Background
၂ဝ၁၁-၁၂ မိုးသီးနံှအတွက် အိန္ဒိယအစိုးရက အနိမ့်ဆုံးထောက်ပံ့ဈေးနှုန်းကို တိုးမြှင့် အိန္ဒိယအစိုးရဟာ တောင်သူများ သီးနံှတိုးမြှင့်စိုက်ဖို့ အားပေးတဲ့အနေနဲ့ ဒုတိယနှစ် အထွက်ပိုမိုစေဖို့ ဆန်စပါးဆီထွက် သီးနံှနဲ့ အခြားသီးနံှများ ဝယ်ယူဖို့ အနိမ့်ဆုံးထောက်ပံ့ဈေးနှုန်း (MSP) များကို ဇွန်လ ၉ ရက်နေ့က တိုးမြှင့်သတ်မှတ်ခဲ့တယ်လို့ သိရပါတယ်။ စပါးအတွက် MSP ကို သတ်မှတ်ရာမှာ သာမန်စပါးအတွက် တစ်တန် ၈ ရာခိုင်နှုန်းတိုးမြင့်ပြီး ရူပီး ၁ဝ၈ဝဝ (ကန်ဒေါ်လာ ၂၄၁) ၊Grade A စပါးအတွက် ၇ ဒသမ ၈ ရာခိုင်နှုန်းတိုးမြင့်ပြီး တစ်တန်ကို ရူပီး ၁၁၁ဝဝ (ကန်ဒေါ်လာ ၂၄၈) သတ်မှတ်ခဲ့တယ်လို့ သိရပါတယ်။ ဒါ့အပြင် အဓိကဆီထွက်သီးနံှ များဖြစ်တဲ့ မြေပဲကို ၁၇ ဒသမ ၄ ရာခိုင်နှုန်း တိုးမြှင့်ပြီး တစ်တန် ရူပီး ၂၇ဝဝဝ (ကန်ဒေါ်လာ ၆ဝ၄) နဲ့ ပဲပုပ်အဝါမိုျးကိုလည်း တစ်တန် ရူပီး ၁၆၉ဝဝ (ကန်ဒေါ်လာ ၃၇၈) ကိုလည်းကောင်း၊ ပဲမျိုးစုံအနေနဲ့ ပဲစင်းငုံကို ယခင်နှစ်ထက် ရူပီး ၂ဝဝဝ (ကန်ဒေါ်လာ ၄၅) တိုးမြှင့်ပြီး တစ်တန်ကို ရူပီး ၃၂ဝဝဝ (ကန်ဒေါ်လာ ၇၁၅) ၊ ပဲတီစိမ်းကို ယခင်နှစ်ထက် ရူပီး ၃၃ဝဝ (ကန်ဒေါ်လာ ၇၄) တိုးမြှင့်ပြီး ရူပီး ၃၅ဝဝဝ (ကန်ဒေါ်လာ ၇၈၂) ကိုလည်းကောင်း၊ မတ်ပဲကို ယခင်နှစ်ထက် ရူပီး ၄ဝဝဝ (ကန်ဒေါ်လာ ၈၉) တိုးမြင့်ပြီး ရူပီး ၃၃ဝဝဝ (ကန်ဒေါ်လာ ၇၃၈) ကိုလည်းကောင်း သတ်မှတ်ခဲ့တယ်လို့ သိရပါတယ်။ ဒါ့အပြင် ယခင်နှစ် အလားတူ ပဲရိတ်သိမ်းကာလ ၂ လအတွင်း အစိုးရဝယ်ယူရေးအေဂျင်စီတွေကို ရောင်းချတဲ့ ပဲစင်းငုံ၊ မတ်ပဲနဲ့ ပဲတီစိမ်းများအတွက် တစ်တန်ကို ရူပီး ၅ဝဝဝ (ကန်ဒေါ်လာ ၁၁၂) နှုန်းနဲ့ အပိုဆောင်းပေးသွားမယ်လို့ သိရပါတယ်။ ဒါ့အပြင် ဝါဂွမ်းအမျိုးအစား ၂ မျိုးကိုလည်း တစ်တန်ကို ရူပီး ၃ဝဝဝ (ကန်ဒါ်လာ ၆၇) စီ တိုးမြင့်ပြီး ရူပီး ၂၈ဝဝဝ (ကန်ဒေါ်လာ ၆၂၆)နဲ့ ရူပီး ၃၃ဝဝဝ(ကန်ဒေါ်လာ ၇၃၈) ကို အသီးသီး သတ်မှတ်ခဲ့တယ်လို့ သိရပါတယ်။ ယမင်းရွှေစင်၊Source: Dow Jones
