နယ်စပ်မှ ဒီဇယ်တင်သွင်းမှုပို      သြဂုတ်လ ၂၅ ရက်မှ ၃၁ ရက်ထိကာလအတွင်း   တာချီလိတ် နဲ့ ကော့သောင်းနယ်စပ် စခန်းများမှ ဓါတ်ဆီ ၂၄၉၅ဝ ဂါလန်၊ တန်ဖိုးအားဖြင့် ကန်ဒေါ်လာ ၉၆၂၈၅ ဒသမ ၃၆၂ ဖိုးတင်သွင်းခဲ့ပြီး ဒီဇယ်ဆီ ၈၉၅၆၇ ဒဿမ ၅၄၄ ဂါလန်၊ တန်ဖိုးအားဖြင့် ကန်ဒေါ်လာ ၁၆၅၆၂၁ ဒဿမ ၉၂၃ နဲ့ သဘာဝ ဓာတ်ငွေ့ရည် ၁၂၁၁ဝ ကီလိုဂရမ်  ၅၆၃၂ ဒဿမ ၆၅၈  ဒေါ်လာဖိုး တင်သွင်းခဲ့ပါတယ်။ ယခင် အပတ်ကထက် ဒီဇယ်ဆီ ၅၄၉၅၇ ဂါလန် ပိုမိုတင်သွင်း ခဲ့ပြီး ဓာတ်ဆီ ၈၃၅၃၃ ဂါလန် လျော့နည်း တင်သွင်းခဲ့ပါတယ်။ သဘာဝဓာတ်ငွေ့ ရည် ၁၃ဝ ကီလိုဂရမ်  ပိုမို တင်သွင်းနိုင်ခဲ့ပါတယ်။ တာချီလိတ်နယ်စပ်မှာ ဒီဇယ်ဆီ ၁ ဂါလန်  ၃ ဒဿမ ၇၆ ဒေါ်လာနဲ့ကော့သောင်း နယ်စပ်မှာ ဓာတ်ဆီ ၁ ဂါလန် ကို  ၂ ဒဿမ ၈ဝ ဒေါ်လာဈေးပေါက်လျက်ရှိပါတယ်။         MIRT (DOBT)

ပြည်ထောပတ်ပဲ ဈေးအနည်းငယ်လှုပ်ရှားလာ       ယခုတစ်ပတ်ပြည်ဈေးကွက်မှာ ထောပတ်ပဲဈေးနှုန်း အနည်းငယ်မြင့် လာခဲ့ပါတယ်။ ယခင်တစ်ပတ်က တစ် တင်းကို  လက်လီ ဈေးမှာ  ၂၆ဝဝဝ ကျပ်၊  လက်ကားဈေးနှုန်းမှာ ၂၅၅ဝဝ ကျပ်ဖြင့်သာ ရောင်းဝယ်ခဲ့ကြပြီး၊ ယခု စက်တင်ဘာလဆန်းပိုင်းတွင် လက်လီ တစ်တင်းကို  ၂၆၅ဝဝ ကျပ်နဲ့ လက် ကားတစ်တင်းကို  ၂၆ဝဝဝ ကျပ် အ ရောင်းအဝယ်ဖြစ်နေတာကြောင့် ယခင် အပတ်နဲ့ယှဉ်ရင် တစ်တင်းကို   ၅ဝဝ ကျပ်ဈေးမြင့်လာခဲ့ပါတယ်။ ရန်ကုန် ဝယ်လက်များ အဝယ်ရှိလာလို့ ဈေးမြင့် ခဲ့ခြင်းဖြစ်ပြီး ဝယ်လိုအားရှိသလောက် မရောင်းချနိုင်ဘဲ လက်ကျန် နည်းလာ တဲ့အတွက် လက်လီသမားများဖြင့်သာ အရောင်းအဝယ်ဖြစ်ခဲ့ကြပြီး၊ တစ်ရက်ကို အိတ် ၁၅ အိတ်ခန့်သာ အရောင်း အဝယ်ဖြစ်ကြောင်းသိရပါတယ်။                                                                                                                    ခင်ဆွေဝင်း