Background
မန္တလေးမြို့သစ် မြေကွက်များ အရောင်းအဝယ် ပြန်အေး ဈေးနှုန်း ခပ်ပါးပါးကျဆင်း မန္တလေးမြို့သစ်ရှိ အရောင်းအဝယ်ဖြစ်ခဲ့တဲ့မြေကွက်များမှာ အရောင်းအဝယ် ပြန်အေးလျက်ရှိ၍ မြေဈေးနှုန်း ခပ်ပါးပါး ကျဆင်းလျက်ရှိကြောင်း သိရပါတယ်။ မန္တလေးမြို့သစ် မြေကွက်များမှာ ဇန်နဝါရီလမှစ၍ အရောင်းအဝယ်သွက် ခဲ့ရာ ၆ လတာကာလအတွင်း မြေရင်းနှီးမြှုပ်နံှသူများ မြေအရောင်းအဝယ်ပြုလုပ် သူများနဲ့ မြေအကျိုးဆောင်များအတွက် အကျိုးအမြတ်များများရရှိခဲ့ကြောင်း၊ ဧပြီ လပိုင်းတွင် ယခင်နှစ်များက အရောင်းအဝယ်အေးကာလဖြစ်သော်လည်း ယခုနှစ် ဧပြီလမှာ ထူးထူးခြားခြား ဈေးကွက်ကောင်းခဲ့ကြောင်း မြေအကျိုးဆောင်များထံမှ သိရပါတယ်။ ''၆ လတာကာလအတွင်းမှာ မြေကွက်အမှတ်ထွက်လိုက်တာနဲ့ အရောင်း အဝယ်ဖြစ်ခဲ့တာ၊ မြို့သစ်ရော မြို့တွင်းမှာပါ အရောင်းအဝယ်ဖြစ်ခဲ့တယ်။ အရောင်း အဝယ်ဖြစ်တော့ ဈေးနှုန်းလည်း တက်ရိပ်ပြခဲ့တယ်။ ဒီလထဲကစပြီး မြေဈေးက အမြင့်ဈေးရောက်ခဲ့တော့ ဈေးတန့်နေတယ်လို့လဲပြောလို့ရမယ်။ မြေဈေးကွက်က အမြင့်ဈေးမှာရှိနေတော့ ရောင်းမယ့်သူကလည်း ပြန်ဝယ်နိုင်ပါ့မလားဆိုပြီး မရောင်း ရဲသလို ဝယ်မယ့်သူကလည်း မဝယ်ရဲဘဲဖြစ်နေတယ်။ ဝယ်လိုက်ရင်လည်း ဈေးတက် ထားတဲ့အတွက် လောလောဆယ် ထပ်မတက်နိုင်သေးတော့ မြတ်ဖို့မသေချာတဲ့ အတွက် ဝယ်ရောင်းသမားနဲ့ မြေရင်းနှီးမြှုပ်နံှသူတွေက အဝယ်မရှိသလောက်ဖြစ် လာတာ၊ အရမ်းရောင်းချင်လွန်းတဲ့သူမှသာ ဈေးချရောင်းတဲ့အတွက် အရောင်း အဝယ်ဖြစ်ပြီး ဈေးနှုန်းလည်း ခပ်ပါးပါးကျဆင်းခဲ့တယ်''လို့ မြေအကျိုးဆောင်တစ်ဦး ကပြောပါတယ်။ မန္တလေးမြို့သစ်မြေကွက်များတွင် လူကြိုက်များခဲ့သည့် ''လလ''၊ ''ဝဝ''၊ ''ဇဇ'' မြေကွက်များမှာ ယခုလတွင် အကျဈေးဖြင့် အရောင်းအဝယ် အနည်းငယ်ဖြစ်လျက် ရှိပါတယ်။ ယခင်က သိန်း ၇၅ဝ ကျပ်ဈေးပေါက်ခဲ့တဲ့ မြေကွက်မှာ ယခုလတွင် သိန်း ကျပ် ၆ဝဝ ဝန်းကျင်၊ ကျပ်သိန်း ၁ဝဝဝ အကွက်များမှာ ကျပ်သိန်း ၈ဝဝ ဝန်းကျင်ဖြင့် အရောင်းအဝယ်အနည်းငယ်ရှိကြောင်း သိရပါတယ်။ ဇူးဇူး
