Background
မုံရွာ V2 တက်ဈေးနဲ့ အဝယ်သွက် သြဂုတ်လဆန်း မုံရွာကုန်စည်ဒိုင် ကုလားပဲဈေးကွက်မှာ V2 ဈေးတက်လာပြီး မန်းနဲ့ရန်ကုန်ဝယ်လက် အဆွဲသွက်လာခဲ့တယ်လို့ ကုန်သည်ရပ်ကွက်ကဆိုပါတယ်။ ကုလားပဲအားလုံးပြီးခဲ့တဲ့ ဇူလိုင်လဆန်းကပေါက်ဈေး ထက် ဈေးပိုလာခဲ့ရာ သြဂုတ် လဆန်းမှာ V2 တစ်တင်း ၂၁၅ဝဝ ကျပ်မှ ၂၂ဝဝဝ ကျပ်၊ ကုလားပဲရိုးရိုးတစ်တင်း ၁၅၅ဝဝ ကျပ်မှ ၁၆ဝဝဝ ကျပ်၊ ကုလားပဲတိုင်ပေ ၁၇ဝဝဝ ကျပ်မှ ၁၇၁ဝဝ ကျပ်၊ ကုလားပဲ 929 တစ်တင်း ၁၆၈ဝဝ ကျပ် ဈေးအသီးသီးပေါက်ခဲ့တာတွေ့ရပါတယ်။ V2 ဈေးကွက်မှာတော့ မန်းနဲ့ရန်ကုန်ဝယ်လက်တွေ အများဆုံးဆွဲခဲ့လို့ မုံရွာ ကုန်စည်ဒိုင်မှာ တစ်ရက်လျှင် အိတ် ၃ဝဝဝ မှ ၅ဝဝဝ ဝန်းကျင် နေ့စဉ်အရောင်း သွက်ခဲ့ပြီး၊ ကျန်ကုလားပဲတွေ ကတော့ လုပ်ငန်းသုံးအတွက် မန်းအဆွဲအနည်းငယ်နဲ့ ဒေသတွင်းခွဲစက်၊ ပဲကြော်ဖိုနဲ့ ပဲလက်လီသမားအဝယ် အသင့်အတင့်ရှိခဲ့တယ်လို့ ပွဲရုံရပ်ကွက်ကဆိုပါတယ်။ ဇူလိုင် ၂၇ ရက်ကနေ သြဂုတ် ၃ ရက်နေ့အထိ မုံရွာ ကုန်စည်ဒိုင် ဈေးကွက်ကနေ ကုလားပဲစီးထွက်မှုအနေနဲ့ မန္တလေးကို တင်း ၅ဝဝဝ ခန့်နဲ့ ရန်ကုန်ကို တင်း ၁၆ဝဝဝ ခန့်ရှိခဲ့တယ်လို့ လေ့လာသိရှိရပါတယ်။ ထွန်းလှိုင်၊
ကုလားပဲဖြူလုံးကြီး ဈေးခိုင်သော်လည်း ပြည်ပအရောင်းအဝယ်ပြန်လျော့ ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ဇူလိုင်လ ၂၈ ရက်မှ သြဂုတ်လ ၄ ရက်အတွင်း အရောင်းအဝယ် စာချုပ်ချုပ်ဆိုမှုမှာ ကုလားပဲဖြူလုံးကြီး FAQ တန် ၄၇ဝဝ ခန့် ရှိခဲ့ပါတယ်။ ယခင်အပတ် ဇူလိုင် ၂၂ ရက်မှ ၂၈ ရက်အတွင်း ကုလားပဲတန် ၆၅ဝဝ ကျော်ရောင်းချနိုင်တာနဲ့ယှဉ်ရင် ယခုအပတ် အရောင်းလျော့ပေမဲ့ ဈေးနှုန်းအနေနဲ့ ပိုမိုခိုင်မာလာတာတွေ့ရပါတယ်။ ပြည်ပ ဝယ်လိုအားရှိနေဆဲဖြစ်ပြီး လက်ကျန်နည်းလာတဲ့အတွက် ဈေးပိုတိုးလာခြင်းဖြစ် တယ်လို့ သိရပါတယ်။ ရန်ကုန် FOB ဈေးအနေနဲ့ ယခင်ဇူလိုင်လ ၂၉ ရက်က FAQ တစ်တန် ကန် ဒေါ်လာ ၉၃ဝ-၉၅ဝ ရှိရာမှ ယခုအပတ် သြဂုတ်လ ၄ ရက်အတွင်း FAQ တစ်တန် ကန်ဒေါ်လာ ၁ဝဝဝ-၁ဝ၂ဝ ရှိကြောင်း သိရပါတယ်။ MIRT- MAPT
ကုလားပဲဖြူလုံးကြီး ယခင်နှစ်ထက်ပိုတင်ပို့နိုင် ပင်လယ်ရေကြောင်းက ကုလားပဲဖြူလုံးကြီး တင်ပို့မှုကတော့ ဇူလိုင် ၁ဝရက် မှ ၁၆ ရက်အတွင်း တန်ချိန် ၁၅ဝဝ ခန့်၊ ဇူလိုင် ၁၇ ရက်မှ ၂၃ ရက်အတွင်း တန် ချိန် ၃ဝဝဝ ခန့် တင်ပို့နိုင်ခဲ့ပြီး ယခုဇူလိုင်နောက်ဆုံးပတ် ၂၄ ရက်မှ ၃ဝ ရက်အတွင်း တန်ချိန် ၃၂ဝဝ ကျော် ပိုမိုတင်ပို့လာနိုင်ပါတယ်။ ၂ဝ၁၁-၂ဝ၁၂ ဘဏ္ဍာနှစ် ဇူလိုင် ၂၉ ရက်အထိ ကုလားပဲဖြူလုံးကြီး တင်ပို့ပြီးစီးမှုဟာ တန်ချိန် ၃၈ဝဝဝ ကျော်ရှိပြီး ယခင်နှစ် ကာလတူ တင်ပို့မှု တန်ချိန် ၆ဝဝ ကျော်ထက် ပိုမိုတင်ပို့နိုင်တာ တွေ့ရပါတယ်။ ယခုအပတ် ကုလားပဲဖြူလုံးကြီး အရောင်းအဝယ်လျော့ပေမဲ့ အခြားပဲများ ထက်ပိုပြီး အဝယ်ရှိတာကြောင့် ဆက်လက်တင်ပို့နိုင်မယ်လို့ ကုန်သည်များက ခန့်မှန်း ကြပါတယ်။ MIRT- MAPT
အရည်အသွေးပေါ်လိုက်၍ ဈေးပေးဝယ်ယူမှုရှိတဲ့ ပြည်ပဲတီစိမ်း ယခုတစ်ပတ်ပြည်ဈေးကွက်သို့ ပဲတီစိမ်းဝင်ရောက်မှုမှာ ယခင်ဇူလိုင်လကုန်ဝင်ရောက်မှုထက် လျော့ကျလာခဲ့ပါတယ်။ တစ်ရက်ကို အိတ် ၄ဝဝ-၅ဝဝ ခန့်ဝင်ရောက်ခဲ့ပြီး ပဲဈေးနှုန်းမှာ တစ်တင်းကို ၁၆၅ဝဝ ကျပ်မှ ၁၈ဝဝဝ ကျပ်ထိ အရည်အသွေး ပေါ်လိုက်၍ ဈေးပေးဝယ်ယူမှုရှိခဲ့ကြပါတယ်။ ဇူလိုင် နောက် ဆုံးပတ်တွင် တစ်တင်းကို ထိပ်စမှာ ၁၇၅ဝဝ ကျပ်၊ ရိုးရိုးစမှာ ၁၄၅ဝဝ ကျပ်ဖြင့် ရောင်းဝယ်ခဲ့ကြပြီး ယခုသြဂုတ်လ ပထမ ပတ်အတွင်း မန္တလေးဝယ်လက်များ အဝယ်ရှိခဲ့တာကြောင့် ဈေးပိုမြင့်လာခဲ့ခြင်းဖြစ်တယ်လို့ သိရပါတယ်။ ရန်ကုန်သို့ ပဲတီ စိမ်း တင်ပို့မှုအနေဖြင့် ဇူလိုင်လအတွင်း အိတ် ၃ဝဝဝ ကျော် တင်ပို့နိုင်ကြောင်း သိရပါတယ်။ ခင်ဆွေဝင်း
