ပြည်ခရိုင်အတွင်းရှိ တန်ဖိုးမြှင့်ထုတ်ကုန်လုပ်ငန်းများ

မြန်မာနိုင်ငံအနေဖြင့်MSME လုပ်ငန်းများ ဖွံ့ဖြိုးတိုး တက်စေရန်အတွက် စားသုံးဆီထုတ်လုပ်မှု၊ ဆန်နှင့် ဆန်ကွဲ ကို အခြေခံသည့် ထုတ်လုပ်မှု၊ ပီလောပီနံကို  အခြေခံသည့် ထုတ်လုပ်မှု၊  ရော်ဘာကို  အခြေခံသည့်  ထုတ်လုပ်မှု၊ ဝါကို အခြေခံသည့်  ထုတ်လုပ်မှု၊ ကော်ဖီနှင့် လက်ဖက်ကို အခြေခံ သည့် ထုတ်လုပ်မှု၊ သစ်၊ ဝါး၊ ကြိမ်များကို အခြေခံသည့် ထုတ် လုပ်မှု၊ တိရစ္ဆာန် အစားအစာ ထုတ်လုပ်မှု စသည့်လုပ်ငန်းများ စွာရှိကြသည်။
ပြည်ခရိုင်အနေဖြင့် စားသုံးဆီထုတ်လုပ်မှုမှာ ပဲဆီနှင့်  နှမ်းဆီကို အဓိကထား၍ ကြိတ်ခွဲထုတ်လုပ်ကြသည်။ ဆီစက် အရေအတွက်မှာ အကြီး၊ အငယ်၊ အလတ် စသည်ဖြင့် ဆီစက် ပေါင်း ၄၃ စက်ရှိသည်။ ထိုစက်များမှ ကုန်ကြမ်းပစ္စည်း ရလျှင် ရသလို  ဆီများ ကြိတ်ခွဲလည်ပတ်လျက်ရှိသည်။  ထို့အပြင် စွန့်ပစ်ပစ္စည်းဖြစ်သော ဖွဲနုကို တန်ဖိုးမြှင့်ထုတ်ကုန်  ဖွဲနုဆီ များထုတ်လုပ်ရောင်းချလာ နိုင်မည်ဆိုလျှင်လည်း ပြည်တွင်း စားသုံးဆီအဖြစ် တစ်ထောင့်တစ်နေရာမှ အထောက်အကူပြု မည်ဖြစ်သည်။ ဆန်နှင့် ဆန်ကွဲကို  အခြေခံ ထုတ်လုပ်သည့် ဆန်မရွေးလုပ်ငန်း ငါးခုရှိပြီး လိုအပ်သည့် ကုန်ကြမ်းဖြစ်သော ဆန်နှင့်ဆန်ကွဲများအား ဆန်စက်များမှဝယ်ယူပြီး သန့်ရှင်း လတ်ဆတ်စွာ ထုတ်လုပ်၍ ရောင်းချနိုင်ကြောင်း သိရသည်။ 
သစ်၊ ဝါး၊ ကြိမ်ကို အခြေခံ၍ထုတ်လုပ်သော လုပ်ငန်း များအနေဖြင့် ပြည်ခရိုင် ရွှေတောင်မြို့နယ် ကိုးတွင်းစဉ် ကျေးရွာတွင် ဝါး၊ ကုလားထိုင် ထုတ်လုပ်သည့် လုပ်ငန်းများ ရှိပြီး ရွှေတောင်မြို့တွင်  မြန်မာ့ရိုးရာ ချည်ထည်လုပ်ငန်းများ နှင့် စည်းလုံချည်များ ရက်လုပ်ခြင်းကို စက်ရက်ကန်း၊ လက် ရက်ကန်းများနှင့် ထုတ်လုပ်ရောင်းချကြသည်။ 
တိရစ္ဆာန်အစားအစာ ထုတ်လုပ်သည့် လုပ်ငန်းများ အနေဖြင့် ပြည်ခရိုင် ပြည်မြို့ စက်မှုဇုန်တွင် အစာစပ်စက်ရုံ နှစ်ရုံရှိပြီး ထိုစက်ရုံများမှလည်း တိရစ္ဆာန်အစားအစာများကို ထုတ်လုပ်ရောင်းချလျက်ရှိသည်။  လိုအပ်သည့်  ကုန်ကြမ်း ပစ္စည်းဖြစ်သည့် ဆန်ကွဲ၊ ဖွဲနု၊ ပဲဖတ်နှင့် နှမ်းဖတ်များကိုလည်း ဆန်စက်များနှင့် ဆီစက်များမှလည်း ဝယ်ယူကြိတ်ခွဲ ထုတ် လုပ်ကြသည်။ ပြည်ခရိုင်အနေဖြင့် လယ်ယာ/ကိုင်းကျွန်းများ မှ ထွက်ရှိသော ပဲကြီး၊ ကုလားပဲနှင့် မြေပဲတို့ကို တန်ဖိုးမြှင့် ထုတ်ကုန်အဖြစ် ပဲကြော်လုပ်ငန်း၊ ကုလားပဲကြော်လုပ်ငန်း၊ ကုလားပဲခွဲစက်လုပ်ငန်း၊  မြေပဲလှော်လုပ်ငန်းတို့ဖြင့် ထုတ် လုပ်ရောင်းချလျက်ရှိသည်။ ထို့အပြင် သား၊ ငါး ထွက်ကုန်များ ကိုလည်း  ဆီသွတ်ဘူးများ  ထုတ်လုပ်၍ ရောင်းချနိုင်ရေး ဆောင်ရွက်လျက်ရှိသည်။
