ပဲခူးတိုင်းဒေသကြီး၊ ပြည်ပဲဈေး ကွက် အတွင်းကို ဖေဖော်ဝါရီ တတိယ ပတ်မှာ မတ်ပဲ၊ ကုလားပဲ၊ ပဲစင်းငုံ သစ် များ ဆက်တိုက်ဝင်ရောက်လာသလို ပဲကြီးအသစ်များလည်း ဝင်ရောက်လာ ပြီ ဖြစ်ပါတယ်။ ပန်းတောင်း၊ ဝက်ထီး ကန် မြို့နယ်များမှ မတ်ပဲသီးနှံသစ်များ တစ်ရက်အိတ် ၂၀၀ မှ ၃၀၀ ကျော် အထိ ဝင်ရောက်သလို ရန်ကုန် ဝယ် လက်များမှလည်း ဝယ်ယူလျက်ရှိခဲ့တာ ကြောင့် ယခုတစ်ပတ်မတ်ပဲဈေးမှာ တစ်တင်း ၁၄၈၀၀ ကျပ်ထိ ဈေး မြင့် လာခဲ့ပါတယ်။ ယခင်တစ်ပတ်က မတ်ပဲ ဈေးမှာ တစ်တင်း ၁၃၇၀၀ ကျပ်ခန့်သာ အရောင်းအဝယ်ဖြစ်ခဲ့တဲ့ အတွက် ယခု တစ်ပတ် တစ်တင်း ၁၀၀၀ ကျပ်ခန့် မြင့် တက်ခဲ့တယ်လို့ သိရပါတယ်။

ဇန်နဝါရီလ ပထမပတ်မှစပြီး ပြည်ဈေးကွက်အတွင်း မန်ကျည်းမှည့်အသစ်များစတင်ဝင်ရောက်လာပြီဖြစ်ပါ တယ်။ ပေါ်ဦးပေါ်ဖျားဖြစ်တဲ့ ဇန်နဝါရီလပထမပတ်မှာ မန်ကျည်း မှည့်အခွံမပါ၊ အစေ့မပါတစ်ပိဿာကို ၂၃၀၀ ကျပ်နှုန်းနဲ့ ဈေး ကောင်းခဲ့ပြီး၊ ယခုဖေဖော်ဝါရီ နောက်ဆုံးပတ်မှာ မန်ကျည်း မှည့်များ လှိုင်လှိုင်ဝင်လာချိန် မှာတော့ အခွံမပါ၊ အစေ့မပါ တစ်ပိဿာကို ၁၀၀၀ ကျပ်မှ ၁၂၀၀ ကျပ်ဈေးအထိသာရှိ တော့ကြောင်း သိရပါတယ်။ မန်ကျည်းမှည့်များကို ကုန်သည် များမှ ကျေးရွာများအရောက်တိုက်ရိုက်ဆင်းပြီး ဝယ်ယူကြရာ ပေါ်စအချိန်က တစ်ပိဿာ ၁၁၀၀ ကျပ်၊ ၁၂၀၀ ကျပ်အထိရှိ ခဲ့ပြီး၊ ယခုအချိန်မှာတော့ အပင်ပိုင်ရှင်များအနေနဲ့ တစ် ပိဿာ ၅၀၀ ကျပ်ဈေးခန့်သာ ရရှိပါတယ်။ တစ်နှစ်စာ လှောင်လိုသူများအနေနဲ့ မန်ကျည်းမှည့်များမှာ အနည်းငယ် အစိုဓာတ်ရှိသေး တာကြောင့် ဝယ်ယူမှုမရှိသေးဘဲ အရောင်း အဝယ်အနည်းငယ်အေးနေတယ်လို့ သိရပါတယ်။အိဆွေဇင် - ပြည်

ဖေဖော်ဝါရီ ၁၀ ရက်မှ ၁၆ ရက်နေ့တာကာလအတွင်း မန်ကျည်း ၆၀၆ တန် ကို ပင်လယ်ရေကြောင်းလမ်းမှတင်ပို့ခဲ့ ပါတယ်။ ဒီတစ်ပတ်မှာပါကစ္စတန်နိုင်ငံကို တန်ချိန် ၅၅၀ နဲ့ မလေးရှားကို ၅၆ တန် တင်ပို့ခဲ့တယ်လို့ သိရပါတယ်။ အများ ဆုံးတင်ပို့နိုင်ခဲ့တဲ့နိုင်ငံက ဖောက်သည် ပါကစ္စတန်နိုင်ငံပဲ ဖြစ် ပါတယ်။ ယခင်နဲ့ယှဉ်ရင် ဒီတစ်ပတ်မှာ တန်ချိန် ခုနှစ်ဆယ် ကျော် ပိုမိုတင်ပို့နိုင်ခဲ့ပါတယ်။ FOB ဈေးက တစ်တန်ကို ပျမ်းမျှ ကန်ဒေါ်လာ ၃၇၂ ရရှိခဲ့တယ်လို့ သိရပါတယ်။ ဒီသီ တင်းပတ်မန်ကျည်းတင်ပို့မှုမှကန်ဒေါ်လာ နှစ်သိန်းနှစ်သောင်း ကျော် ဝင်ငွေရရှိခဲ့တယ်လို့ သက်ဆိုင်ရာစာရင်းများအရ သိရပါတယ်။                                 MIRT (DOT)

သီတင်းတစ်ပတ်ဖြစ်တဲ့ ဖေဖော်ဝါရီ ၁၀ ရက်မှ ၁၆ ရက်အတွင်းမှာ နနွင်း ၃၅ တန်သာ တင်ပို့နိုင်ခဲ့ပါတယ်။ တင်ပို့ခဲ့တဲ့ နိုင်ငံက ဖောက်သည် ပါကစ္စတန်နိုင်ငံနဲ့ အာရပ်စော်ဘွားများ ပြည်ထောင်စုနိုင်ငံဖြစ်ပါတယ်။ ယခင်တစ်ပတ်နနွင်းတင် ပို့မှုနဲ့ ယှဉ်ရင် ဒီတစ်ပတ်မှာ နနွင်းတင်ပို့မှုက တန်တစ်ရာ့သုံးဆယ်လျော့နည်းခဲ့ပါတယ်။ ကာလတူကာလဖြစ်တဲ့ ၂၀၁၂ ဖေဖော် ဝါရီ ဒုတိယပတ်အတွင်း နနွင်း တင်ပို့မှုပျောက်ခဲ့တာကြောင့် ယခုနှစ်မှာ နနွင်းတင်ပို့မှုပိုခဲ့တယ်လို့ ပြောရပါမယ်။ ဒီတစ်ပတ် နနွင်းတင်ပို့မှုမှ ကန်ဒေါ်လာ တစ်သောင်းနှစ်ထောင်ကျော် ဝင်ငွေရရှိခဲ့ပါတယ်။MIRT (DOT)