Main menu

Background

Tuesday, 26 Jul 2011

Database  နှင့် အချက်အလက် စီမံခန့်ခွဲမှု သင်တန်း ဖွင့်လှစ်မည်                    အစိုးရမဟုတ်သော အဖွဲ့အစည်းများ၊ ကုမ္ပဏီများ၊ နိုင်ငံတကာအဖွဲ့ အစည်းများတွင်f Database Manager နှင့် Database Administrator အဖြစ် တာဝန်ထမ်းဆောင်လိုသူများ၊ နိုင်ငံတကာနယ်ပယ်တွင်f Database  ကျွမ်းကျင်သူများဖြစ်စေရန်အတွက် ရည်ရွယ်၍ Database Mangement & Development  သင်တန်းအား ဇူလိုင် ၃၁ ရက်မှစတင်၍ Optimum Knowledge Studies တွင် ဖွင့်လှစ်သင်ကြားမည်ဖြစ်ကြောင်း သိရှိရသည်။ အဆိုပါသင်တန်းကို ဝန်ထမ်းများ တက်ရောက်သင်ကြားနိုင်စေရန် အတွက် ရုံးချိန်ပြင်ပအချိန်များတွင် ဖွင့်လှစ်ရန် စီစဉ်ထားကြောင်းသိရသည်။ အဆိုပါ သင်တန်းတွင် Database & DBMS Fundamentals နှင့် Data Modelling Techniques၊ Database Development with Microsoft Access and Microsoft SQL Server သင်ခန်းစာများ၊ Database Security and Management Practices  တို့ကို သင်ကြားပို့ချပေးမည်ဖြစ် ကြောင်း သိရသည်။ ထို့ပြင် အချက်အလက်များကို ဦးစားပေးအဆင့် သတ်မှတ်ခြင်း၊ ကွန်ပျူတာအတွင်းသို့ သိမ်းဆည်းခြင်း၊ အောက်ခြေမှ စုစည်းခြင်း၊ ပုံစံပြောင်း ခြင်း၊ စီမံခန့်ခွဲမှု မူဝါဒများသတ်မှတ်ခြင်းတို့ကိုပါသင်ကြားပေးမည်ဖြစ်သည်။ အဆိုပါ သင်တန်းကို တက်ရောက်လိုသူများအနေဖြင့် ဇူလိုင် ၂၅ ရက်မတိုင်မီ သင်တန်း အပ်နံှပါက သင်တန်းကြေး ၁ဝဝဝဝ ကျပ် ကင်းလွတ်ခွင့်ပေးမည်ဖြစ်ကြောင်း သိရသည်။ အသေးစိတ်သိရှိလိုပါက Optimum Knowledge Studies (ဖုန်း- ၃၉၈ဝ၂၉၊ ၃၉၂ဝ၄၈) သို့ ဆက်သွယ်စုံစမ်းနိုင်ကြောင်း သိရသည်။ မယ်သီတာ

Tuesday, 26 Jul 2011

Petroleum Engineering  ဘာသာရပ်ကို မလေးရှားနိုင်ငံရ Curtin University  တွင် ပြီးဆုံးအောင် သင်ယူနိုင်ပြီ                     မလေးရှားနိုင်ငံရှိ Curtin University (Sarawak)  တွင်  Petroleum Engineering  ဘာသာရပ်ကို ပညာသင်နှစ် ၅ နှစ်တာကာလပတ်လုံး ဘွဲ့ရသည်အထိ ပြီးဆုံးအောင် သင်ယူနိုင် ပြီဖြစ်ကြောင်း Myanmar Search International (MSI) မှ မန်နေးဂျင်း ဒါရိုက်တာ ဒေါ်စုစုလှိုင်က ပြောကြား ခဲ့သည်။                           အဆိုပါ Petroleum Engineering  ဘာသာရပ်ကို ယခင်က Curtin University (Sarawak) တွင် Foundation နှင့် ပထမနှစ်ကိုသာ သင်ယူနိုင် ပြီး ကျန်သုံးနှစ်ကို သြစတြေးလျနိုင်ငံရှိ Curtin University  တွင်သာ သင်ယူ နိုင်ခဲ့ကြောင်း သိရသည်။ ယခုအခါတွင် လာမည့် ၂ဝ၁၂ ခုနှစ် ပညာသင်နှစ်မှ စ၍ မလေးရှားနိုင်ငံရှိ Curtin University တွင် ကုန်ကျစရိတ်သက်သာ စွာဖြင့် ဘွဲ့ရသည်အထိ ပညာသင်ကြား နိုင်ပြီဖြစ်ကြောင်း သိရသည်။ ပညာသင်နှစ် ၅ နှစ်တွင် Foundation in Engineering ကို ၉ လ ကြာသင်ယူရမည်ဖြစ်သည်။ ပထမနှစ် ဝက်တွင် ၅ ဘာသာ၊ ဒုတိယနှစ်ဝက် တွင် ၆ ဘာသာသင်ယူရမည်ဖြစ်ပြီး ၤFoundation ၉ လတာ ကာလ အတွင်း Credit Hours နာရီ ၂ဝဝ ပြည့်အောင် သင်ယူရမည်ဖြစ်ကြောင်း သိရသည်။ Foundation Course  အတွက် ကျောင်းလခကုန်ကျစရိတ်မှာ မလေးရှားရင်းဂစ် ၁၅၂၈ဝ ကုန်ကျမည် ဖြစ်ကြောင်း သိရသည်။                မယ်သီတာ

