Background
ရန်ကုန်မြို့ တစ်ပတ်အတွင်း မော်တော်ယာဉ်ဈေးနှုန်းများ စဉ် အမျိုးအစား/MDL အက္ခရာ ဈေးနှုန်း မှတ်ချက်၁။ ဆူဇူကီး (R+) ၂ဂ ၃၁ဝ သိန်း၂။ ဆူဇူကီး (R-) ၂ဂ ၁၉ဝ သိန်း 2 တပေ၃။ ကိုရိုလာဗင် (89) ၉က ၂၈ဝ သိန်း CE-96၄။ ကိုရိုလာဗင်90 (l.5) ၅က ၂၆ဝ သိန်း ဓာတ်ဆီ၊ ကားကောင်း၅။ စူပါဆလွန်း (86) လ/သ/အ ၁၈ဝ သိန်း၆။ အက်စ်အီးလီမိတက် (88) ၅က ၂၇ဝ သိန်း၇။ တောင်းအေ့(စ်) စက်မှုဇုန် ၈ ခ ၂၂၅ သိန်း ကားကောင်း၈။ ဒဂုံဂျစ် ၇ ခ ၈ဝ သိန်း (ခေါင်မိုးအမာ)၉။ အေအမ်တီ (0.3) စက်မှုဇုန် စတိ ၁၈၅ သိန်း၁ဝ။ မက်(ခ်)တူး (99) ၄ ဂ ၈၁ဝ သိန်း
ထော်လာဂျီယာဉ်များလည်း ခေတ်နဲ့အမီ ပြင်ဆင်တိုးချဲ့ပြီး ဈေးကွက်ဝင်ရောက် မန္တလေးတိုင်းဒေသကြီး၊ မြို့နယ်နှင့် ကျေးရွာများမှာ မြို့တွင်းနဲ့ မြို့ပြင်ခရီးတို များ ကုန်ပစ္စည်းများ သယ်ဆောင်ရာမှာ လည်းကောင်း၊ ကျေးရွာများမှ မြို့ပေါ် သို့ ခရီးသည်နဲ့ ကုန်ပစ္စည်း တင်ဆောင် ရာမှာလည်းကောင်း၊ ထော်လာဂျီများ ကို နယ်အတော်များများမှာ အသုံးပြု လျက်ရှိကြောင်း တွေ့ရပါတယ်။ အဲဒီလို ထော်လာဂျီများကို အသုံးပြုရာမှာ ဂွတ် ဘရားသားမှထုတ်လုပ်တဲ့ အလယ်ထိုင် များကို လူကြိုက်များတာ တွေ့ရပါ တယ်။ မှန်ကာရိုးရိုးအလယ်ထိုင်နဲ့ ပုဇင်း ခေါင်းထော်လာဂျီတွေကတော့ ဟိုက် ဒရောလစ်ခ်ပါတဲ့အတွက် သဲ၊ ကျောက် တင်ဆောင်ရာမှာ ပိုမိုအသုံးပြုကြောင်း တွေ့ရပါတယ်။ ဂွတ်ဘရားသားကုမ္ပဏီ က လက်ငင်းငွေချေ ရောင်းချတဲ့ ဈေးနှုန်းကတော့ ယာဉ်ဖုန်း 15JY/ 18JYC ၂၂ သိန်း၊ ယာဉ်ဖုန်း 18Y/10မှန်ကာရိုးရိုး ဟိုက်ဒရောလစ်ခ်ပါ ကျပ် ၂၆ ဒသမ ၈သိန်း၊ ပုဇင်းခေါင်း(Model GBM-5) ဟိုက်ဒရောလစ်ခ်ပါ (Engine Model-ZH 1130 L 22.06 Kw) (24.05 KW) ဘော်ဒီအိမ်အကျယ် ၇ ပေ ၆ လက်မ x ၂ ပေ ၄ လက်မသိန်း ၆ဝ ဖြစ်ပြီး ကုန်တင်ကားရဲ့ ထော်လာဂျီ ဟိုက်ဒရောလစ်ခ်ပါ ကုန်ချိန် ၅ဝဝဝ Kg တင်ဆောင်နိုင်တဲ့ YFC -CZ 2105 H ၂၁ဝ၅ ံ ကို ၈၅ သိန်းဖြင့် အရောင်းအဝယ် ဖြစ်ကြောင်း သိရပါတယ်။ မြစ်သားတိုင် ကုန်တင်ထော်လာဂျီများမှာ အရွယ် အစား အင်ဂျင်ဘော်ဒီနဲ့ အောက်ပိုင်း ကရောင်းဂီယာအုံကြံ့ခိုင်မှုများအပေါ် မူတည်ပြီး ကျပ်သိန်း ၇၅ မှ ကျပ်သိန်း ၁ဝဝ အထိ ဈေးပေါက်လျက်ရှိကြောင်း လေ့လာသိရှိရပါတယ်။ တင်အေး
ဝါတွင်းကာလ မန်းအိမ်ခြံမြေဈေးကွက် အငှားသွက် ဝါတွင်းကာလ မန်းအိမ်မြေဈေးကွက်မှာ အရောင်းအဝယ်အေးပြီး အငှားသွက်လျက်ရှိကြောင်း သိရပါတယ်။ ''အိမ်ခြံမြေ ငှားရမ်းမှုက ဝါတွင်းဆိုပေမယ့် အရင်လို အယူသည်းတာမျိုးမရှိတော့ဘူး။ မန္တလေးအိမ်ခြံမြေက လူမျိုးခြားတွေ၊ တိုင်းရင်းသား တွေ လာငှားကြတာများတယ်။ မြို့တွင်းပိုင်းဆို တိုက်ခန်းအငှားလိုက်ပြီး၊ မြို့သစ်ဖက်မှာ လုံးချင်းအိမ်တွေ ငှားကြတယ်။ တစ်လကို သိန်း ၂ဝ တန်၊ ၁၅ သိန်းတန်အငှားလိုက်တယ်။ မြို့သစ်ကအဲဒီလောက်ဈေးမရှိဘူး။ မြို့တွင်းမှာ တိုက်ခန်းနည်းတော့ လမ်း ၆ဝ၊ ၇၈ လမ်း၊ လမ်း ၃ဝ ပေါ်က တိုက်ခန်းတွေပဲရှိတယ်။ မြို့တွင်းပင်မ လမ်းမကြီးပေါ်က တိုက်ခန်းတွေဆို တစ်လကိုငှားခ တစ်ခန်းကို သိန်း ၃ဝ နဲ့ သိန်း ၆ဝ ကြားမှာရှိတယ်။ မြို့သစ်ပိုင်းမှာ သိန်းဆယ်ဂဏန်းဝန်းကျင်၊ သောင်းဂဏန်းဝန်းကျင်လည်း ငှားကြတယ်။ နေရာအကျယ်အဝန်းနဲ့ နေရာ အနေ အထားပေါ်မူတည်ပြီး ငှားကြတာ''လို့ အိမ်ခြံမြေအကိုျးဆောင် ကိုလင်းက ပြောပါတယ်။ မန္တလေးအိမ်ခြံမြေဈေးကွက်တွင် အိမ်ခြံမြေအငှားနဲ့ပေါင်နံှခြင်းများလည်း များပြားလာကြောင်းသိရပါတယ်။ မြို့တွင်းပိုင်း တွင် အောင်တော်မူ၊ နယူးစီပီလိုင်းနဲ့ နန်းရှေ့ပိုင်း၊ မဟာဇေယျာဘုံရပ်ရှိ အိမ်ခြံမြေများကို အငှားများကြောင်း၊ မြို့သစ်ပိုင်း တွင် နေရာအနေအထားပေါ်မူတည်ပြီး နေရာအနံှ့ ငှားရမ်းမှုရှိကြောင်း သိရပါတယ်။ ဇူူးဇူူး
