အမေရိကန်မှာ ရာသီဥတုပူပြင်းခြောက်သွေ့မှုကြောင့် ပြောင်းအထွက်နှုန်း ကျဆင်းကာ ဈေးကွက်တွေမှာ ကုန်စည်ဈေးနှုန်း မြှင့်တင်နိုင်တဲ့အပေါ် စိုးရိမ်မှု တွေကြောင့် ကမ္ဘာ့စားသောက်ကုန်ဈေးနှုန်းများ ၃ လအတွင်း ဆက်တိုက် ကျဆင်း ခဲ့ရာမှ ဇူလိုင်မှာ ပြန်လည်မြင့်တက်ဖွယ်ရှိတယ်လို့ ဇူလိုင်လ ၅ ရက်နေ့မှာ  FAO  မှ ဆိုပါတယ်။ ရာသီဥတု ဆိုးဝါးခြင်းကြောင့် သီးနှံအထွက်ကျဆင်းမှုအလားအလာ ရှိပြီး၊ အမေရိကန်မှာ ပြောင်းကအထွက် ကျဆင်းနိုင်တဲ့အတွက် ကုန်စည်ဈေးများ မကြာခင်ကစပြီး တစ်ဖန်ပြန်မြင့်တက်လာတယ်လို့  FAO မှ ဆိုပါတယ်။ ဒါကြောင့် ယခုလအတွင်း  FAO  ရဲ့ စားနပ် ရိက္ခာ ဈေးနှုန်းညွှန်းကိန်း မြင့်တက်လာဖွယ်ရှိနေ တယ်လို့ ဆိုပါတယ်။

    ဇွန် ၂၄ ရက်မှ ၃၀ ရက်ထိကာလအတွင်း ပင်လယ်ရေကြောင်းမှ ပြောင်း တင်ပို့မှုမရှိဘူးလို့ သိရပါတယ်။ ယခင်အပတ်ကလည်း စတိသာတင်ပို့မှုရှိခဲ့ပါတယ်။ တရုတ်နယ်စပ်ကတော့ တန် ၈၀၀၀ နီးပါးတင်ပို့မှုရှိတယ်လို့ သိရပါတယ်။ FOB (ရန်ကုန်)ဈေး ကတော့ ပြောင်းလဲမှုမရှိဘဲ တစ်တန်ကို ဒေါ်လာ (၂၇၅-၂၉၅) ဈေး ပေါက်တယ်လို့ သိရပါတယ်။                                KZW                                                                         

    ဒီတစ်ပတ်ရှမ်းနနွင်းကို မန္တလေးဝယ်လက်တွေ ဝယ်ယူ နေတာကြောင့် ပုံမှန်အရောင်းအဝယ်ဖြစ်နေပါတယ်။ မန္တလေးဝယ်လက်တွေကအောင်ပန်းဈေးကွက်မှာ ဆင် တောင်နနွင်းကိုအဓိကဝယ်ယူနေပေမယ့် ပင်လောင်းစတွေကို လည်းဈေး နည်းတာကြောင့် ဝယ်ယူမှုရှိနေတယ်လို့လည်း သိရပါတယ်။ ရိုးရိုးနနွင်းတွေကိုတော့ ဈေးပတ် သမားတွေက ဝယ်ယူနေတယ် လို့လည်း ဆိုပါတယ်။ အောင်ပန်းဈေးကွက် မှာ ပင်လောင်းနနွင်းက တစ်ပိဿာ ၃၅၀ ကျပ် - ၃၆၀ ကျပ်ဈေးရှိပြီး၊ ရိုးရိုးနနွင်းက ၆၀၀ ကျပ်ပတ်ချာလည်လောက် သာရှိပါတယ်။ ဆင်တောင်နနွင်းကတော့ အရင်ပတ်တွေ ကထက် ဈေးနည်းနည်းတက်လာပြီး၊ တစ်ပိဿာ ၁၀၀၀ ကျပ် - ၁၁၀၀ ကျပ်ဈေးရှိတယ်လို့ သိရပါတယ်။

    ပြည်ပကို ပင်လယ်ရေကြောင်းကုန်သွယ်မှုလမ်းမှ နနွင်း ၁၆ ဒသမ ၅ တန် ကိုဒီတစ်ပတ်ဖြစ်တဲ့ ဇွန် ၂၄ ရက်မှ ၃၀ ရက်နေ့တာကာလအတွင်း ထိုင်းနိုင်ငံကို တင်ပို့နိုင်ခဲ့ပါတယ်။ ယခင်သီတင်းပတ် တန် သုံးဆယ်တင်ပို့နိုင်ခဲ့လို့ ဒီတစ်ပတ်မှာ နနွင်းတင်ပို့မှုလျော့ခဲ့ပါတယ်။ လချုပ်အနေနဲ့ကြည့်မယ်ဆိုရင် ဇွန်လနနွင်းတင်ပို့မှု က ၇၆ ဒသမ ၄၆ တန်ရှိခဲ့ပြီး မေလတင်ပို့မှုက ၁၀၂ ဒသမ ၉၈ တန်ရှိခဲ့တာကြောင့် ဇွန်လမှာ နနွင်းတင်ပို့မှု ၂၆ ဒသမ ၅၂ တန်လျော့နည်းပြီး တင်ပို့နိုင်ခဲ့ပါတယ်။ FOB ဈေးက တစ်တန်ကို ကန်ဒေါ်လာ ငါးရာဝန်းကျင်ရရှိခဲ့လို့ စုစုပေါင်းပို့ကုန် ဝင်ငွေကန်ဒေါ်လာ ရှစ်ထောင့်နှစ်ရာကျော်ရရှိခဲ့ပါတယ်။   MIRT(DOT)