ဗီယက်နမ်နိုင်ငံမှ တစ်ပတ်ရစ်ကားများတင်သွင်းမှုအပေါ် အခွန်တိုးမြှင့ ် ကောက်ခံသွားမည် ဗီယက်နမ်နိုင်ငံက လာမဲ့လအတွင်း အင်ဂျင်ကြီးများတပ်ဆင်ထားတဲ့ တစ်ပတ်ရစ်ကားတွေ တင်သွင်းမှုအပေါ် အခွန် တိုးမြှင့်ကောက်ခံသွားမှာဖြစ်ကြောင်း သိရှိရပါတယ်။ ပထမဆုံးအနေနဲ့ သြဂုတ် ၁၅ ရက်မှစပြီး ၁ ဒသမ ၅ လီတာ (သို့မဟုတ်) ၁ ဒသမ ၅ လီတာအထက် ပိုတဲ့ အင်ဂျင်တပ်ဆင်ထားတဲ့ တစ်ပတ်ရစ်ကားတွေကို မော်လ်ဒယ်တူ ကားသစ်တွေ အပေါ် တူညီတဲ့အခွန်ကောက်ခံသလို ကောက်ခံသွားမှာဖြစ်ကြောင်း သိရှိရပါတယ်။ တစ်ပတ်ရစ်ကားတွေရဲ့ အင်ဂျင်စွမ်းရည် အပေါ်မူတည်ပြီး အမေရိကန်ဒေါ်လာ ၅ဝဝဝ (သို့မဟုတ်) အမေရိကန်ဒေါ်လာ ၁၅ဝဝဝ ထပ်လောင်း အခွန်ကောက်ခံ သွားမှာဖြစ်ကြောင်း ဝန်ကြီးချုပ် ငုယင်တန်ဇွန်း လက်မှတ်ရေးထိုးခဲ့တဲ့အမိန့်ကို ကိုးကားပြီး VnExpress မှ ဖော်ပြထားပါတယ်။ ကားသစ်တွေ တင်သွင်းမှုအပေါ် ကောက်ခံတဲ့အခွန်ဖြစ်တဲ့ ၇၇ ရာခိုင်နှုန်းမှ ၈၃ ရာခိုင်နှုန်းမှာ မပြောင်းမလဲ တည်ရှိနေမှာဖြစ်ကြောင်း သိရှိရတယ်။ ယခုလောလောဆယ်မှာ တစ်ပတ်ရစ်ကားတွေက တစ်စီးကို ပုံသေအခွန် ဒေါ်လာ ၃၅ဝဝ မှစပြီး ကောက်ခံသွားမှာဖြစ်ကြောင်း သိရှိရတယ်။ ဦးတည်ချက်အသစ်အရ ကမ္ဘာ့ကုန်သွယ်ရေးအဖွဲ့ရဲ့ စည်းမျဉ်းတွေနဲ့ အညီ ဘဏ္ဍာရေးနဲ့အခွန်ဝန်ကြီးဌာနက တစ်ပတ်ရစ်ကားတွေအပေါ် သတ်မှတ်ထားတဲ့ အခွန်ကောက်ခံနှုန်းထားတွေကို ပြောင်းလွယ်/ပြင်လွယ်မှုနဲ့ ညှိနှိုင်းသွားမှာဖြစ်ကြောင်း သိရှိရတယ်။ တစ်ပတ်ရစ်ကားတွေရဲ့ ဈေးနှုန်းတွေမှာ ယခုဈေးနှုန်း တွေထက် နှစ်ဆ/သုံးဆ တစ်လိပ်လိပ်တိုးလာမှာဖြစ်ရာ အခွန်ကောက်ခံမှုမြင့်မားခြင်းက၎င်းတို့အတွက် ဆိုးရွားတဲ့ ထိုးနှက်ချက်ဖြစ်လာလိမ့်မှာဖြစ်ကြောင်း ကားကုန်သည်တွေရဲ့ ပြောကြားချက်ကို VnExpress မှ ကိုးကားရေးထားတဲ့ အစီရင်ခံစာအရ သိရှိရပါတယ်။ ဗီယက်နမ်နိုင်ငံ ဟနွိုင်းရှိ ကားတင်သွင်းသူတွေရဲ့ ပြောကြားချက်အရ ကားသစ်တွေ တင်သွင်းမှုအပေါ် အစိုးရမှ ကန့်သတ်ပြီးနောက် ကားကုန်သည်အများစုမှာ ကားသစ်တွေတင်သွင်းမဲ့အစား တစ်ပတ်ရစ်ကားတွေ တင်သွင်းမှုကို ခြေဦးလှည့်ဖို့ ကြံစည်နေကြရာ ၎င်းအကြံအစည်က ယခုအချိန်မှာ အလားအလာရှိတဲ့ ရွေးချယ်ခွင့်မဟုတ်ကြောင်း သိရှိရတယ်။ ၂ဝ၁၁ ခုနှစ် ဇွန်လ ၂၆ ရက်မှာသက်ဝင်ခဲ့တဲ့ စည်းမျဉ်းအသစ်အရ ထိုင်ခုံကိုးခုံ အောက်ကားတင်သွင်းသူတွေက နိုင်ငံခြားကားရောင်းဝယ်ခွင့်အတွက် ပေးထားတဲ့အခွင့်အာဏာရရှိသူတွေဖြစ်ကြောင်းသက်သေပြဖို့ လိုအပ်ကြောင်း သတ် မှတ်ထားပါတယ်။ Source:Vietnamnews, နွယ်နွယ်ဦး
