မုံရွာ V2  တက်ဈေးနဲ့ အဝယ်သွက်                  သြဂုတ်လဆန်း မုံရွာကုန်စည်ဒိုင် ကုလားပဲဈေးကွက်မှာ V2 ဈေးတက်လာပြီး မန်းနဲ့ရန်ကုန်ဝယ်လက် အဆွဲသွက်လာခဲ့တယ်လို့ ကုန်သည်ရပ်ကွက်ကဆိုပါတယ်။ ကုလားပဲအားလုံးပြီးခဲ့တဲ့ ဇူလိုင်လဆန်းကပေါက်ဈေး ထက် ဈေးပိုလာခဲ့ရာ သြဂုတ် လဆန်းမှာ V2  တစ်တင်း ၂၁၅ဝဝ ကျပ်မှ ၂၂ဝဝဝ ကျပ်၊ ကုလားပဲရိုးရိုးတစ်တင်း ၁၅၅ဝဝ ကျပ်မှ ၁၆ဝဝဝ ကျပ်၊ ကုလားပဲတိုင်ပေ ၁၇ဝဝဝ ကျပ်မှ ၁၇၁ဝဝ ကျပ်၊ ကုလားပဲ 929 တစ်တင်း ၁၆၈ဝဝ ကျပ် ဈေးအသီးသီးပေါက်ခဲ့တာတွေ့ရပါတယ်။ V2 ဈေးကွက်မှာတော့ မန်းနဲ့ရန်ကုန်ဝယ်လက်တွေ အများဆုံးဆွဲခဲ့လို့ မုံရွာ ကုန်စည်ဒိုင်မှာ တစ်ရက်လျှင် အိတ် ၃ဝဝဝ မှ ၅ဝဝဝ ဝန်းကျင် နေ့စဉ်အရောင်း သွက်ခဲ့ပြီး၊ ကျန်ကုလားပဲတွေ ကတော့ လုပ်ငန်းသုံးအတွက် မန်းအဆွဲအနည်းငယ်နဲ့ ဒေသတွင်းခွဲစက်၊ ပဲကြော်ဖိုနဲ့ ပဲလက်လီသမားအဝယ် အသင့်အတင့်ရှိခဲ့တယ်လို့ ပွဲရုံရပ်ကွက်ကဆိုပါတယ်။ ဇူလိုင် ၂၇ ရက်ကနေ သြဂုတ် ၃ ရက်နေ့အထိ မုံရွာ ကုန်စည်ဒိုင် ဈေးကွက်ကနေ ကုလားပဲစီးထွက်မှုအနေနဲ့ မန္တလေးကို တင်း ၅ဝဝဝ ခန့်နဲ့ ရန်ကုန်ကို တင်း ၁၆ဝဝဝ ခန့်ရှိခဲ့တယ်လို့ လေ့လာသိရှိရပါတယ်။      ထွန်းလှိုင်၊ 

ကုလားပဲဖြူလုံးကြီး ယခင်နှစ်ထက်ပိုတင်ပို့နိုင်                ပင်လယ်ရေကြောင်းက ကုလားပဲဖြူလုံးကြီး တင်ပို့မှုကတော့ ဇူလိုင် ၁ဝရက် မှ ၁၆ ရက်အတွင်း တန်ချိန် ၁၅ဝဝ ခန့်၊ ဇူလိုင် ၁၇ ရက်မှ ၂၃ ရက်အတွင်း တန် ချိန် ၃ဝဝဝ ခန့် တင်ပို့နိုင်ခဲ့ပြီး ယခုဇူလိုင်နောက်ဆုံးပတ် ၂၄ ရက်မှ ၃ဝ ရက်အတွင်း တန်ချိန် ၃၂ဝဝ ကျော် ပိုမိုတင်ပို့လာနိုင်ပါတယ်။ ၂ဝ၁၁-၂ဝ၁၂ ဘဏ္ဍာနှစ် ဇူလိုင် ၂၉ ရက်အထိ ကုလားပဲဖြူလုံးကြီး တင်ပို့ပြီးစီးမှုဟာ တန်ချိန် ၃၈ဝဝဝ ကျော်ရှိပြီး ယခင်နှစ် ကာလတူ တင်ပို့မှု တန်ချိန် ၆ဝဝ ကျော်ထက် ပိုမိုတင်ပို့နိုင်တာ တွေ့ရပါတယ်။ ယခုအပတ် ကုလားပဲဖြူလုံးကြီး အရောင်းအဝယ်လျော့ပေမဲ့ အခြားပဲများ ထက်ပိုပြီး အဝယ်ရှိတာကြောင့် ဆက်လက်တင်ပို့နိုင်မယ်လို့ ကုန်သည်များက ခန့်မှန်း ကြပါတယ်။      MIRT- MAPT 