ပြည်ပဲလွန်းဖြူ ဈေးကောင်းရနေ ပြည်ဈေးကွက်သို့ ယခုတစ်ပတ် ပဲလွန်းဖြူအဝင်ပါးလာပြီး ရက်ခြားသာ အဝင်ရှိတယ်လို့ သိရပါတယ်။ ဝင်လာ တဲ့ ပဲကလည်း အများအားဖြင့် အရည် အသွေး ညံ့လာတာကို တွေ့ရပါတယ်။ လက်ကျန်ပဲများမှာ အရည်အသွေး ကောင်းတဲ့အတွက် အရောင်းအဝယ် ဖြစ်နေပြီး ပဲတစ်တင်းကို ယခင်တစ်ပတ် က ၁၃ဝဝဝ ကျပ်၊ ယခုတစ်ပတ်တွင် ၁၈ဝဝဝ ကျပ်ထိ သိသိသာသာမြင့် လာခဲ့တယ်လို့ သိရပါတယ်။ မိမိအေး
ပဲလွန်းဖြူနီ ပုံမှန်တင်ပို့မှုရှိ ပင်လယ်ရေကြောင်းက ပဲလွန်းဖြူ၊ နီတင်ပို့မှုကတော့ ယခုသီတင်းပတ် မှာလည်း ယခင်သီတင်းပတ်များလို ပုံမှန် တင်ပို့မှုရှိတာ တွေ့ရပါတယ်။ ဇွန်လ ၂ ရက်မှ ၈ ရက်အတွင်း ပဲလွန်း ဖြူ တန်ချိန် ၆၅ဝ ကျော်၊ ပဲလွန်းနီ တန် ချိန် ၁၆ဝ ကျော်နဲ့ စုစုပေါင်း တန်ချိန် ၈ဝဝ ကျော်တင်ပို့ခဲ့တာတွေ့ရပါတယ်။ မေလတစ်လလုံးတင်ပို့မှုအနေနဲ့ ပဲလွန်း ဖြူ တန်ချိန် ၃၉ဝဝ ခန့်ရှိပြီး ယခင်နှစ် မေလမှာ တန်ချိန် ၁၈ဝဝ ခန့်သာရှိလို့ ယခုနှစ်မှာ ပိုမိုတင်ပို့နိုင်ခဲ့ပါတယ်။ အလားတူ ဘဏ္ဍာနှစ် ကာလတူ နှိုင်းယှဉ်ရာမှာလည်း လက်ရှိဘဏ္ဍာနှစ် ဇွန်လ ၃ ရက်နေ့အထိ ပဲလွန်းဖြူ တန်ချိန် ၈၇ဝဝ ခန့်ရှိပြီး ယခင်ဘဏ္ဍာ နှစ် ကာလတူက တန်ချိန် ၆၅ဝဝ ခန့်ရှိ လို့ တန် ၂ဝဝဝ ကျော် ပိုတင်နိုင်တာ တွေ့ရပါတယ်။ လာမယ့်သီတင်းပတ် မှာလည်း ပုံမှန်တင်ပို့နိုင်မယ်လို့ ခန့်မှန်း ကြပါတယ်။MIRT- MAPT
ပဲစင်းငုံနီ FOB အရောင်းအဝယ်ပိုများလာ ယခုတစ်ပတ်ဇွန်လ၄ ရက်မှ ၁ဝ ရက်အတွင်း ပဲစင်းငုံနီ FOB အရောင်းအဝယ် ယခင်သီတင်းပတ်ထက် ပိုဖြစ်လာပါတယ်။ ပြည်ပအဝယ်ရှိသလို ပြည်တွင်းရောင်း ချမှုလည်း များနေလို့ အရောင်းအဝယ်ပမာဏများလာပေမဲ့ FOB