Tuesday, 26 Jul 2011

ရန်ကုန်မြို့ တစ်ပတ်အတွင်း မော်တော်ယာဉ်ဈေးနှုန်းများစဉ် အမျိုးအစား/MDL                အက္ခရာ          ဈေးနှုန်း            မှတ်ချက်၁။ ကိုရိုလာဗင် (88)                    ၅က           ၂၈၅ သိန်း           ဒီဇယ်၂။ ကိုရိုလာဗင် (90)                   ၃က/၄က     ၂၅ဝ သိန်း       (၁ .၅)ဓာတ်ဆီ၃။ ဆူဇူကီး (R-)                        ၇ခ            ၁၂ဝ သိန်း           ဓာတ်ဆီ၄။ ဆူဇူကီး (R+)                        ၉ခ           ၂၄ဝ သိန်း၅။ အက်(စ်)အီးလီမိတက် (92)       ၉က         ၃၃ဝ သိန်း        ဖင်ပြတ်၆။ တိုယိုတာဆလွန်း (အိပ်ဇစ်)       အ            ၂၅ဝ သိန်း         (EXIV)၇။ လော်ရယ်ဆလွန်း (88)            အ            ၁၅ဝ သိန်း၈။ နီဆန်းဘလူးဘတ်စလွန်း (86)   ဗ            ၁ဝဝ သိန်း၉။ ဒဂုံဂျစ် (အမိုးပျော့)                  ၈ဂ           ၈၅ သိန်း၁ဝ။ တောင်းအေ့(စ်) (စက်မှုဇုန်)     ၈စ         ၂ဝ၅ သိန်း                ပုဇင်းခေါင်း

Tuesday, 26 Jul 2011

မန်းမဟာမြိုင်ရပ် အိမ်ခြံမြေအငှားရော အရောင်းအဝယ်ပါရပ်တန့်                                မန္တလေးမြို့ မဟာမြိုင်ရပ်ကွက် အိမ်ခြံမြေဈေးကွက်မှာ အငှားရော အရောင်းအဝယ်ပါ ရပ်တန့်လျက်ရှိ ကြောင်း သိရပါတယ်။ မဟာမြိုင်ရပ် မြေအကျိုးဆောင် တစ်ဦးက ''ဒီရက်ပိုင်းမှာ ဈေးကွက်တန့် နေတာ ၁၅ ရက်လောက်ရှိပြီ။ အခွန် ၁၅ရာခိုင်နှုန်းဆောင်ခဲ့တာ ရှေ့လ သက်တမ်းပြည့်မှာဆိုတော့ အခွန်နှုန်းထား ပြောင်း၊ မပြောင်း စောင့်ကြည့်နေကြ တာ။ ဒါကြောင့် တစ်မြို့လုံးနီးပါး ဈေး ကွက်တန့်နေတာ။ လိုတဲ့သူလောက်ပဲ ဝယ်ယူမှုရှိတယ်။ ဈေးနှုန်းက အမြင့် ဈေး ရောက်သွားတော့ ဈေးဆက်ကျ မလား စောင့်ကြည့်နေကြတာ''လို့ ပြော ပါတယ်။ မဟာမြိုင်ရပ်ကွက်တွင် ၆၄ လမ်း မေးတင်၊ ပေ ၆ဝ x ပေ ၄ဝ တစ်ကွက် ကို ကျပ်သိန်း ၄ဝဝဝ ကျပ်၊ ၆၃ လမ်း  မေးတင် ကျပ်သိန်း ၃၅ဝဝ ကျော်၊ ၆၆ လမ်း မေးတင်ကျပ်သိန်း ၄ဝဝဝ နီးပါး ရှိ၍ ကြားကွက်များမှာ ကျပ်သိန်း ၂ဝဝဝ ဝန်းကျင် ဈေးရှိပါတယ်။ ၃၈ လမ်း ၆၄ လမ်းနဲ့ ၆၆ လမ်းကြားတွင် လမ်းခင်းပြီးပါက ၃၅ လမ်းမကြီးနှင့် လမ်းပေါက်၍ ဈေးဆက်မြင့်နိုင်ကြောင်း သိရပါတယ်။ အငှားဈေးနှုန်းမှာ အိမ်အနေအထား၊ နေရာအနေအထား လမ်းသာမှုပေါ်မူတည်ပြီး ကျပ် တစ် သိန်းနှင့် ၁ဝ သိန်းကြားဖြင့် ငှားရမ်းမှုရှိကြောင်း၊ လတ်တလောတွင် ငှား ရမ်းအိမ် နည်းလျက်ရှိကြောင်း သိရပါတယ်။ ဇူးဇူး

