ပြည်တွင်းပုံမှန် ပြည်ပ အပို့နည်း          ပြည်တွင်းမှာ ချင်းအထွက်ပုံမှန်အရောင်းအဝယ်ပုံမှန်ရှိနေပေမဲ့ ပြည်ပ ဈေးကွက်ကို ချင်းခြောက်တင်ပို့နိုင်မှုက ဒီသြဂုတ်လ ၂၃ ရက်နေ့ကနေ ၂၉ ရက်နေ့တာ ကာလအတွင်းအပို့မရှိခဲ့ပါဘူး။ ချင်းတင်ပို့မှုကလည်း ဒီသြဂုတ် လအတွင်း ခပ်ဆိုင်းဆိုင်းဖြစ်ခဲ့ပြီး အပို့ကဝယ်လက်ရဲ့အားပျော့မှုလက်ကျန် အခြေ အနေနဲ့ ချိန်ပြီး ပြည်တွင်းသုံးဘက်ကိုလှည့်ပြီး သွားနေတယ်လို့သိရပါတယ်။                                                                                                                              MIRT (DOT)

ပုံမှန်ဈေးနဲ့ အရောင်းအဝယ်ဖြစ်နေတဲ့ မုံရွာဗွီတူးဈေးကွက်           မုံရွာပဲဈေးကွက်မှာ အရောင်းအဝယ်ဖြစ်နေတဲ့ ပဲများအားလုံးဈေး ကျ ဆင်းပြီး အရောင်းအဝယ်ပါးနေတဲ့ အချိန်မှာ ဈေးပုံမှန်၊ အရောင်းအဝယ်မှန်နေတဲ့ ပဲကတော့ ဗွီတူးကုလားပဲပါ။ ဒေသတွင်းပဲခွဲစက်နဲ့ ကြာဇံစက်များရဲ့ နေ့စဉ် ဝယ်လိုအား ရှိနေသလို မန္တလေးဝယ်လက်မှလည်း ပုံမှန်အဝယ်ရှိနေတဲ့အတွက်လို့ သိရပါတယ်။     ဗွီတူးဈေးဟာ သြဂုတ်လ တစ်လလုံး (အမြင့်) တစ်တင်း ၂ဝ၄ဝဝ ကျပ်၊ အနိမ့် ၁၉၃ဝဝ ကျပ်သာ အပြောင်းအလဲရှိခဲ့ပြီး နေ့စဉ်ပုံမှန် ၅ဝဝ အိတ်မှ ၇ဝဝ အိတ်ခန့် အရောင်းအဝယ်ဖြစ်ခဲ့ကြောင်း သိရပါတယ်။     ပြည်ပဝယ်လက်မရှိသော်လည်း ဒေသတွင်း၊ မန္တလေးပုံမှန်ဝယ်လက်ရှိနေ တဲ့ အတွက် ဗွီတူးဈေးကတော့ ကျဆင်းနိုင်ဖွယ် မရှိနိုင်ဘဲ အရောင်းအဝယ်အနေ နဲ့ ပုံမှန်ဖြစ်နိုင်ကြောင်း ကုန်သည်များက ခန့်မှန်းကြပါတယ်။                                                                                                               အောင်မင်း

