါ်လာ ၈၀၀-၈၂၀ ရှိကြောင်း သိရပါတယ်။ MIRT - MAPT
ပင်လယ်ရေကြောင်းက ပဲမျိုးစုံ တင်ပို့တဲ့အနက် ယခုတစ်ပတ်မှာ ပဲတီရွှေဝါတင်ပို့မှု ပမာဏအများဆုံးဖြစ်တာ တွေ့ရပါ တယ်။ ယခင်သီတင်းပတ်က တန်ချိန် ၇၀၀၀ ကျော်တင်ပို့ခဲ့ရာမှ ယခုတစ်ပတ် (ဖေဖော်ဝါရီ ၂၀-၂၄ ရက်) အတွင်းမှာ တန် ချိန် ၁၃၀၀၀ ခန့်အထိ တိုးတက်တင်ပို့နိုင်တာ တွေ့ရပါတယ်။
မြန်မာ - တရုတ်နယ်စပ်ရှိ မူဆယ် ၁၀၅ မိုင် ကုန်သွယ်ရေးဇုန်မှ ကန်ဒေါ် လာ သုည ဒသမ ၁၁၉ သန်း တန်ဖိုးရှိ ပဲလွန်းဖြူ ၁၇၉ တန်ခန့်ကို ဖေဖေါ်ဝါ ရီလ ၂၂ ရက်မှ ၂၈ ရက်ထိ ကာလ အတွင်းမှာအပို့ရှိခဲ့ပါတယ်။ယခင်အပတ် က တင်ပို့မှုထက် ၁၅၇ တန်ခန့် လျော့ နည်း တင်ပို့ခဲ့ပါတယ်။ဖေဖော်ဝါရီလမှာ နယ်စပ်မှ ပဲလွန်းဖြူ ၁၁၂၃ တန်ခန့် တင်ပို့ ထားပြီး ဖြစ်ပါတယ်။ မိမိဖက် မြေပြင်ပေါက်ဈေးမှာ ၅၉၀၃၂၉ ကျပ် ဖြစ်ပြီး ယခင်အပတ် ကထက် ၂၃၄၁၃ ကျပ်ခန့် ဈေးပိုမိုခဲ့ပေမယ့် တစ်ဖက်နိုင်ငံ ပေါက်ဈေးက ပြောင်းလဲမှုမရှိဘဲ ၉၀၅ ဒေါ်လာ ပေါက်လျက်ရှိတယ်လို့ သိရ ပါတယ်။MIRT (DOBT)
ဖေဖော်ဝါရီ နောက်ဆုံးပတ်အတွင်း လွိုင်ကော်ဈေးကွက်သို့ ပဲစင်းငုံသစ်များ တစ်ရက်ပိဿာ ၃၀ ဝင်အိတ် ၁၀၀၀ ဝန်းကျင် ပုံမှန်ဝင်ရောက်နေပြီး ဈေးကလည်း အဖြူလုံးကြီးတစ်ပိဿာ ၅၂၅ ကျပ်၊ ၅၃၀ ကျပ်၊ အနီတစ်ပိဿာ ၆၅၀ ကျပ်၊ ၆၇၀ ကျပ်နဲ့ ဈေးငြိမ်နေတာတွေ့ရပါတယ်။ လွိုင်ကော်မြို့မှ ပဲစင်းငုံတင်ပို့နိုင်မှုမှာ ဖေဖော်ဝါရီ ၂၂ ရက်မှ ၂၉ ရက်အထိ ပဲစင်းငုံ ၈၈၈၀ အိတ်ကို ရန်ကုန်နဲ့ မန္တလေးမြို့များသို့ တင်ပို့နိုင်ခဲ့ကြောင်းသိရ ပါတယ်။ မင်းအောင်
ပဲခူးတိုင်းဒေသကြီးအနောက်အတွင်း ပဲစင်းငုံသီးနှံစိုက်ဧက ၁၇၀၀၀ ကျော် စိုက်ပျိုး ခဲ့ပြီး၊ ဧကအားလုံးနီးပါး ရိတ်သိမ်းပြီးဖြစ်တဲ့အတွက် ဈေးကွက်အတွင်းကို ပဲစင်းငုံအသစ်များ ဖေဖော်ဝါရီလဆန်းမှစပြီး ဝင်ရောက်ခဲ့ကာယခုနောက်ဆုံးပတ် မှာတော့အိတ် ၅၀ ခန့်သာဝင်ရောက်မှုရှိလာခဲ့ပါတယ်