ထို့ကြောင့် ြှနြ လုပ်ငန်းများဖွံ့ဖြိုးတိုးတက်စေရေး အတွက် လုပ်ငန်းရှင်များ၏ တန်ဖိုးမြှင့် ထုတ်လုပ်ထားသော ထုတ်ကုန်ပစ္စည်းများအားလည်း လူအများသိရှိစေရန်အတွက် ကုန်စည်ပြပွဲများ၊ ပြိုင်ပွဲများပြုလုပ်၍ ဆုများချီးမြှင့်ပေးခြင်း၊ နည်းပညာများ ဖြန့်ဝေပေးခြင်း၊ ငွေကြေးဆိုင်ရာများအား အထောက်အပံ့ပေးခြင်းများ  ပြုလုပ်ခြင်းများအပြင် ဈေး ရောင်းပွဲတော်များ၊ ပြပွဲနှင့်ပြိုင်ပွဲများကိုလည်း နိုင်ငံ၏အထိမ်း အမှတ်နေ့များတွင် ကျင်းပပြုလုပ်ကြသည်။ ထိုသို့ ြှနြ ထုတ်ကုန်ပြပွဲနှင့် ပြိုင်ပွဲ ကျင်းပပြုလုပ်ရခြင်း၏ ရည်ရွယ်ချက် မှာ တိုင်းဒေသကြီး၊ ပြည်နယ်အသီးသီးရှိ ြှနြ လုပ်ငန်းများ ပူးပေါင်းဆောင်ရွက်မှု တိုးပွားလာစေပြီး ကုန်ထုတ်လုပ်မှု ကွင်းဆက်တစ်လျှောက်   ဒေသတစ်ခု၏   လိုအပ်ချက်ကို အခြားဒေသမှ ဖြည့်ဆည်းလာရန်နှင့် အားသာချက်၊ အား နည်းချက်များကို သိမြင်ဖော်ထုတ်စေရန်၊ ထုတ်ကုန်ပစ္စည်း များသည် ဈေးနှုန်းတူပါက ပစ္စည်းကောင်းရန်၊ ပစ္စည်းချင်း တူပါက အရည်အသွေးပိုကောင်းရန် ထုတ်လုပ်သည့် လုပ် ငန်းရှင်များအနေဖြင့် လိုအပ်ချက်များကို သိမြင်ဆောင်ရွက် လာစေရန်၊ ဒေသတစ်ခု ထုတ်ကုန်တစ်ခုအစီအမံများ အောင် မြင်စေရေးအတွက် အားပေးမြှင့်တင်ရန်၊MSME လုပ်ငန်း များ၏ ထုတ်ကုန်နှင့်  ဝန်ဆောင်မှုများကို စဉ်ဆက်မပြတ် မြှင့်တင်နိုင်စေရန်နှင့်  တန်ဖိုးမြှင့်  ထုတ်ကုန်အသစ်များကို ပြည်ပသွင်းကုန် အစားထိုးအဖြစ် ပြည်တွင်းမှ ပိုမိုသုံးစွဲရန်နှင့် ပြည်ပသို့ ဈေးကွက်ချဲ့ထွင်နိုင်ရန်၊MSME လုပ်ငန်းများနှင့် ပြည်တွင်း၊ ပြည်ပ ရင်းနှီးမြှုပ်နှံသူများ ပိုမိုချိတ်ဆက် ပူးပေါင်း ဆောင်ရွက်လာစေရန်၊ ပြည်ထောင်စုအဆင့် အသိအမှတ်ပြုMSME စံပြထုတ်ကုန်ဆုများပေးအပ်နိုင်စေရန်နှင့်MSME လုပ်ငန်းများရေရှည်ရပ်တည်နိုင်ရေး ကူညီပံ့ပိုးဆောင်ရွက် ပေးရန်တို့ဖြစ်သည်။ 
တန်ဖိုးမြှင့်ထုတ်လုပ်ထားသော ကုန်စည်များကို ပြည် တွင်းစားသုံးမှုသာမက ပြည်ပနိုင်ငံများသို့လည်း  ဈေးကွက် ထိုးဖောက်နိုင်လျှင်  ပြည်ပဝင်ငွေများ ရရှိလာနိုင်မည်ဖြစ် သည်။  
သို့ဖြစ်၍ အသေးစား၊ အငယ်စား၊ အလတ်စား ြှနြ လုပ်ငန်းများကို ဖွံ့ဖြိုးတိုးတက်အောင်‌ ဆောင်ရွက်နေခြင်းဖြစ် သည်။                              

ဝေဝေမင်း (ပြည်)