 မိုးရာသီပဲမျိူးစံရောင်းချမှုကြောင့် အိန္ဒိယကုလားပဲဈေးကွက်       မိုးရာသီပဲမိုျးစုံအသစ်များ စတင်ဝင်ရောက်နေပြီဖြစ်ပြီး အဓိကဈေးကွက်များကိုအဝင်အားကောင်းလာတာကြောင့်စက်တင်ဘာလ  ၂ ရက်နေ့ ကုလားပဲ ကြိုပွိုင့်ဈေးဟာ တစ်တန်ကို ရူပီး ၂ဝဝ (ကန်ဒေါ်လာ ၄ ဒသမ ၃) ကျဆင်းခဲ့ တယ်လို့သိရပါတယ်။ အဓိကပဲ ထွက်ရှိရာဒေသများမှာ ပဲတီစိမ်းနဲ့ မတ်ပဲအရောင်း သွက်နေတာကြောင့် ဒေလီဈေးကွက်ကို နေ့စဉ် ပဲဝင်ရောက်မှုဟာ မော်တော်ကား ၃၅ စီးမှ ၅ဝ စီးအကြား  ဝင်ရောက်တယ်လို့ သိရပါတယ်။     အိန္ဒိယနိုင်ငံတောင်ပိုင်းနဲ့ အနောက်ပိုင်းဒေသများမှာ မိုးအချိန်မှန် ဝင်ရောက်မှုကြောင့် မိုးပဲစိုက်ဧရိယာ တိုးတက်ခြင်းကလည်း ဈေးကွက်တွေမှာ ရောင်းချမှုကို အားကောင်းစေခဲ့ပါတယ်။ စိုက်ပိုျးရေးဝန်ကြီးဌာနရဲ့ နောက်ဆုံး ထုတ်ပြန်တဲ့ စာရင်းအရ ၂ဝ၁ဝ သြဂုတ်လ ၂၇ ရက်အထိ မိုးပဲမိုျးစုံစိုက်ပိုျးမှုဟာ ဟက်တာ ၁ဝ၉ ဒသမ ဝ၄ သိန်းရှိပြီး ယခင်နှစ်ကာလတူက ဟက်တာ ၈၉ ဒသမ ၃၃ သိန်းရှိတယ်လို့ သိရပါတယ်။ NCDEX ကုန်စည်ဒိုင်မှာ စက်တင်ဘာ အခြေခံ စာခုျပ်ဈေးဟာ ရူပီး ၂၂၁၅ဝ (ကန်ဒေါ်လာ ၄၇၈) နဲ့ အရောင်းအဝယ် ဖြစ်တယ်လို့ သိရပါတယ်။ယမင်းခင်Sources: Business standard

အရောင်းအဝယ်အေးပြီး ဈေးအေးတဲ့ ပဲတီစိမ်း        ပြည်ဈေးကွက်သို့ ယခုရက်ပိုင်းအတွင်း ပဲတီစိမ်းအဝင်နည်းလာသလို အရောင်းအဝယ်လည်း အေးလာခဲ့ တယ်လို့ သိရပါတယ်။ သြဂုတ်လဆန်းပိုင်းမှာ အခြားတိုင်းမှအဝင်ရှိခဲ့သော်လည်း လကုန်ပိုင်းတွင် ပြည်မြို့နယ် တစ်ဝိုက်ရှိ ပေါင်း တလည်၊ ပေါက်ခေါင်း၊ ရွှေတောင်၊ ကျီးသဲမြို့နယ်တို့မှသာ ပဲတီစိမ်းအဝင်ရှိခဲ့ပါတယ်။ တစ်ရက် လျှင် အိတ် ၁ဝဝ မှ ၁၅ဝ အထိအဝင်ရှိပြီး၊ အရောင်းအဝယ် ဖြစ်မှုပမာဏကတော့ တစ်ရက်ကို အိတ် ၃ဝ မှ ၅ဝ အထိဖြစ်ခဲ့ ပါတယ်။ လက်ကားဈေးနှုန်းမှာ တစ်တင်းလျှင် ၂၁ဝဝဝ ကျပ်သာရှိခဲ့ပြီး၊ မိုျးသမားများ အဝယ်ရှိလျှင် အရည်အသွေးပေါ်မူတည်ပြီး တစ်တင်း ၂၅၅ဝဝ ကျပ်ထိ ဈေးပေးဝယ်ယူမှုရှိတယ်လို့ သိရပါတယ်။ သြဂုတ်လ အတွင်း ပဲတင်ပို့မှုအခြေအနေမှာ ရန်ကုန်သို့ ၃၅ဝဝ အိတ်၊ မန္တလေးသို့ ၇ဝဝ အိတ်ခန့် တင်ပို့ခဲ့ပြီး၊ စုစုပေါင်း အိတ် ၄၂ဝဝ ခန့် တင်ပို့ခဲ့ကြောင်းသိရပါတယ်။                                                                                                             ခင်ဆွေဝင်း