Tuesday, 26 Jul 2011

ကားဈေးကွက်အတွင်း ဈေးတန်းနေသော်လည်း သိန်းတစ်ရာပတ်လည်ကားများ အရောင်းအဝယ်ရှိနေ           ယခုရက်ပိုင်း ရန်ကုန်မြို့ ကားဈေးကွက်အတွင်း ကားဈေးတန်း အနည်းငယ် မာနေပြီး အရောင်းအဝယ်လည်း အနည်းငယ် ရှိနေကြောင်း သိရသည်။ ဇူလိုင်လ တတိယပတ်အတွင်း ရုံးပိတ်ရက်များရှိနေသော်လည်း ကားပွဲစားတန်းများတွင် လူ မရှင်းဘဲ လူစည်ကားနေကြောင်း၊ ကြားရက်များတွင် ညနေပိုင်းအချိန်များ၌ လူစည် ကားကြောင်း၊ ယခုတလောအတွင်း သိန်း ၁ဝဝ အောက် ကားလေးများနှင့် သိန်း ၁ဝဝ ကျော် ၂ဝဝ ကြားကားများ ကြိုးကြားကြိုးကြား အရောင်းအဝယ်ရှိလာ ကြောင်း သိရသည်။                     စက်မှုဇုန်ထုတ်ကားများတွင် ယခင်ကတည်းက လိုင်စင်ဝင်ပြီးသော တောင်းအေ့(စ်)ပစ်ကပ်များသာ အရောင်းအဝယ်ရှိနေပြီး စက်မှုဇုန်ထုတ် ဝက်ဂွန်ယာဉ်၊ စူပါကပ်စတန်များမှာ ယခင်လမှစတင်ခဲ့သည့် သတ်မှတ်ချက်ဂယက်ကြောင့် ဈေး တန်းမှန်ဖြင့် အဝယ်အေးနေပြီး လျော့ရောင်းမှသာအဝယ်ရှိကြောင်း သိရသည်။ လတ်တလော အဝယ်လိုက်လာသည်မှာ သိန်း ၁ဝဝ အောက်ကား များဖြစ် သော ဆန်နီပစ်ကပ်၊ ပါပလေကာများ၊ ဆလွန်းအက္ခရာနိမ့်များသာဖြစ်ပြီး၊ သိန်း ၁၅ဝ ဝန်းကျင်ခန့်နှင့် အသစ်စီး နိုင်သော မြန်မာမီနီဆလွန်းမှာ ဈေးအဝယ်ရှိ၍ ဈေးပြန်မာလာပြီး ဈေးတန်း ၁၆၅/၁၇ဝသိန်းခန့်ခေါ်ကာ သိန်း ၁၆ဝ ခန့် အရောင်း အဝယ်ရှိ လာကြောင်း သိရသည်။                    အဆိုပါကားများမှာ ကျောင်းဖွင့်ရာသီအပြီး ပြီးခဲ့သည့်လက ဈေးတန်း ၁၃၅/၁၄ဝ သိန်းခန့်ဖြင့် ဝယ်ယူလာနိုင်သော်လည်း ယခုအခါဌာနဆိုင်ရာမှ မူရင်း ရောင်းချပေးသောဈေးထက် ၃ဆကျော်ခန့် ပြန်မာလာပြီး အမှန်လည်း အဝယ် လိုက်လာကြောင်း၊ သို့ဖြစ်ရခြင်းမှာ စက်မှုဇုန်ထုတ်ကားများ ဂယက်ကြောင့်လည်း တစ်ချက်အပါအဝင်ဖြစ်ပြီး၊ ၎င်းတို့နှင့် ဈေးတန်းချိန်ထိုးနိုင်သည့် စက်မှုဇုန်ကား မရှိခြင်း၊ ဈေးကွက်တွင်း ရောက်ရှိပြီးဖြစ်သည့် ငါးယောက်စီး၊ ရှစ်ယောက်စီး အမ်ပီဗီ ယာဉ်ငယ်များမှာလည်း ပြင်ပပေါက်ဈေး သိန်း ၁၈ဝ ခန့်ဖြစ်နေပြီး၊ ယခု အချိန်ထိ ဆိုင်ရာမှ နံပါတ်ထုတ်မပေးသေးခြင်းကြောင့်လည်းကောင်း၊ စက်မှုဇုန် ယာယီမှတ်ပုံတင်ဖြင့် စက်သုံးဆီဆိုင်များတွင် ဝယ်ယူခွင့်မရှိဘဲ ပြင်ပတွင်သာ ဝယ်ယူ သုံးစွဲနေရသဖြင့် ၎င်းကန့်သတ်ချက်များ များလာ၍ မြန်မာမီနီများ ဈေးမာလာရ ခြင်းဖြစ်ကြောင်း အပေါ်ဝိုင်းအကျိုးဆောင် ကိုမြင့်ကျော်မှ ပြောသည်။ SN