ဈေးနှုန်းကတော့ အနည်းငယ်လျော့ကျလာခဲ့ပါတယ်။ ယခုတစ်ပတ်( ဇွန်လ ၄ ရက်မှ ၁ဝ ရက်) အတွင်း ပဲစင်းငုံနီ တန် ၅၄ဝဝ နဲ့ ပဲစင်းငုံဖြူနီ တန် ၃၆ဝ၊ စုစုပေါင်းတန် ၆ဝဝဝ နီးပါး အရောင်းအဝယ်စာချုပ်နိုင်ခဲ့လို့ ယခင်သီတင်းပတ်ထက် ပိုလာတာတွေ့ရပါတယ်။ ဇွန်လ ၁ ရက်မှ ၁ဝ ရက်အတွင်း ပဲစင်းငုံနီ၊ အဖြူ စုစုပေါင်း တန် ၆၇ဝဝ ခန့် ပြည်ပအရောင်း စာခုျပ်နိုင်ခဲ့တယ်လို့ သိရပါတယ်။ ပြောင်းလဲလာတဲ့ ရန်ကုန် FOB ဈေးနှုန်းများ နှိုင်းယှဉ်ဖော်ပြလိုက်ပါ တယ် ဒေါ်လာ/တန် ပဲစင်းငုံနီ(FAQ) ပဲစင်းငုံဖြူနီ၊အဖြူ(FAQ)၁ဝ-၆-၁၁ ၆၃ဝ-၉၅ဝ ၅၃ဝ-၅၅ဝ၃-၆-၁၁ ၆၄၅-၆၆၅ ၅၄ဝ-၅၅ဝMIRT(MAPT)
်ပင်လယ်ရေကြောင်းက ပဲစင်းငုံတန် ၆ဝဝဝ ကျော်အတင်ရှိ ပင်လယ်ရေကြောင်းက ပဲစင်းငုံတင်ပို့မှု ယခင်သီတင်းပတ်က တန်ချိန် ၅ဝဝဝ ခန့်သာရှိခဲ့ပေမဲ့ ယခုသီတင်းပတ် (ဇွန်လ ၂ ရက်မှ ၈ ရက်) အတွင်းမှာ တန်ချိန် ၆၁ဝဝ ကျော်ထိ တိုးတက်တင်ပို့လာတာ တွေ့ရပါတယ်။ ၂ဝ၁၁ မေလ တစ်လလုံး တင်ပို့မှု အနေနဲ့ ပဲစင်းငုံ တန် ၂ သောင်းနီးပါးရှိပြီး ၂ဝ၁ဝ မေလအတွင်းမှာတော့ တန်ချိန် ၇ဝဝဝ ကျော်သာ တင်ပို့နိုင်ခဲ့တယ်လို့ သိရပါတယ်။ လက်ရှိဘဏ္ဍာနှစ် ဇွန်လ ၃ ရက်နေ့အထိ တင်ပို့ပြီးစီးမှုကတော့ တန်ချိန် ၃ဝဝဝဝ ကျော်ရှိပြီး ယခင်ဘဏ္ဍာနှစ် ကာလတူမှာတန်ချိန် ၁၇ဝဝဝ ခန့် တင်ပို့မှုရှိလို့ ယခုနှစ်မှာ တန်ချိန် တစ်သောင်းကျော် ပိုတင်လာတာ တွေ့ရပါတယ်။ လာမယ့် သီတင်းပတ်တွေမှာလည်း တင်ပို့မှု ပုံမှန်ရှိနိုင်တယ်လို့ ခန့်မှန်းကြပါတယ်။ MIRT- MAPT
ယခုအပတ် မူဆယ်မှ တင်ပို့မှုပို မူဆယ် (၁ဝ၅) မိုင်ကုန်သွယ်ရေးဇုန်မှ ဇွန်လ ၁ ရက်မှ ၇ ရက်အထိ ကာလအတွင်း ကန်ဒေါ်လာ ဝ ဒသမ ဝ၄၆၇ သန်းတန်ဖိုးရှိ မတ်ပဲ တန် ၅ဝ တင်ပို့နိုင်ခဲ့ပါတယ်။ ယခင်အပတ်ကထက် ၃၉ တန် ပိုမို တင်ပို့နိုင်ခဲ့တယ်လို့ သိရပါ တယ်။ ယခုအပတ် မတ်ပဲဈေးတက်လျက်ရှိပြီး တစ်ဘက်နိုင်ငံဈေးကတော့ ကျလျက်ရှိပါတယ်။ မိမိဘက်နဲ့ တစ်ဘက်နိုင်ငံမြေပြင်ပေါက်ဈေးများကို နိုှုင်းယှဉ် ဖော်ပြပေးလိုက်ပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %မတ်ပဲ ၆ဝ၉၂၉၄ ၅၂၇၃၅ဝ ၈၁၉၄၄ ၁၃ ၈၉၆ ၉၄၁ ၄၅ ၅MIRT (DOBT)
ပို့ကုန်ဝင်ငွေ တစ်ယူနစ်တန်ဖိုးကျဆင်းပေမဲ့ မတ်ပဲ FOB ဈေးအနည်းငယ်ပို ပြည်ပပို့ကုန်ဝင်ငွေ တစ်ယူနစ်တန်ဖိုး ကျဆင်းလာနေပေမဲ့ ယခုတစ်ပတ် ရန်ကုန်တိုင်းဒေသကြီး ကုန်စည်ဒိုင် (ဘုရင့်နောင်)မှာ အရောင်းအဝယ်ဖြစ်ခဲ့တဲ့ မတ်ပဲဈေးကတော့ ယခင်တစ်ပတ်ထက် အနည်းငယ်ပိုလာတာ တွေ့ရပါတယ်။ အိန္ဒိယ နိုင်ငံပိုင်အေဂျင်စီမှ မြန်မာမတ်ပဲ ဝယ်ယူဖို့ တင်ဒါခေါ်ယူထားပြီး အဝယ်သွက် လာတာကြောင့် ဈေးတက်လာခြင်းဖြစ်တယ်လို့ သိရပါတယ်။ ဇွန်လ ၄ ရက်မှ ၁ဝ ရက်အထိ ပြည်ပဝယ်လက်များ ဝယ်ယူစာချုပ်ထား ရှိမှုဟာ မတ်ပဲ FAQ၊ SQ တန်ချိန် ၁၅ဝဝဝ ခန့်ရှိလို့ ယခင်သီတင်းပတ် အရောင်း အဝယ်ဖြစ်ခဲ့တဲ့ တန်ချိန် ၂၅ဝဝဝ ထက် လျော့ကျခဲ့ပါတယ်။ ဇွန်လ ၁ ရက်မှ ၁ဝ ရက်အတွင်းမှာတော့ မတ်ပဲ SQ တန်ချိန် ၇ဝဝဝ ခန့်၊FAQ တန်ချိန် ၁၇ဝဝဝ ကျော်နဲ့ အခွံချွတ် မတ်ပဲတန် ၆ဝဝ ကျော်အရောင်းအဝယ်ဖြစ်ခဲ့ပါတယ်လို့ သိရပါတယ်။ ရန်ကုန် FOB ဈေးများကို ယခင်တစ်ပတ်နဲ့ နှိုင်းယှဉ်ဖော်ပြလိုက်ပါတယ် ဒေါ်လာ/တန် မတ်ပဲ(FAQ) မတ်ပဲ(SQ) ၁ဝ-၆-၁၁ ၇၈ဝ-၈ဝဝ ၉၃ဝ-၉၅ဝ ၃-၆-၁၁ ၇၆ဝ-၇၈ဝ ၉၁ဝ-၉၃ဝ MIRT(MAPT)
မတ်ပဲတင်ပို့မှု တန်ချိန် နှစ်သောင်းကျော်ရှိဆဲ ပင်လယ်ရေကြောင်းက မတ်ပဲတင်ပို့မှု အားကောင်းလျက်ရှိရာ ယခုသီတင်းပတ် (ဇွန်လ၂ ရက်မှ ၈ရက်) အတွင်းမှာလည်း တန်ချိန် နှစ်သောင်းကျော် ရှိတာ တွေ့ရ ပါတယ်။ မေလ တစ်လလုံးမှာ မတ်ပဲတန်ချိန် ၈၅ဝဝဝ ကျော် တင်ပို့မှုရှိခဲ့ပြီး ၂ဝ၁ဝ မေလ သင်္ဘောတင်ပို့မှု တန်ချိန် ၃၁ဝဝဝ ကျော်နဲ့ ယှဉ်ရင် တန်ချိန် ၅ သောင်းကျော်ပိုမိုတင်ပို့နိုင်တာ တွေ့ရပါတယ်။ ယခုဘဏ္ဍာနှစ်အတွင်း ဇွန်လ ၃ ရက်နေ့အထိ တင်ပို့ပြီးစီးမှုမှာ တန်ချိန် ၁၂၅ဝဝဝ ခန့်ရှိပြီး ယခင်နှစ်ကာလတူက တန်ချိန် ၅ သောင်းကျော်သာရှိလို့ ယခုနှစ်မှာ ထက်ဝက်ကျော်ပိုမိုတင်ပို့နိုင်တာတွေ့ရပါတယ်။ လာမယ့်သီတင်းပတ် များမှာလည်း မတ်ပဲတင်ပို့မှု ဆက်လက်အားကောင်းဖွယ်ရှိတယ်လို့ ခန့်မှန်း ကြပါတယ်။ MIRT- MAPT
ရှမ်းနနွင်းလည်းဈေးအေးနေ ရှမ်းနနွင်းဈေးလည်းအေးနေပါတယ်။ နနွင်းစိုက်တောင်သူများ၊ ကုန်သည်များရဲ့ အတွေ့အကြုံအရ ရှမ်းပြည်နယ်ထွက် သီးနံှများက သုံးနှစ်ဈေးကောင်းရပြီးရင် ဈေးကျလေ့ရှိတယ်လို့ ဆိုပါတယ်။ နနွင်းကလည်း သုံးနှစ်ဈေးကောင်းခဲ့ပြီးဖြစ်တာကြောင့် ဒီနှစ်ကဈေးကျခြင်းဖြစ်တယ်လို့ သုံးသပ်ကြပါတယ်။ ရှမ်းပြည်နယ် တောင်ပိုင်းရဲ့ နနွင်းအဓိကထွက်တဲ့ ပင်လောင်းမှာလည်း လက်ကျန်နနွင်းက သိန်းဆယ်ဂဏန်းရှိနေပါသေးတယ်။ ပင်လောင်းနနွင်းကို ယခင်နှစ်တွေက ရောပြီးရောင်းရတာကြောင့် လက်ကျန် နည်းပေမဲ့၊ ဒီနှစ်ကတော့ အဲဒီလိုမရောင်းခဲ့ရပါဘူး။ နနွင်းကိုပြည်တွင်းသုံးအနေနဲ့လည်း ဟင်းခတ်အမွှေး အကြိုင် အဖြစ်အသုံးပြုခြင်း၊ ပရဆေးဖော်ခြင်း၊ ခြင်ဆေးခွေပြုလုပ်ခြင်းအတွက်သာ အသုံးပြုတာကြောင့် ပြည်ပဝယ်လိုအား မရှိရင် လက်ကျန်က အများကြီးကျန်ပါတယ်။ ဒါကြောင့်ဒီနှစ်မှာလည်း နနွင်းစိုက်တောင်သူတွေက နနွင်းကိုသိပ်မစိုက်တော့ပဲ ဂမုန်းဥ တွေကိုသာ ပြောင်းပြီး စိုက်ကြတယ်လို့ သိရပါတယ်။ ဒီတစ်ပတ်အောင်ပန်းဈေးကွက်မှာ ပင်လောင်း နနွင်းတစ်ပိဿာ ၁၂ဝဝ ကျပ်- ၁၃ဝဝ ကျပ်၊ ဟိုပုံးနနွင်း ၁၉ဝဝ ကျပ်၊ ပင်းတယနနွင်း ၁၉ဝဝ ကျပ်-၂ဝဝဝ ကျပ်နဲ့ ဆင်တောင်နနွင်းက ၃၅ဝဝ ကျပ်ဈေးရှိပါတယ်။ တောင်ကြီးဈေးကွက်မှာတော့ နနွင်းတက် တစ်ပိဿာ ၁၅ဝဝ ကျပ်ဈေးရှိပါတယ်လို့ တောင်ကြီးကုန်စည်ဒိုင်က သိရပါတယ်။ ဧဧခိုင်