အရောင်းသွက်လယ်ယာထွက်ကုန် ပဲတီစိမ်း မူဆယ် ၁ဝ၅ မိုင် ကုန်သွယ်ရေးဇုန်မှ တစ်ဖက်တရုတ်နိုင်ငံသို့ ဇူလိုင်လ ၂၇ ရက်မှ သြဂုတ်လ၂ ရက် ထိကာလအတွင်း တင်ပို့နေသော လယ်ယာထွက်ကုန်များထဲမှ ပဲတီစိမ်းဟာ အရောင်းသွက်လျက်ရှိပါတယ်။ ယခုအပတ်မှာ ကန်ဒေါ်လာ ၈ ဒသမ ၄၁၈ သန်းတန်ဖိုးရှိ ပဲတီစိမ်း ၁ဝ၅၂၂ တန်ခန့် တင်ပို့ခဲ့ပါတယ်။ ယခင်အပတ်ကတင်ပို့မှုထက် တန် ၁၃၃ဝဝ ခန့် လျော့နည်းတင်ပို့ခဲ့ပါတယ်။ မူဆယ် ၁ဝ၅ မိုင် ကုန်စည်ဒိုင်သို့ ယခုအပတ်အဝင်များတဲ့ လယ်ယာထွက်ကုန်တွေကတော့ ပဲတီစိမ်းနဲ့ ပြောင်းဖူးစေ့များဖြစ်ပြီးကျဈေးနဲ့သာ တစ်ဖက်နိုင်ငံသို့ တင်ပို့နေရတာဖြစ်ပါတယ်။ ဇူလိုင်လမှာ ပဲတီစိမ်းတန် ၅၁၈ဝဝ တင်ပို့ထားပြီး ယမန်နှစ်ကာလတူမှာတော့ ၁၉၅၂၁ဝတန်သာ တင်ပို့နိုင်ခဲ့ပါတယ်။ ယမန်နှစ် ဧပြီလမှ ဇူလိုင်လ ကုန်အထိ နယ်စပ်မှ ပဲတီစိမ်း တန် ၅၁၉ဝဝ ကျော် အပို့ရှိခဲ့ပြီး ယခုနှစ် ဧပြီလမှ ဇူလိုင်လကုန်အထိ နယ်စပ်မှ ပဲတီစိမ်း တင်ပို့နိုင်မှုမှာ ၇၇၄၅၉ တန်ရှိတဲ့အတွက် ယခုနှစ်မှာ ၂၅၅၅၉ တန် ပိုမိုတင်ပို့နိုင်ခဲ့ပါတယ်။ မိမိဘက်နဲ့ တစ်ဘက်နိုင်ငံ ပဲတီစိမ်းဈေးများကို နှိုင်းယှဉ်ဖော်ပြပေးလိုက်ရပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပဲတီစိမ်း ၆၁၅၆၇၄ ၆၂၇၉၂၉ ၁၂၂၅၅ ၂ ၉၂၈ ၉၂၈ - -MIRT (DOBT)
ယခုတစ်ပတ်ပဲတီစိမ်းဈေးအေးပြီး ပြည်ပပုံမှန် အရောင်းအဝယ်ဖြစ် ရန်ကုန်တိုင်းဒေသကြီး ဘုရင့်နောင် ကုန်စည်ဒိုင် FOB ဈေးကွက်မှာ ယခုအပတ် ဇူလိုင် ၂၉ ရက်မှ သြဂုတ် ၄ ရက် အတွင်း ပဲတီစိမ်းတန်ချိန် ၅၃ဝဝ ကျော် အရောင်းအဝယ်ဖြစ်ခဲ့တဲ့အနက် ပဲတီစိမ်းရွှေဝါတန် ၂၇ဝဝ ကျော်ပါဝင်ပါ တယ်။ ယခင် ဇူလိုင်၂၂ ရက်မှ ၂၈ ရက်အတွင်း ပဲတီစိမ်းတန် ၄၄ဝဝ ကျော် အရောင်းအဝယ်ဖြစ်ခဲ့လို့ ယခုအပတ်မှာ ပိုမို အရောင်း အဝယ်ဖြစ်တယ်လို့ ဆိုရမှာဖြစ်ပါတယ်။ မန္တလေးကိုသွားတဲ့ အညာရွှေဝါတွေဟာ ကောင်းတဲ့ အစက တရုတ်ကိုသွားပြီး၊ အညံ့စက ခွဲစက်သမားများက ဝယ်ယူတယ်လို့ သိရပါတယ်။ ယခင်တစ်ပတ်နဲ့ ယခုတစ်ပတ် ရန်ကုန် FOB ဈေးများကို နှိုင်းယှဉ် ဖော်ပြလိုက်ပါတယ်- ဒေါ်လာ/ တန် ပဲတီစိမ်းအညာ ပဲတီရွှေဝါအသေး ပဲတီရွှေဝါအကြီး၄-၈-၁၁ ၇၃ဝ-၇၅ဝ ၁ဝဝဝ-၁ဝ၂ဝ ၁ဝ၈ဝ-၁၁ဝဝ၂၈-၇-၁၁ ၇၈ဝ-၈ဝဝ ၁ဝ၅ဝ-၁ဝ၇ဝ ၁၁၅ဝ-၁၁၇ဝMIRT(MAPT)
ယခုတစ်ပတ် ပဲတီစိမ်း သင်္ဘောတင်ပို့မှု ပိုလာ ပင်လယ်ရေကြောင်းက ပဲတီစိမ်းတင်ပို့နိုင်မှုဟာ ဇူလိုင် ၁ဝ ရက်မှ ၁၆ ရက်အထိ တန်ချိန် ၁၆ဝဝ ခန့်၊ ဇူလိုင် ၁၇ ရက်မှ ၂၃ ရက်ထိ တန်ချိန် ၂၆ဝဝ ကျော်တင်ပို့ခဲ့ပြီး ယခုဇူလိုင်နောက်ဆုံးပတ် ၂၄ ရက်မှ ၃ဝ ရက်ထိ တန်ချိန် ၄ဝဝဝ ကျော်တင်ပို့နိုင်ခဲ့တာကြောင့် ပဲတီစိမ်းတိုးတက်တင်ပို့နေတာ တွေ့ရပါတယ်။ လက်ရှိ ဘဏ္ဍာနှစ် ၂ဝ၁၁-၂ဝ၁၂ ရဲ့ ဇူလိုင်လ ၂၉ ရက်ထိ တင်ပို့မှုအနေနဲ့ တန်ချိန် ၁ ဒသမ ၃၃ သိန်းကျော်ရှိပြီး ယခင်ဘဏ္ဍာနှစ် ကာလတူကတန်ချိန် ဝ ဒသမ ၈၅ သိန်း ကျော်ဖြစ်လို့ ယခုနှစ်မှာ ပိုမိုတင်ပို့တာတွေ့ရပါတယ်။ ယခုတစ်ပတ် ပြည်ပက ပဲတီစိမ်း ပုံမှန် အရောင်းအဝယ်ရှိတာကြောင့် ဆက်လက်တင်ပို့နိုင်မယ်လို့ ခန့်မှန်းကြပါတယ်။ တရုတ်ဝယ်လက်များအနေနဲ့ အရည်အသွေးကောင်းပဲတီစိမ်းကို ပိုမိုဝယ်ယူတယ်လို့ သိရပါတယ်။ MIRT- MAPT