အရောင်းသွက်လယ်ယာထွက်ကုန် ပဲတီစိမ်း               မူဆယ် ၁ဝ၅ မိုင် ကုန်သွယ်ရေးဇုန်မှ တစ်ဖက်တရုတ်နိုင်ငံသို့ ဇူလိုင်လ ၂၇ ရက်မှ သြဂုတ်လ၂ ရက် ထိကာလအတွင်း တင်ပို့နေသော လယ်ယာထွက်ကုန်များထဲမှ ပဲတီစိမ်းဟာ အရောင်းသွက်လျက်ရှိပါတယ်။ ယခုအပတ်မှာ ကန်ဒေါ်လာ ၈ ဒသမ ၄၁၈ သန်းတန်ဖိုးရှိ ပဲတီစိမ်း ၁ဝ၅၂၂ တန်ခန့် တင်ပို့ခဲ့ပါတယ်။ ယခင်အပတ်ကတင်ပို့မှုထက် တန် ၁၃၃ဝဝ ခန့် လျော့နည်းတင်ပို့ခဲ့ပါတယ်။ မူဆယ် ၁ဝ၅ မိုင် ကုန်စည်ဒိုင်သို့ ယခုအပတ်အဝင်များတဲ့ လယ်ယာထွက်ကုန်တွေကတော့ ပဲတီစိမ်းနဲ့ ပြောင်းဖူးစေ့များဖြစ်ပြီးကျဈေးနဲ့သာ တစ်ဖက်နိုင်ငံသို့ တင်ပို့နေရတာဖြစ်ပါတယ်။ ဇူလိုင်လမှာ ပဲတီစိမ်းတန် ၅၁၈ဝဝ တင်ပို့ထားပြီး ယမန်နှစ်ကာလတူမှာတော့ ၁၉၅၂၁ဝတန်သာ တင်ပို့နိုင်ခဲ့ပါတယ်။ ယမန်နှစ် ဧပြီလမှ ဇူလိုင်လ ကုန်အထိ နယ်စပ်မှ ပဲတီစိမ်း တန် ၅၁၉ဝဝ ကျော် အပို့ရှိခဲ့ပြီး ယခုနှစ် ဧပြီလမှ ဇူလိုင်လကုန်အထိ နယ်စပ်မှ ပဲတီစိမ်း တင်ပို့နိုင်မှုမှာ ၇၇၄၅၉ တန်ရှိတဲ့အတွက် ယခုနှစ်မှာ ၂၅၅၅၉ တန် ပိုမိုတင်ပို့နိုင်ခဲ့ပါတယ်။ မိမိဘက်နဲ့ တစ်ဘက်နိုင်ငံ ပဲတီစိမ်းဈေးများကို နှိုင်းယှဉ်ဖော်ပြပေးလိုက်ရပါတယ်                                မိမိဘက်(ကျပ်/တန်)                      တစ်ဘက်နိုင်ငံ(ဒေါ်လာ/တန်)                    ယခု         ယခင်         ပြောင်းလဲမှု    %    ယခု     ယခင် ပြောင်းလဲမှု    %ပဲတီစိမ်း    ၆၁၅၆၇၄    ၆၂၇၉၂၉          ၁၂၂၅၅    ၂       ၉၂၈     ၉၂၈         -            -MIRT (DOBT)  

ယခုတစ်ပတ် ပဲတီစိမ်း သင်္ဘောတင်ပို့မှု ပိုလာ              ပင်လယ်ရေကြောင်းက ပဲတီစိမ်းတင်ပို့နိုင်မှုဟာ ဇူလိုင် ၁ဝ ရက်မှ ၁၆ ရက်အထိ တန်ချိန် ၁၆ဝဝ ခန့်၊ ဇူလိုင် ၁၇ ရက်မှ ၂၃ ရက်ထိ တန်ချိန် ၂၆ဝဝ ကျော်တင်ပို့ခဲ့ပြီး ယခုဇူလိုင်နောက်ဆုံးပတ် ၂၄ ရက်မှ ၃ဝ ရက်ထိ တန်ချိန် ၄ဝဝဝ ကျော်တင်ပို့နိုင်ခဲ့တာကြောင့် ပဲတီစိမ်းတိုးတက်တင်ပို့နေတာ တွေ့ရပါတယ်။ လက်ရှိ ဘဏ္ဍာနှစ် ၂ဝ၁၁-၂ဝ၁၂ ရဲ့ ဇူလိုင်လ ၂၉ ရက်ထိ တင်ပို့မှုအနေနဲ့ တန်ချိန် ၁ ဒသမ ၃၃ သိန်းကျော်ရှိပြီး ယခင်ဘဏ္ဍာနှစ် ကာလတူကတန်ချိန် ဝ ဒသမ ၈၅ သိန်း ကျော်ဖြစ်လို့ ယခုနှစ်မှာ ပိုမိုတင်ပို့တာတွေ့ရပါတယ်။              ယခုတစ်ပတ် ပြည်ပက ပဲတီစိမ်း ပုံမှန် အရောင်းအဝယ်ရှိတာကြောင့် ဆက်လက်တင်ပို့နိုင်မယ်လို့ ခန့်မှန်းကြပါတယ်။ တရုတ်ဝယ်လက်များအနေနဲ့ အရည်အသွေးကောင်းပဲတီစိမ်းကို ပိုမိုဝယ်ယူတယ်လို့ သိရပါတယ်။ MIRT- MAPT