စိန်ကျင်ဖြူဈေးနှုန်းများ ၁၀ ရာခိုင်နှုန်း ဈေးပြန်ကျလာ        ပြည်တွင်းစိန်ဈေးကွက်အတွင်း အရောင်းအဝယ်များအေးနေပြီး နိုင်ငံခြားငွေ လဲလှယ်နှုန်းများပါ ကျဆင်းလာသောကြောင့် စိန်ကျင်ဖြူဈေးနှုန်းများမှာ ၁ဝ ရာခိုင် နှုန်းဝန်းကျင်ကျဆင်းလာကြောင်း စီအမ်စိန်ဆိုင်ပိုင်ရှင် ဦးရွှေကြည်က ပြောသည်။     ''အခုလို ဈေးကျသွားတာ အဓိကက ဝယ်လိုအားမရှိလို့ ကျင်ဖြူကလည်း အဓိကမြန်မာပြည်မှာပဲ သုံးတာ၊ ခုအရောင်းအဝယ်လည်း အေးနေ၊ ဈေးကလည်း ပြန်ကျလာတဲ့အတွက် စိန်ဝယ်ထားတဲ့ သူတွေပြန်လာရောင်း ရင် ၃၅ ရာခိုင်နှုန်း ဖြတ်ပြီးမှ ပြန်ဝယ်တယ်။ ဘယ်သူကမှ ဒီလောက်အရှုံးခံပြီး ပြန်မရောင်းဘူး၊ စိန် အသန့်ကတော့ ဈေးမကျဘူး။ ဈေးမကျတာက ပစ္စည်းကလဲသိပ်မထွက်ဘူး။ အခု အချိန်မှာတော့ ဈေးကြီးကြီးနဲ့ မြကွပ်ရောင်းတဲ့သူလောက်ပဲ ဝယ်နိုင်တယ်။ သာမန်အခြေအနေကတော့ သိပ်မဝယ်နိုင်ဘူး။ ပွင့်လင်းရာသီလက်ထပ်ပွဲတွေကိုပဲ မျှော်နေရတာ၊ မနှစ်ကနဲ့ယှဉ်ရင်တော့ ဒီနှစ်က ရောင်းအားအရမ်းကိုကျတယ်'' ဟု ဦးရွှေကြည်က ပြောသည်။         ယခုရက်ပိုင်းအတွင်း စိန်ဈေးကွက်မှာ ခန့်မှန်းရခက်နေပြီး တစ်ချို့ရက်များတွင် မထင်မှတ်ပဲ အရောင်းအဝယ်ဖြစ်တတ်ကြောင်း၊ စိန်ဈေးနှုန်းများကျဆင်းလာမှုမှာ ဝယ်လိုအားပေါ်တွင်မူတည်ပြီး အရောင်းအဝယ်များ ကျဆင်းလာခြင်းကြောင့်ဖြစ်ကြောင်းနှင့် အိန္ဒိယနှင့် တရုတ်နိုင်ငံတွင် ဝယ်လိုအားမြင့်မားမှုကြောင့် ဈေးနှုန်းများ ကျဆင်းခြင်းမရှိကြောင်း ယင်းကထပ်မံပြောကြားသည်။ မင်းသန့်

       ပြည်တွင်းလုပ်ငန်းသုံး၊ စက်ရုံသုံးစက်သုံးဆီများကို ပင်လယ်ရေကြောင်းကနေ အဝင်ပုံမှန်ရှိနေတတ်ပေမဲ့ တစ်ခါတစ်ရံအဝင်ကဲျသွားတာတွေ့ရပါတယ်။ ဒီသီတင်းပတ် အောက်တိုဘာ တတိယပတ်ကာလအတွင်း ဒီဇယ်ပီပါ နှစ်သိန်းလေးသောင်း  ကျော်၊ တန်ချိန်အားဖြင့် တန်သုံးသောင်း သုံးထောင်နီးပါးကို တမင်သွင်းခဲ့ပါတယ်။ နယ်စပ်အဝင်အားကောင်းခဲ့ပေမယ့် ရေကြောင်းလမ်းက အဝင်ခပ်ကဲျကဲျသာရှိခဲ့ပြီး ယခင်သီတင်းပတ်မှာ ဒီဇယ်ဆီအဝင်ရှိခဲ့တာတွေရပါတယ်။ ယခုသီတင်းပတ် အတွင်းမှာ ပြန်လည်တင်သွင်းခဲ့မှုကြောင့် အဝင်တန်ချိန် သုံးသောင်းကျော်ကျော် ပြည်တွင်းဈေးကွက် ဖြန့်ခဲ့ပါတယ်။                                                                