ပင်လယ်ရေကြောင်းက ယခင်တစ်ပတ် ပဲစင်းငုံတန်ချိန် ၁၄၀၀၀ နီးပါး တင်ပို့ ခဲ့ရာမှ ယခုတစ်ပတ် (ဖေဖော်ဝါရီ ၂၀-၂၄ ရက်)အတွင်းမှာတော့ တန်ချိန် ၇၄၀၀ ကျော်ကို လျော့ကျတင်ပို့ခဲ့တာ တွေ့ရပါတယ်။ လက်ရှိဘဏ္ဍာနှစ် ဖေဖော်ဝါရီ ၂၄ ရက်အထိ ပဲစင်းငုံစုစုပေါင်း တင်ပို့မှုကိုကြည့်ရင် တန်ချိန် ၂၈၅၀၀၀ ခန့်ရှိပြီး ဝင်ငွေမှာ ကန်ဒေါ်လာ ၁၇၀ သန်းကျော်ရရှိလို့ ယခင်ဘဏ္ဍာနှစ်ကာလတူအတွင်း တင်ပို့ခဲ့တဲ့ တန်ချိန် ၁၂၅၀၀၀၊ ဝင်ငွေ ကန်ဒေါ်လာ ၁၀၄ သန်းကျော်နဲ့ယှဉ်ရင် တင်ပို့မှု ပမာဏအားဖြင့် တန် တစ်သိန်းခြောက်သောင်းကျော် ပိုမိုတင်ပို့နိုင်ပေမဲ့ ရရှိတဲ့ ဝင်ငွေမှာ ကန်ဒေါ်လာ ၆၀ ကျော်သာ ပိုမိုရရှိကြောင်း သိရပါတယ်။
ပဲခူးတိုင်းဒေသကြီး (အရှေ့) အတွင်း မိုးစပါးစိုက်ပြီးတဲ့အခါ ဆောင်းသီးနှံ၊ ပဲမျိုးစုံနှင့် နွေစပါးကိုသီးထပ်အဖြစ် စိုက်ပျိုးကြပါတယ်။တောင်သူများအဓိက အား ထားပြီး အများဆုံးစိုက်ပျိုးတဲ့ သီးနှံကတော့ မတ်ပဲဖြစ်ပြီး ပဲခူးခရိုင်မှာ စိုက်ဧက ၃ ဒသမ ၁ သိန်း၊ တောင်ငူခရိုင်မှာ စိုက်ဧက ၂ ဒသမ ၂ သိန်း၊ စုစုပေါင်း ၅ ဒသမ ၃ သိန်းခန့် စိုက်ပျိုးပါတယ်။
ရန်ကုန်တိုင်းဒေသကြီးဘုရင့်နောင်ကုန်စည်ဒိုင်ၤဥြ ဈေးကွက်မှာ ယခုတစ် ပတ် မတ်ပဲ အရောင်းအဝယ် ဖြစ်မှု ပိုများလာပါတယ်။ ယခင်တစ်ပတ်က တန်ချိန် ၆၅၀၀ ကျော်သာ အရောင်းအဝယ်ဖြစ်ခဲ့ရာမှ ယခုတစ်ပတ် ဖေဖော်ဝါရီလ ၂၄ ရက်မှမတ်လ၁ရက်အထိ မတ်ပဲ SQ ၊ FAQ ၊ အခွံချွတ်စုစုပေါင်း တန်ချိန် ၁၅၀၀၀ ခန့် အရောင်းအဝယ်စာချုပ်နိုင်ခဲ့ကြောင်း သိရပါတယ်။ အိန္ဒိယ တမီလ်နာဒူး ပြည်နယ်က မတ်ပဲခွဲခြမ်းတင်ဒါခေါ်ယူခြင်းနဲ့ ပတ်သက်လို့ အရောင်းအဝယ် အနည်း ငယ်သွက်လာတာကြောင့် ဖြစ်ပါတယ်။
ပင်လယ်ရေကြောင်းက မတ်ပဲတင်ပို့မှုမှာ ယခင်သီတင်းပတ်က တန်ချိန် ၇၂၀၀ ကျော်ကိုလျော့နည်းခဲ့ရာမှ ယခုတစ်ပတ် ဖေဖော်ဝါရီ ၂၀ ရက်မှ ၂၄ ရက် အတွင်း တန်ချိန် ၉၀၀၀ ခန့်ကို တိုးတက်တင်ပို့ခဲ့ကြောင်းသိရပါတယ်။ ယခုဘဏ္ဍာနှစ် ဖေဖော်ဝါရီ ၂၄ ရက်အထိ မတ်ပဲစုစုပေါင်း တင်ပို့ပြီးစီးမှုဟာ တန်ချိန် ၅၄၇၀၀၀ ကျော်ရှိပြီး ဝင်ငွေအားဖြင့် ကန်ဒေါ်လာ ၄၄၂ သန်းကျော်ရရှိကြောင်း သက်ဆိုင်ရာ ဌာန စာရင်းများအရ သိရပါတယ်။