Sunday, 17 Jul 2011

ပြည်ပနိုင်ငံများတွင် ပညာသင်ကြားမည်ဆိုပါက သေချာစွာစုံစမ်းပြီးမှ တက်ရောက်ဖို့လို                     ပြည်ပနိုင်ငံများရှိ တက္ကသိုလ်များ၊ ကောလိပ်များ၊ ဒီဂရီကျောင်းများသို့ သွားရောက် ပညာသင်ကြားလိုသူများ အနေဖြင့် မိမိတက်ရောက်မည့် ကျောင်း၏ အနေအထား၊ ခိုင်မာမှု ရှိ၊ မရှိကို သေချာစွာစုံစမ်းပြီးမှ တက် ရောက်သင့်ကြောင်း သိရသည်။ စင်ကာပူနိုင်ငံ ဏှဘ အကယ်ဒမီ ကျောင်းမှ မန်နေဂျာ ဒေါ်ဝင်းမာလှိုင် က ''စင်ကာပူမှာရှိတဲ့ ကျောင်းတွေကို တက်တော့မယ်ဆိုရင် ကျောင်းရဲ့ ခိုင်မာမှုကို အရင်ဆုံးစုံစမ်းရပါမယ်။ အစိုးရ က ထိန်းချုပ်ထားတဲ့ ကျောင်းမျိုးကို ရွေးပြီးတော့ တက်ရင် အကောင်းဆုံး ပါပဲ။ အခု စင်ကာပူမှာ ပုဂ္ဂလိက ကျောင်းပေါင်း ၆ဝဝ ကျော်အပိတ်ခံရ တယ်ဆိုတာ တကယ်ခိုင်မာမှု မရှိတဲ့ ကျောင်းတွေပါ။ သာမန် Private  ကျောင်းလေးတွေဟာ စင်ကာပူအစိုးရ ရဲ့ ထိန်းချုပ်မှုမခံနိုင်တဲ့အတွက် အခုလို ပိတ်သိမ်းခြင်းခံရတာပါ။ စင်ကာပူ အစိုးရက ၄ နှစ်အာမခံ သက်တမ်းပေး ထားတဲ့ ကျောင်းကမှ ခိုင်မာမှုရှိတယ် လို့ ဆိုရပါမယ်''ဟု MSI ၏ပညာရေး ပွဲတော် သတင်းစာရှင်းလင်းပွဲတွင် ပြော ကြားသွားခဲ့သည်။                     စင်ကာပူနိုင်ငံသည် မြန်မာလူငယ် အများစု၏ ပညာသင်ကြားရာနိုင်ငံတစ် နိုင်ငံဖြစ်သည့်အတွက် ကျောင်းသား၊ ကျောင်းသူများ၏ ဘဝရှေ့ရေးကိုမထိ ခိုက်စေရန် သေချာစွာ လေ့လာသင့် ကြောင်း သိရသည်။ စင်ကာပူနိုင်ငံတွင် ပုဂ္ဂလိကကျောင်းပေါင်း ၈ဝဝ ကျော်ရှိ သည့်အနက် ကျောင်းပေါင်း ၆ဝဝ ကျော်ပိတ်သိမ်းခြင်းခံရရာ ပညာသင် ကြားနေဆဲလူငယ် အများအပြားထိခိုက် မှုရှိခဲ့ကြောင်း သိရသည်။ မယ်သီတာ 