MIRT-DOT ဒီဇယ်ဆီတင်သွင်းမှု နှစ်သိန်းနီးပါးပိုမို                     ယခုအပတ်မှာ နယ်စပ်မှ ဒီဇယ်ဆီ ၂၉၇၇၆၉ ဂါလန်နဲ့ ဓာတ်ဆီဂါလန် ၅ဝဝဝဝ၊ တန်ဖိုးအားဖြင့် ကန်ဒေါ်လာ ၂ ဒသမ ၂၂၉ သန်းဖိုး တင်သွင်းနိုင်ခဲ့ပါ တယ်။ ယခင်အပတ်က ဒီဇယ်ဆီ ၁ဝ၁၂၂၃ ဂါလန်နဲ့ ဓာတ်ဆီ ၈ဝ၄၇၅ ဂါလန်သာ တင်သွင်းခဲ့တဲ့အတွက် ဒီဇယ်ဆီတင်သွင်းမှု ၁၉၆၅၄၆ ဂါလန် ပိုမိုခဲ့ပြီး ဓာတ်ဆီတင် သွင်းမှုမှာတော့ ဂါလန် ၃ဝဝဝဝ ကျော် လျော့နည်းခဲ့ပါတယ်။ ယခုအပတ်မှာ တာချီလိတ်နယ်စပ်ကသာ တင်သွင်းမှုရှိခဲ့ပြီး MPPE  မှ စက်သုံးဆီတင်သွင်းမှု လျော့ကျပြီး ပုဂ္ဂလိကကုမ္ပဏီများရဲ့တင်သွင်းမှု ပိုမိုခဲ့ကြောင်းနဲ့ စက်သုံးဆီဈေး ၁ လီတာလျှင် ၁ဘတ်ခန့် တာချီလိတ်ဘက်မှာ ဈေးမြင့်လျက်ရှိတယ်လို့ တာချီလိတ် နယ်စပ်ကုန်သည်အသင်းမှ သတင်းရရှိပါတယ်။ လက်လီအရောင်းအဝယ်ဈေးပြည်တွင်းဒေသများရဲ့ လက်လီအဝယ် တစ်ဂါလန်ဈေးကတော့ အောက်ပါ အတိုင်း ဖြစ်ပါတယ်-                                                                                                                                    အောက်တိုဘာ ၂ဝ၁ဝ                   ဝယ်ဈေးဓာတ်ဆီ(ကျပ်)                          ဝယ်ဈေးဒီဇယ်(ကျပ်)ရက်           ရန်ကုန်          မန္တလေး                          ရန်ကုန်              မန္တလေး၂၅             ၂၈ဝဝ           ၂၅ဝဝ                             ၂၇ဝဝ                ၂၈ဝဝ၂၆             ၂၈ဝဝ           ၂၅ဝဝ                             ၂၇ဝဝ                ၂၈ဝဝ၂၇             ၂၈ဝဝ          ၂၅ဝဝ                              ၂၇ဝဝ                ၂၈ဝဝ၂၈             ၂၈ဝဝ          ၂၅ဝဝ                               ၂၇ဝဝ              ၂၈ဝဝ၂၉             ၂၈ဝဝ          ၂၅ဝဝ                                ၂၇ဝဝ             ၂၈ဝဝ                                                                                                                              MIRT-DOT