ပြည်ပဲလွန်းဖြူ အရောင်းအဝယ် အေးနေ ပြည်ပဲလွန်းဖြူဈေးကွက်မှာ ပဲ တစ်တင်းကို ၁၈၅ဝဝ ကျပ်နဲ့ ဈေးငြိမ် နေတာကို တွေ့ရပါတယ်။ ပဲအဝင် လည်း သိပ်မရှိတော့ဘဲ လက်ကျန်က လည်း နည်းနေပြီး အရောင်းအဝယ် လည်း အေးနေတာကို တွေ့ရပါတယ်။ တစ်နေ့ကို ၄-၅ အိတ်သာ မြို့တွင်း လက်လီသမားများ အရောင်းအဝယ် ရှိ တာကို တွေ့ရပါတယ်။ မိမိအေး
ပဲလွန်း ဖြူ လက်ကျန်နည်းလာလို့ ဈေးငြိမ်ပြီး အရောင်းလျော့လာ ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ယခုအပတ် ဇူလိုင် ၂၉ ရက်မှ သြဂုတ် လ ၄ ရက်အတွင်း ပဲလွန်းဖြူ အရောင်းအဝယ်ဖြစ်မှုဟာ လက်ကျန်နည်းလာ ပြီဖြစ်တာကြောင့် တန် ၄ဝဝ ခန့်သာ ရှိ တယ်လို့ သိရပါတယ်။ ယခင်အပတ် တန် ၁ဝဝဝ ကျော် တင်ပို့နိုင်လို့ လျော့ နည်းလာကာ တွေ့ရပါတယ်။ ပြည်ပ ဝယ်လက်ကြိုက်တဲ့ ပဲဖြစ်ပေမဲ့ ပြည်တွင်းလက်ကျန်တော့ တော်တော်လေး နည်းသွားပြီလို့ သိရပါတယ်။ ရန်ကုန် FOB ဈေးကွက်မှာ သြဂုတ်လ ၄ ရက်က FAQ တစ်တန် ကန်ဒေါ်လာ ၈၆ဝ-၈၈ဝ၊ SQ တစ်တန် ကန်ဒေါ်လာ ၉၈ဝ-၁ဝဝဝ နဲ့ ယခင် အပတ်အတိုင်း ဈေးငြိမ်နေတာ တွေ့ရပါတယ်။ MIRT- MAPT
ယခုအပတ်ပဲလွန်းဖြူ တင်ပို့မှု ယခင်အပတ်ထက်ပိုလာ ပင်လယ်ရေကြောင်းမှ ပဲလွန်းဖြူ တင်ပို့မှုဟာ ဇူလိုင် ၁ဝ ရက်မှ ၁၆ ရက် အတွင်း တန် ၁၅ဝ၊ ဇူလိုင် ၁၇ ရက်မှ ၂၃ ရက်အတွင်း တန် ၂ဝဝ ခန့်၊ ဇူလိုင် ၂၄ ရက်မှ ၃ဝ ရက်အတွင်း တန် ၃ဝဝ တင်ပို့နိုင်တာကြောင့် ဇူလိုင်လအတွင်း ယခုအပတ်ပိုတင်နိုင်တယ်လို့ ဆိုရမှာ ဖြစ်ပါတယ်။ တင်ပို့တဲ့ နိုင်ငံများကတော့ အိန္ဒိယ၊ ကိုရီးယား၊ ဖိလစ်ပိုင်၊ စင်ကာပူ၊ ထိုင်းနိုင်ငံများဖြစ်ပြီး အိန္ဒိယ၊ ကိုရီးယား၊ ဖိလစ်ပိုင်နဲ့ စင်ကာပူနိုင်ငံတို့ကို အများ ဆုံး တင်ပို့တာ တွေ့ရပါတယ်။ MIRT- MAPT