ကားဈေးကွက် အေးနေသော်လည်း အရောင်းအဝယ် အနည်းငယ်ရှိ ရန်ကုန် ကားဈေးကွက်အတွင်း၌ ပြီးခဲ့သည့် ရက်သတ္တပတ်က အခွန် ဆောင် ကားသတင်းများ ကျယ်ကျယ် လောင်လောင်ထွက်ပေါ်လာပြီးနောက် အရောင်းအဝယ် မရှိသလောက် အေးသွားခဲ့ကြောင်း သိရသည်။ သို့ရာတွင် ယခုထက်တိုင် မနှစ်ကခွင့်ပြုပေးသည့် အတိုင်း ရာနှုန်းဖြတ်က အခွန်ဆောင် ပေးဦးမည်ဟု အကြားသတင်းဂယက် မှာ ရှိနေဆဲဖြစ်ပြီး ယခုရက်သတ ္တပတ် အတွင်း၌မူ အရောင်းအဝယ်လေးများ တစ်စီးစနှစ်စီးစ ပြန်ဖြစ်လာကြောင်း သိရသည်။ အပေါ်ဝိုင်း (ဟံသာဝတီဝိုင်း) မှ အစပြု၍အခြားသောကျောက်မြောင်း ဝိုင်း၊ အောက်ဝိုင်းများတွင် ရာသီဥတု ကောင်းသော ရက်များတွင် နေ့လယ်ပိုင်းနှင့် ညနေပိုင်းများတွင် ပြန်၍လူ စည်ကားလာပြီး ကားမေးသူ/ ကြည့် သူများလာကြောင်း သိရသည်။ အရောင်းအဝယ်အနေဖြင့် သိသိသာသာကြီး မကောင်းသော်လည်း အသင့်အတင့် အရောင်းအဝယ်ရှိနေ ပြီး လတ်တလော အရောင်းအဝယ်ဖြစ် သည်မှာ ယခင်သုံးလခန့်က လူကြိုက် များ ကားဈေးမာခဲ့သော မြန်မာမီနီဆ လွန်းများမှာ ယခုအက္ခရာ ၆ဂ ထွက် ပေါ်နေပြီဖြစ်၍ ၁၄ဝ သိန်း၊ ၁၄၅ သိန်း ခန့်ဈေးဖွင့်ကာ တေ့တေ့ဆိုင်ဆိုင် ဆိုလျှင် ၁၃၅သိန်းခန့်နှင့် အရောင်းအဝယ် ဖြစ်ကြောင်း၊ ၅ဂ အက္ခရာတန်းဆိုလျှင် ၁၃ဝ သိန်းနှင့် ၁၃ဝ သိန်းအောက် ခေါ်လာကြောင်း သိရသည်။ အခြားကားများထဲတွင်မူ လူစီးကားများဖြစ်သည့် ဗင်နှင့် စူပါဆလွန်း၊ ဆူဇူကီး (R+) များမှာ အနည်းဆုံးတစ်စီးစ နှစ်စီးစခန့် အမြဲအရောင်းအဝယ်ရှိကြောင်း၊ ယခင် အပတ်က အခွန်ဆောင်ကားသတင်း ကြောင့် စက်မှုဇုန်ထုတ် ကားဈေးများ လျှော့ရောင်းမှုရှိသော်လည်း ယခုအခါ ပုံမှန်ဈေးတန်းသို့ ပြန်ခေါ်လာကြောင်း၊ အကြားသတင်းများကြောင့် အရောင်း အဝယ်အေးသလို ဖြစ်သွားခဲ့သည့် မနှစ် ကလိုင်စင်ဝင်ထားသည့် အခွန်ဆောင် ၄ဂ/၅ဂ အက္ခရာတန်း ကားများမှာ လည်း တစ်စီးစ နှစ်စီးစ အရောင်း အဝယ်ရှိလာကြောင်းသိရသည်။SN