Sunday, 17 Jul 2011

ရန်ကုန်မြို့ တစ်ပတ်အတွင်း မော်တော်ယာဉ်ဈေးနှုန်းများ စဉ် အမျိုးအစား/MDL                    အက္ခရာ         ဈေးနှုန်း             မှတ်ချက်၁။ ဆူဇူကီး (R+)                              ၁ဂ             ၂၇ဝ သိန်း ကားကောင်း၂။ ဆူဇူကီး (R-)                              စတိ             ၁၅ဝ သိန်း၃။ စူပါဆလွန်း (87)                        ၁က             ၂၁ဝ သိန်း ကားကောင်း၄။ စူပါဆလွန်း (90)                        ၄ဂ              ၃၄ဝ သိန်း၅။ တောင်းအေ့(စ်) (2000)              ၈စ              ၂၁ဝ သိန်း ပုဇင်းခေါင်း၆။ စူပါကပ်စတန် (97)                     ၈စ              ၃၅ဝ သိန်း၇။ အက်(စ်) အီးလီမိတက် (88)   လ/သ/အ           ၂၁ဝ သိန်း၈။ အက်(စ်) အီးလီမိတက် (90)         ၄ဂ             ၃၄ဝ သိန်း၉။ ဟိုင်းလက် (၂ ခန်းတွဲ) (88)         ၂က            ၂၅ဝ သိန်း၁ဝ။ မြန်မာမီနီဆလွန်း (2011)          ၅ဂ            ၁၃၅ သိန်း

Sunday, 17 Jul 2011

အိမ်ခြံမြေလုပ်ငန်းတွင် နိုင်ငံခြား ရင်းနှီးမြှုပ်နံှမှု ၄ဝဝ ကျော်ကို ဆွဲဆောင်နိုင်ခဲ့သည့် ဗီယက်နမ်                   ယခုနှစ် ဇန်နဝါရီလမှ ဇွန်လအတွင်း ဗီယက်နမ်အိမ်ခြံမြေလုပ်ငန်းမှာ နိုင်ငံခြားမှ တိုက်ရိုက်ရင်းနှီးမြှုပ်နံှမှု လုပ်ငန်းပေါင်း ၄ဝဝ ကျော်ရှိကာ ကန်ဒေါ်လာ ၄၂ ဒသမ ၈ ဘီလီယံကျော်ဖိုး မှတ်ပုံတင်ခဲ့ကြောင်း စီမံကိန်းနဲ့ ရင်းနှီးမြှုပ်နံှမှုဝန်ကြီးဌာနအရ သိရှိရပါတယ်။                  နိုင်ငံခြားသားရင်းနှီးမြှုပ်နံှသူတွေက ဗီယက်နမ်ဈေးကွက်အတွင်းမှာ ငွေလုံးငွေရင်းနဲ့ ရင်းနှီးမြှုပ်နံှဖို့ဂရုတစိုက်ချိန်ဆလျက်ရှိတာကြောင့် ဗီယက်နမ် အစိုးရက ငွေကြေးဖောင်းပွမှုလျှော့ချနိုင်ဖို့အတွက် ဘဏ္ဍာရေးမူဝါဒကို ပိုမို တင်းတင်းကျပ်ကျပ် ဆောင်ရွက်နေရတယ်။ ဒါပေမဲ့ စီးပွားရေးအခွင့်အလမ်း ကောင်းမွန်မှုနဲ့ စီးပွားရေးဗျူဟာရှင်းလင်းမှုကြောင့် ဈေးကွက်မှာ ရင်းနှီးမြှုပ်နံှ မှုဆွဲဆောင်နိုင်မှာဖြစ်ကြောင်း ကျွမ်းကျင်ပညာရှင်တွေက ပြောကြားလိုက်တယ်။ ဗီယက်နမ်နိုင်ငံက အိမ်ခြံမြေလုပ်ငန်းက လျင်မြန်စွာတိုးတက်လာခဲ့ပြီး အနာဂတ်မှာ တန်ဖိုးသာမက အရည်အသွေးပါ ဖွံ့ဖြိုးတိုးတက်လာနိုင် ကြောင်း ခန့်မှန်းသိရှိရပါတယ်။ Source: english.vietnamnet.vn,အေးမွန်မွန်လှိုင််

Pages