မန္တလေးမြို့ ၇ မြို့နယ်ရှိ စက်ရုံ၊ အလုပ်ရုံများ လျှပ်စစ်ဓာတ်အား ပြည့်ဝစွာရရှိနိုင်ရန် မြန်မာ့လျှပ်စစ်ဓာတ်အားလုပ်ငန်းမှ ၂ဝ၁၁ ခုနှစ်အတွင်း အကောင်အထည်ဖော်မည် မန္တလေး ခုနစ်မြို့နယ်တွင်း လျှပ်စစ်မီးနှင့် ရေသုံးစွဲမှု ပြည့်ဝစွာရရှိရန် ရပ်ကွက်များ၊ စက်ရုံ၊ အလုပ်ရုံများနဲ့ ရေတွန်းစက်ရုံများသို့ လျှပ်စစ်ဓါတ်အား ပြည့်ဝစွာထုတ်လွှတ်ပေးနိုင်ရန် မြောက်ပြင်ပင်မဓာတ်အားခွဲရုံကို တည် ဆောက်လျက်ရှိကြောင်း သိရပါတယ်။ မြောက်ပြင်ပင်မဓာတ်အားခွဲရုံတွင် ၂၃ဝ ကေဗွီဓာတ်အားလက်ခံသော ၁ဝဝ အမ်ဗွီအေ ထရန်စဖော်မာ နှစ်လုံး တည်ဆောက် လျက်ရှိပြီး၊ တည်ဆောက်ပြီးစီးပါက ၃၃ ကေဗွီရှိ ဓာတ်အား လိုင်း ကိုးလိုင်းဖြင့် ဓာတ်အားလိုင်း မိုင်ပေါင်း ၄၄ မိုင် ကို ဖြန့်ဖြူးပေးမှာ ဖြစ်ကြောင်း သိရပါတယ်။ မန္တလေးတိုင်းဒေသကြီး၊ ဒုတိယတိုင်းလျှပ်စစ်အင်ဂျင်နီယာ ဦးစိန်ဝင်းမြင့်က ''အခု မန္တလေးမြို့ပေါ်ရော စက်မှုဇုန်မှာပါ ၂၄ နာရီလျှပ်စစ်မီးပေး ထားတယ်။ မန္တလေးမြို့ပေါ်မှာ လျှပ်စစ်ဓာတ်အားသုံးစွဲမှု ပမာဏ ၁၃ဝ မဂ္ဂါဝပ်ကနေ ၁၅ဝ မဂ္ဂါဝပ်ကြားရှိတယ်။ မြောက်ပြင်ဓာတ်အားခွဲရုံပြီးရင် မီးအား အပြည့်အဝ ရရှိနိုင်မယ်။ ဓာတ်အား ပြတ်တောက်မှု၊ ပျောက်ဆုံးမှုက ခါတိုင်းထက်နည်းသွားမယ်။ လက်ရှိပေးနေတဲ့ ဓာတ်အားခွဲရုံ သုံးရုံအပြင် မြောက်ပြင်ဓာတ်အားခွဲရုံပြီးသွားရင် ခံနိုင်ဝန်အား လည်း ကောင်းသွားမှာဖြစ် တဲ့အတွက် တံခွန်တိုင်ဓာတ်အားခွဲရုံကို ခဏရပ်ပြီး၊ ခုထက်ဗို့အားကောင်းတဲ့ စက်တွေ ပြန်တပ်ဆင် သွားမယ်။ မြောက်ပြင်ဓါတ်အားခွဲရုံကနေ အရံအနေနဲ့ ၂ လိုင်းချန်ပြီး၊ ဧရာဝတီမြစ်ရေတင် စီမံကိန်းအတွက် သီးသန့်လွှတ်ပေးမယ်။ ၃၅ လမ်းက မလွန်ရေတွန်းစက်ရုံ အတွက်လည်း သီးသန့်လွှတ်ပေးမယ်။ ရေတွန်းစက်ရုံတွေက ရပ်ကွက်နဲ့အတူတူ ဓာတ်အားတစ်လိုင်းတည်း သုံးစွဲ ရတော့ အားမပြည့်တဲ့အတွက် ရေအပြည့်မမောင်းနိုင်ဘူး။ နွေရာသီဆို သုံးစွဲမှုများတော့ ရေအတွက်ရော၊ မီးအတွက် ရော အခက်အခဲဖြစ်တယ်။ ရေတွန်းစက်ကို တံခွန်တိုင်ဓါတ်အားခွဲရုံက ပေးရတော့ ဝေးတဲ့အတွက် မီးအားပြုတ်ကျသွားတာမျိုးဖြစ်တယ်။ ဒါကြောင့် ဒီနှစ်မကုန်ခင်မှာ ပြီးအောင် တည်ဆောက်မယ်ခန့်မှန်းတယ်။ ဓာတ်အားခွဲရုံ မှ နောက်ထပ်ဓာတ်အား လိုင်းတစ်လိုင်းကို အရန်အဖြစ်ချန်ထားပြီး နန်းတွင်းအတွက် ၃၃ ကေဗွီဓာတ် အား ထုတ်လွှတ်ပေး မယ်''လို့ ပြောပါတယ်။ မန္တလေးတိုင်းဒေသကြီး လျှပ်စစ်ဓာတ်အားလုပ်ငန်းမှ တံခွန်တိုင် ဓာတ်အားခွဲရုံ၊ အောင်ပင်လယ်ဓာတ်အားခွဲရုံ နဲ့ ရွှေစာရံဓာတ်အားခွဲရုံမှ မန္တလေးခရိုင်ရှိ ခုနစ်မြို့နယ်သို့ လျှပ်စစ်ဓာတ်အားဖြန့်ဖြူးပေးလျက်ရှိပါတယ်။ တံခွန်တိုင်ဓာတ်အားခွဲရုံမှ ၁၃၂ ကေဗွီဓာတ်အားလက်ခံတဲ့ ထရန်စဖော်မာ ၃ လုံးမှ ၁ လုံးစီ ၉ဝ ရာခိုင်နှုန်းရှိ ဓာတ်အားများ ထုတ်လွှတ်ပေး၍ ရွှေစာရံ ဓာတ်အားခွဲရုံမှ ၂၃ဝ ကေဗွီဓါတ်အားလက်ခံတဲ့ ထရန်စဖော်မာတစ်လုံးမှ ၈ဝ ရာခိုင်နှုန်းကျော် ဓာတ်အားထုတ်လွှတ်ပေးပြီး၊ အောင်ပင်လယ်ဓာတ်အား ခွဲရုံမှ ၁၃၂ ကေဗွီဓာတ်အား လက်ခံတဲ့ ထရန်စဖော်မာ နှစ်လုံးဖြင့် ၇၅ ရာခိုင်နှုန်းနီးပါး ဓာတ်အားထုတ်လွှတ်ပေးလျက်ရှိကြောင်း သိရပါတယ်။ အဆိုပါ ပင်မဓာတ်အားရုံ သုံးရုံမှ မန္တလေး ၇ မြို့နယ်သာမက မန္တလေးနဲ့ ဆက်စပ်လျက်ရှိတဲ့ ပြင်ဦးလွင်ခရိုင်၊ ကျောက်ဆည်ခရိုင်မြို့များ သို့လည်း ဓာတ်အားများ ထုတ်လွှတ်ပေးကြောင်း သိရပါတယ်။ ယခုတည်ဆောက်လျက်ရှိတဲ့ မြောက်ပြင်ဓာတ်အားခွဲရုံမှ ၃၃ ကေဗွီ ဓာတ်အားလိုင်း ၉ လိုင်း၊ ရွှေစာရံဓာတ်အားခွဲရုံမှ ဓာတ်အားလိုင်း တစ်လိုင်း၊ နန်းတွင်းအရံဓာတ်အားလိုင်း တစ်လိုင်း၊ မလွန် ရေတွန်းစက်ရုံ အတွက် အရံဓာတ်အားလိုင်း တစ်လိုင်း တည်ဆောက်ပြီးသွားရင် ယခုထက်ပို၍ ဓာတ်အားပြည့်ဝစွာ ဖြန့်ဖြူးပေးနိုင်မှာဖြစ်ကြောင်း သိရပါတယ်။ ဇူးဇူး
ရန်ကုန်မြို့ တစ်ပတ်အတွင်း မော်တော်ယာဉ်ဈေးနှုန်းများ စဉ် အမျိုးအစား/MDL အက္ခရာ ဈေးနှုန်း မှတ်ချက်၁။ ဆူဇူကီး (R+) ၂ဂ ၂၈ဝ သိန်း၂။ ဆူဇူကီး (R-) ၂ဂ ၁၆ဝ သိန်း ၂ တပေ၃။ ဆူဇူကီး (R+) ၅ခ ၂၂ဝ သိန်း ကားကောင်း၄။ မတ်(ခ်)တူး (92) ၉က ၃၈ဝ သိန်း ဘောင်ပါ၊ ကားကောင်း၅။ စူပါဆလွန်း (87) ၇က ၂၁ဝ သိန်း၆။ စူပါဆလွန်း (90) ၁က ၂၄ဝ သိန်း၇။ ကိုရိုလာဗင် (90) ၂က ၂၅၅ သိန်း ၁ .၅ ဓာတ်ဆီ၈။ မြန်မာမီနီဆလွန်း (2011) ၆ဂ ၁၇၅ သိန်း၉။ တောင်းအေ့(စ်) စက်မှုဇုန် ၈က ၁၄ဝ သိန်း ၉၇၁ဝ။ တောင်းအေ့(စ်) စက်မှုဇုန် ၈ဂ ၂၂၅ သိန်း ပုဇင်းခေါင်း
ချိတ်ရက်ကန်းထည်မှ လက်ရေးပန်းချီထည်များကို ပြောင်း၍လုပ်ကိုင်သူများ အမရပူရမြို့နယ်၊ တောင်မြို့ရှိ ချိတ်ရက်ကန်းရက်သူများမှာ လက်ရေး ပန်းချီထည်များကိုပြောင်း၍ လုပ်ကိုင် သူများလာကြောင်း သိရပါတယ်။ ''လက်ရေးပန်းချီထည် ခေတ်စား လာတာ ၅ နှစ်လောက်ရှိပြီး၊ လက်ရေး ပန်းချီထည်ကနေရာ၊ အချိန်အခါမရွေး ဝတ်ဆင်တဲ့သူများလာသလို ပန်းချီ အထည်ဆွဲရတာလည်း မြန်တယ်။ လက်ခလည်း များများရတော့ ရက် ကန်းရက်တဲ့ အလုပ်သမားတွေက ပန်းချီထည်ဘက်ကိုပြောင်းပြီး လုပ်ကိုင် ကြတယ်။ ဒီနှစ်ထဲမှာ ပိုပြီးအဝတ်များ လို့ ပြောင်းလုပ်ကိုင်တဲ့သူ များလာတယ်။ အစ်မဆီမှာ ဒီနှစ်ဆို ချိတ်ရက်ထည် သင်ဖို့လာအပ်တဲ့သူ နည်းလာတယ်။ အရင်နှစ်တွေကဆို ၄ တန်းအောင်၊ နွေရာသီကျောင်းပိတ်ရက်ဆို ကလေး တွေလာအပ်ကြတယ်။ အခုကျတော့ ချိတ်ရက်တဲ့ အလုပ်သင်မရှိသလောက် ဖြစ်သွားပြီ။ ချိတ်ထည်က အလှူပွဲ၊ မင်္ဂလာပွဲအတွက် ရက်လုပ်ရတယ်။ တစ်နှစ်ပတ်လုံး အလုပ်တော့ မပါးဘုူူး။ ခုဆို ဝါတွင်းကာလပေမယ့် သီတင်း ကျွတ်ရာသီအတွက် အခုကတည်းက ရက်လုပ်ထားရတယ်။ ချိတ်ထည် တစ်ထည်ကို လွန်း ၁ဝဝ ချိတ်က ရက် ၂ဝ နဲ့ ၂၅ ရက်ကြာပြီး၊ လွန်း ၂ဝဝ ချိတ် က တစ်လလောက်ကြာတယ်။ အထည် များများရဖို့ကို အခုကတည်းကရက်မှ ရာသီပွဲတွေအမှီရတာ။ ခုကျ အလုပ် သမားမရှိသလောက်ဖြစ်တော့ ချိတ် ရက်ထည်တတ်တဲ့သူ နည်းသွားမှာ စိုးရတယ်''လို့ သိင်္ဂီကျော်ချိတ်ရက်ကန်း မှ မမေသြင်္ကန်က ပြောခဲ့ပါတယ်။ တောင်မြို့ ချိတ်ရက်ကန်းထည်များကို တစ်နှစ်ပတ်လုံး ရက်လုပ်မှုရှိ၍ အသက်မွေးဝမ်းကျောင်းပညာ တစ်ရပ် အနေဖြင့် နွေရာသီ ကျောင်းပိတ်ရက် တွင်ကလေးများမှာ ချိတ်ရက်ကန်း ရက်လုပ်ခြင်း၊ ချည်မျှင်ကျစ်၊ ပိုးကျစ်ခြင်း၊ ပိုးချည်ဆေးဆိုးခြင်း လုပ်ငန်းများ၌ ပညာသင်ရင်း ဝင်ရောက်လုပ်ကိုင်လာ ကြပါတယ်။ လတ်တလောတွင် ခေတ် စားလျက်ရှိတဲ့ ပန်းချီလက်ရေး အထည်များမှာ ပညာသင်ကာလ ၃ လတာကြာပြီး၊ တစ်ရက်လျှင် လုပ်အား ခ ကျပ် ၄ဝဝဝ ကျပ်၊ ၅ဝဝဝ ကျပ်နီးပါး ရရှိကြောင်း၊ ချိတ်ရက်ထည်မှာ ပညာ သင်ကာလ ၂ နှစ်၊ ၃ နှစ်နီးပါးကြာမြင့် ၍ တစ်ရက်လျှင် လုပ်အားခ ကျပ် ၂၅ဝဝ၊ ၃ဝဝဝ သာရရှိ၍ အလုပ်သမား များ ပြောင်းလဲလုပ်ကိုင်လာခြင်းကြောင့် နောက်ပိုင်းတွင် ချိတ်ရက်တတ်သူ နည်း လာနိုင်ကြောင်း၊ ဒီဇိုင်းအသစ်အဆန်း ထွက်ရှိမှုနည်းလာနိုင်ကြောင်း ရက်ကန်း ရုံ လုပ်ငန်းရှင်များမှ သုံးသပ်ကြပါတယ်။ ဇူးဇူး
မန်းမြေဈေး တန်ဖိုးမြင့်လာ၍ ကွန်ဒိုများဆောက်လုပ်ရန် ခြေလှမ်းပြင် မန္တလေးမြေဈေးမှာ တစ်နှစ်ထက်တစ်နှစ် တန်ဖိုးမြင့်တက်လာခြင်းကြောင့် ကွန်ဒိုများဆောက်လုပ်ရန် စတင်နေပြီဖြစ်ပါတယ်။ Naing Groupမှ စီမံဒါရိုက်တာ ဒေါ်ခင်အေးမြင့်က '' ဒီနှစ်ထဲမှာ မြေဈေးကတက်လာတော့ ရန်ကုန်မှာရောင်းနေတဲ့ ကွန်ဒိုတွေကို မန္တလေး၊ မြစ်ကြီးနား နယ်ဘက်ကလာဝယ်ကြတယ်။ ကွန်ဒိုဝယ်ပြီးနေတဲ့ သူလည်းရှိသလို ဈေးတက် လာတဲ့အတွက် ကုမ္ပဏီက အရစ်ကျနဲ့ရောင်းပေးတော့ အမြတ်ရရင် လက်လွဲှပြန် ရောင်းကြတာလဲရှိတယ်။ အရင်ကဆို ကား၊ ရွှေဘက်မှာ ရင်းနှီးမြှုပ်နံှမှုလုပ်ကြတာ။ ခုနောက်ပိုင်းမှာ မြေဘက်မှာ ရင်းနှီးမြှုပ်နံှမှုလုပ်ကြတယ်။ ငွေအကျေချေစရာမလိုဘဲ အရစ်ကျပေးသွားရတဲ့အတွက် စိတ်ဝင်စားကြတယ်။ မန္တလေးဘက်က ဒေသနဲ့ကိုက် ညီမှုရှိအောင် ဈေးကွက်က ကြိုက်မဲ့ပုံစံဖြစ်အောင်လေ့လာပြီးဆောက်လုပ်မယ်'' လို့ ပြောပါတယ်။ မြေပိုင်ရှင်များအနေနဲ့ အကျိုးတူပူးပေါင်းဆောင်ရွက်နိုင်ကြောင်း Customer စိတ်တိုင်းကျညှိနှိုင်း၍ ဆောက်လုပ်မှုပြုလုပ်ပေးမည်ဖြစ်ကြောင်း၊ ရန်ကုန်မြို့မှ ကွန်ဒို တိုက်ခန်းများ ဝယ်ယူလိုပါက ၇၈လမ်းတွင် Show Room ဖွင့်၍ Naing Group မှ ဆောင်ရွက်ပေးလျက်ရှိကြောင်း သိရပါတယ်။ ကွန်ဒိုတိုက်ခန်းများမှာ တည်နေရာ နှင့် တိုက်ခန်းတွင်ပါဝင်သည့် အသုံးအဆောင်နှင့် ဝန်ဆောင်မှုပေါ်မူတည်၍ တစ်ခန်းလျှင် သိန်း ၆ဝဝ ကျပ်နှင့် သိန်း ၃ဝဝဝ ကျပ်ဖြင့် အရောင်းအဝယ်ရှိကြောင်း သိရပါတယ်။ ဇူးဇူး
ရန်ကုန်မြို့ တစ်ပတ်အတွင်း မော်တော်ယာဉ်ဈေးနှုန်းများ စဉ် အမျိုးအစား/MDL အက္ခရာ ဈေးနှုန်း မှတ်ချက်၁။ ဆူဇူကီး (R+) ၃ဂ/၄ဂ ၃၁ဝ သိန်း၂။ ဆူဇူကီး (R-) ၂ဂ ၁၈၅ သိန်း ၂ တပေ၃။ ဆူဇူကီး (R+) ၇ခ/၉ခ ၂၇ဝ သိန်း/၂၉ဝ သိန်း၄။ စူပါဆလွန်း (86) သ ၁၇ဝ သိန်း၅။ စူပါဆလွန်း (86) ၅က ၂၁ဝ သိန်း၆။ မြန်မာဖိုနီ (2011) ၆ဂ ၁၉ဝ သိန်း၇။ တိုယိုတာအက်ဗန်းဇစ် (2005) ၆ဂ ၈ဝဝ သိန်း၈။ မတ်(စ်)တူး (99) ၄ဂ ၈ဝဝ သိန်း၉။ မတ်(စ်)တူး (2002) ၄ဂ ၁၁ဝဝ သိန်း၁ဝ။ ဆန်နီပစ်ကပ် (82) န ၉ဝ သိန်း