ရန်ကုန်မြို့ တစ်ပတ်အတွင်း မော်တော်ယာဉ်ဈေးနှုန်းများ စဉ် အမျိုးအစား/MDL အက္ခရာ ဈေးနှုန်း မှတ်ချက်၁။ ဆူဇူကီး (R+) ၉ခ ၂၅၅ သိန်း၂။ ဆူဇူကီး (R-) ၇ခ ၁၂၅ သိန်း၃။ ကိုရိုလာဗင် (89)(၁.၅) ၃က ၂၅ဝ သိန်း၄။ ကိုရိုလာဗင် (88) ဒီဇယ် ၅က ၂၈ဝ သိန်း၅။ တိုယိုတာဆလွန်း (85) လ/သ/အ ၁၆ဝ သိန်း ဖင်ထောင်ဆလွန်း၆။ စူပါဆလွန်း (87) ၃က/၄က ၁၈ဝ/၁၉ဝ သိန်း၇။ စူပါဆလွန်း (90) လ/သ/အ ၂၃ဝ သိန်း၈။ ပါပလေကာ(ပစ်ကပ်) (85) ဓ ၇၅ သိန်း၉။ ပါဂဲျရိုး (စက်မှုဇုန်) ၇ခ ၅၂၅ သိန်း (V-46)၁ဝ။ တောင်းအေ့(စ်)ပစ်ကပ်(စက်မှုဇုန်) ၈ဃ ၁၅ဝ သိန်း (97)
မန္တလေးဟိုတယ်ဇုန်တည်ဆောက်ရန် နေရာလေးခု သတ်မှတ်ထားပြီးဖြစ်သော်လည်း ဆောက်လုပ်ရန်အတည်ပြုချက်မရသေး မန္တလေးဟိုတယ်ဇုန်တည်ဆောက်ရန် နေရာလေးခုသတ်မှတ်၍ ဗီဒီယိုမှတ် တမ်းဖြင့် တင်ပြထားဆဲဖြစ်ကြောင်း မန္တလေးဟိုတယ်ဇုန်ဥက္ကဋ္ဌ ဦးမြင့်အောင်က ပြောပါတယ်။ ဟိုတယ်ဇုန် တည်ဆောက်ရန်နေရာလေးခုမှာ နယ်မြေအမှတ် ၁ က ဧရာဝတီမြစ်ရိုးတစ်လျှောက် ကွဲျစွန်းမှ စစ်ကိုင်းတံတားထိ၊ နယ်မြေအမှတ် ၂ က တောင်သမန်အင်း တောင်ဘက်တစ်ကြော၊ နယ်မြေအမှတ် ၃ က အင်းဝမြို့၊ ဒုဋ္ဌဝတီမြစ်နဲ့ ဧရာဝတီမြစ်ဆုံဒေသ၊ နယ်မြေအမှတ် ၄ က အောင်ပင်လယ်ရေတံခွန် တောင် သွားရာလမ်းတစ်လျှောက်သို့ ရွေးချယ်သတ်မှတ်၍ တင်ပြထားဆဲဖြစ် ကြောင်း သိရပါတယ်။ ''မန္တလေး ဟိုတယ်ဇုန်က အရင်ကတည်းက တည်ဆောက်ထားတဲ့ ဟိုတယ် လုပ်ငန်းရှင်များနဲ့ဖွဲ့စည်းထားတဲ့ ဇုန်ဖြစ်တယ်။ ၂ဝ၁ဝ ခုနှစ်က ဧည့် ၂ ဒသမ ၃ သိန်း ဝင်ရောက်မှုရှိခဲ့တဲ့အတွက် မန္တလေးမှာရှိတဲ့ဟိုတယ်တွေက အခန်းပြည့်ပဲ။ နောင်နှစ်တွေမှာ ဧည့် ငါးသိန်းလောက်ဝင်မယ် ခန့်မှန်းတဲ့အတွက် ဟိုတယ်လုံ လောက်မှုရှိအောင် မန္တလေးဟိုတယ်ဇုန်မှာရှိတဲ့ ဟိုတယ်အခန်းတိုးခဲျ့ဖို့ မဖြစ်နိုင်ခြင်း၊ မြေဈေးကြီးမားခြင်း၊ ဆောက်လုပ်ထားတဲ့ ဟိုတယ်တွေက မိမိတို့ပိုင်အိမ်နေရာမှာ ဆောက်လုပ်ထားတဲ့အတွက် ဘုန်းကြီးကျောင်းတွေကြား၊ ဗလီတွေကြား၊ သီလရှင် ကျောင်းတွေကြားမှာ ရှိနေတာများတယ်။ မန္တလေးမြို့ရဲ့ ခေတ်မီတယ်ဆိုတဲ့ Mandalay Hill Resort Hotel ဆို အရှေ့ဘက်နဲ့တောင်ဘက်မှာ ဘုန်းကြီး ကျောင်းရှိပြီး အနောက်ဘက်မှာ သီလရှင်ကျောင်းနဲ့ တိရစ္ဆာန်ဥယျာဉ်ရှိတဲ့အတွက် မန္တလေးဇုန်မှာရှိတဲ့ ဟိုတယ်တွေက တည်နေရာ မကောင်းတဲ့အတွက် ဇုန်နယ် မြေသစ်ဖော်ထုတ်ပြီး ဇုန်အနေနဲ့ ခေတ်မီဖွံ့ဖြိုးတိုးတက်တဲ့ ဟိုတယ်များတည် ဆောက်ဖို့ သတ်မှတ်တင်ပြထားတာပါ။ ဘယ်နေရာမှာ ဆောက်မယ်လို့ အတည်ပြုချက် မရသေးပါဘူး၊ လောလောဆယ် ဆောက်လုပ်ဖို့လည်း အစီအစဉ် မရှိသေးဘူး'' လို့ မန္တလေးဟိုတယ်ဇုန်ဥက္ကဋ္ဌ ဦးမြင့်အောင်က ပြောပါတယ်။ မန္တလေးဟိုတယ်ဇုန်ဆောက်လုပ်မဲ့ မြေနေရာကို သဘာဝရှုခင်းများ မြင်တွေ့ နိုင်တဲ့တောင်တန်းများ၊ ဧရာဝတီမြစ်၊ ဒုဋ္ဌဝတီမြစ်နဲ့ မြေနုကျွန်းများ၊ ဘုရားစေတီများ နဲ့ အင်းဝယဉ်ကျေးမှုနယ်မြေနဲ့ နီးတဲ့နေရာများမှာ ရွေးချယ်ထားခြင်းဖြစ်ကြောင်း၊ ရှမ်းကလေးကျွန်းနဲ့ ရွှေကြက်ယက်ကျေးရွာကြားမှာ ဟိုတယ်ဇုန် ဆောက်လုပ်မယ်ဆိုတဲ့ဂျာနယ်အခိုျ့ရဲ့ ဖော်ပြထားချက်များမှာ အတည်ပြုချက်ချထားခြင်း မရှိ သေးကြောင်း ဦးမြင့်အောင်က ဆက်လက်ပြောပါတယ်။ မန္တလေးဟိုတယ်ဇုန်တွင် ဟိုတယ်ပေါင်း ၁၂၁ လုံးနဲ့ အခန်းပေါင်း ၄၃၂၂ ခန်းပါရှိမယ်လို့ သိရပါတယ်။ ဇူးဇူး
အထက်မြန်မာပြည်ရှိ နွားမွေးမြူရေးနှင့် နို့ထွက်ပစ္စည်း ထုတ်လုပ်မှုဆိုင်ရာ အလုပ်ရုံဆွေးနွေးပွဲ ကျင်းပ အထက်မြန်မာပြည် နို့စားနွားမွေးမြူရေးနှင့် နို့ထွက်ပစ္စည်းထုတ်လုပ်မှု ဆိုင်ရာ အလုပ်ရုံဆွေးနွေးပွဲကို ဇူလိုင် ၆ ရက်က မန္တလေးတိုင်းဒေသကြီး မွေးမြူရေးနှင့် ကုသရေးဦးစီးဌာနခန်းမ၌ ကျင်းပပြုလုပ်ခဲ့ပါတယ်။ ဆွေးနွေးပွဲသို့ မွေးမြူရေးနှင့် ရေ လုပ်ငန်းဝန်ကြီးဌာန၊ ပြည်ထောင်စု ဒုတိယဝန်ကြီး ဦးခင်မောင်အေး၊ စိုက် ပျိုးရေးနှင့် မွေးမြူရေးဝန်ကြီးဌာန၊ မန္တလေးတိုင်းဒေသကြီး ဝန်ကြီး ဦးမြင့်သန်း၊ မွေးမြူရေးနှင့်ကုသရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာ အောင်ကြီးနဲ့ တာဝန်ရှိသူများ၊ ဝန်ထမ်း များ တက်ရောက်ကြပါတယ်။ အခမ်းအနားမှာ ဒေသတွင်း နွားမွေးမြူရေး မြင့်မားတိုးတက်ရေး၊ နို့နှင့် နို့ထွက်ပစ္စည်းထုတ်လုပ်မှု တိုးတက်ရေး၊ ဒေသနွားနဲ့ မေထုန်မဲ့ နို့စားနွားများ မျိုးရိုးမြင့်တက်လာရေး၊ ဒေသအတွင်းနို့ထွက်ပစ္စည်း ဈေးကွက်ဖွံ့ဖြိုးတိုးတက် ရေး ကိုဆောင်ရွက်နိုင်ရန် နည်းလမ်း ကောင်းများအား ဆွေးနွေးခြင်း၊ အလုပ် ရုံဆွေးနွေးပွဲ ကျင်းပပြုလုပ်ရတဲ့ အကြောင်းရင်းနဲ့ ပတ်သက်တဲ့စာတမ်း၊ မန္တလေးဒေသအတွင်း ဒေသနွားနဲ့ နို့ စားနွားမွေးမြူရေးကို လေ့လာတင်ပြ ထားတဲ့စာတမ်းနဲ့ အထက်မြန်မာပြည်နို့ ထွက်ပစ္စည်း ထုတ်လုပ်မှု အခြေအနေ၊ ဒေသတွင်း နို့နဲ့ နို့ထွက်ပစ္စည်းများ ဈေးကွက်အတွင်း ဝင်ရောက်မှုအခြေ အနေများနဲ့ နို့စားနွားမွေးမြူရေးခြံ ကြီးများရဲ့ လုပ်ငန်းဆောင်ရွက်မှုအား ဖတ်ကြားတင်ပြခြင်း၊ ဒေသတွင်း နွား မွေးမြူရေး ဖွံ့ဖြိုးတိုးတက်ရေး၊ နို့ထွက် ပစ္စည်းထုတ်လုပ်မှု မြင့်မားရေး၊ နို့ထွက် ပစ္စည်း ဈေးကွက်မြှင့်တင်ရေးကို အုပ်စု ဖွဲ့၍ ဆွေးနွေးခြင်းများပြုလုပ်ခဲ့ကြောင်း သိရပါတယ်။ ဇူးဇူး
မန္တလေး ဈေးချိုဧရိယာဝန်းကျင်တွင် ကုန်တင်ကုန်ချယာဉ်များ ရပ်နားရန်နေရာနှင့် အဝေးပြေးယာဉ်လိုင်း မဝင်ရနေရာများ သတ်မှတ် မန္တလေးဈေးချိုတော် ဧရိယာဝန်းကျင်တွင် ကုန်တင်ကုန်ချယာဉ်များအား ၈၄ လမ်းမပေါ် ၂၆ လမ်းနှင့် ၂၈ လမ်း ကြားရှိ ရုံပေါက်ဝများတွင်သာ ကုန်တင် ကုန်ချပြုလုပ်ရန် ဇွန်လ ၁၃ ရက်က စသတ်မှတ်ခဲ့ပြီး အဆိုပါလမ်းပေါ်တွင် ယာဉ်နှစ်ထပ်ရပ်ခြင်း မပြုလုပ်ရန် ပညာပေးကာလ သတ်မှတ်ဆောင်ရွက်ခဲ့ရာ ဇူလိုင်လဆန်းမှစ၍ စည်းကမ်းဖောက် ယာဉ်များအား ဒဏ်တပ်အရေးယူမည် ဖြစ်ကြောင်း သိရပါတယ်။ '' မန္တလေး ဈေးချိုတော်တိုက်သစ် က မန်းမြန်မာပလာဇာတိုက်ထိ ကား ရှုပ်တဲ့အတွက် တစ်လမ်းမောင်းစနစ် သတ်မှတ်ပြီး ကုန်တင်ကုန်ချပြီးတာနဲ့ ချက်ချင်းထွက်ခွာခိုင်းတယ်။ မြို့တွင်း ယာဉ်လိုင်းတွေကိုလည်း သတ်မှတ်နေ ရာမှာရပ်ဖို့ ပညာပေး ဆောင်ရွက်နေတယ်။ အနှေးယာဉ်မဝင်ရ နယ်မြေ အဖြစ်လည်းသတ်မှတ်ထားတယ်။ ခုချိန် ထိ ပညာပေးကာလမှာ စည်းကမ်း ဖောက်ယာဉ် မတွေ့သေးဘူး၊ ဈေးချို တော် တိုက်သစ်ကြီးပတ်လည်ကိုတော့ အရင်ကတည်းက တစ်လမ်းမောင်းစနစ် သတ်မှတ်ထားတယ်''ဟု မန္တလေးမြို့ တော် စည်ပင်သာယာရေးကော်မတီ၊ဈေးဌာနမှ တာဝန်ရှိသူတစ်ဦးက ပြောပါတယ်။ အဝေးပြေးယာဉ်လိုင်း (မိုင် ၄ဝ)အထက် မော်တော်ယာဉ်များအား သစ် သီးပွဲရုံတန်းနှင့် ကိုင်းတန်းဈေးများသို့ ဝင်ခွင့်မပြုတော့ကြောင်း၊ မဟာအောင် မြေ ကားဝင်းမှ ၃၅ လမ်းအတိုင်းမောင်း ၍ ၈၅ လမ်းသို့ မောင်းနှင်နိုင်ကြောင်း၊ ၈၅ လမ်းအတိုင်း ၃၂ လမ်းအထိရောက် ရှိပါက အရှေ့ဘက် ၈၄ လမ်းသို့သာ မောင်းနှင်ရန် သတ်မှတ်ထားကြောင်း သိရပါတယ်။ ''အဝေးပြေး ယာဉ်တွေအနေနှင့် သစ်သီးပွဲရုံတန်းဘက်ကို အရင်ကဖြတ် မောင်းတော့ ကားပိတ်ဆို့ပြီး လမ်းရှုပ် တဲ့အတွက် ဈေးရောင်းဈေးဝယ်တွေ အတွက် အဆင်မပြေဘူး။ ၂၉ လမ်း၊ လမ်း ၃ဝ၊ ၃၁ လမ်းဘက်ဝင်တာတွေ့ ရင် ဒဏ်တပ်အရေးယူမယ်။ အခုလောလောဆယ် အခွန်ဌာန၊ဈေးဌာန၊ ယာဉ်ထိန်းနဲ့ မထသတို့ ပူးပေါင်းပြီးပညာ ပေးကာလ ဆောင်ရွက်နေတယ်လို့''ဈေးဌာနမှ တာဝန်ရှိသူတစ်ဦးက ပြောပါတယ်။ သစ်သီးပွဲရုံတန်းများမှာတော့ သစ် သီး အတင်အချကုန်တင်ယာဉ်များအား ယခင်အတိုင်း ကုန်တင်ကုန်ချ ပြုလုပ် နိုင်ကြောင်း သိရပါတယ်။ ဇူးဇူး
ရန်ကုန်မြို့ တစ်ပတ်အတွင်း မော်တော်ယာဉ်ဈေးနှုန်းများ စဉ် အမျိုးအစား/MDL အက္ခရာ ဈေးနှုန်း မှတ်ချက်၁။ စူဇူကီး (R+) ၁ဂ ၂၆၅/၂၇ဝ သိန်း၂။ စူဇူကီး (R-) ၇ခ ၁၂ဝ သိန်း ဓာတ်ဆီ၃။ စူပါဆလွန်း (86) လ၊ သ ၁၇၅ သိန်း၄။ စူပါဆလွန်း (90) ၃က ၂၂ဝ သိန်း၅။ ကိုရိုလာဗင် (92) က ၄၅ဝ သိန်း၆။ ကွန်ဖော့ဆလွန်း (စီအန်ဂျီ) ကက(အနီ) ၂၇ဝ သိန်း (COMFORT)၇။ မတ်ခ်တူး (90) (စီအန်ဂျီ) ကက(အနီ) ၂၈ဝ သိန်း၈။ တိုယိုတာ(ရာရစ်ဝက်ဂွန်) (2002) ၄ဂ ၅ဝဝ သိန်း (YARIS) ၉။ တောင်းအေ့(စ်) (စက်မှုဇုန်) ၈ဇ ၁၅ဝ သိန်း (97)၁ဝ။ တောင်းအေ့(စ်) (စက်မှုဇုန်) ၈စ ၂ဝ၅ သိန်း ပုဇင်းခေါင်း
အိမ်ခြံမြေကဏ္ဍစဉ် အိမ်/အခန်း တည်နေရာ အကျယ်အဝန်း ပါဝင်ပုံ ဈေးနှုန်း သီးခြားအချက် ဆက်သွယ်ရန်၁။ တိုက်ခန်း မင်္ဂလာတောင်ညွန့်မြို့နယ်၊ (၉၃)လမ်း (၁၃ထ၅ဝ)ပေ အခန်းဖွဲ့ပြီး ၁၅၅ သိန်း ၇ဝ၂၄ဝ၅၂။ တိုက်ခန်း မင်္ဂလာတောင်ညွန့်မြို့နယ်၊ (၉၁)လမ်း (၁၆ထ၅၅)ပေ အခန်းဖွဲ့ပြီး၊အခန်းသစ် ၁ .၈ သိန်း ၁လအငှားနှုန်း ၇ဝ၂၄ဝ၅၃။ တိုက်ခန်း မင်္ဂလာတောင်ညွန့်မြို့နယ်၊မြန်မာ့ဂုဏ်ရည်လမ်း (၂၀×၈၀)ပေ Hall မြေညီ၊ လမ်းမပေါ် ၇ သိန်း ၁လအငှားနှုန်း ၇ဝ၂၄ဝ၅၄။ အိမ်/မြေ ဒဂုံမြို့သစ်(မြောက်)၊ (၃၃)တိုးခဲျ့ကွက် (၄0x60)ပေ အိမ်ငယ်(၂)လုံးပါ ၂၈ဝ သိန်း မီတာပါ ဝ၉၇၃ဝ၇၇၉၄၃သန္တာလမ်း၊ ထောင့်ကွက်၅။ အိမ်/မြေ မြောက်ဥက္ကလာပမြို့နယ်၊ (၄၀×၆၀)ပေ အိမ်ငယ်(၂)လုံးပါ ၃၅ဝဝ သိန်း လမ်းမပေါ်၊ ဝ၉၇၃ဝ၇၇၉၄၃တံတားကြီးအဆင်း၊ သုဓမ္မာလမ်းမကြီး နောက်ဖက်ပေ၁ဝဝခန့်မြေပိုရှိ စီးပွားရေးလုပ်ရန်ကောင်း၆။ အိမ်/မြေ ဒဂုံမြို့သစ်(မြောက်)၊ (၃၂)ရပ်ကွက် (၄0x60)ပေ (၁)ထပ် ပျဉ်ထောင် ၂၆ဝ သိန်း အိမ်ကောင်း ဝ၉၇၃ဝ၈၂၉၁၄ပြည်သာယာ(၁)လမ်း ရေမီးစုံ၇။ အိမ်/မြေ တောင်ဥက္ကလာပမြို့နယ်၊ (၃၄/၃)ရပ်ကွက် (၃၀×၆၀)ပေ RC (၁)ထပ်၊ ၈၅ဝ သိန်း ရေမီးစုံ ၅၆၃ဝ၇ဝ၇ဝ ရာခိုင်နှုန်းပြီးစီး၈။ အိမ်/မြေ တောင်ဥက္ကလာပမြို့နယ်၊(၁၄/၂)ရပ်ကွက် (၄၀×၅၀)ပေ မြေသီးသန့်၊ ၁၅ဝဝ သိန်း အုတ်ခတ်ပြီး၊ ၅၆၃ဝ၇ဝထောင့်ကွက် အိမ်ရာစီမံကိန်းအကွက်၉။ တိုက်ခန်း မင်္ဂလာတောင်ညွန့်မြို့နယ်၊ (၁၃ထ၆ဝ)ပေ မြေညီ၊ ထောင့်ခန်း ၃၅ဝ သိန်း ဂျိုးဖြူလမ်းမကြီး ၇ဝ၂၄ဝ၅စံပြဖဆပလ ရပ်ကွက် ပြင်ဆင်ပြီး အနီး၁ဝ။ အိမ်/မြေ ပြင်ဦးလွင်မြို့၊မေတ္တာလမ်း မြေ(၅၀×၉၀)ပေ သစ်သားတစ်ထပ်အိမ် ၁ .၈ သိန်း စိုးစံပညာသင် ဝ၉၅၁၂ဝ၂၅၅(B) လမ်းသွယ် အိမ်(၃၅ထ၃၅)ပေ အိပ်ခန်း (၄)ခန်း ၁ လအငှားနှုန်း စခန်းအနီ
ဧရာဝတီတိုင်းဒေသကြီးပုသိမ်မြို့တွင် ရွှေစင်လမင်း စက်သုံးဆီရောင်းဝယ်ရေး ကုမ္ပဏီအသစ် ထပ်မံဖွင့်လှစ် ဧရာဝတီတိုင်းဒေသကြီး ပုသိမ်မြို့ ရဲ့ ပုဂ္ဂလိက စက်သုံးဆီဈေးကွက်တွင် ဧရာရွှေဝါကုမ္ပဏီ၊ Green Luck ကုမ္ပဏီ၊ New Day Energy Coporation၊ ကျော်စံကုမ္ပဏီများမှ အောက်တိန်း၊ ဓာတ်ဆီ၊ဒီဇယ်စက်သုံးဆီများကို ရောင်း ချပေးလျက်ရှိပါတယ်။ ဈေးကွက်စီးပွား ရေးစနစ်နှင့်အညီ ပုဂ္ဂလိက ကဏ္ဍများ ဖွံ့ဖြိုးလာချိန်တွင် စက်သုံးဆီဈေးကွက် ပိုမိုကျယ်ပြန့်လာစေရန်နှင့် ပြင်ပစက်သုံးဆီရောင်းဝယ်မှု လျော့နည်းသွားစေ ရန်အတွက်လည်း ပုသိမ်မြို့၊ မဟာ ဗန္ဓုလလမ်း၊ ဂေါက်ကွင်းအရှေ့တွင် ရွှေစင်လမင်း စက်သုံးဆီရောင်းဝယ်ရေး ကုမ္ပဏီဆိုင်သစ်ကို ၂ဝ၁၁ ခုနှစ် ဇွန်လ ၂၈ ရက်နံနက်ပိုင်းက ဖွင့်လှစ်ခဲ့ကြောင်း သိရပါတယ်။ ကုမ္ပဏီမှ အဆင့်မြင့် Premium ဒီဇယ် တစ်ဂါလန် ၃၉ဝဝ ကျပ်၊ အောက်တိန်း တစ်ဂါလန် ၃၅ဝဝ ကျပ်ဈေးနဲ့ နံနက် ၇ နာရီမှ ည ၇နာရီ အထိ ပိတ်ရက်မရှိ ရောင်းချပေးမည် ဖြစ်ကြောင်း သိရပါတယ။် မင်းမင်းဦီး